以妳所講既炒工人理由，妳上庭輸多贏少，可以炒佢而唔使補一個月既理由，一定要係Ｄ好肯定係佢錯既野，如明顯擅離職守、無故擴工三日或以上、盜竊、虐待兒童、工作其間毆鬥、束意傷害他人身體、刑事毀壞、謀殺........等等。仲要有真憑實據甚至報埋警果Ｄ，就可以唔使補，妳所講既全部係工人既工作態度同表現，呢樣野好主觀，而勞工法庭個法官除非個工人犯大錯【報得警果Ｄ】，如果唔係妳盞浪費自己時間傔比個法官噴到妳一面屁，因為上到庭就係口同鼻咬，妳估個工人會唔會同個法官說：「我衰、我懶、我抵比人炒....」最後都係要補錢甚至罰妳一千幾佰堂費，盞搞。我試過一封口頭警告信加兩封正式警告信【工人有簽署的】，都要比一半。因為勞工法庭，尤其係呢Ｄ咁細既案件，法官一般都係以調解為目的，希望妳地一人讓一步，和平解決問題。仲有千祈唔搏法官咀，佢問妳就答，未問妳唔好插咀，唔使激動，心平氣和語氣肯定，唔好長編大論，答到佢所問妳果條問題就夠，記住出庭唔好遲到，否則又會被法官炳。作出有意和解既態度可能會令妳輸少Ｄ【錢】。一定要帶齊工人所有妳有既資料，合約、出糧紀錄，有幾多帶幾多，比法官一個良好印象堂費多數唔使比。因為使唔使比堂費同堂費多少都係由法官睇心情噏的。
不過以上意見只係我公司炒工人後，我要上勞工法庭既例子，屋企工人就無須要炒，所以無試過比外傭告。
唔出席調解唔緊要，但收到法庭信就一定要上庭，如果唔出庭法官有權即時判妳敗訴傔好大機會罰埋妳堂費。
[ 本帖最後由 ppccyy2001 於 09-7-28 04:51 編輯 ]
[img align=left]http://www.imagestation.com/picture/sraid225/pcf65ea518be162d4ec70ff76be1a5cc4/e9174368.jpg[/img]
發表於 
可唔可以講多d，等大家有防備！
返回列表
