自由講場今日: 115|主題: 1344307

收藏本版

發帖

返回列表

跳至頁

查看: 6184 | 回覆: 55

馬詩慧女會考 23分闔家狂歡 [複製鏈接]

12 3

Icy_babe

男爵府

積分: 7798

1^#

發表於 09-8-6 11:50 |只看該作者 |倒序瀏覽 |打印

名模馬詩慧（ Janet）和王敏德經常帶着 3名子女家庭樂，但昨晚卻意義重大，事關昨日會考放榜的長女王曼喜（ Kayla）不負雙親所望，取得 23分的好成績，順利在原校瑪利曼升讀中六，全家人齊齊為 Kayla慶祝。引以自豪的 Janet不忘教訓荒廢學業的 o靚模說：「 10幾歲就賣波，咁下次賣乜？」

雖說求學不是求分數，但中學會考成績絕對與年輕人前途息息相關，昨日會考放榜，有人歡喜有人愁，名模馬詩慧和王敏德的長女王曼喜卻非常爭氣，考獲 23分好成績，順利在原校瑪利曼升讀預科，令雙親引以為傲，昨晚一家 5口齊到金鐘食飯慶祝。

王敏德和馬詩慧為慶祝王曼喜考獲優異成績，昨晚一家大細齊齊食飯。

王敏德昨晚帶王曼喜到金鐘購物以作獎勵。

打補針戰高考
17歲的 Kayla昨早獨自返校領取會考成績單，她得知考獲 23分成績可原校升讀中六後，即心急 call父親王敏德到校交留位費，然後 Kayla取得媽咪同意後，即相約同學看戲消遣，至昨晚 7時多才會合家人擦餐勁。

記者昨午致電 Janet時，她喜孜孜地說：「 Kayla嘅成績超過 20分，佢咁多科最好成績係英文同法文，我最開心係佢立即可以報原校。」她又坦言心情比女兒更緊張，昨日清晨 6時已扎醒， Janet說：「做父母嘅邊個唔擔心仔女，梗係好想佢哋可以入一間好學校，有好嘅前途，講真事前我幾徬徨，萬一佢成績未如理想，搵唔到好學校點算，我又唔係好捨得咁快送佢出國留學。」

幸好就讀文科、報考 7科的 Kayla，昨早 8時獨自回校後約 1小時便致電回家向母親報喜，令她放下心頭大石。 Janet說：「我覺得 Kayla仲會有好啲嘅進步空間，其實佢唔係死讀書嗰類，佢都好有創意。」她又指 Kayla獲得滿意成績，絕對能為弟妹樹立良好榜樣，她說：「我今朝都立即叫醒細女，同佢講家姊可以升讀返原校，佢哋以後又可以一齊返學，妹妹應該仲開心。」

下月升讀預科的 Kayla再進修兩年便要迎戰 A Level公開考試， Janet表示決不讓女兒鬆懈，她說：「 A Level仲難啲，佢要花多啲時間早啲預備，當然要繼續返補習班。」又謂希望 Kayla多打補針，在 A Level考取更好的成績。

「做人要實在」
提到不少 o靚模貪慕名利，未完成中五學歷便輟學入行，還不時拋胸賣身材，會考 6分的周秀娜便以「露暈娜」絕招在半年內瘋狂吸金 400萬， Janet坦言不鼓吹 o靚模潮，認為年輕人要多吸取知識，因為學識受用一生，她揶揄地說：「 10幾歲就賣波，咁下次賣乜？遲啲係咪要攞埋副假牙出嚟？做人要實在少少，唔係錢最重要。」難怪她堅決不讓 Kayla當 o靚模，還堅持要她完成大學課程。

王敏德對女兒的優異成績也感自豪，他昨日在電話不停重複說：「今日好開心，好開心。」問到會買甚麼獎勵女兒時，他說：「我會買部 iPod Touch畀佢做禮物。」昨晚他也兌現承諾，晚飯前先帶 Kayla到金鐘太古廣場購物。