前日我同老公去完旅行, 由長春搭機返深圳, 坐我地前面2個位既女人, 一飛到高空, 就即刻將椅背較落, 本來都冇乜問題, 但問題係我老公個位既椅背制壞左, 起飛前已經同空姐講左, 如果有位就可以換, 但可惜班機太full, 冇得轉位, 於是當佢(我老公前面的女人)較落左椅背, 我老公就立即拍佢, 及大聲叫"小姐, 小姐"(叫左好多聲), 但果個女人完全扮聽唔到, 理都唔理我老公, 繼續扮訓(岩岩先較落椅背1秒我地就拍佢, 冇理由訓得咁冧, 冧到聽唔到掛? 佢前後2行都聽到我老公叫佢啦!)
於是我老公就搖佢張椅, 佢終於都"醒"左, 就不停鬧我地(正確d黎講應該係剩係鬧我! 可能老公個樣比較惡, 佢唔敢鬧?!), 我地嘗試同佢講道理, 佢就不停話我地唔應該咁樣整佢張椅, 又話我地野蠻不講道理, 我地完全出唔到聲, 因為佢不停鬧不停鬧, 我地講咩佢都唔聽, 剩係自己鬧!
最後我老公大聲講, "小姐, 如果可以我都想較低椅背, 但是它壞掉了, 你說我們不講道理, 可是你一直講, 又怎樣聽到我們說道理呢?!"
最後前面位小姐終於較返直個椅背, 不過就成程機唔係低聲鬧我地, 就係不停"目及"我老公幾時訓著, 等佢可以較返低個椅背!
所以話某d大陸人真係以為有d錢就大晒呀? 好好地溝通唔得架咩? 拍你, 叫你, 你就扮訓, 直到我地忍無可忍搖你張椅, 你就不停鬧, 一d都唔比我地講, 你覺得大聲就岩晒? 定係大聲就可以得到你想要既一切?!
大陸要進步, 唔係有錢就可以, 公民教育, 禮貌都要諗下點樣搞搞佢!! 唔係大聲就乜都得既!
btw, 其實呢次既旅程, 只係有2件事令我地唔高興, 其他都很好, 很開心, 而且我遇到的其他大陸人都冇問題, 有部份仲好nice, 好樂於助人, 宰客情形都不多~ 算係有進步架啦!
ps, 都係呻下, 同埋提醒自己, 下次要小心d選座位啊~
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
發表於 
返回列表
