夫婦情感

收藏本版
發帖
返回列表
跳至頁

首頁
123

尾頁
   0
beepaul2007


大宅

積分: 2298


1#
發表於 09-7-15 17:09 |只看該作者
我同老公拍拖5年,之後結婚7年,今年第八年生咗個囡,依傢10個月啦,近年我發覺我老公越來越難攪,同佢一齊越來越唔開心嘅....究竟佢有病定我有病呢....
我老公係一個好有要求,執著,嘅人,近年越來越嚴重,
其實按依傢我地生活係好好,有一層供完嘅樓,有車,有工人,有個囡,佢自己做老細,我就幫佢手嘅,完全無金錢上嘅壓力,但係佢一向都鐘意不斷比壓力自已,要賺錢達成目標,同佢拍拖果時,佢係無錢傢,佢話同我一齊要比幸福我,要儲錢結婚,2年佢就儲到錢結婚啦,之後佢話想買架車,又比佢供完啦,然後佢又話想有自已一層樓,又比佢達成咗啦,所有嘢佢都一一實現,依傢佢話要係呢十年八年內賺到幾桶金,之後就可以安心退休,享受生活,生活無休咁過埋下半世.話男人賺錢黃金時間唔多,佢依傢36歲,佢個人係好勤力賺錢,做事好認真,樣樣嘢都要求進步,佢話咁樣先會成功,所以佢成日睇埋哂點樣成功書籍,所以佢會不斷迫自己,我知佢係為個家好,但係我同佢講,其實你成日比大力自已,第日賺到錢都周身病痛啦,賺錢嘅嘢,順其自然啦,我又唔係要求住過萬呎嘅樓,又唔係要揸跑車,為咩要成日攪到自已為工作失眠.
佢事實係一個好好先生,對我又專一,對囡囡,朋友,家人都好好又考順,但係唔知係咪佢比太大壓力自已迫到有d病,樣樣事無大少,佢都執著到爆,正一係雞蛋佻骨頭,所以攪到成日為小事而嘈,佢以前都唔係咁嘅,我越來越覺得我地好多嘢都唔夾,越來越唔開心,成日覺得同一個唔x key 嘅人一齊好辛苦,做樣樣嘢都達唔到佢要求,叫佢唔好比咁大壓力自已,唔好樣樣事都咁執著,點知仲比佢閙返轉頭,又成日同我講道理.....做人唔進步點得傢....做咩都要完美...唔好比人彈....(一講道理佢要講成個鐘),大老呀,你知唔知你都攪到我好有壓迫感呀,真係唔知點服侍佢呀.
有關食,例如:牛肉炒菜心,果d肉,佢可以嫌尖到大太舊,佢就會話,咁大舊,見到都唔想食呀!!! 到下一餐細粒d,佢又話一係就咁極端,......又講道理:(都唔識得平衡,
我唔話你,你就唔會進步,做嘢要做到無人彈先係傢嗎)
所以我到依傢都唔知佢心目中嘅size 係幾大,因為佢從來唔會話比你知佢個準則,我咪同佢講大又話大,細又話細,呢d 係小事者,你嫌大咪當睇佢唔到,唔好食囉,鐘意食咪食多舊囉,點解成日都要小事化大呀...有病....
另外,我工人煮嘢都算好食,(好過我傢),又唔知點解,佢偏偏豬多怨言,又話呢樣炒得唔好食,果樣唔合格,
我以前煮得仲差過佢,佢以前都食都咀lam lam,
我就同佢講,我覺得幾好食呀,有咩問題呀,佢唔會直接話有咩問題傢喎,只會話,你地唔識進步嘅人,梗係唔覺有問題啦,我真係唔知佢想點...我係度諗...佢又發作啦.
另外,好似我買比佢著d 衫褲鞋物,佢話我唔識買,買d唔吸汗,又焗嘅衫,大老,咁我買時佢係寫住全棉傢嗎,佢唔吸汗,我都唔知傢,之後佢又講道理啦..........上次話完你又係咁.....叫咗你要買全棉先好著傢....xyz....zzzz
總之,我覺得無論人同事佢都唔滿意,d 傢俱,我話咁擺,佢係要咁擺,我出自好意嘅說話,佢又會扭轉我嘅意思,
結果原本討論一d嘢,都變成閙交,我做嘅嘢又唔合佢要求,,我成日話佢唔化,少少嘢都睇唔過眼,重衰過d 亞伯,我都有同佢講,你都成日聽到,有d 老公老婆在生時就嫌三嫌四,呢樣唔好,果樣唔對,豬多怨言,到伴侶死咗,先知後悔,點解成日要埋d 無謂執著,成日攪到閙哂交,點解唔開開人人咁過日子,之後佢就話,好呀,點樣先叫做化呀,見到你做錯都唔話你先叫化呀?我話你,係想你好,如果係外人,我話知佢死,你係我枕邊人,我先想你進步,
我就話:算吧啦,等我死咗你就會後悔傢啦.
究竟有無人老公係咁傢,係佢有病定我有病呢?
我依傢同佢一齊係唔覺得開心傢,我都同佢講,我越來越唔鐘意同你講嘢,講親都嘈交,大家諗嘢又唔同,嘈十日十夜都唔會有對錯傢啦,我都講過,你成日攪到咁不快,我依傢覺得對你無咩感覺(愛意),我心諗如果唔係個囡,我真係走啦,之後,佢就話,你咁幸福你都唔知足,你睇你身邊所有朋友,親戚有邊個好過你,我就話,好有時唔係用物質可代表嘅,同到一個夾嘅人生活,即使佢沒有質物上都可以好開心,好似我同佢拍拖時咁.

[ 本帖最後由 beepaul2007 於 09-7-15 17:13 編輯 ]
私人傳訊

beepaul2007


大宅

積分: 2298


2#
發表於 09-7-15 17:24 |只看該作者
諗起,上星期又係,同佢打份報價,改九拾幾萬次,改到我都興呀,我就話一個標點符號就算啦,唔好又浪費紙張同墨,又被佢話啦.....錯就係錯...有錯就要改傢啦...你諗下..個客見到報價都打唔好,點比嘢你做呀....xyz....我地做嘢,係要做到人地讚傢.......救命呀....
私人傳訊

Billychaichai


複式洋房

積分: 398


3#
發表於 09-7-15 17:29 |只看該作者
我相信佢就係覺得自已成功，所以變左執著囉。其實好多人對每一件事既感覺都唔同，價值觀又唔同。所以佢覺得自已成功咩，可能其他人覺得佢唔係。好似話D送菜好唔好食，真係各人口味唔同，無得講wor. 我覺得佢唔係有病，係太自負。
私人傳訊

yvonne18


大宅

積分: 1276

好媽媽勳章


4#
發表於 09-7-15 17:56 |只看該作者
可能你同老公日對夜對, 所以好多磨擦, 可唔可以你唔返工司幫手, 可能大家感情都會好D. 要求理樣野冇得改, 因每個人的要求都不同, 但要互相尊重, 你咪同佢協議吓, 有物嘢係你華事.

私人傳訊

coco1234hk


男爵府

積分: 7977

畀面勳章 環保接龍勳章


5#
發表於 09-7-15 18:08 |只看該作者
我覺得係樓主老公身在福中不知福，可能男人同女人唔同，女人嘅成就就係家庭、子女。男人嘅成就就係事業。
以前對你要求無咁高，因為佢有太多目標要實現，而家目標一一實現...開始要求身邊嘅人要一齊進步..開始睇唔起太太，覺得你唔夠進步就襯佢唔起.....
咁樣落去個家就會俾佢毀左....做人都係要自足常樂，無止境咁追求只會令大家痛苦。
私人傳訊

NicoleTszChing


大宅

積分: 2333


6#
發表於 09-7-15 18:18 |只看該作者
兩個都無病,
只係兩個人都太幸福~
樓主好幸福咁有自己o既家庭,
有車,有樓,有囡囡,有老公,有工人,
更加唔需要為金錢煩惱.
樓主老公更加幸福,
因為佢可以一一實現自己o既目標!

如果你老公咁執著,
咁不如咩都旨意佢做啦!
反正佢咁叻~
你留o係屋企專心照顧囡囡,
其他o既事留比工人同老公做,
你做少奶奶咪得lo!
起碼可以煩少d~
私人傳訊

beepaul2007


大宅

積分: 2298


7#
發表於 09-7-15 18:31 |只看該作者
係呀,我都覺得可能我依傢係幫佢做嘢,所以真係多咗磨擦,
我幫佢手太約2年,我之前係做Merchandising,佢果時又未發作時成日讚我傢,話我咁勤力,公司梗係要對我好....
又話我入得廚房,出得廳堂,依傢無呢支歌仔唱仲不得止,
做樣樣嘢都唔順眼,彈到我一文都唔值,我係佢面前都無咩自信傢啦,亦唔會想做d 咩等佢讚,因為覺得機會係 0 .....亦唔重要....
其實我都有諗過跳出框框,出去開舖做我想做嘅,可能會好d,雖然我係幫佢手做嘢,但係唔會日對夜對傢,因為佢要成日出去見客同跟進project,佢多數只會接送我返工後,就出去傢啦,係公司對住我嘅時間唔多,其實我都同佢講過開舖嘅事,又係比佢閙,你估開舖咁容易傢,你做之前有無做過功課呀,位置,租金,人流等問題,開舖好容易傢咋,執仲容易呀,
我梗係有諗啦,但我唔識好詳盡咁話比你聽,唔代表我無諗呢D問題傢喎,之後我就唔想同佢講傢啦.
私人傳訊

澄曜媽媽


男爵府

積分: 8455


8#
發表於 09-7-15 18:47 |只看該作者
你放心啦! 你無病. 因為我老公同你老公係同一類人. 原來依個世界真係有依類人. 佢對自己要求又高, 對人要求又高, 真係好難相處. 不過, 我好在係由識佢到結婚, 生仔, 佢都係咁. 自己簡, 無得怨...而且都慣了, 亦無可奈何...
不過, 我無你咁好彩, 因為我們仍然要為生活($$$)擔憂, 佢亦因此壓力大. 我們無車, 無樓, 無工人, 但就有2個化骨龍...所以, 有時, 我知佢發脾氣都會就佢, 因為知佢要擔起頭家, 真係好大壓力.

唉! 有時我都好唔開心. 我有時都懷疑係唔係我自己縱壞佢...

我以前成日和他因此吵架, 我都有好多次想走. 不過, 最後都唔捨得. 畢竟, 他有他的優點. 之後, 有了小朋友, 更加不可任性了. 但也試過不少次在小朋友面前吵架, 小朋友也嚇哭了. 但好在, 他真的很愛他的仔女, 之後, 他開始有所改善, 雖然不常成功, 但已減少了在小朋友面前鬧我了!(可能他怕小朋友會唔開心) 唯有希望明日會更好啦...


原帖由 beepaul2007 於 09-7-15 17:09 發表
我同老公拍拖5年,之後結婚7年,今年第八年生咗個囡,依傢10個月啦,近年我發覺我老公越來越難攪,同佢一齊越來越唔開心嘅....究竟佢有病定我有病呢....
我老公係一個好有要求,執著,嘅人,近年越來越嚴重,
其實按依傢我地 ...
私人傳訊

414928


水晶宮

積分: 64484

馬年勳章 2026勳章 2025中秋節勳章 母親節2025勳章 2025勳章蛇年勳章 2024年龍年勳章 2023年兔年勳章 虎到金來勳章 牛年勳章 HiPP勳章(1) 2018父親節勳章 2018復活節勳章 15週年勳章 畀面勳章 好媽媽勳章 醒目開學勳章 BK Milk勳章 hashtag旅遊勳章 hashtag影視迷勳章 認識瑞士牛牛第一回 認識瑞士牛牛第二回 認識瑞士牛牛第四回 最關心BB問題熱投勳章 Xmas吸收勳章 美好大世界2017勳章 開心吸收勳章 食得好勳章 笑得好勳章


9#
發表於 09-7-15 18:49 |只看該作者
睇完之後,我覺得你老公對自己有要求,有目標真係唔錯,你的問題在於佢在進步,而你就原地踏步,這樣下去,你們的距離會越來越遠....
私人傳訊

ABBC


子爵府

積分: 13533


10#
發表於 09-7-15 19:04 |只看該作者
原帖由 414928 於 09-7-15 18:49 發表
睇完之後,我覺得你老公對自己有要求,有目標真係唔錯,你的問題在於佢在進步,而你就原地踏步,這樣下去,你們的距離會越來越遠....

講得好o岩~!!樓主~你個老公係完美主義者~!!佢對自己要求係好既~~!我都想我老公有咁好要求就好~不過我覺得你要俾佢知道呢個世界上無人係完美既~!!力求完美係好~不過只能對自己囉~!不過你都要進步一下囉~當另一半不斷咁進步既時侯~都會對自己另一半有所要求~你咪去進修下囉~!對自己都係件好事!至於佢食野方面~我自己就好怪既~原來人地彈我既話,反而我就要去做到好到佢無聲出先覺得開心既~你都要+油呀~~!!
私人傳訊

Nancy20090615


瑪瑙宮

積分: 137842


11#
發表於 09-7-15 22:14 |只看該作者
我老細都好似您老公. 迫到人抖唔到氣, 唔知點解所有野都睇唔順眼, 少少野鬧一大爛餐, 全世界都要佢黎擺佈, 係人都怕左佢, 連佢老公都係就晒佢. 佢老公同我地呻同佢一齊好辛苦, 想走, 但無錢無地方落腳, 走唔到. 兩個都六十以上. 兩公婆一世就係咁下場. 好無意思. 您老公若不反省, 遲早要走o個個係您.
私人傳訊

MINIBEAN


大宅

積分: 2328

好媽媽勳章


12#
發表於 09-7-15 22:53 |只看該作者
原來咁多人d老公都係咁.....頭先睇烈火雄心時,話因為王喜咁固執,我同我老公講叫佢睇下,佢既固執其實係會令到身邊d人好辛苦,點知又比佢話返轉頭,佢話你未睇到結果o者,有結果比你睇到,你就唔係咁講架啦,我都好憎佢成日講道理,唔識停,我而家已經冇佢咁好氣
私人傳訊

bebedog


複式洋房

積分: 264


13#
發表於 09-7-16 07:38 |只看該作者
原帖由 澄曜媽媽 於 2009-7-15 18:47 發表
你放心啦! 你無病. 因為我老公同你老公係同一類人. 原來依個世界真係有依類人. 佢對自己要求又高, 對人要求又高, 真係好難相處. 不過, 我好在係由識佢到結婚, 生仔, 佢都係咁. 自己簡, 無得怨...而且都慣了, 亦無可 ...




你老公有要求,有上進唔好咩?
反過來,
你想佢做一個唔顧家,無責任感, 又成日打機
唔理仔女的人,去大陸玩女人?
我覺得人無十全十美,
懂得欣賞對方的優點系最重要的....
私人傳訊

LUON


大宅

積分: 3466


14#
發表於 09-7-16 10:34 |只看該作者
原帖由 beepaul2007 於 09-7-15 18:31 發表
係呀,我都覺得可能我依傢係幫佢做嘢,所以真係多咗磨擦,
我幫佢手太約2年,我之前係做Merchandising,佢果時又未發作時成日讚我傢,話我咁勤力,公司梗係要對我好....
又話我入得廚房,出得廳堂,依傢無呢支歌仔唱仲不得止, ...


我就咁睇。
你老公係因為佢做人做事有堅持,
才能有今日的成就,
但實在他是孤獨的,
因為我見到佢一而再再而三希望揾一個人明白佢,
欣賞佢, 認同佢!
而你係佢最親近的人,
但卻最不認同佢!!!!!

他講得對, 連份報價都打到錯晒,
人地點放心比生意你做????
佢以前讚你, 係真既,
但他已經走到係你好前面,
發覺你就原地踏步,
咁咪大家有落差lor!

但我唔希望你唔幫佢手,
因為可以想像如果佢請個秒書黎忙手,
個秒書打份工就一定做得好過你,
如果又咁岩遇著個同佢諗野差唔多既人(女人),
咁你好快就會無左個老公!
因為你老公係好孤單,
好希望係堅持既部份有人同佢共嗚!!!
你唔共, 實有人共!!!!

我明白你老公,
係因為我未嫁時,
同你老公的做人處事一樣,
樣樣野有睇法,
樣樣都要做得好,
而我妹就係你既角色,
佢係我下屬, 幫我做野,
我就成日同佢講道理,
叫佢要增值, 做人點可以無堅持,
好多做人處世既野都做唔好,
我妹比我鬧到死下死下架!

佢都有同我講過, 話我做人太執著,
我咪鬧返佢, 做人唔執著,
求求其其就好?
但當時我人生係好孤單,
唔開心!
到我因為某些原因,
轉工並離開了以前十幾年生活圈子的朋友,
包括我妹,
我先開始睇到自己的問題,
自大驕傲,
但又比我嫁左個同我以前諗法一樣的老公,
於是乎我變左我妹,
成日比我老公鬧!!! (報應)
不過因為我明白佢,
所以好快我就調節到,
做野會上心,
知佢要咩就會配合佢,
做到係佢之前又唔會走得太快,
咁大家就happy多d lor!

奇實你走前佢半步,
反應比佢快dd,
咁就已經可以令佢覺有改變,
不過你快時佢又快,
你多數跟佢唔到!!!
唯有自己同佢一樣,
一齊增值!
私人傳訊

月師奶


大宅

積分: 3763


15#
發表於 09-7-16 10:38 |只看該作者
你不如同你老公講半職咁幫佢手工作, 留番半日咪唔洗對住佢, 等大家抖下氣先, 咁得唔得呢? 至於話你想開舖, 我都明佢意思既, 咁你退而求其次, 用網上招攬客人咁既做法, 睇下得唔得? 你話佢知你都想有自己既事業同興趣去搞, 希望佢支持你, 唔好乜鬼野都ban你先得架!~
私人傳訊

zuzu888


子爵府

積分: 12305

Poo得好勳章 瞓得好勳章 開心吸收勳章 美好大世界2017勳章 Xmas吸收勳章 好媽媽勳章 畀面勳章


16#
發表於 09-7-16 10:44 |只看該作者
係你分享佢食野個個要求時, 真係同我 99 有得比..所以我好明白呢野真係好煩人的~

又會話舊雞切得太大舊呀...咁大舊點食呀, 咁樣唔熟 ga....一係又話...切都咁細...都比你整碎哂啦~

一係碌菜...一係又話未熟好硬叫人點食..一係又話整到黃哂會冇哂營養...

屋企4個人...一個菜一個肉有湯...我自覺咩都夠食啦...佢又可以話...屋企有咁多野都唔去做...蒸隻蛋都好呀~

其實係我 62 做的菜...我好佩服的..但99 永遠都唔會贊...永遠都只係彈佢...

我覺得同你個 case 一樣...而家好似要你靠佢咁...好似你做咩都睇唔順眼...

好似佢係強者你係弱者咁..

你都話...個時你自己有份工係好地地佢唔會咁高要求的....

我 62 個時有做野頭家都唔會成日為呢d 各人唔同的指標而爭吵....
私人傳訊

Billychaichai


複式洋房

積分: 398


17#
發表於 09-7-16 13:21 |只看該作者
乜進唔進步有定義既咩。
乜野叫做走係人地面前，
乜野叫做完地踏步，
我唔係好明。
我只係覺得每人有自已處事既一套，
只在乎你面對既人接唔接受自已個套。
有話事權既人就可要求其他人接受佢個套，批評人。
無話事權既人就要接受人地既方式去處事。


原帖由 LUON 於 09-7-16 10:34 發表


我就咁睇。
你老公係因為佢做人做事有堅持,
才能有今日的成就,
但實在他是孤獨的,
因為我見到佢一而再再而三希望揾一個人明白佢,
欣賞佢, 認同佢!
而你係佢最親近的人,
但卻最不認同佢!!!!!

他講得對, 連份報價都 ...
私人傳訊

downtoearth


複式洋房

積分: 212


18#
發表於 09-7-16 14:34 |只看該作者
我老公都係禁,連我食個面, 佢都話我食到shushu聲冇manner,(我係家中食),總之我的感覺係:我做咩佢都睇唔順眼.
有時我都好嬲, 但咪當佢唱歌law, 唔係dim姐.
私人傳訊

Eggwhite


洋房

積分: 69


19#
發表於 09-7-16 16:59 |只看該作者
我覺得你老公最大的問題是: 自負+主觀

你可以在日常生活中讓他明白: 好多野係無絕對的"錯"同"對", 只係大家的看法不同.

好似食物的大小, 係他個人的喜好, 並無錯對之分, 他應學下尊重別人的感受.

不過, 我建議你不要正面同他交鋒, 可以例如借教導女女去接納別人不同的看法, 旁敲側擊地令他慢慢改變.

但如果大是大非的原則, 他講得對, 你不妨認同他, 並強調這種事情才值得討論........

希望你們可以慢慢磨合.
私人傳訊

cramimi


複式洋房

積分: 183


20#
發表於 09-7-16 17:00 |只看該作者
呢d係咪叫一招得意, 語無倫次?!?!

你老公太過要求完美, 而你因為成日係屋企無出去返工, 已經開始脫節, 我覺得你應該搵d course 讀下, 不停upgrdae下自己
咁反而你老公會欣賞你既上進

我都遇過唔少呢d人, 所以每次做野都要check 3,4次先send得出去, 一有錯就係咁比人鬧....樓主加油!
私人傳訊


首頁
123

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy