婆媳關係 今日: 5 | 主題: 27765

積分: 31

1^#

發表於 09-7-3 11:04 |只看該作者 |倒序瀏覽 |打印

所有人都認為我擁有一切既幸福，因為我有一個愛我既老公，有一個溫馨既小家庭，還有一個好奶奶... ... 冇錯！係好多人既眼中我係擁有這一切，係朋友面前，老公表現我地十分恩愛，朋友黎到屋企坐，又受到奶奶既熱情招待，當老公放假或者早放既時候，佢就送我返工或者接我收工... ... 係外父外母既眼中，佢亦係一個好女婿，好好先生，好爸爸... ...

但係這一切都係虛幻既泡影，我不知道幸福係唔係係我既身邊存在，我自問入門以後，過時過節都有俾錢俾奶奶，奶奶病左，我俾錢佢去睇醫生，大住個肚都陪佢去急症室去到半夜三更，第二日仲要返工，自問我為左做個好心抱，老公話我咁做好奸，為左討好奶奶，我咁樣做仲唔夠好，佢仲未滿意，因為我唔可以溶入佢屋企生活，同佢屋企每一個人和諧共處，唔同對住一個租口爛舌既大伯，我仲要當佢係上賓咁招待？對住嬌貴既大陸嫂，有左就係屋企他他條條咁做大少奶，我日頭仲要卜心卜命咁去返工搵錢，返到屋企，食飯時當我係侍應，食完飯當我係洗碗既阿嬸，仲要係奶奶面前講我是非，仲要設個陷阱我踩，仲千方百計害我個肚，大陸嫂恨不得整落我個肚，BB出世之後，仲諗辦法想害死我個B。

仲要教唆奶奶唔好俾我地放BB床係屋企，迫我地3個人一齊訓一張4呎既雙人床，因為佢冇買BB床，亦都冇人送俾佢，大陸嫂就擺左奶奶張床黎同囡囡一齊訓，我地唯有知難而退，搬出去啦，BB既花費大部份80%都係我既錢，老公又冇俾家用俾我，只係負擔一人俾2000蚊出黎俾BB俾人照顧，老公要俾家用俾奶奶，大伯俾錢俾大陸嫂仲未滿足到佢，大陸嫂仲要叫奶奶攞錢，老公俾左家用俾奶奶，奶奶仲要EXTRA俾錢俾大陸嫂，但係大伯搵錢係老公既幾倍人工，係奶奶口中，大伯搵到錢既叻仔。大陸嫂一唔夠錢洗，就話要離婚，又話唔要個女，俾返俾奶奶自己搞掂，用黎恐嚇佢地。

我唔係因為錢既問題，只要大家過得幸福開心既話，就算冇錢都唔緊要，只要有一個錫我既老公，聽話既仔仔，我已經好滿足。但係我覺得咁樣對我，同埋對我地一家人都唔公平，我好唔開心。

我同老公傾呢個問題既時候，老公話佢既屋企係咁既，我嫁入去就要尊重佢屋企，接受佢屋企既每一個人，如果我忍受唔到既話，佢可以隨時同我離婚，BB可以俾我，佢唔同我爭，反正佢咩都冇，一切可以重新黎過，我喊左幾日，亦都諗左幾日，我唔明白一個"港女"點解比唔上一個沒有教育，由窮鄉僻壤地方去深圳做野既"小姐"？

我唔知我點樣做先至為知好，我真係接受唔到一個咁既大陸嫂，如果老公可以搵到一個，可以溶入到佢屋企，接受到佢呢個家庭而又愛佢既人，我願意離開，亦都會祝福佢... ...

呢個計時炸彈隨時都會係我身邊爆炸... ...

如果你地覺得我邊方面做得唔好既請盡情鬧，盡情指出黎，我願意接受+改善，謝謝！

0 0 0

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

2^#

發表於 09-7-3 11:38 |只看該作者

點解要將你同大6嫂比較? 有d大6嫂係好討厭, 但你嘅痛苦唔係大6嫂所做成, 係你嘅老公冇盡到保護妻兒嘅責任.
單睇你嘅留言, 你老公應該係一個愚孝仔. 你永遠只係外人, 娶番黎係負責生仔同服侍佢屋企人, 你唔洗妄想佢會尊重你同愛護你. 如果你唔可以好似你大6嫂咁厚顏, 你應該為自己同個仔打算下.

私人傳訊

123!@#

伯爵府

積分: 16607

3^#

發表於 09-7-3 12:06 |只看該作者

我想問, 你老公想你點對佢大陸嫂???
俾晒d$$佢??? 養佢地??? 做呀4???

我唔會理身邊既人, 我只會理會老公點對自己同自己既家.

私人傳訊

chaklongma

積分: 5958

4^#

發表於 09-7-3 12:15 |只看該作者

人比人, 比死人
唔好同大陸嫂比

另外, 你講"大住個肚都陪佢去急症室去到半夜三更，第二日仲要返工，自問我為左做個好心抱，老公話我咁做好奸，為左討好奶奶"
我話你已經嫁錯人喇~~~~~

如果唔係大家氹吓大家, take care 大家
點為之一個家?
你都係想一家keep 住關係好
我唔明點解咁叫"奸"

好好為自己&個仔打算吓啦

私人傳訊

積分: 31

5^#

發表於 09-7-3 12:48 |只看該作者

老公話佢都知道奶奶咁做係唔公平，但係佢同埋我都必須尊從老人家既決定，我都唔可以差隻腳落去搞亂檔, 所以老公想維持現狀。

依家搬走左，唔洗對住佢.

老公話只要佢草到首期就會買樓, 咁樣就唔洗俾家用返屋企, 不過呢個係遙遙無期既事... ... 我唔敢諗，我諗離婚申請公屋仲快過佢草到首期, 算啦.

老公娶我返去唔係為左生仔，我身體比較弱&多病，加上m唔準，老公話冇小朋友都冇所謂既，後尾意外地俾我地有左BB.

奶奶成日以為我地有好多錢，因為佢覺得我出去做野，我可以搞掂自己頭家，老公就搞佢地嗰頭家，所以乜都指意我地... ... 大伯連屋企管理費、差餉等都唔肯交，仙都唔會拎一個出黎俾奶奶，唔好諗佢會俾到家用俾奶奶... ... 即使係老爺生日，奶奶叫佢兩兄弟一人俾一半錢黎請老爺食餐飯佢都唔肯，仲要發晒顛係咁鬧奶奶偏心我地，咁都要佢俾一半錢，唔叫我地出晒... ...

奶奶唔係做得唔好，只係佢左右做人難，佢對大陸嫂稍為大聲啲，大陸嫂就會報串話奶奶打佢，等到大伯返黎就會扮可憐係度哭哭啼啼，大伯就會喊打喊殺話人地咁對佢老婆... ... 奶奶都係一個難人... ...

奶奶都知道老公俾家用返去既，咁佢會買我鐘意食既野俾我食，但係俾大陸嫂聽到，就即鬧奶奶唔問佢鐘意食乜，淨係問我鐘意食乜... ...

平時係屋企係老爺奶奶煮飯既，有日老爺奶奶出左街冇煮飯，大陸嫂要自己煮俾自己食，佢發脾四，連電飯煲都辟爛埋，等到奶奶返黎，仲鬧奶奶買埋晒啲唔靚既野，一用就爛左... ... 搞到奶奶又要去JUSCO買返個靚啲既電飯煲俾佢用... ...

大伯同大陸嫂兩公婆都好識做戲，又話冇錢兩公婆打交，打到大陸嫂係度喊，跟住就要人地攞錢俾佢... ... 一陣又汁埋包袱話要走老... ...

我覺得唔公平都會同老公講，老公話我唔可以咁樣迫佢同奶奶講公平啲，佢依家好努力咁維持緊呢段婚姻，如果離婚，全世界既人都會覺得係我既錯，有個好好先生，好好奶奶都唔識珍惜... ...

我已經打定輸數，隨時ready~

私人傳訊

積分: 31

6^#

發表於 09-7-3 12:58 |只看該作者

原帖由 chaklongma 於 09-7-3 12:15 發表
人比人, 比死人
唔好同大陸嫂比

另外, 你講"大住個肚都陪佢去急症室去到半夜三更，第二日仲要返工，自問我為左做個好心抱，老公話我咁做好奸，為左討好奶奶"
我話你已經嫁錯人喇~~~~~

如果唔係大家氹吓大家, take care 大 ...

我對奶奶好，係因為我知道奶奶都幾鍚我既人，加上如果我唔做好啲，隨時會俾大陸嫂殺人於無形，所以老公話我咁樣做係奸，大陸嫂呢啲先至叫"真".

私人傳訊

060905

積分: 6052

7^#

發表於 09-7-3 13:01 |只看該作者

咁既老公, 咁既男家唔駛「恨」啦, 人地都開到聲話：可以隨時同你離婚，BB可以俾你，佢唔同你爭，反正佢咩都冇，一切可以重新黎過…… 佢有幾愛你, 自己心中有數啦, 我曾經都因為6299既問題, 同我老公鬧過離婚, 佢緊張我, 會氹番我, 同埋之後明顯見佢改善, 唔再咁愚孝….咁我當然都會忍下佢屋企人, 但係忍到咁上下, 佢都會明白我苦處, 盡量等我少見D佢地, 呢D就愛啦, 你老公連咁簡單既野都無做呀！

私人傳訊

060905

積分: 6052

8^#

發表於 09-7-3 13:03 |只看該作者

恕我直言, 睇你咁講, 我唔覺得你老公愛你囉 and then佢都係戲子, 係人面前扮到好好先生咁。

原帖由 aprilsky 於 09-7-3 12:58 發表

我對奶奶好，係因為我知道奶奶都幾鍚我既人，加上如果我唔做好啲，隨時會俾大陸嫂殺人於無形，所以老公話我咁樣做係奸，大陸嫂呢啲先至叫"真". ...

私人傳訊

chaklongma

積分: 5958

9^#

發表於 09-7-3 13:04 |只看該作者

原帖由 aprilsky 於 09-7-3 12:58 發表

我對奶奶好，係因為我知道奶奶都幾鍚我既人，加上如果我唔做好啲，隨時會俾大陸嫂殺人於無形，所以老公話我咁樣做係奸，大陸嫂呢啲先至叫"真". ...

叫你c6去死啦~~~
如果成日同99攞$$, 發皮4係叫真, 叫好
你就同你c6計清楚, 佢1一個月要比幾$$你

[ 本帖最後由 chaklongma 於 09-7-3 13:05 編輯 ]

私人傳訊

wahhaha

別墅

積分: 826

10^#

發表於 09-7-3 13:07 |只看該作者

呢個故事教訓係: 吵鬧的小孩有糖吃....

同埋, 你老公的priority都好清楚...你,仲想點??

私人傳訊

cc1549

積分: 8201

11^#

發表於 09-7-3 13:09 |只看該作者

咁既老公, 咁既男家唔駛「恨」啦, 人地都開到聲話：可以隨時同你離婚，BB可以俾你，佢唔同你爭，反正佢咩都冇，一切可以重新黎過……

您C6係咪想學佢亞哥咁, 聚返個大陸女人重新來過ar?

坦白, 我個人覺得您c6愛佢屋企多個妳同個仔lo>>>

私人傳訊

yubiwa310

珍珠宮

積分: 49896

環保接龍勳章

12^#

發表於 09-7-3 13:12 |只看該作者

樓主 , 你老公真係,連老婆仔女唔要都講出口

睇樓主既post ,其實你係咪都有能力養自己同小b ? 做定的打算好, 當係為個小朋友

同埋,你99都好慘,仲要比個大媳婦蝦
不過,你大佰同老公都有問題就係 , 而家好似唔係就99 ,係就哂大嫂

mouth:

私人傳訊

JFL

伯爵府

積分: 17183

13^#

發表於 09-7-3 13:32 |只看該作者

你同呢到有大６嫂嘅ＢＫｍａｍｉ好相似,大家都有個維護大仔迫細仔幫手嘅奶奶,一個好食懶飛,貪得無厭嘅大６嫂,再加一個不知所云嘅大伯.惟一唔同嘅系人地老公重會盡力保護家人子女,但你老公就話.＂...屋企係咁既，嫁入去就要尊重佢屋企，接受佢屋企既每一個人，如果忍受唔到既話，可以隨時離婚，BB可以俾你，唔同你爭，反正佢咩都冇，一切可以重新黎過＂.真系隥你心痛.你老公想你点尊重佢屋企呀？連自己份薪水都奉獻出黎養個廢柴大佬大６嫂好唔好呀？你老公連最基本嘅養妻活兒都做唔到,算唔算得上一個好丈夫或好爸爸呢？學Ｏ６Ｏ９Ｏ５話齋你老公根本唔愛你.

私人傳訊

yvonne18

大宅

積分: 1276

好媽媽勳章

14^#

發表於 09-7-3 13:40 |只看該作者

你老公是否有病, 最大問題是你老公, 你爸爸及媽媽知道你的情況嗎????

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

15^#

發表於 09-7-3 13:45 |只看該作者

原帖由 aprilsky 於 09-7-3 12:48 發表
老公話佢都知道奶奶咁做係唔公平，但係佢同埋我都必須尊從老人家既決定，我都唔可以差隻腳落去搞亂檔, 所以老公想維持現狀.....

我覺得唔公平都會同老公講，老公話我唔可以咁樣迫佢同奶奶講公平啲，佢依家好努力咁維持緊呢段婚姻，如果離婚，全世界既人都會覺得係我既錯，有個好好先生，好好奶奶都唔識珍惜... ...

我已經打定輸數，隨時ready~ ...

你老公知道你大6嫂同99對你不公, 但佢覺得係你嘅問題(搞亂檔), 所以佢唔會去解決你嘅問題. 維持現狀, 由得你suffer, 咁叫做"好努力咁維持緊呢段婚姻"??

而家問題真係變咗喺你度, 你甘願繼續做駝鳥? "如果離婚，全世界既人都會覺得係我既錯，有個好好先生，好好奶奶都唔識珍惜"-->其他不知情嘅人覺得你錯又如何? 你為誰而生存? 你到底想過邊種生活? 都係果句, 不為自己也要為個仔打算呀.

私人傳訊

mother904

翡翠宮

積分: 80754

畀面勳章

16^#

發表於 09-7-3 13:51 |只看該作者

佢依家好努力咁維持緊呢段婚姻，如果離婚，全世界既人都會覺得係我既錯，有個好好先生，好好奶奶都唔識珍惜... ...

人前人後扮好人，係老婆面前就講到明老婆bb都可以唔要，講奸，邊個夠佢？

樓主你都係自求多福，早走早著，呢種人唔可以過人世。

私人傳訊

060905

積分: 6052

17^#

發表於 09-7-3 13:52 |只看該作者

做人係為自己而活, 不是為人地而活架！

私人傳訊

kalincliff

複式洋房

積分: 236

18^#

發表於 09-7-3 13:54 |只看該作者

好奇怪~
雖然你講到你老公對你無微不至,管接管送,但實際上俾好多說話你聽,唔理你感受,咁你覺得係你c6眼中重要嗎?佢仲愛你嗎?佢仲緊張你嗎?
如果佢所做野一齊係俾外人睇,咁你其實真係可以唔使理佢!一於各有各生活,你唔好理佢既要求,唔使做佢工人,如果佢唔滿意就離婚!
唔好搞到自己做晒所有野,仲要乞求一段婚姻!

撫心自問,你c6愛你嗎?

私人傳訊