懷孕前後 今日: 1 | 主題: 330391

積分: 3668

2^#

發表於 04-9-27 13:04 |只看該作者

Re: 傷心死啦, 真的冇了..

cat22,
我好明白你心情.不過,發生0左0既野都改變唔到. 你都係唔好咁傷心啦,將身體調理好,再努力過! 加油呀!

私人傳訊

wingszesze

積分: 2767

3^#

發表於 04-9-27 13:05 |只看該作者

Re: 傷心死啦, 真的冇了..

我知道無論人地講咩安慰你的說話都很難平伏你的心情, 我剛生了bb7天, 今日醫生同我講因我陰道有菌, 可能形響bb, 要我決定做唔做treatment, 我對自己自責, 心情亦十分惡劣。

不知怎樣安慰你才會令你真的好過, 但希望你能保重身體, 養好身子, 將來生個健康bb, 因為bb真的出世後, 你更加憂心, 這是我深深感受到!

私人傳訊

cocolin79913

積分: 630

4^#

發表於 04-9-27 13:22 |只看該作者

Re: 傷心死啦, 真的冇了..

上年11月我都小產過一次,我都好明白你既心情.因為我都喊左幾日,老人家話我同之前既小b無緣,所以先會小產,佢地仲話就算真係冇事生左出來,都唔知小b會變成點.例如有問題,長大後好壞,激死老豆老母...........
今年我又再次有左,依家已經29週喇!!

個個都話我好"努力做人",咁快又有
我相信你依家最需要唔係其他人既安慰,而係快快調理身體,準備迎接下一個小生命

longlong私部落

私人傳訊

fibe001

積分: 700

5^#

發表於 04-9-27 14:12 |只看該作者

Re: 傷心死啦, 真的冇了..

快d養好身體......再努力製造一個健康的BB才是上策
God bless you

:-D 幸福是當我擁有你 :-D http://tw.pg.photos.yahoo.com/ph/fibe001/album?.dir=/861c

私人傳訊

cat22

複式洋房

積分: 294

6^#

發表於 04-9-27 14:20 |只看該作者

Re: 傷心死啦, 真的冇了..

wingszesze,
我覺得天意真弄人, 我苦等9 個月才有希望, 現又....但你都不須自責, 同你老公相談下先, 剛生完要小心身體呀. 支持你.

私人傳訊

happy_mother

侯爵府

積分: 23951

7^#

發表於 04-9-27 14:25 |只看該作者

Re: 傷心死啦, 真的冇了..

Cat22,
Don't worry. You will have your baby soon. The doctor said the normal abortion may be due to the unhealthy growth of the baby, so missed the baby may not be a loss. Take it easy and hope to receive your good news.

私人傳訊

chunchunmama

男爵府

積分: 7640

8^#

發表於 04-9-27 14:56 |只看該作者

Re: 傷心死啦, 真的冇了..

cat22,
我都明白妳宜家的心情, 因為我幾年前第一次懷孕的時候BB在8週大冇心跳, 6週時已停止發育, 情況和妳現在差不多。畢竟失去了自己的BB, 傷心是難免的, 不過希望妳盡快恢復心情及身體快些復原, 幾個月後可再嘗試懷孕。

私人傳訊

小天使kiki

積分: 626

9^#

發表於 04-9-27 16:07 |只看該作者

Re: 傷心死啦, 真的冇了..

Cat22,
希望你不要難過, 身體快啲復原.
我想請問在發現BB無心跳之前, 係唔係都會覺得自己係仍然懷孕, 即係仍然有懷孕啲徵症呢? 例如: 胸痛, 作悶等,另外會唔會流血呢? 因為我都好擔心BB會唔長大, 我而家11週, 因為感覺唔到BB嘅存在, 所以唔知佢係咪係度成長緊, 淨係靠自己有懷孕嘅徵狀而認為阿B無事.

私人傳訊

積分: 1109

牛年勳章好媽媽勳章

10^#

發表於 04-9-27 18:42 |只看該作者

Re: 傷心死啦, 真的冇了..

Cat22,

我完全可以感受到你而家既傷痛, 因為我都係剛剛小產了, 我個胎又係照到無生長, 無心跳, 醫生話係壞胎, 所以要刮宮... 我很很很不開心... 10 日前做完手術, 休息了一星期, 今日先返工, 好在今個禮拜有幾日假期...

其實我之前已經有左 10 weeks 了, 我是在 6 weeks 時第一次到私家醫生度檢查, 不過當時仲未照到 BB, 醫生話可能 BB 太細, 叫我 8 weeks 時再返去, 到時應該照到 BB 心跳... 可惜 8 weeks 時返去, 仲未照到 BB 心跳, 兼且 BB size 同懷孕週數唔吻合, 不過醫生話再觀察多一星期, 看看情況如何... 可惜一星期後結果都係一樣, BB 無長大過... 我不甘心, 所以第二日再找另一個醫生 check, 但這個醫生所得出的答案同我原本的醫生一樣, 所以我無得唔死心...

傷心了好久, 爭扎了幾天, 與其長痛不如短痛, 所以我找了我原本的醫生來作個解決...

講真, 我之前真係真係好唔開心架, 足足喊左 3 日 3 夜, 又係喊到眼腫鼻腫口腫, 仲好傻咁成日問自己究竟做錯左 d 咩, 點解不幸既事會發生自己身上... 不過喊過就算啦, 喊亦都改變唔到事實, 唯有養好身體再戰江湖囉!! 醫生亦都話唔關我同老公事, 好多時係 BB 本身唔健康而自己停止生長.

我而家已經好好多啦, 同老公或朋友傾多 d 計, 放鬆左自己, 你都係呀, 要從新振作, 因為我相信我係可以有 BB, 而你都唔例外架, 大家一齊努力...

私人傳訊

Fwfian

複式洋房

積分: 469

11^#

發表於 04-9-28 13:36 |只看該作者

Re: 傷心死啦, 真的冇了..

cat 22 & minnie_queen,

聽到你地既經歷, 都好唔開心, 做媽咪真係好不容易, 好偉大! 希望你地繼續努力, 上天會賜一個更可愛bb俾你地, 不過, 首要就係媽咪keep番好身體同心情, "NEVER GIVE UP", 支持你地!!!!!!!!

徐家的"小可愛", 2005年1月25日東區醫院出生, 係爸爸同媽媽 "心肝寶貝"

私人傳訊

積分: 1109

牛年勳章好媽媽勳章

12^#

發表於 04-9-28 14:32 |只看該作者

Re: 傷心死啦, 真的冇了..

Fwfian,

好多謝你既支持同鼓勵... 係呀, 真係唔陀過 BB 都唔知原來做媽咪真係唔容易, 仲好偉大添!! 我一定會 keep 番好個身體, 然後繼續努力, 我都好相信上天遲早會賜一個可愛既 BB 比我, 而家只不過係 wrong timing...

私人傳訊

Harry媽

男爵府

積分: 9034

環保接龍勳章

13^#

發表於 04-9-28 15:06 |只看該作者

Re: 傷心死啦, 真的冇了..

我都好明白你們的心情.因我都試過. 我上一胎都係照唔到心跳.我唔心息.足足等到懷孕四個月.見了紅才去做手術,當然好傷心啦.但都沒辦法.醫生叫我休息兩個月好再準備. 現在我個仔都七歲多。

應當一無罣慮，只要凡事藉著禱告、祈求，和感謝，將你們所要的告訴神。
神所賜、出人意外的平安必在基督耶穌裡保守你們的心懷意念。

私人傳訊

白綿綿

積分: 644

14^#

發表於 04-10-5 16:44 |只看該作者

Re: 傷心死啦, 真的冇了..

我比你們更不幸，27週差少少7個月，冇心跳。

事情大約係1個月前，有日我好似感覺唔到胎動，還以為自己多心去醫院檢查，點知証實BB冇心跳........死左！但事前全冇先兆，真係好突然好傷心。

於是入院催生，就好似一般孕婦順產咁生出來，只是出來的BB係冇生命。姑娘幫他沖完涼包好毛巾比我同老公睇，是唯一的一眼，那感覺真係好難受難以形容，非常心痛比起生產還痛100倍。還有為了想查出原因要將BB解剖，而解剖後亦有一半機會查唔出原因，傷痛更加。其實我可以選擇開刀生，但我唔想留有記憶的傷口，所以催生。

他是我第一個BB，而且係男仔。這段日子不知哭過多少次，到現在靜下來時想起都想哭。好在有老公係身邊安慰我開解我，其實他自己都好傷心。

而家我正在坐月中，等10月尾返醫院睇報告，唔知可否查出原因？真係好想知點解，駝到咁大應該好定，點會........。

希望各位可以生個健康可愛既BB！

私人傳訊

MySweetBB

積分: 2594

15^#

發表於 04-10-5 17:07 |只看該作者

Re: 傷心死啦, 真的冇了..

白綿綿,

您要多點休息呀 ! 首先要養好自己身子, 不要再想那麼多.
希望身體早日服原 !

私人傳訊

Tabima

子爵府

積分: 12507

16^#

發表於 04-10-5 17:21 |只看該作者

Re: 傷心死啦, 真的冇了..

白綿綿,

知道你的不幸, 替妳難過...
妳要好好休養, 將來定必有可愛健康兒女,

願神賜福給妳和妳一家.

(曾經失去, 更感恩現有的快樂)Timothy 係天父照顧沒有哭聲的細哥哥

私人傳訊

CinCinla

積分: 2186

17^#

發表於 04-10-5 17:33 |只看該作者

Re: 傷心死啦, 真的冇了..

白綿綿,

睇完你的經歷,我真是很難過。請你要振作,忘記那件不快事, 將來一定會再有bb的。要保重呀!

私人傳訊

貝貝

水晶宮

積分: 64938

叻叻勳章畀面勳章

18^#

發表於 04-10-5 17:41 |只看該作者

Re: 傷心死啦, 真的冇了..

我都好明白冇左個BB既感受, 真係好唔捨得, 好痛....好痛....但係我個BB唔係突然冇左而係.......

以下係我老公先前在1103媽咪會POST過既一段分享, 看完了大家便知道我曾經發生過乜野事.........

~~~~~~~~~~~~~~~~~~~~~~~~~~~~~~~~~

各位1103的爸爸與媽媽，我是貝貝的丈夫，亦即是恩恩B的爸爸，你們可稱呼我samuel，有些事情要告知給大家知道，關於是我太太貝兒的事，如若你也是基督徒的話，懇請你為她代禱。

上週五即是9月17日，貝貝在早上六時三十分大叫肚子很痛，要叫白車入醫院，隨即被送入廣華醫院急診室，然後再入院接受治療。

她本身已有兩個月身孕，但是在她體內卻有兩個瘤(事前已知道有這兩個瘤存在)，但是問題不是我想像中那麼簡單。

由於貝貝的病情實在令我擔心，故決定寫下這封信，及將她最新情況告訴大家知道。

今天是貝貝入院的第四天，我相信還要住很久的時間，醫生說在她體內有一大一小的瘤，大的連照超聲波也不能完全看見它的樣貌，大約有兩隻手掌平放這麼大，也可以說連醫生表面也不知道它究竟是子宮瘤或是卯巢瘤，小的就知道是子宮瘤，早兩天醫生說她的血色素下降，懷疑是她體內的瘤穿了，即是說有可能是流血了，所以醫生幫她輸了兩包血給她，最近報告說已沒有下降了；但是今天早上我再與貝貝通電話時，她告訴我醫生說血色素下降有可能會有第二次發生，亦即是說等如計時炸彈，隨時會有再流血的事發生。

再者，她體內的兩大瘤，一日比一日大，肚裡的BB大，兩大瘤也同樣大，如要將瘤除去，可能要做手術，做手術的話就會有小產了, 所以請代禱。

今天晚上時間，醫生與我們詳細談述貝貝的情況，因她今午曾再照超聲波，醫生說在貝貝體內有很多水份，因用超聲波原故，不能完全看見那些水是甚麼，照醫生經驗所知，多是血水，亦即是說貝兒體內的瘤有可能穿了爆了，所以才有這麼水出來，但不是排出體外，仍是在體內的；醫生建議我們兩個方案，一是那肚內的胎兒等到十二週，亦即是比較穩定些時候，(現在是十一週)，開刀做手術看看那些血水是從那裡來，及切除可以切除的瘤，但是現在在等候的時間，醫生會用『電腦素描』及『磁力共振』這兩方法查出血水的來源，但是這兩種方法都會對胎兒有影響，雖然醫生說會有可能保到胎兒的生命，但是這兩個方法始終對胎兒日後的成長會有很多問題。

第二個方案：就是現在趁那胎兒還是兩個月的生命，就現在不要，盡快做手術切除那問題的瘤，醫生說貝貝的瘤如同計時炸彈一般，分分鐘都會再在她體內流血，就算流血，若在日間，因有很多醫生當值照顧也不用怕，但是若發生在晚上的時間，沒有醫生的話，就危險了。

醫生叫我們考慮那一種方案最為合適，當然在我們的立場我們是希望兩全其美，但是在我們的思想中，若等到十二週才做，出來的結果可能更令貝貝傷心，倒不如現在不要，但是再另一方面知道生命是神賜的，我們無權傷害生命，在聖經的立場好像不太合宜，後經傳道人的交談後，知道不是我們一心所想的，只是環境做成沒有法子，所以到最後我們多數會用第二方案，起碼醫生說那個子宮還可以保全，兩年後還有生育的機會。

我們真希望神蹟再一次臨到我們身上，在我來說我又擔心又無奈，如你們中間有基督徒的話，懇請你們為我們代禱，你們的關心與支持著實令我們安慰。

~~~~~~~~~~~~~~~~~~~~~~~~~~~~~~~~~

我話個BB冇左, 相信大家都知我既決定係點....我總共住左兩個星期醫院, 而家我兩個卵巢都冇晒, 我會否再有機會有BB, 就要睇我呢兩個月會否有月經.....

你地仍然有機會再生, 好好保重自己, 養好身子遲D再黎過, 努力呀!!

願你地個個BB都可以健健康康咁成長~

私人傳訊

積分: 1109

牛年勳章好媽媽勳章

19^#

發表於 04-10-5 20:06 |只看該作者

Re: 傷心死啦, 真的冇了..

白綿綿,

睇完你既經歷, 我覺得你真係一個好勇敢既媽媽, 既然事情已經發生了, 不要再想那麼多, 養好自己身子, 留得青山在, 那怕無柴燒? 我相信你一定可以生個健康可愛既BB, 因為我都係抱住同樣信念...

恕我有個無謂請求, 其實如果你唔介意的話, 你可否在10月尾返醫院睇報告之後, 上黎講下呢件事既原因呢? 我想大家有個分享, 但如果你不想的話, 就當我無講過吧!

以我既 case 黎講, 醫生只係話有好多不明朗原因, 最大可能係染色體組合時出錯, 或者細胞分裂時有問題, 雖然如此, 但並唔代表我同老公有問題... 我其實真係好想知道真正既原因係乜, 唔洗淨係估估下得個迷, 令到下次懷孕又有點陰影...

私人傳訊