Baby Kingdom - 親子王國 香港 討論區 › 首頁 › 心聲留言› 我好曾我奶奶>_

心聲留言

收藏本版
發帖
返回列表
跳至頁
我好曾我奶奶>_ [複製鏈接]

首頁
12

尾頁
   0
babby_pau


洋房

積分: 341


1#
發表於 05-1-3 09:26 |只看該作者

我好曾我奶奶>_<！

佢成日都想辦法搶走我個仔！
佢自己噤鍾意點解唔自己生喎！
我唔俾佢見bb，佢就同我老公落藥死都要見我個仔！
我現在坐緊月點解成日都要就我奶奶喎！佢唔可以就吓我咩！同老公講又係無用，佢只係識發我脾氣又話我好同佢老母嘈！我都唔知有咩可以做到，聽日就十二朝啦！我就要俾個仔人地當公仔玩，我真係好唔想！但又無野可以做到喎！只可以成日自己係度哭不停！
我好曾•好曾•好曾佢呀！>_< 搶我個仔！我噤辛苦生bb出黎唔係俾佢當玩具同參展品嫁！！！ :evil: :evil: :evil:
我亞b係12月24日出世！ 佢出世重9磅9呀！所以我要開刀生！ ;-) bb有個網站嫁！想知9磅9係咩身形就去睇睇啦！ ;-) http://hk.geocities.com/cyb12242004/index.htm
私人傳訊

d2343130


子爵府

積分: 10033


2#
發表於 05-1-3 15:18 |只看該作者

Re: 我好曾我奶奶>_<！

如果,你必定會同你老公一起生活到老的話,你亦都必須要去面對佢,就算佢幾黑你憎. 除非等佢有日一去不返,你心理上可能會好過d!!
好奇怪,好少人會話d外母,反而d所謂奶奶就不值一提, 唔通女人真係甘無能耐去容納一個阿婆!!
無他,佢地誤解左"所謂奶奶"的稱呼!!!你原諒佢啦!!
保重!!
私人傳訊

SUSANNA


伯爵府

積分: 17464

好媽媽勳章 BK Milk勳章


3#
發表於 05-1-3 15:24 |只看該作者

Re: 我好曾我奶奶>_<！

你不用想得太負面, 你可嘗不是搶走了佢個仔呢, 老人家都係錫你個仔才想見多 d, 開心 d la, 坐月哭會傷身 ga.
私人傳訊

calcal


男爵府

積分: 6227


4#
發表於 05-1-3 16:22 |只看該作者

Re: 我好曾我奶奶>_<！

我依家都坐緊月，我都同老公講話叫老爺奶奶無乜事就唔好"貢"上o黎，我大把o野做，湊bb同家務都要兼顧，佢o地又唔係幫手做喎，我無時間去招呼佢o地。
有次佢o地上o黎，我(老公返工)已同佢o地講o左，小b會俾我媽咪湊，唔會俾佢o地湊，當然佢o地好無癮啦，我奶奶即晚打俾我老公，扮晒好人，又話自己唔係小器(唔係o既話就唔會打俾我老公啦)，唔係爭住湊喎，超~~到佢爭咩~~

不過坐月唔好喊啦~~同老公講清楚啦~~

私人傳訊

talkative


禁止訪問

積分: 205825

畀面勳章 環保接龍勳章


5#
發表於 05-1-3 17:26 |只看該作者

Re: 我好曾我奶奶>_<！

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

肥tam


大宅

積分: 4689


6#
發表於 05-1-3 18:07 |只看該作者

Re: 我好曾我奶奶>_<！

CALCAL:
我坐月時奶奶都成日上來,我已表現想多D時間休息(因要餵夜奶),但佢都唔識做,成日話幫手,到真係要幫手,佢就同我講話佢以前都無人幫,即係無幫,仲要同佢D親戚講話幫咗我好多,(好坦白講我唔洗人幫自問唔係什麼千金小姐)佢每日入來我屋企都唔除鞋,到BB午睡,佢都唔走,成日叫我訓,但你係度不停口講嘢我點訓?佢一走我就要拖地,無形中多咗家務做,最慘開刀傷口真係好痛,但係唔想老公放工太辛苦,家務都自己做,仲有様精彩嘢,佢帶144隻上來,我終於千年功力一朝.....喊咗出來(好彩佢無見到)但老公不懂體諒,話我成日比面色人睇,不過難怪(佢唔知佢亞媽表面好幫手,其實無幫手),現在事隔五年,無比佢攪到痴線已算萬幸(可能痴咗),不過真係好憎佢(當然唔只咁小嘢啦),不過幾唔開心都好坐月真係唔好喊,亞媽話對雙眼唔好.
私人傳訊

cjessjess


大宅

積分: 4512


7#
發表於 05-1-3 23:26 |只看該作者

Re: 我好曾我奶奶>_<！

唔係呀化.........個新袍坐月, 帶144隻上來??
佢short上腦? ?-( ?-(
我們的相簿

私人傳訊

yan_yan_mummy


侯爵府

積分: 24522

2024年龍年勳章 牛年勳章 環保接龍勳章


8#
發表於 05-1-4 00:34 |只看該作者

Re: 我好曾我奶奶>_<！

傻豬，唔駛喊架！你喊，你心情唔好，BB會感應到架，佢都會唔開心架！

通常產後頭兩個星期，因為荷爾蒙分泌問題，大部分媽媽都會有情緒上落既問題。有時身邊人一個好簡單既動作，一句好平常說話，都會令你聯想到好多唔好既野，令你不安。例如有人想抱下BB，你就會覺得果個人想搶走個仔；又或者老公埋怨你兩句，你就會覺得佢有外遇等等。

呢D過度緊張既反應對初為人母既媽咪黎講，係好正常既。當BB日漸長大，你了解BB多左，母子溝通建立左，呢D不安情緒就會漸漸消失架喇！

至於奶奶方面，不論你地本來既關係好定唔好，而佢當BB係玩具定參展品都好，BB始終都係佢個孫，佢要見要抱，你咪俾佢囉，佢唔會傷害BB既(至多寵壞既遮！)，亦永遠唔會代替到媽媽呢個位置。況且，BB見下人，可以等佢認識多D呢個新世界既事物，好事黎架！

凡事放鬆D，睇開D，向好既一方面諗，你就會慢慢學識享受湊仔既樂趣架喇！努力呀！
私人傳訊

calcal


男爵府

積分: 6227


9#
發表於 05-1-4 09:18 |只看該作者

Re: 我好曾我奶奶>_<！

如果我奶奶夠膽帶144隻上o黎，我都夠膽當面鬧鬼佢，我掉埋張麻雀檯，睇下佢點打~~ :mrgreen:
上o黎我屋企，就算唔幫手，就咁睇下小b，都唔緊要，仲要挑戰我o既湊仔方法，我真係一o野頂撞佢，話說我用奶樽夾夾剛消毒完o既奶樽，我老爺佢叫我：用手得啦，駛乜下下用夾呀~~我即同小b講話：我o地好注重衛生o架~~
如果小b俾佢o地湊，d抗菌能力肯定倍增~~
私人傳訊

蕭夫人信箱


珍珠宮

積分: 32937

好媽媽勳章


10#
發表於 05-1-4 16:01 |只看該作者

Re: 我好曾我奶奶>_<！

calcal
哈, 我都係咁話, 如果真係帶144上黎, 所有野掉哂佢, 睇佢到時點打.

我果隻孖9都係架, 唔著重衛生架, 比呀b玩鞋, 食有菌既野, 著住對出街鞋係屋到行, 仲要比呀b係地下爬. 我老公bb仔時 (約6個月), 佢地帶佢出公園, 頂 ! 佢居然除左我老公條褲仔, 比佢係草地度爬喎 .... 唔係化 !!!!! 頂佢呀, 你咁大個人, 唔係咁都曉呀麻 ........ 結果有日仲攪到我呀b患有腸胃炎, 唸起都把幾火呀.
佢又係架, 日日144, 仲至意佢湊孫, 好難啦 ! 除非帶埋個孫去探144囉.

依家佢一有咩e郁或者唔啱我聽既說話, 我就一野頂住佢架啦. 面都唔駛比呀 .... 太可惡啦 !
大少, 二小姐, 請問有乜FUN庫呀.

私人傳訊

肥tam


大宅

積分: 4689


11#
發表於 05-1-4 17:11 |只看該作者

Re: 我好曾我奶奶>_<！

蕭夫人信箱,CALCAL
你地就好啦!反應咁快,我次次都得個滾字,一嬲就咩都唸唔到,真係無鬼用
私人傳訊

蕭夫人信箱


珍珠宮

積分: 32937

好媽媽勳章


12#
發表於 05-1-4 17:44 |只看該作者

Re: 我好曾我奶奶>_<！

肥tam
我覺得呢d係環境迫成架, 初初燒買出世時, 佢有咩不對我都冇出聲架, 拔燒買依家大左, 佢d過份野就源源不絕, 頂唔順咪彈番2野過佢囉.

有一日仲攪笑, 我老爺居然話燒買食咁多飯, 佢自己都冇食咁多, 叫我唔好比咁多佢食. 其實燒買都係食2碗之麻. 我咪又'得'佢囉, 依家佢地發緊育, 要吸收好多營養, 況且佢食唔夠佢又會瓜瓜嘈, 咁唔通都唔比佢食咩, 低q能架.
好彩燒買唔係比佢湊咋, 如果唔係 .... 不堪切想啦. 肯定又瘦又'un'啦 :evil: :evil: :evil: :evil:
大少, 二小姐, 請問有乜FUN庫呀.

私人傳訊

creamsoda


別墅

積分: 877


13#
發表於 05-1-4 17:44 |只看該作者

Re: 我好曾我奶奶>_<！

babby_pau ,
下~點解搞到咁架,你唔好喊啦~成日唔開心好易抑鬱架 :-(
你陀緊仔個時你奶奶都唔係點理你既,你同佢又唔岩...佢而家就要成日搶BB黎玩......唉~佢出過咩野力jei,而家就懶係咩野咁要霸住你個仔..~其實岩岩出世都冇咩野好玩...佢抱你個仔係咁舞你咪話佢仲咁細,咁多人抱易受細菌感染囉~~但預左有說話聽囉~你寧願比佢話你定係比佢霸住你仔仔??都好難抉擇.....都唔知講咩野好.......
你仲話比bb比你媽媽湊,你奶奶到時癲都似喎.....
過去的留不住, 未來的難預測, 守住現在,當下即是~
私人傳訊

babby_pau


洋房

積分: 341


14#
發表於 05-1-4 19:31 |只看該作者

Re: 我好曾我奶奶>_<！

dear all 媽媽：
我今日已經順利渡過12朝啦！
多謝你們的說話，我明白嫁啦！
我亞b係12月24日出世！ 佢出世重9磅9呀！所以我要開刀生！ ;-) bb有個網站嫁！想知9磅9係咩身形就去睇睇啦！ ;-) http://hk.geocities.com/cyb12242004/index.htm
私人傳訊

onon1022


子爵府

積分: 12600

好媽媽勳章


15#
發表於 05-1-4 20:22 |只看該作者

Re: 我好曾我奶奶>_<！

to:babby_pau
你唔好成日咁諗呀...個bb係你架...無人可以搶走你個bb...我同你都一樣...我有左個陣時...我奶奶親自上黎我屋企叫我落左個bb...我決定唔落要bb...佢就叫我自己理...佢會唔理...仲講左好多野...講到好決絕...但係當我生左b仔之後...佢就扮晒野...係咁打電話比我老公...又問b仔點...b仔十二朝同埋滿月...佢成日抱住我個仔唔放...又通街同佢識既人講係佢個孫...又比個d人摸...個陣時我勁唔鍾意...但係又無得出聲...我為有忍...忍個死八婆...遲d唔駛理佢...唔駛見佢...話之佢...新年就到啦...本小姐鍾意就過去佢屋企拜年...唔鍾意就唔去...佢同我老公講都無用...你有你自由...我都有我自由...唔去你吹我唔脹...而且你又無資格抱我個仔出去...一抱我個仔我寸d就報警...
而且你而家坐緊月...唔好比咁大壓力自己...你唔鍾意見到佢既咪由得佢囉...個仔係你...就算你奶奶落藥比你老公都無用架...你唔行比個仔出街就唔比架啦...咪又得佢落藥囉...咁你老公要返工架嘛...你奶奶殺上你屋企既...咪扮無人係屋企囉...總知而家你要放鬆心情去坐月...好好照顧bb...佢同你一條心架...你唔開心...佢都會唔開心架...你老公唔明白你...仲有個bb明白你架嘛...母親係最偉大架...



[url=http://lilypie.com][img]
私人傳訊

bbccqq


子爵府

積分: 10819


16#
發表於 05-1-4 22:44 |只看該作者

Re: 我好曾我奶奶>_<！

D老人家話坐月吾好喊呀,
第曰對眼會睇野有問題架!!!
保重呀!!


私人傳訊

蕭夫人信箱


珍珠宮

積分: 32937

好媽媽勳章


17#
發表於 05-1-5 12:24 |只看該作者

Re: 我好曾我奶奶>_<！

onon1022
點解你99叫你落左bb呀 佢唔湊方你唔會搵人湊咩 佢都好殘忍姐

babby_pau
d呀b好醒架, 佢地知道邊個係佢地呀媽架, 所以唔駛理你99 d野, 比心機湊b仲好啦
大少, 二小姐, 請問有乜FUN庫呀.

私人傳訊

CD


子爵府

積分: 13296


18#
發表於 05-1-5 17:11 |只看該作者

Re: 我好曾我奶奶>_<！

如果我奶奶夠膽帶144隻上o黎, 我即刻趕佢走, 無面比 :evil: :evil:
私人傳訊

肥tam


大宅

積分: 4689


19#
發表於 05-1-5 17:57 |只看該作者

Re: 我好曾我奶奶>_<！

CD:
我都想叫佢走,但佢真係好得閒架,我同奶奶住同一屋苑,但唔同座,佢日日同樓下D亞毛(甚至打電話比各親友)吹水吹個不停,我真唔想比人在我後面暗笑(BUT,一定有),但我無做過就心安理得,有時會唸D亞毛(甚至各親友)都可能覺得佢乞人憎,如果我趕佢走,我唸佢唱嗅我都似,都唔知點見人,佢D人你日日聽佢發UP風好地地,你話下佢,佢仲開心有對手,佢變態架,你出唔出聲都死,唔出聲佢會比較無隱,不過耳仔受罪,出聲佢仲開心.係咪少見呢種人呢?
私人傳訊

wawamama


大宅

積分: 2807


20#
發表於 05-1-5 20:12 |只看該作者

Re: 我好曾我奶奶>_<！

睇來我果件都算係咁囉，佢只係囉囉嗦嗦煩到你嘔但乜都唔做，不過個老先生就勁乞人憎。

可能我夠惡又有野做卦。家陣係我畀面色佢睇，佢地唔敢踩過來。

做人有時無可奈何都要做惡人。
laughin' to keep from cryin'
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy