吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 同老公教仔方法好唔同,成日鬧交

夫婦情感今日: 2|主題: 42759

收藏本版

發帖

返回列表

跳至頁

查看: 3148 | 回覆: 9

同老公教仔方法好唔同,成日鬧交 [複製鏈接]

prosperityyan

禁止發言

積分: 829

1^#

發表於 09-9-19 11:17 |只看該作者 |倒序瀏覽 |打印

提示: 作者被禁止或刪除內容自動屏蔽

0 0 0

私人傳訊

小小小BB

大宅

積分: 3459

醒目開學勳章

2^#

發表於 09-9-19 11:43 |只看該作者

我有一些建議俾你, 唔知啱唔啱用:
1) 先了解和接受你老公教小朋友既出發點先, 再與你老公傾下關於時下社會問題, 如好多新生代都有性格與思想問題, 少少事就睇唔開去吸毒或自殘之類;
2) 你看過一些教導小朋友既書, 不如拎埋俾你老公一齊分享下, 當然大前題佢要同你心平氣和咁啦;
3) 同佢商量協議家庭角色, 因為教小朋友一定要一個好人和一個壞人先可以引導一個正面思想, 好似以我為例, 我未結婚但我下個月做媽媽啦, 已經講好咗, 我會係執教鞭, bf係做好人, 講真我唔怕個小朋友覺得我係衰人, 因為我寧可佢俾我訓練好面對挫折, 總好過做溫室小花, 到佢大啦!懂事就知細個時邊個真心對佢好;
4) 就算你老公唔可以同你妥協, 你有你教囉! 因為以身作則係最好既教育模式, 小朋友咁細唔識分好與懷, 所以會鐘意痴住縱佢既人, 但你事事以理服眾, 當小朋友要面對外界時, 你老公果套就失效, 反而你的身教會潛移默化左小朋友面對外界;
5) 至於你爸爸一時之氣, 別放係心度, 好囡兩邊瞞, 你係外家與丈夫之既橋樑, 大事化小, 小事化無; 老人家該看透風雨放下執著但都可以睇唔開, 何況你丈夫會咁講嘢啦! 其實所有人都係太著緊果日發生既事, 都過咗去, 只要你地個小朋友懂事醒乖就乜事都無啦

私人傳訊

傻媽媽2007

複式洋房

積分: 386

3^#

發表於 09-9-19 11:55 |只看該作者

呢啲事, 幾乎系每個家庭都會發生, 首先, 你唔好咁執著, 無話5歲前教個仔就一定好, 書系咁講, 只系比啲意見, 說服大家要早一點注意點樣教小朋友, 你太執著呢個 idea , 就一定覺得你老公唔岩. 放開啲先... 唔好一下子要個仔改到同你既想像一模一樣,

個仔食飯問題, 老師話一定要自己食, 咁如果佢唔自己食, 老師自然會搵你地, 到時候你同老公一齊去見老師, 等老師把口講, 擔保好過你講一百句. 有時候有啲嘢你要比佢發生, 只要唔影響小朋友生命既, 大人同小朋友都會從錯誤中學習. 我啲細路細個時成日系肚痾既時候想飲鮮奶 , 我持開放態度架, 會先話比佢知飲咗系會肚痛, 會再痾, 但如果你唔怕既, 可以飲, 當然第一次系有飲啦, 亦當然痾到飛起, 不過以後佢地都會問, 不過唔會做...
效果幾好架...

至於你老豆問題, 讓時間沖淡啦 , 你好難叫你老公去同你老豆忍錯, 問題不在於誰錯, 是面子問題... 你咪做長頭草囉, 放開啲啦..

個個教仔都會系咁架啦, 你算唔錯, 起碼老公有參與,有好多唔理架..... 只系大家未有共識姐.... 放開啲, 睇遠啲, 記住個仔唔系你既 copy, 唔可能所有嘢都如你所願, 比啲心機, 比啲耐性, 家庭和諧先系最緊要.... 重有唔好嬲個仔學老豆, 佢無意識既, 慢慢教啦.

私人傳訊

prosperityyan

禁止發言

積分: 829

4^#

發表於 09-9-19 12:07 |只看該作者

提示: 作者被禁止或刪除內容自動屏蔽

私人傳訊

十一月

大宅

積分: 1900

5^#

發表於 09-9-19 17:42 |只看該作者

分享下我的意見, c6同你c6一樣好縱阿囝, 佢一直認為五歲前的小朋友可以唔教, c6在家, 阿仔特別naughty, 我鬧阿仔時, c6亦會出聲嫌我煩, 鬧喊個仔, 我無耐性同c6分析咁多野, 我亦會照教個仔, 但可能鬧得多, 爸爸唔鬧久而久之個仔黏爸爸多個媽媽, 我現在採取另一策略, 陪佢玩多d, 放假帶佢落街玩, 晚上陪佢講故仔書, 總之令個小朋友知道, 媽媽都會陪佢玩的時間多於爸爸, 此外我都仲會鬧個仔, 同佢講道理, 問佢咁做係唔係唔啱, 個小朋友都覺得唔啱, 做老豆的梗加無聲出, or 我會選擇同個仔講你咁做我好嬲, 跟住走開, 由得佢對住個老豆, 所有事都唔理, 等個老豆理晒,飲奶呀, 換衫呀, 所有事都唔理, 不聞不問, 一次咁兩次咁, 當你教個仔時, 個老豆就唔會再出聲, 避開兩公婆嘈, 小朋友又知個媽嬲。或者當個仔naughty 時, 同個仔講, 你咁naughty, 爸爸鬧你架, 叫個老公出聲話下佢, 等佢知道教都係爸爸責任, 而且佢成日咁縱個仔, 佢出一次聲, 個仔會即刻呆左, 爸爸居然鬧佢, 做老豆嗰個又會覺得原來自己都咁有威嚴, 個仔會聽佢講, 自己做少一次衰人。
我而家會係咁樣, 個仔naughty , 叫c6, 你話下佢啦, 咁樣唔得, 而家c6都會出下聲教下個仔, 我地現在暫時少左為教個仔嘈, 其實教小朋友真係唔可以得一套, 要成日變,
呢樣唔得, 用另一樣, 你成日得你一個人教, c6唔配合真係好麻煩, 希望以上幫到你啦

私人傳訊

ringoivy

翡翠宮

積分: 76971

6^#

發表於 09-9-20 09:31 |只看該作者

我覺得你真係要好好咁同佢溝通既係在教育孩子的問題. 佢不應在孩子面前直斥你既不是, 再者每個人既教養方式都5同, 既然你兩個未攞到個共識之前, 就你有你既一套, 佢繼續用佢個一套, 永遠都有一個好人一個衰人, 倘若兩個都盲目地對個小朋友好就會寵壞左而不知, 但兩個同一時間對小朋友衰亦對個小朋友有深遠影響, 佢會覺得被乏視同缺乏愛, 你地要取得平衡的話, 你要叫老公5可以去評論你既教法, 倘若佢真係有不滿既地方都只可以在私底下談並非在兒子面前, 當然你要兒子喜歡你除了對佢管教外, 亦都不能乏略讚賞, 你要做到獎罰分明的話, 我深信你既兒子亦會得到適當既啟發的. 我對仔女都好嚴經常責駡, 但佢地依然好鍾意我好痴我, 係因為我做得到獎罰分明, 有時間都要抽空陪玩5係只係得個說教, 咁先令人心服口服你明5明?

原帖由 prosperityyan 於 09-9-19 11:17 發表
又係我, 今次想就住教小孩方面傾下, 之前講到我老公堝縱我個仔. 我睇左好多書, 知道小朋友的1-5歲最為重要, 要教好佢,而唔可以縱太多. 亦要佢學習獨立,不過我老公永遠好縱佢, 我叫食飯唔好比個仔睇電視, 因為一開佢 ...

私人傳訊

ndw

子爵府

積分: 13856

7^#

發表於 09-9-20 14:27 |只看該作者

To Prosperityyan

我不讓父母干涉我與老公的夫妻關系，我家的財政，家事以及管教孩子。

有一次，我啰嗦 (um um chum chum) 我老公（其實我當時沒有順服我老公），對老公的怨氣不斷地向老公肚子裡塞。結果老公嚴厲地責備我（鬧我）。不過他的確鬧得有理。我也願意受，因為我知道這方法相處能使我老公做我想要他做的選擇。沒錯，我就是這樣來控制我老公的。

ops:" /> 我在這方面正在改善中。與老公相處了十幾年了，我還沒有學會嗎？我知道，我只要掌握好何時給他面子，用什麼語調講，老公最終也會按我的意思去做。
誰知，我爸在隔壁飯廳還沒睡，雖然他聽不懂我們在講什麼，卻豎起耳朵非常留意我們的語調。我聲音溫柔像哀求，我老公聲音肯實像法官。我爸馬上向我老公方向衝過來，#@！亂罵我老公，比我倆夫妻一起加起來的聲音還要嘈十幾倍。那時已深夜，小孩子們還在睡夢中呢，不知會不會給他嘈醒呢。還要揮手要打我老公。我當時很憤怒我爸。雖然我知我爸愛我。我也愛我爸。至於我爸認為我老公竟然係佢面前咁大聲鬧佢個女, 十分唔尊重佢。我卻不認同我爸這觀點。首先，我認為呢 d 係我自己既家事（我與我老公的家事）, 唔關我老豆事。其次，我爸界手，使我感覺到我爸認為我理家能力不足，認為我沒辦法從自己老公那裡得到我想要的，認為我搞我老公唔掂，要他來幫忙似的。我的 ego 馬上升高，升高到我馬上怒罵我爸。真的有其父必有其女。我罵爸跟我爸罵我老公一樣。不一樣的是，我很為我罵爸的表現而羞恥，而我爸沒有為他罵女婿的表現而羞恥。我跟我父母的價值觀不一樣。

我們家是:
老婆揾$揹起成個家, 老公係家庭主男同湊細路。有無擂同？
http://forum.baby-kingdom.com/vi ... &extra=page%3D2

[ 本帖最後由 ndw 於 09-9-20 14:28 編輯 ]

私人傳訊

Nancy20090615

瑪瑙宮

積分: 136967

8^#

發表於 09-9-20 21:23 |只看該作者

教仔方法真係一大難題. 同 c6 教仔方法唔同又引出另一難題. 我地一直夾唔到, 佢有佢做法, 我有我做法. 我地兩個都係醜人, 佢就鬧, 我就嚴厲. 佢會用藤條, 我唔會用藤條. 建立好親子關係, 細路會願意聽您講. 亦唔好講一套, 做一套, 双重標準. 呢個係我 c6 教法. 叫個仔唔好咁, 自己卻會咁, 又話細路仔唔可以咁架, 我會答佢大人細路都唔可以咁.

在責備佢時, 要控制聲調/表情, 唔好怒不可竭咁嚇人, 唔淨係話佢唔啱, 點錯點錯, 唔準咁唔準咁, 而問佢您覺得咁樣啱唔啱. 如佢答唔啱, 再問佢點樣唔啱. 成個過程要佢自己親自思考. 再問佢應該點.

但我個仔如我所料, 以前一直講歸講, 佢聽唔入耳, 始終要等佢有一日個腦自己 '叮' o既時候, 大約中二~中三, 佢就醒晒.

[ 本帖最後由 Nancy20090615 於 09-9-20 21:31 編輯 ]

私人傳訊

prosperityyan

禁止發言

積分: 829

9^#

發表於 09-9-21 12:43 |只看該作者

提示: 作者被禁止或刪除內容自動屏蔽

私人傳訊

十一月

大宅

積分: 1900

10^#

發表於 09-9-21 23:56 |只看該作者

原帖由 prosperityyan 於 09-9-21 12:43 發表
十一月,

你好, 係, 你好啱, 我之前都試過, 佢一naughty, 我就話, daddy鬧架啦? 我個仔都會立即停一下,望下佢, 收下聲, 我都有叫我老公出下聲話下個仔, 咁佢都會講2句, 不過唔係惡, 我個仔過一陣又繼續NAUGHTY LAW. ...

我c6都係唔惡咁話個仔, 個仔都係咁停一停, 但停一陣都好過無, 我通常都會同c6講個仔驚你, 你話下佢啦, 叫多c6幾次, 迫多幾次佢做衰人, 個小朋友知無人縱容, 個小朋友就唔會咁naughty, 又可以避開兩公婆嘈, 佢唔惡話小朋友由得佢, 佢肯出下聲就得, 我而家都係咁, 個仔naughty , 我都叫c6話佢, 再後期, 個仔naughty , 我直接同阿仔講, 你再naughty , 爸爸鬧你架啦(其實個老豆對眼望著電視機唔知發生咩事)