自由講場今日: 196|主題: 1349568

收藏本版

發帖

返回列表

跳至頁

查看: 3151 | 回覆: 44

全城 o靚模群插 Stephy [複製鏈接]

12 3

Icy_babe

男爵府

積分: 7798

1^#

發表於 09-7-25 09:59 |只看該作者 |倒序瀏覽 |打印

33頁小說逾百錯字屎上最強

全城 o靚模群插 Stephy

【 09書展星戰場】向來以才女自居的鄧麗欣（ Stephy）今年在書展推出愛情小說《陪著我走》，卻被踢爆書中錯字多得離譜， 33頁文字，錯處卻多達 109個，等同獻醜全紀錄。雖然 Stephy昨日公開道歉，但仍死撐因新學普通話拼音輸入法致揀錯字，解釋牽強，完全無法淡化其中文基礎欠佳的事實，難怪昨日惹來全城狂插， o靚模周秀娜、 Kama及 A.Lin等 8模齊心聲討，死敵傅穎更以四聲哈回應。

鄧麗欣日前直斥 o靚模越着越少布，影響風氣教壞細路，但其愛情小說《陪著我走》則不同，穿三點式玩濕身乃因應劇情需要，描述她失戀上郵輪散心，着泳衣游吓水合情合理。不少人對這位 25歲才女的新書引頸以待，希望從其文字中感受玉女情懷，沒想到看在眼裏的，竟是滿目瘡痍的錯別字。其 144頁的小說中，文字佔 33頁，但錯處竟多達 109個。

狡辯輸入法累事
Stephy昨日到書展出席港台活動，其經理人陳小姐先交代「爛小說」事件，她說：「 Stephy出書好趕，佢第一次用拼音輸入法，咁會騷啲同音異字出嚟，校對將未校好嘅稿拎出去印，公司嘅解決辦法係推出正確嘅純文字版，日內喺金牌大風個網頁同 Stephy嘅 blog公佈點換領。」

一臉歉意的 Stephy甫開腔即道歉說：「我真係好認真同大家講，好抱歉有咁嘅事發生，係一時嘅疏忽，自己唔識打字，第一次打國語拼音輸入法，係新學，好多同音異字出嚟，一時錯漏揀錯字，自己亦都太依賴校對，所以冇睇多一次先。」不過其解釋相當難以接受，因 Stephy的普通話不強，用普通話拼音輸入法已出奇；再者無論用那一種輸入法都由打字者選字，識字與識打字更是兩碼子事。

傅穎：哈哈哈哈
問 Stephy會否擔心被拿來與同樣出書的傅穎（ Theresa）作比較，她說：「冇諗過，今次事件係教材，喺學習中吸取教訓，下次小心啲。」又強調做錯事會承認，故多謝向傳媒發放電郵的爆料者。她重申出書信心不會受打擊，難怪昨日她夠膽贈書給同場的才子劉天賜。

Stephy的宿敵傅穎曾是屎上走音最強女歌手，風水輪流轉，輪到 Stephy新書成為屎上最強。問 Theresa會否覺得 Stephy新書錯字多教壞細路？她昨在電話中笑說：「我未睇佢本書，哈哈哈哈！唔回應啦。」
曾被 Stephy暗寸的周秀娜昨日也即刻報仇，她在電話中說：「佢係咪另一種宣傳手法？邊有錯得咁離譜，我就冇興趣睇，如果大家睇佢本書睇得咁躁，買番本我好多畫面嘅寫真集調和吓。」羅凱珊（ Kama）昨在上環慶祝寫真賣出 1萬本，獲緋聞師兄 James（何尚謙）專程撐場，對於 Stephy新書錯漏百出， Kama說：「其實應該好好修改好先擺出街。」

小說錯到離譜，爆的 Stephy昨日出席活動時一臉不自然。

Kama謂出書前應先好好修改，之後才擺出街賣。

周秀娜指 Stephy錯字離譜，坦言沒興趣看她的小說。

8模昨舉行書展簽名會時，異口同聲齊寸 Stephy。

容祖兒昨日直指出書前一定要做好校對工作。

方力申獨撐女友昨日在書展開簽名會的 8模也齊心插 Stephy，指她出書前應細心校對， Isabel說：「當然要小心啲，睇清楚先出。」 DaDa說：「出書前可以再校對一下，可能佢想表達口語化文化。」容祖兒昨現身商台時也提及 Stephy，她說：「我同佢有一面之緣，唔算好熟，佢係一個好堅強嘅女仔。」問她覺得出書前是否應做好校對工作？她說：「校對係出書必做嘅。」

眾人皆醒他獨醉的方力申，昨日依然力撐 Stephy出書。

Stephy向真才子劉天賜贈書，夠大膽。

此外，昨日惟獨方力申力排眾議撐緋聞女友 Stephy，他在浸會大學出席活動時說：「我會叫佢唔好氣餒，一定要繼續寫，我會撐佢，亦都會睇佢本書。」

採訪：馬建華、李珮洳、王連連、藍文浩
攝影：陳俊強、黃文成、仇志德

[ 本帖最後由 Icy_babe 於 09-7-25 10:01 編輯 ]

0 0 0

私人傳訊

Icy_babe

男爵府

積分: 7798

2^#

發表於 09-7-25 10:09 |只看該作者

倪匡：錯咁多字有古怪

倪匡笑言 Stephy錯字太多，可能是故意的。　

Stephy新作短短 30多頁已有逾百個錯字，出書無數的倪匡昨日在電話中說：「係人寫書都有錯字，不過錯咁多就有啲古怪，佢係咪特登㗎？」對於 Stephy自言因使用拼音輸入法才頻頻出現同音錯字，倪匡說：「咁呢個係編輯同校對嘅責任。其實小說有錯字唔係咁重要，錯字多唔代表小說唔好睇。我覺得家啲廣告、電視同報紙成日玩食字反而教壞小朋友。」

白姐姐：架係自己丟

白韻琴指 Stephy不應死撐，錯就要認。

人稱白才女的白韻琴則質疑 Stephy才女之名，她說：「可能係蠢才個才，佢根本未夠級數。其實好多時面係人哋畀，架係自己丟。」 Stephy是否應改為賣樣不賣才？她好奇道：「賣樣？咁我真係要睇真啲佢個樣。」會否建議大家改買 o靚模寫真？她說：「比較兩樣嘢，肉體係乾淨，思想係污糟。」對於 Stephy解釋錯字與輸入法有關，白韻琴說：「呢啲嘢冇得賴，錯就要認，否則佢下次出嚟改稱賴小姐。」

此外，多產作家王貽興也指一本書出現逾百錯字應向編輯和校對問責，又明寸 Stephy冇做功課，他說：「如果有啲字唔 sure，可以上網查字典。」會否覺得 Stephy教壞細路？他說：「其實佢都唔差，不過身為公眾人物，自我審查界線應該高啲。」