夫婦情感

跳至

首頁
1

尾頁
   0


民房

積分: 30


1#
發表於 09-7-17 15:27 |只看該作者
同老公拍左拖之後幾年就結婚, 結左婚都7年囉, 雖然中間都會有嘈交, 不過有時一個人靜靜地想下, 覺得老公真係好好.

我自問唔靚, 又冇身材, 學歷又冇, 仲脾氣唔多好, 但係老公都好鍚我.

佢從來都唔會講咩甜言蜜語, 有時叫佢整句好聽既黎霖下我, 佢就會e e or or ar ar, 咩都講唔出.

不過佢會聽我講野, 好似好朋友咁, 有時我同佢講: 呀, 好想去邊度食野, 佢就會隔一兩日, 一可以準時收工, 就自動自覺提我, 你之前想話去邊度食野, 我地今日去囉, 好唔好呀? 總之, 佢會盡量去滿足我既願望.

咁當然, 我從來冇要求過要d咩好貴既野, 有時只不過係想去食韓燒, 又或者飲佢沖既利賓納, 都係一d好少既要求, 不過佢會記得, 又會真係買俾我, 我就覺得好心甜.

佢返工已經好辛苦, 好多野做, 但係佢放左工就會即刻返屋企, 幫我手做家務, 一齊食飯, 睇下電視, 等我瞓左上沙發睇劇, 佢先去玩電腦.

所以, 我真係覺得, 嫁左俾佢, 真係我人生之中最大既成就.

sis們, 你地都要努力呀, 有時老公返工辛苦, 等佢放工返黎, 整條熱毛巾佢抺下面, 買d佢鐘意食既水果, 切定粒粒俾佢食, 佢玩緊電腦, 又可以去幫佢倒杯水俾佢飲, 星期六日, 唔想出街, 又可以o係屋企幫佢按摩, 等佢瞓返個晏瞓.

總之, 你對佢好, 佢都會睇得到, 會對你更加好.

大家加油呀


伯爵府

積分: 16607


2#
發表於 09-7-17 15:30 |只看該作者


你好幸福呀.


伯爵府

積分: 15461

醒目開學勳章 畀面勳章 環保接龍勳章 大廚勳章


3#
發表於 09-7-17 15:39 |只看該作者
係, 我老公都係一個唔識甜言蜜語既人, 平時佢忙到半條人命, 我而家大肚腳抽筋左幾次, 琴晚佢捉住我對腳話幫我按, 點知佢好似神打咁係咁用手掌劈我對小腿, 我忍住笑同痛(因為佢個樣好認真), 跟住仲搵個枕頭墊起我對腳叫我訓, 之前佢d壞習慣同壞脾氣我都嬲唔落了


洋房

積分: 356


4#
發表於 09-7-17 15:44 |只看該作者
so sweet~我朋友個老公都好好,平日會幫手做家務外,仲會記得佢地兩個人既紀念日,然後諗好多計仔和老婆慶祝......所以朋友一傾起老公,個樣就特別甜!

我老公都很好,雖然佢有時忙到陪唔到我,但放假就會和我周圍去,並煮我鍾意食既野,所以我都覺得自己好幸福~


子爵府

積分: 12053

2024年龍年勳章 好媽媽勳章 醒目開學勳章 環保接龍勳章


5#
發表於 09-7-17 15:45 |只看該作者
替妳高興


珍珠宮

積分: 30278

環保接龍勳章 hashtag影視迷勳章


6#
發表於 09-7-17 15:49 |只看該作者
好開心好幸福呀
一個人之所以快樂,不是因為她擁有得多, 而是因為她計較得少


複式洋房

積分: 264


7#
發表於 09-7-17 15:50 |只看該作者
原帖由 NokNokB 於 2009-7-17 15:45 發表
替妳高興


大宅

積分: 3763


8#
發表於 09-7-17 15:56 |只看該作者
我老公都好好,做人有交帶,約左朋友如果我都識既又會帶埋我去,如果唔識既都係一早安排好,唔會塞驚無神玩失踪;平日亦會幫我手一齊做家務,我好多朋友結左婚佢地老公都係印印腳乜都唔做係度做大爺咁,所以呢樣我好自豪,亦覺得老公好錫我!

生活雖然平淡,但好幸福


複式洋房

積分: 436


9#
發表於 09-7-17 18:18 |只看該作者
KEEP 住啊~ 懂得欣賞對方係好重要架~


瑪瑙宮

積分: 137077


10#
發表於 09-7-17 22:12 |只看該作者
多謝您的分享和鼓勵.


複式洋房

積分: 398


11#
發表於 09-7-17 22:19 |只看該作者
我都有個好好的老公, 都覺得嫁比佢係一大成就, 成日放在心裏都無機會講, 怕人話晒命, 今日終於可以同你們分享啦, "我好幸福呀"!!!


男爵府

積分: 9368

好媽媽勳章 醒目開學勳章 畀面勳章


12#
發表於 09-7-17 22:59 |只看該作者
sis們, 你地都要努力呀, 有時老公返工辛苦, 等佢放工返黎, 整條熱毛巾佢抺下面, 買d佢鐘意食既水果, 切定粒粒俾佢食, 佢玩緊電腦, 又可以去幫佢倒杯水俾佢飲, 星期六日, 唔想出街, 又可以o係屋企幫佢按摩, 等佢瞓返個晏瞓.

總之, 你對佢好, 佢都會睇得到, 會對你更加好.


i know my husband works very hard..but i still complain that he doesnt spent much time with us...but i will try ur suggestions...thank you


複式洋房

積分: 253


13#
發表於 09-7-17 23:43 |只看該作者
原帖由 CCMamiMami 於 09-7-17 22:19 發表
我都有個好好的老公, 都覺得嫁比佢係一大成就, 成日放在心裏都無機會講, 怕人話晒命, 今日終於可以同你們分享啦, "我好幸福呀"!!!


昔日曾經我都好幸福!不過因99關係已經消失得無疾而終!


禁止訪問

積分: 83


14#
發表於 09-7-18 00:20 |只看該作者
提示: 作者被禁止或刪除 內容自動屏蔽


珍珠宮

積分: 38742

我的育兒心得勳章 好媽媽勳章 醒目開學勳章 畀面勳章 環保接龍勳章


15#
發表於 09-7-18 00:27 |只看該作者


洋房

積分: 399


16#
發表於 09-7-18 00:30 |只看該作者
樓主好幸福,sweet sweet


民房

積分: 30


17#
發表於 09-7-18 11:08 |只看該作者
真係好開心, 原來好多sis都有一個好老公:)

其實有一個好老公, 真係一件好開心既事, 我覺得唔需要太低調, 怕俾人話哂命, 因為如果你地調返轉去諗, 有一日, 你地無意中知道老公原來一直都同人講, 娶左你呢一個老婆係佢既福氣, 咁你聽到都會好感動, 有咩小問題都會覺得付出係值得既, 咁關係都會好好多啦.

當然, 我又唔係話叫人講大話, 明明老公唔好都同人講到佢天上有地下無, 我只不過係想話, 夫妻和諧美滿, 都係一件值得自豪既事, 唔洗死忍唔提啫, 哈哈~

最緊要既就係, 做人要易滿足d, 又靚仔又有錢又有型又有學識又有家底出得場面既男人唔係冇, 不過, 當你個老公真係咁掂, 你又head唔head得佢住呢?

好似我老公咁, 唔靚仔, 肥肥地, 唔識講咩野去討好我, 冇咩生活情趣, 最好日日o係屋企hea, 有d人或者覺得佢唔夠好, 唔同我去shopping, 唔買花俾我, 又冇咩小禮物既驚喜, 但係, 佢真係對我好就得喇, 我相信, 如果有一日, 世界末日, 佢都會一直照顧我, 唔會掉低我自己去搵窿捐, 呢d, 就係真愛情.


首頁
1

尾頁

跳至
Presslogic Logo
Baby Kingdom Logo