吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 與姐姐10年的相處(sorry比較長篇!)

論盡家傭今日: 4|主題: 134062

收藏本版

發帖

返回列表

跳至頁

查看: 1510 | 回覆: 4

與姐姐10年的相處(sorry比較長篇!) [複製鏈接]

Lovely媽咪

版主

積分: 18438

減齡達人勳章 2018母親節勳章 15週年勳章親子王國15週年勳章熱血勳章畀面勳章大廚勳章 BK猜猜猜慶中秋

1^#

發表於 09-8-12 12:28 |只看該作者 |倒序瀏覽 |打印

今日係姐姐(印印)係我屋企的最後一日,仔他呢幾晚都有喊,因為佢好唔捨得姐姐

,因姐姐係由仔仔1個月照顧到依家,唔經唔覺已經10年了!幸好姐姐的新工作屋企距離我地都只係5個地鐡站,所以佢應承仔仔星期日會返嚟同佢食早餐,仔仔心情先好啲~~

回想10年前姐姐初嚟既時候,係一個完全咩都唔識既小妹妹,佢passport show18歲,但實際好似係就嚟16歲,因佢地要報大啲先可以嚟香港做嘢,點解會請咁細個?當時agent同我分析如果請一個年紀大啲,有經驗既,好處就係我唔駛點教都得,但壞處係佢有自己一套做嘢方式,未必會聽我講,同埋未必會成日同bb玩;但如果我有時間教既話(那時我可以放3個月-產假+大假),請一個冇經驗,我就可以要佢完全照我既方式去做,但需要時間長啲,同埋後生啲,佢會好鐘意同bb玩,所以最終我就請咗佢.

頭3個月我同所有新媽咪一樣,佢一有咩做得唔好我都會好緊張,好憺心佢究竟照唔照顧到bb,差唔多隔日就打一次電話俾agent,每日都同佢練習廣東話,教佢煮嘢食,要佢寫低我教佢做既每一個步驟,幸好到我返工時佢已經可以做到我最基本既要求,當時我都有裝viewcam,每日返工就錄低,放工就睇番,一發現佢有咩唔啱就即時同佢講,絕對唔可以因為同情佢離鄉背井嚟香港打工已容忍佢犯錯,唔好俾佢試到你既底線,大約維持咗半年就再冇咩大問題.最重要佢當仔仔係佢細佬,所以都好鍚佢,好有心機照顧佢,又會同佢玩.
到仔仔2歲左右我就成為單親媽咪,所以其後既8年間屋就得我地3個,幸好係我之前咁辛苦教佢,令我可以好放心返工,俾佢照顧仔仔.

與其話我好彩請到好工人,不如話我好彩請到個真正為咗想搵錢既工人,因為這樣佢會俾心機做,唔想我唔用佢要返印尼,因為我屋企真係冇咩嘢做,好舒服.可能再加埋我唔算係一個高要求既人,有時小錯我都只係話2句就算,當然大錯就一定鬧到飛起.同時好agent亦好重要,呢10年agent都會定時定候打嚟問工人有冇咩問題.

當然10年期間佢都有衰過,我亦出過一封warning letter俾佢,但總括嚟講都冇帶啲咩麻煩俾我,所以我都好唔捨得放佢走,但一方面仔仔已10歲la,真係要訓練吓佢獨位,另一方面仔仔會開始去補習社,係屋企既時間更加小,相對姐姐就更加冇嘢做,所以決定放佢走,同時可以慳番啲錢.

講真我一直只會當佢係屋企一份子,但唔係家人,因始終係工人,佢做得好我會讚吓佢或者買份小禮物,但做錯就一定鬧,最重要係要依我既指示做嘢,唔好以為做得耐就可以自把自為,有時聽到人地講佢地離鄉背井嚟香港做嘢好慘,所以要對佢好啲,我一定唔認同,我會講「唔好唔記得我地要俾人工佢架,佢未嚟前係印尼打住家工都係得$100一個月,相對香港既人工係好好多,亦冇咁辛苦,只要我冇刻薄佢,我覺得已經ok」見到有啲人對工人好到過哂火位,佢地只會得吋進尺,講真最終受害都係自己.

最後都希望佢新顧主都會對佢好,唔會刻薄佢.

0 0 0

私人傳訊

chaubb

別墅

積分: 632

2^#

發表於 09-8-12 13:40 |只看該作者

Lovely媽咪 ,

hi,現在真的很難找到一個好的姐姐,好次我個姐姐成日比black face給我...來了做一個月不夠比我講幾句...就講唔做啦....好次我們見他的moblie 爛了.米好心給他mobile,點知見他有2個moilbe 米同他講攞返...第日放完假回來只是放回我們書房內的桌,連一句唔該都無呀...

真的很過份...
現在d工人真的巴閉啦...
你的agent 都幾好呀..你可否給我他的資料呀...tks...

私人傳訊

Siuchoi

珍珠宮

積分: 32052

3^#

發表於 09-8-12 13:43 |只看該作者

好工人要走, 明白你地既感受~~

私人傳訊

BBLOVEMAMA

子爵府

積分: 10263

4^#

發表於 09-8-12 14:56 |只看該作者

十年前印尼工人一定比現在的好,是一個有朋友告訴我,因為以前好少印傭,佢地無咩人請,所以怕無左分工,而且,有個AGENT 告訴我,現在的工人為何甘差,因為可能十年前一個工人只可跟一個AGENT,即係佢被炒,都只可回AGENT到找新工,所以會怕GENT.
但唔知幾時開始,政策改變了,一個工人可去十間OR MORE AGNET公司掛牌,正如你現在於不同AGENT到可見到同一個工人,而且佢地巳經識多好多語言,開發左,所以都唔會再聽AGENT話,都可以找第二份工,所以即係無皇管了,而現在年輕新一代,揾錢買花帶,佢地就業高過我地.
掂同呢!!!你個工人以前甘"油",下份工應該難做D.