吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 你地啲賓賓醒目嗎?

論盡家傭今日: 4|主題: 134062

收藏本版

發帖

返回列表

跳至頁

查看: 997 | 回覆: 9

你地啲賓賓醒目嗎? [複製鏈接]

wko1029

大宅

積分: 4537

1^#

發表於 09-8-11 15:22 |只看該作者 |倒序瀏覽 |打印

我同工人啱啱續左第二份約, 其實我初初都心大心細, 續唔續好呢?? 因為佢實在太矮, 大約4尺5(請左返嚟先知...自覺有少少俾agent搵笨....不過都算了...)...我老公話佢揍得亞女好地地, 唔好轉啦...
但係我覺得佢嚟左香港都兩年啦, 跟左我地兩年, 但係都係唔得醒目... 究竟係唔係我要求高呢??
優點:
1. 做野清潔
2. 照顧亞女幾好, 由bb揍到而家兩歲, 教識亞女幾多英文字
3. 手腳乾淨...到現在為止, 未試過唔見錢....
4. 諗唔到了....
缺點:
1. 做野好慢, 已經同佢講過幾次了, 結果都一樣....算吧...
2. 做錯野, 好多籍口, 次次都話唔知點解...雖然唔係啲咩大錯, 但我寧願你講聲sorry, 好過咁多籍口
3. 唔醒目, 出街時, 推門或按lift制, 佢唔會快快手去做, 好似想等其他人推門先或按lift制先....大佬, 有時我抱住亞女或推bb車時, 唔該你就行快步推門俾我啦, 次次都要我望佢先去做...好似上星期我同佢同埋亞女去飲茶, 一坐定, 亞女係咁叫"差"燒包, 咁我咪即刻填點心紙囉, 啲亞姐放低啲杯碗响枱度, 你知啲一set set啲杯碗點擺架啦, 隻杯响隻碗裹面, 3set放响度, 佢可以坐响度睇住我寫點心....頂!!!跟住要我叫佢先識洗...講真又唔係第一次同我地去飲茶, 唔該醒少少啦....

講真, 我唔鍾意同佢出街, 因為佢身高問題, 基本上好多路人望完佢就望我, 有啲仲衰, 望住佢陰陰笑, 跟住就望我, 之後就同朋友"之之針"...有時亞女又拖我又拖佢, 我高佢尺幾....大家想像吓個畫面幾得意....
佢咁唔醒目, 下星期開始佢要負責帶亞女放學....都唔係十分放心.....唉, 如果自己唔洗返工就好了.....多謝大家响度聽我慎!!!

0 0 0

私人傳訊

LHLMother

男爵府

積分: 7867

2^#

發表於 09-8-11 15:38 |只看該作者

你個賓都唔係太差, 可接受, 最緊要湊得惦女女, 至於缺點就無得救, 睇吓你著重點放响邊.

我以前個賓好醒, 好多野都話頭醒尾, 我奶奶黎教過佢一次點整坐月食物, 佢一次都冇錯到.

但佢有時會自以為是, 用咗佢嗰套方法. 唔多聽僱主(我)的指示.

最頂佢唔順就係成日同我玩心理戰, 個零月就整煩我一次, 成日試我底線, 就係因為佢叻......後來先知佢以前响中東打過工, 僱主對佢唔好, 又唔可以出街(以前中東女人出街會被殺或傷害), 佢係趁一次機會放低3個少主偷走番菲律賓........所以佢咁叻, 帶黎我好多方便 & 煩惱. 一時話要參加女女的畢業禮, 一時話要參加女女的18歲生日party. 一時話要我比佢睇私家眼科醫生.....好多好多.

我最終搵到個好工人就炒鬼咗佢.... 所以話如果你請咗個叻工人就會有定女理準備, 佢會成日同你玩野, 因為叻工人唔代表善良, 好多時都會唸叔數, 用腦同你玩過.

私人傳訊

demio

大宅

積分: 4531

3^#

發表於 09-8-11 15:45 |只看該作者

我現在個工人有你講的優點, 但無你工人的缺點, 其實係一個十分之好的工人. 至於高度, 佢都有5呎3. 如你問我點形容我個工人, 我會話 "正"

唯一唔好就係佢會偏心個妹 (因為係佢由bb起湊到呢家3歲).

私人傳訊

eileenycm

大宅

積分: 2553

4^#

發表於 09-8-11 23:39 |只看該作者

講大話, 講手提電話同吞POK就最醒

私人傳訊

klm402

伯爵府

積分: 15837

5^#

發表於 09-8-11 23:45 |只看該作者

樓主個工人其實都唔太差, 只係比較遲ton d唔識自動波吧, 不過請到個太醒你到時又有咩一堆麻煩野呢, 凡事冇兩頭利, 更何況請工人, 所以如果佢湊你女女都湊得幾好, 其實我覺得好多野已可包容了.

私人傳訊

小黑咪

侯爵府

積分: 24223

好媽媽勳章畀面勳章

6^#

發表於 09-8-12 00:14 |只看該作者

佢既優點其實已經好過好多工人喇, 至於身高, 你理得人地點睇丫, 最緊要個工人做得野o者.

私人傳訊

lovepooh215

禁止訪問

積分: 705

7^#

發表於 09-8-12 13:11 |只看該作者

提示: 作者被禁止或刪除內容自動屏蔽

私人傳訊

Siuchoi

珍珠宮

積分: 32052

8^#

發表於 09-8-12 13:51 |只看該作者

我工人又係好矮架! 冇5尺!! 初到時又係做野好慢架~ 連我兩個女同99睇到都忍唔住笑架!!

我係好性急既人, 佢一慢左, 我就會叫佢HURRY UP!! 呢句HURRY UP, 一日講十幾次架~ 衣家正常D了!!

私人傳訊

wko1029

大宅

積分: 4537

9^#

發表於 09-8-12 14:19 |只看該作者

原帖由 lovepooh215 於 09-8-12 13:11 發表
我覺得你工人真心對你個女好, 已經好好, 其它可以包容佢.
醒又如何?
好似我家公主,超醒. 但佢做戲一流, 係你面前對小朋友超好, 係你背後, 望都唔望佢地一眼.
又成日講大話, 叫佢跟我方法去做, 之後就用佢自己方法, ...