Baby Kingdom - 親子王國 香港 討論區 › 首頁 › 夫婦情感› 唔開心,比個位我呻下..

夫婦情感

收藏本版
發帖
返回列表
跳至頁

首頁
12

尾頁
   0
BBqueenie


男爵府

積分: 8081

hashtag影視迷勳章 BK Milk勳章 畀面勳章


1#
發表於 09-8-9 01:52 |只看該作者
早幾日已經同c6嘈緊..點知到左星期四又為99同c6嘈,又係一d好少既事...c6話已經同我講左好多次..我都唔改對99既態度等等野...
琴晚我終於走左..成晚無返屋企..點知c6搵都無搵過我..我朋友打比c6.
c6:" 你同佢講,,佢鐘意返就返..唔返就唔好返..佢想點就點...唔會理佢..我已經心淡.....等等傷害既說話
朋友聽到都好嬲..叫我離開呢個男人..話呢個男人已經唔值得我再做d咩....因c6曾經打我..係出面有第女人...
其實我知我係要離開呢一個男人..不過我咁多次都走唔到..我都唔明點解..琴晚朋友同我傾左好耐..我都同朋友講..我真係唔知仲咩事會咁死心去為呢一個男人...一次又一次...
今日同左媽咪講..原來媽咪係係太唔鐘意c6.但因為我鐘意所以先無講任何野..先去包容佢..覺得我唔會係c6身上得到任何野..只有辛苦..叫我唔好再咁辛苦..我返去都無問題..話c6爭佢好多交代(點解會咁對我?點解佢阿媽要咁對我.而且我曾經自殺過入醫院,c6一句交代都無.媽咪話我係醫院個時..係想去鬧我6299.點解攪到佢個女(我)咁..係我老豆叫佢唔好...)..原來媽咪係結婚個時同c6講..叫佢好好對我..唔係一定同佢死過..(聽完我真係喊,由同c6嘈,到聽到c6叫我返唔返去都得..一滴眼淚都無流過.我同朋友講我唔識得喊.d眼淚點都流唔出)
其實我一定都知我屋企人好撐我..好鍚我...
今日媽咪搵左c6出黎講..不過媽咪無提任何以前既事..媽咪話過左就唔好提..亦都唔想係呢一個時候去數我c6既不是...媽咪話要數既時候..係我決定簽紙離婚既時候..因為佢會連6299都嘈埋...
今日c6去到我屋企..傾左好耐..我老豆好攪野咁講左一段野..大約係:""你阿媽都唔鐘意佢(我),你想佢(我)點..我去到你屋企,我都唔鐘意同你阿媽講野..佢對我個女做過d 咩..傷害佢..
未講完,,我媽咪就話:" 我係你屋企.都係同你老豆講野..佢(62) 仲同我傾到出門口..同你阿媽就唔會...
c6唔識再講野..都話佢老豆係吹水怪..係人都吹得...都話我係痴佢老豆多..同佢老豆無問題.
媽咪同老豆:" 女人係小氣.覺得佢(我)入左門就拎左佢(99) d 野..老公/仔....多左一個人係屋企...
講左好多野..媽咪最後同c6講..你地兩個返屋企就平心靜氣傾下..有時少少野就要講..唔可以一次過去嘈..等等~
點知返到屋企..老公都係當我透明..無講一句野,而家又同朋友去左飲酒未返...
我真係唔知自己再做d咩..我覺得係一個人維繫緊呢一段婚姻..一個人去努力緊.好辛苦..屋企人好撐我..好鍚我...
(呻完,其實都唔知講緊咩..sorry)
私人傳訊

敏b


複式洋房

積分: 472

好媽媽勳章


2#
發表於 09-8-9 02:09 |只看該作者
你有冇生小朋友啊?....
私人傳訊

nana832


大宅

積分: 1475


3#
發表於 09-8-9 08:10 |只看該作者
當初我選擇同ex離婚都同佢屋企人有關,
自己老公唔好, 佢屋企人好都仲有返d安尉,
但如果連佢屋企人都唔好, 咁留係度做咩呢?
我ex成家人都唔鍾意我, 我知佢地想我留低只係想利用我,
利用完會點? 就唔要囉.
自己個仔做錯事居然同我講大家都有錯,
我真係想問:你個仔嫖賭毒關我咩事阿?

呢d咁既家庭真係早走早著,
唔走只係浪費自己青春同時間,
唔通真係等到自己人老珠黃,
到時佢帶個二奶返屋企都要死忍架啦,
我真係好慶幸我走得早囉.
私人傳訊

worthy


珍珠宮

積分: 42964


4#
發表於 09-8-9 10:41 |只看該作者
原帖由 BBqueenie 於 09-8-9 01:52 發表
早幾日已經同c6嘈緊..點知到左星期四又為99同c6嘈,又係一d好少既事...c6話已經同我講左好多次..我都唔改對99既態度等等野...
琴晚我終於走左..成晚無返屋企..點知c6搵都無搵過我..我朋友打比c6.
c6:" 你同佢講,,佢鐘 ...


屋企人對你C6係點唔係重點, 因為同佢一世相對嘅係你. 問吓自己, C6唔係係身邊個心有無痛? 有無一絲牽掛? 如果乜嘢感覺都無, 或者覺得更輕鬆, 咁我覺得係時候好好考慮你們的將來.
不過有一點直得安慰的是你仍有後盾- 屋企人的支持. 所以大胆去面對自己的感覺吧, 不要再眷戀一些令你痛苦的感情. 好好活下去.

私人傳訊

eeyore0728


洋房

積分: 314


5#
發表於 09-8-9 13:11 |只看該作者
如果無小朋友的話又有家人支持,不如真係分開啦! 點解要令自己係一個咁嘅環境下生活呢? 假如,你地係有緣份的話,將來都會走返埋一齊架啦!
我覺得如果你老公係愛你嘅,見到你99咁對你,佢都會做嘢令到你同佢關係好D啦! 始終佢做夾心人都會好辛苦架麻! 但係你老公有冇做過呢?
私人傳訊

ssyy29


大宅

積分: 1430

好媽媽勳章


6#
發表於 09-8-9 14:38 |只看該作者
好多時都會因為外人家人唔鐘意c6,所以自己乜野都會死忍,唔敢同自己屋企人講,好大壓力架,但要記得自己父母一定會幫自己架!!
私人傳訊

ada0707


瑪瑙宮

積分: 137343

2023年兔年勳章 虎到金來勳章 2018父親節勳章 2018母親節勳章 2018復活節勳章 畀面勳章 環保接龍勳章


7#
發表於 09-8-9 14:56 |只看該作者
BBqueenie you are vry lucky. You have a wonderful mom to support you & love you. This is true love
私人傳訊

BBqueenie


男爵府

積分: 8081

hashtag影視迷勳章 BK Milk勳章 畀面勳章


8#
發表於 09-8-9 17:18 |只看該作者
原帖由 敏b 於 09-8-9 02:09 發表
你有冇生小朋友啊?....



我地未有小朋友...之前宥計劃準備生..
不過而家會遲d先...
私人傳訊

BBqueenie


男爵府

積分: 8081

hashtag影視迷勳章 BK Milk勳章 畀面勳章


9#
發表於 09-8-9 17:25 |只看該作者
原帖由 worthy 於 09-8-9 10:41 發表


屋企人對你C6係點唔係重點, 因為同佢一世相對嘅係你. 問吓自己, C6唔係係身邊個心有無痛? 有無一絲牽掛? 如果乜嘢感覺都無, 或者覺得更輕鬆, 咁我覺得係時候好好考慮你們的將來.
不過有一點直得安慰的是你仍有後盾 ...


我係返返下工走左出去...
開頭都無咩野...之後夜晚就有牽掛..諗佢係度仲咩?? 係唔係又出左去飲酒等等.....我諗左好耐好耐都唔知點解我會唔走...唔離開...

今朝起身都無咩野...點知一見到佢阿媽,,,又黎料...
因為佢同佢阿媽講緊野..所以我無叫佢阿媽..佢又嘈我..我話你地講緊野..都我叫呀...
點知佢話要第一時間..我話ok..我下次唔理咩情況下我會...佢話而家所有野都會唔同,,唔好再好似以前咁..
我知佢仲未嬲完我..佢覺得係我唔岩
私人傳訊

lovebabylovefl


洋房

積分: 91


10#
發表於 09-8-10 01:28 |只看該作者
睇完哂...妳既情況就好似我同ex果時咁，打我，對我冷淡，鐘意飲酒，有時仲飲到天光先返，有時開哂飯話返黎食，跟住又閃左去玩等等...當時，我心靈上真係好辛苦，擔心佢今晚又會唔會唔返呢！總之心靈上就唔得安靜啦！同佢一齊直情係精神折磨...自已弱待自已...果時同妳一樣，頂唔順走左去，但佢都冇理我，之後佢話，我知妳扮野丫嘛...妳走得去邊姐，最後妳都會返黎架啦！妳估妳唔會返咩？以前我都唔知點解..明知呢個男人唔愛自已都唔捨得走...忍忍忍..最後佢搵倒自已所愛未走左囉！跟本，我覺得妳c6都係咁諗囉！仲有，你為佢自殺...佢有冇內疚呀？妳都唔好再咁傻喇！用死威脅個男人，就算佢返返黎妳身邊咁都唔代表佢愛妳..係怕左妳咋...妳睇佢而家對妳既態度...唉...唔好再傷害自已喇！好彩未有小朋友咋...如果有...可能連個小朋友都活得唔開心呀...妳好好架喇..仲有妳既屋企人撐妳...離開佢可能會有一段時間唔開心....長痛不如短痛呀...唔好浪費自已青春喇！
私人傳訊

BBqueenie


男爵府

積分: 8081

hashtag影視迷勳章 BK Milk勳章 畀面勳章


11#
發表於 09-8-10 01:47 |只看該作者
好多謝你地...
其實你地所有人講既野,我都明..我都知..
可能我太過執著係呢一個男人身上....
到而家我都仲深信佢會為我改變..為我做更多野..更加會愛鍚我..
我身邊既朋友都覺得我傻...蠢...
朋友仲話..覺得而家係睇住我死..放開救緊我既人既手...
我都覺得自己好蠢好傻....為呢一個男人...
不過...我真係唔想放棄...點算...
私人傳訊

2521


子爵府

積分: 13419


12#
發表於 09-8-10 02:04 |只看該作者
你自己都唔想放棄，其他人講乜都冇用喎。
其實做乜咁委屈姐，比個機會自己重生啦，佢都唔珍惜你，何必再嘥時間喺佢度。
私人傳訊

KCKmom


伯爵府

積分: 15151

hashtag影視迷勳章 醒目開學勳章 畀面勳章 環保接龍勳章 親子達人勳章


13#
發表於 09-8-10 02:04 |只看該作者
如果你屋企隨時歡迎你返去住既
你不如自己一個搬走啦!
當係比返 d 空間你地 2 個人
如果你仲係愛你想同你行埋餘生既路
佢應該會改同埋會搵返你
又或者會搬出去住有 2 人世界
總好過你依家自己返去
比佢睇死你冇咗佢唔得
你咁樣棧比佢食住你
你唔好攪到自己冇咗佢唔得
佢唔珍惜你仲有好多人錫你架
如果下次你再有問題先返去
你諗吓你屋企人會幾傷心?
私人傳訊

小糖糖


別墅

積分: 600


14#
發表於 09-8-10 03:05 |只看該作者
(((由同c6嘈,到聽到c6叫我返唔返去都得..一滴眼淚都無流過.我同朋友講我唔識得喊.d眼淚點都流唔出))), 你喊唔出, 其實係咪你對呢個男人已經無感情呢?? 既然無感情, 點解仲要留底呢???
你C6同我以前個男朋友好似, 當時我媽咪都係極唔鐘意佢, 成日都叫我離開佢, 因為我當時都係得十幾歲, 話仲有大把機會, 呢個世界上唔係剩得佢一個男人, 但愛情真係麻目架, 無論佢對我幾衰都好, 我當時都唔捨得離開佢, 其實我覺得係自己生活上已經習慣咗同呢個男人一齊, 如果分開咗得番自己一個人, 會覺得好唔慣好寂寞, 呢段感情足足維持咗5年, 直至到我宜家個C6出現, 我終於立定決心離開佢, 佢當時不斷死纏爛打話會改過, 會對我好好,希望大家可以重新開始, 不過我已經愛上了C6, 所以最終都同佢分手, 宜家諗番起真係覺得自己以前好蠢好傻, 同一個咁衰嘅男人一齊, C6真係對我好好, 雖然唔係十全十美, 但起碼會尊重我...錫我, 阿媽講得啱, "呢個世界唔係剩得佢一個男人", 當你遇上另一個時, 你就會明白之前呢個男人根本唔值得你去愛........
所以你應該諗清楚, 係咪應該繼續維持落去, 如果只有你一個人去維持呢段關係, 咁長痛不如短痛........, 記住, 無論你決定點樣都好, 你D屋企人一定會支持你架!!
私人傳訊

lalamike


侯爵府

積分: 20604

大廚勳章 好媽媽勳章


15#
發表於 09-8-10 09:47 |只看該作者
希望你而家心情好番d啦！
始終2公婆的事，外人是難比意見的。正如你說，你唔知點解一次又一次都離開唔到你c6，總有你的原因吧！
至於你外家果邊，對你真的好啊！比你支持之餘，亦知你心向你c6，唔想拆散你地，只係同你c6講道理後，將你帶回你c6身邊。
但問題是：究竟你c6而家是否一樣如結婚時/結婚前般愛你﹖
呢樣嘢真係你先知，因為你提過佢打你，又在外有女人，呢樣野，我個人認為如果佢係錫你，一定唔會咁做！！！
至於你99，其實可以透露是甚麼原因你地如此大決裂呢﹖！呢方面我反而明白，如果你c6是一向非常孝順(你可以說是愚孝啦！)佢媽媽，而你同佢媽媽又不咬弦，你c6夾在其中一定不好過，而理所當然地(不是說佢啱啊！)佢會企在佢媽媽身邊！
你而家不是同99一起住吧﹖為何會為99有如此大的爭拗呢﹖我雖然不是個24孝心袍，我同99都不是好有傾有講(極其量是大家很客氣啦)，但有時我都會睇眉頭眼額，每有意見不一時，我知道c6唔鍾意我成日講佢媽媽唔好，我都會收聲，以防爭拗增加。
當然，我唔知你99點對你，佢如果唔鍾意個仔同你一齊，佢唔應該而家先來說三道四，而係應在你地結婚前就阻止啊！不過，你亦要明白，99始終是老人家，老人家的心意，我地呢d做細的永遠都改唔到。你更犯不着因為呢d野同你c6嘈(當然如果太無理，你亦要據理力爭！)。
家家有本難唸的經，我知你而家條路好難行，不過，希望你可以在你同c6啖氣都過左之後，好好再傾一下，究竟大家的問題所在，如果都想繼續維持呢段婚姻，你地要點樣生活下去……
你唔好再做傻事喇……你外家、朋友咁多人支持你，甚至你上bk呻下都好多人會支持你嫁，知嘛﹖！

[ 本帖最後由 lalamike 於 09-8-10 09:49 編輯 ]
私人傳訊

BBqueenie


男爵府

積分: 8081

hashtag影視迷勳章 BK Milk勳章 畀面勳章


16#
發表於 09-8-10 09:56 |只看該作者
原帖由 小糖糖 於 09-8-10 03:05 發表
(((由同c6嘈,到聽到c6叫我返唔返去都得..一滴眼淚都無流過.我同朋友講我唔識得喊.d眼淚點都流唔出))), 你喊唔出, 其實係咪你對呢個男人已經無感情呢?? 既然無感情, 點解仲要留底呢???
你C6同我以前個男朋友好似, ...


我唔係無感情..只係我唔識得再去喊..
喊唔出呢一種感覺係我第二次出現...
由細到大..我都係一個好容易喊既人.睇到人喊我就會根住喊..朋友有事..佢未喊先我就喊左先...
第一次喊唔出..係ex車禍過身既時段(當時係我男朋友).由知.係醫院見最後一面, 到靈堂...我一滴眼淚都無流過..個人好想喊..不過喊唔到....我仲好記得..仲比佢堂妹話我唔愛佢阿哥..因為我無好似其他人咁不停喊......不過,過左一段時間之後..我就不停喊,喊左幾個月..
聽到老公既說話係第二次有喊唔出既感覺...
私人傳訊

finayang


複式洋房

積分: 242


17#
發表於 09-8-10 10:10 |只看該作者
I think your 99 is jealous. Many mothers are like that. I am living with 6299 too. They spent 7 months in a year in HK and 5 months in Canada. I know one mountain can not have 2 tigers, so I found my way to survive here. Even though 99 and I don't talk a lot, she cuts fruit and buys my favorite food for me. My c6 needs financial support from his parents and he likes to play games. I think 99 knows his son is not being a good husband, so she is treating me nice. If it wasn't me, no one would marry his son and would have 3 babies. My 6299 sometimes scold at my c6 with me.

In your case, you don't have any support from c6 and 6299. The worst is your c6 has many bad behaviors and habits. He won't change himself. You can either accept these or leave him. Your choice must make you happy.

For your 6299, if your c6 was a nice guy, you two could move out. However, your c6 is a lousy person.

I am not encouraging you to divorce. But, if I were you, I will leave him. Time goes very fast. You will soon become an old lady. Your c6 can still find young and beautiful girls in China. Brainwash yourself that you don't love this guy. You are just being used to see him around. Your mother is waiting for you.
私人傳訊

BBqueenie


男爵府

積分: 8081

hashtag影視迷勳章 BK Milk勳章 畀面勳章


18#
發表於 09-8-10 10:13 |只看該作者
lalamike :
我係同6299一齊住...我有諗過同老公搬出去..不過老公唔會..話要睇住兩老...我地係住圍村..兩老住一層..我同老公住一層
99係幾年前..曾經講過 / 做過 d 傷害我好深既說話 / 事...
每當時發生呢d事既時候 , 老公都唔係度..同佢講番..佢覺得佢阿媽唔係咁既人..唔信我所講...只係話我講佢阿媽壞話.. 個時都嘈過好多次..之後我就無再講比老公知..99點對我..我自己就避免見面..我唔想見佢..我好驚佢唔知幾時再講d傷害我既說話...
我連見到佢都唔想叫佢 , 我唔知佢之後會講d咩...
所以攪到我見到佢都好少叫佢..同佢地食完飯..我好快就會返去自己個層..好怕好驚..老公唔會明呢一點..只係話我唔叫佢阿媽..食完飯唔洗碗就走...(其實今次嘈到我走..都係因為我唔叫佢阿媽.同話我結婚咁耐好少洗碗)
到今次先同佢講我驚..我怕..佢只係話我假..做戲比人睇..令人係覺得佢唔岩...
其實我知老公呢年幾..都改左好多佢既脾氣..只係一直我同佢都爭d溝通...
私人傳訊

lalamike


侯爵府

積分: 20604

大廚勳章 好媽媽勳章


19#
發表於 09-8-10 10:34 |只看該作者
聽你咁講，似乎是你99的問題大於你c6啊！
你c6一直都是聽你說你99有問題，自然會對你有介懷，因為果個始終係佢媽媽啊！
你原來係同佢地同住一幢樓！明白了！
不過，起碼不是同一層，其實都有你地私人空間了。
我其實同99家都好近，有時都返去食飯，不過我都沒有洗碗就走……我最初都唔好意思，後來見無人叫我洗我就唔理了！
不過你的case唔同，我覺得你反而要主動d幫手洗碗或執下枱，最少，就算比唔到好印象你99，都話比你c6聽，我有幫手嫁……至於同你99的關係，我覺得既然大家唔啱傾，少d見都係好，不過，正如你c6話齋，你唔叫你99又唔係幾好喎……好多野，尤其係婆媳關係，都是建立在面子上！99最想要甚麼﹖就是個仔同面嘛！你而家同佢share左個仔(就算你唔係咁想，佢或者係咁諗嘛！)，佢一定要攞番d野，當然，開通的99唔會比壓力，但聽你說是圍村人(聲明：我不是有歧視)，都明白果種家族的關係一定很濃！！！你要在適當時間比面你99，eg間中買d野比佢(可以說有朋友在外國帶回來比你，你借花敬佛)、又或者食飯叫埋佢……
我明白你唔鍾意佢比話你聽，之前亦做過d傷害你好深的事！但……我覺得反而就係你要行出呢一步，或者你地的關係先有轉機！而你在你c6面前亦可以加分！ 是假一點的！但又如何﹖自古至今，有幾多婆媳可以和諧共處又唔係假假地(at least 客客氣氣)﹖！
努力啦！我地會支持你！


原帖由 BBqueenie 於 09-8-10 10:13 發表
lalamike :
我係同6299一齊住...我有諗過同老公搬出去..不過老公唔會..話要睇住兩老...我地係住圍村..兩老住一層..我同老公住一層
99係幾年前..曾經講過 / 做過 d 傷害我好深既說話 / 事...
每當時發生呢d事既時候 , ...

[ 本帖最後由 lalamike 於 09-8-10 10:36 編輯 ]
私人傳訊

BBqueenie


男爵府

積分: 8081

hashtag影視迷勳章 BK Milk勳章 畀面勳章


20#
發表於 09-8-10 11:00 |只看該作者
我阿媽話我太過執著99點對我..我話都係..因為真係太過傷害..對我真係好深.其他人覺得既少左..對我就唔係....從來都無人開解過我(因一直都唔會同媽咪講..唔想佢地擔心)
lalamike : 我都好似你咁唔洗..有時62入去..我話等我洗啦...佢都叫我出去..唔好攪住佢..咁我咪唔洗囉...老公就覺得我點都要去做..
真係唔知..
我都明我唔叫佢..都係我唔岩..不過唔知點解,一見到我99..我真係唔想叫佢..唔想理佢...食飯都唔會同佢講d咩...唔想又講d唔岩聽既說明...
不過我同62既關係都好好...佢好鍚我..我係感受到囉...好似我無返去訓..62係問另一個新抱我係邊??係唔係又同佢個仔嘈??又問我係唔係無返黎訓??而佢老婆...一句都無問過..好似無事發生咁
私人傳訊


首頁
12

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見