吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 同老公分開左, 唔知佢唸緊咩??!!

夫婦情感今日: 0|主題: 42781

收藏本版

發帖

返回列表

跳至頁

查看: 7150 | 回覆: 50

同老公分開左, 唔知佢唸緊咩??!! [複製鏈接]

12 3

annieannieleung

大宅

積分: 2326

好媽媽勳章

1^#

發表於 09-8-10 10:33 |只看該作者 |倒序瀏覽 |打印

o係一個月前, 我老公話要同個客去澳門, 我懷疑佢同個女仔去 (咁o岩o個日係個女仔o既生日), 所以唔比佢去, 但最後佢都係去左~
o個晚我好嬲, send 左個 sms 比佢, 話十二點前見唔到佢就離婚~
結果佢隔左一日, 凌晨三點幾先返~
o個時我真係好嬲, 發佢脾氣, 之後o個日仲 send 左o的好 hurt 佢o既 sms 比佢~
因為我o既一時意氣, 就出事啦!!
佢返黎同我講大家要冷靜下, 冷靜左幾日佢竟然同我講大家好難再一齊~
我知道呢一刻佢已經同左o個個女仔一齊, 個女仔大過佢幾年, 個樣又老又唔靚, 而自己就比佢好好多, 我真係好唔甘心~
再過多幾日佢同我講大家無可能, o個晚我食左 20 粒必理痛, 唸住佢會緊張我~
佢返黎見到我咁o既情況, 即刻送左我入醫院, o係醫院o個兩日佢有打比我、關心我, 但依然無改變到佢o既決定~
醫院唔比我返自己屋企, 驚我再出事, 所以唯有過媽咪度住幾日~
本來我老公都問我住到幾時返, 但出左院第二日佢就叫我不如搬返媽咪度住~
如果唔係入左醫院, 佢就無藉口叫我走啦!! 我知佢係想叫o個個女仔去佢屋企度訓~
結果如我所料, o個個女仔過左佢屋企訓~
唔記得左講, o個個女仔知道佢有老婆仔女o架!! 屋企o的相放晒o係度佢都唔介意, 好 cheap 呀!!
本來以為無晒希望, 都唸住放棄o架喇!! 點知上星期佢叫我比o的時間佢, 等佢返黎~ 到左前幾日佢又叫我放手, 佢好想一個人靜下~
但佢邊係一個人丫?! 有o個個女仔陪住佢~
但我知道佢係唔捨得我, 我地每次見面佢都會同我傾好耐, 又同我講佢o既野~
由始至終佢無話過要同我離婚, 而呢段時間我地都有行埋過~
但佢講o既野反反覆覆, 我根本唔知佢心入面唸緊咩??!!
我地之前洗大左, 屋租、電話費、水電煤通通都未交, 但佢同我講宜家搞掂晒~ 我唔知係咪o個個女人幫佢搞掂??!! 我直覺覺得o個個女仔幾有錢, 可能金錢上 support 到我老公, 令佢覺得對方好為佢, 所以唔放手~
一直以黎我老公對我唔係好好, 但佢心入面好錫我, 我係知o既~ 而我亦對佢好好, 千依百順~ 個個都話佢唔值得我再愛 (今次已經唔係第一次有第三者), 但我覺得大家都有唔o岩, 先會去到呢個地步~ 同埋佢唔係一個負心人, 我只覺得佢係一時意氣做錯左, 宜家點做都會傷害其中一方~ 所以就拖泥帶水~
我地宜家無 keep 住聯絡o架!! 只係有咩特別事先會見~
我地有個兩歲o既仔仔, 仔仔好痴佢o架!!
我好想爭返個老公返黎, 但係又唔知應該點做??!!

0 0 0

私人傳訊

aliceyy123

別墅

積分: 732

2^#

發表於 09-8-10 11:19 |只看該作者

樓主,聽到你甘講,首先登你唔開心!
以前我聽過一句說話:當你爭取過,而得唔到,你還可以做什麼?就系心平氣和地放手,或者會有反效果!
我聽你甘講,你老公心里應該仲系愛你,會唔會因為之前錢銀問題,令佢同果女仔走埋一齊?依家人地幫左佢,佢又唔好意思離開佢..試下盡量平靜地同佢傾,同最寬鬆既態度對佢,我覺得你老公應該果d受專唔受硬既人!你要keep住關心佢,令佢知道你先系佢老婆,千祈唔好唔理佢,甘樣果女人更加有機會入手
我覺得主打系溫情,其次系愛--要俾佢有家既感覺,而且你地2個已經多年感情,有個仔..盡量唔好發火,鬧交,只會親手趕走個老公!

私人傳訊

annieannieleung

大宅

積分: 2326

好媽媽勳章

3^#

發表於 09-8-10 11:41 |只看該作者

多謝你咁快覆我呀!!
我都係咁唸, 既然我爭取過都無用, 希望放手會有反效果呢!!
我都覺得佢係唔好意思離開個女人, 但係當中佢都鍾意對方~
你無估錯, 佢係o的受軟唔受硬o既人黎呢!!
宜家我同佢分開住, 一直我都無搵佢, 只係有特別事先搵對方~
我驚我搵佢、關心佢, 會令佢覺得我好煩~ 我唔知應該用咩方法去關心佢、令佢知道我先係佢老婆??!!
唔記得左講我地拍拖加結婚只有 3 年 10 個月, 不過識左 12 年, 中間有 8 年無聯絡, 聯絡返好快就一齊左~ 大家都覺得呢段感情係好難得, 因為我地細個時都有拍過拖~
我都知道今次係我一時意氣趕走左佢, 但係見佢宜家o既態度, 知道大家仲有機會~
我好想利用呢少少機會去挽救大家o既婚姻, 但係我真係唔知道應該點做、點對佢先最好??

私人傳訊

ssw7889

大宅

積分: 1716

4^#

發表於 09-8-10 11:49 |只看該作者

樓主, 你話(今次已經唔係第一次有第三者), 點解唔放手?

mouth:

私人傳訊

annieannieleung

大宅

積分: 2326

好媽媽勳章

5^#

發表於 09-8-10 11:57 |只看該作者

原帖由 ssw7889 於 09-8-10 11:49 發表
樓主, 你話(今次已經唔係第一次有第三者), 點解唔放手?mouth:mouth:" />

因為我真係愛得佢好深, 同埋我覺得如果之後我地可以好好 handle, 係可以避免事情再發生呢!!
同埋我好想仔仔有個完整o既家庭~
仔仔已經有個同父異母o既家姐, 對佢o既心理已經有影響啦!!

私人傳訊

kelvin_li1130

洋房

積分: 84

6^#

發表於 09-8-10 12:02 |只看該作者

回覆 5# annieannieleung 的文章

都真係有D複雜wor!!

私人傳訊

nana832

大宅

積分: 1475

7^#

發表於 09-8-10 12:23 |只看該作者

唔想放手唔緊要,
但係首先你要改變自己既想法,
你而家咁想, 只會令你老公越行越遠.

首先一樣你要明白人既心態係:
失去左先懂得珍惜.
尤其係佢而家其實都唔捨得你,
咁你就一於忍一段時間,
唔見佢, 唔同佢傾計,
你同佢講, 叫佢自己想清楚先,
你會等佢, 但唔會無止境咁等落去,
要係佢想呢段時間暫時唔好見住.

就算果個女人又老又醜咁又點呢?
男人就係含新鮮, 亦有可能果個女人比到你比唔到佢既野佢呢(唔係錢),
你又唔好成日將自己想得太好.
想搶返個男人一定要了解男人既想法,
你自己覺得自己好啫,
如果個男人都係咁諗, 點解又要出去滾呢?
仲要唔止1次喎.
大部份男人要既唔係千依百順, 唔係聽晒佢話,
反而係要新奇, 刺激, 有趣, 有個性,
最唔鍾意一哭二鬧三上吊,
你樣樣做齊, 個男人點會鍾意阿,
改變自己性格, 思想, 處事方式啦.

平時多d打扮, 唔好成個殘樣比佢睇到,
等佢眼前一亮兼有危機感,
必要時要表現唔嗲唔吊等佢心急,
咁佢返轉頭機會就大好多架啦.

私人傳訊

CARINEYIP

大宅

積分: 1018

8^#

發表於 09-8-10 14:22 |只看該作者

十分正確,我果時果個女人用第二d男人激我c6,我仲比人話蝕咗章,但我知我老公唔受尼套,c6咪唔係好信個女人,所以返咗黎

原帖由 nana832 於 09-8-10 12:23 發表
唔想放手唔緊要,
但係首先你要改變自己既想法,
你而家咁想, 只會令你老公越行越遠.

首先一樣你要明白人既心態係:
失去左先懂得珍惜.
尤其係佢而家其實都唔捨得你,
咁你就一於忍一段時間,
唔見佢, 唔同佢傾計,
你同 ...

私人傳訊

annieannieleung

大宅

積分: 2326

好媽媽勳章

9^#

發表於 09-8-10 15:14 |只看該作者

原帖由 nana832 於 09-8-10 12:23 發表
唔想放手唔緊要,
但係首先你要改變自己既想法,
你而家咁想, 只會令你老公越行越遠.

首先一樣你要明白人既心態係:
失去左先懂得珍惜.
尤其係佢而家其實都唔捨得你,
咁你就一於忍一段時間,
唔見佢, 唔同佢傾計,
你同 ...

你o既講法同我個 friend o既講法差唔多, 佢都叫我唔好理佢, 唔好聽佢電話, 等佢覺得個老婆完全消失左~
同埋好多人都話男人貪新鮮~
我唔知道原來千依百順、聽晒佢話係唔得o架!!
我平時都有打扮下o架!! 不過好多時見到佢o既時候已經返左屋企, 點打扮佢都睇唔到啦!!
不過講開又講, 唸返起早幾日見佢, 我扎起左把頭髮 (平時好少咁做), 戴左個頭箍, 化左個淡妝, 佢不斷問我, 又話未見過我戴頭箍... 唔知咁樣係咪令佢覺得好 fresh 呢??
我會嘗試改變下自己o既性格、思想、處事方法o架喇!!
不過真係唔知應該點做先最好囉??!!
其實之前都同佢講過以後唔好見, 叫佢唔好再打比我, 我想大家冷靜唸清楚o架!!
不過最後我都係心軟, 聽到佢叫我等佢返黎, 我就唔捨得唔見佢、唔聽佢電話啦!!
但我會再同佢講, set 個時間比佢唸清楚, 呢段時間暫時唔見住~
但係黎緊o既星期五係佢舊歷生日 (西歷已經過左, 知佢同人地過, 所以無同佢慶祝), 我約左佢, 我唔想呢個咁重要o既日子都 miss 左呢!!

私人傳訊

chowkarman

大宅

積分: 3623

10^#

發表於 09-8-10 16:30 |只看該作者

我反而覺得唔應該完全消失!!! out of sight, out of mind 係人之常情, 消失唔係唔可以, 但唔可以太耐囉, 我諗最多係兩至三日, 因為你老公應該係一個耳仔軟o既人, 你諗吓, 當你 "消失" o既日子, 可能開頭佢會緊緊張張, 但過咗幾日, 佢又會發覺冇咩特別, 相反嗰個女仔一直喺佢身邊, 佢會感覺到佢o既"實在", 所以我覺得你唔好打電話比佢, 但可以隔兩日耐唔中 send 個 sms 比佢, 有時文字o既威力係你估唔到架, 比口講仲 warm 仲 sweet!!!! 又唔駛成日講 d 肉麻嘢, 可以講吓閒話, 講吓個仔, 順便提一提佢係有個仔o既!!! 試吓咁, 會唔會有意外驚喜!!!

對男人千祈唔好千依百順, 大忌呀!!!! 冇哂挑戰性!!!! 佢咪出去揾 d 沖激囉!!!! 唔係叫你對佢唔好, 但起碼要佢知道, 你都係有思想有感情有主見, 男人會欣賞獨立有想法, 但間唔中扮吓小女人o既女人, 留意吓好多二奶都係呢隻!!!! 希望你用誠意同愛可以打動到你老公啦!!!! 但記住, 一次不忠, 百次不用, 佢已經唔係第一次, 一個意志咁薄弱o既男人值唔值得你一次又一次咁比機會佢, 你要自己諗清楚呀!!!!

私人傳訊

aliceyy123

別墅

積分: 732

11^#

發表於 09-8-10 16:43 |只看該作者

回覆 10# chowkarman 的文章

可能我個人比較顧大局,我做咩都會以老公為中心,有咩野都會同佢講--所以對於婚姻,我系一個典型小女人!我覺得既然我揀左佢,我一定系想同佢一齊架啦,無論佢有咩唔好,做錯咩野,我都系愛佢架,我又何必要斗氣,或者試驗佢,又去証明一些什麼--首先大條件我系愛佢,我就會大大聲,光明正大甘同佢講,我愛佢而唔想佢離開我--系愛既人面前點解我要擺一付高高在上的姿態?就系為左面子?為了一淡氣而放棄一個老公 ...當佢走左你就會怨自己點解唔留佢--點解唔試下挽留!!大前題,你又愛佢,佢亦對你有不舍--試下放低自己,放低所有條件,盡情地去付出!!或者佢感受到你既愛,佢會知道點揀!
以上系我既主觀,因為我覺得愛,唔會包括任合條件,愛就系愛,唔通佢走左,你就唔愛佢了咩?
自己既幸福自己掌握--好好考慮下啦!!

私人傳訊

NicoleTszChing

大宅

積分: 2333

12^#

發表於 09-8-10 17:01 |只看該作者

你一開始已經做錯了~

死,絕對挽留唔到一段愛情,
反而會令佢消失得越快!

男人最討厭女人以死作為威脅~
就算比你今次成功左,
佢肯返o黎你身邊又點?
事情始終未解決.
難道下次再發生類似情形,
又再一次死比佢睇??

有勇氣去尋死,
倒不如坦白同佢講出你o既感受,
話佢知你愛佢.

唔好以為用激脹法可以令男人回心轉意,
多數男人都受軟唔受硬,
甚麼離婚,死......
講多幾次,做多幾次令會男人走得更快!

千萬唔好消失,
反而要o係呢段時間對佢多d關心.
男人係無耐性.
消失得耐,佢對你o既感情只會越o黎越淡~
當佢發現你唔o係佢身邊一段日子,
佢會開始習慣,或者會覺得開心,無人煩.
到時就恨錯難返~~

私人傳訊

nana832

大宅

積分: 1475

13^#

發表於 09-8-10 17:39 |只看該作者

既然你Fri約左佢,
咁就唔好白白浪費呢個大好機會啦.
首先你要扮靚d(唔須要濃妝, 男人唔鍾意),
出黎見面期間千萬唔好提唔開心既野,
就算佢提, 你都要當機立斷stop佢,
就話係呢d開心既日子, 只講開心事.

唔好太夜走, 唔好比佢送你返屋企,
如果佢夾硬要送, 你就話約左人,
當然問你約左邊個你就話佢唔識,
佢問男定女你就話係女,
如果佢好有誠意咁叫你陪多佢一陣,
你就扮晒好為難咁, 但都係留低陪佢,
唔好比佢覺得你隨傳隨到.

走果時走得瀟灑d, 唔好回頭望佢,
等佢有種依依不捨既感覺.

第時都係咁, 唔好佢一打電話比你就聽,
要鍾意聽就聽, 唔鍾意聽就唔聽,
越係搵你搵得多, 就越唔好聽,
佢問你就話聽唔到電話響.

呢d男人就係咁, 要有挑戰性佢地先鍾意.

私人傳訊

ubah

別墅

積分: 536

14^#

發表於 09-8-10 18:10 |只看該作者

為咗個仔你咪鬼咁易放棄!你老公鐘意個仔咪淨係講個仔啲嘢囉!唔開心啲嘢唔洗講吖!離婚又唔係可用嘅方法,只要你肯忍耐小小時間,必定守得雲開嘅,我個C6夠無叉叉成隻月唔返屋企瞓啦!我又帶兩隻怪獸走咩!!問自己係咪真心鐘意C6亦唔介意以前嘅事,係就忍耐吓!

私人傳訊

LoveChild

伯爵府

積分: 18149

15^#

發表於 09-8-10 18:16 |只看該作者

想問下樓主, 如果佢下一次又係咁, 你又會點做?
(唔好話呢D係假設性問題, 因為佢已經唔係第一次)

私人傳訊

annieannieleung

大宅

積分: 2326

好媽媽勳章

16^#

發表於 09-8-10 18:45 |只看該作者

原帖由 chowkarman 於 09-8-10 16:30 發表
我反而覺得唔應該完全消失!!! out of sight, out of mind 係人之常情, 消失唔係唔可以, 但唔可以太耐囉, 我諗最多係兩至三日, 因為你老公應該係一個耳仔軟o既人, 你諗吓, 當你 "消失" o既日子, 可能開頭佢會緊緊張 ...

我明白o既, 宜家我都有間中 send 個 sms 比佢o架!!
可能我就係唔識得捉男人o既心理啦!! 平時咩都就晒佢, 咩都幫佢搞掂晒~ 我以為咁樣先係一個好老婆呢!!
上次見佢我有發下小脾氣, 估唔到佢仲會拎到隻公仔氹返我, 原來真係有用o架!!
值唔值得呢個問題, 其實我o係呢個月唸左好耐~
我覺得無話值唔值得o既, 只係因為我好愛佢, 而仔仔同我地一齊o既時間係好開心, 尤其係一見到爸爸就開心到發顛咁~
我好想仔仔o係一個健康愉快o既家庭度長大~
我相信如果大家經歷過今次, 可以重新再開始, 以後o既日子一定可以過得好開心, 同埋大家都學懂一樣野, 就係唔可以意氣用事~

私人傳訊

annieannieleung

大宅

積分: 2326

好媽媽勳章

17^#

發表於 09-8-10 18:48 |只看該作者

原帖由 NicoleTszChing 於 09-8-10 17:01 發表
你一開始已經做錯了~

死,絕對挽留唔到一段愛情,
反而會令佢消失得越快!

男人最討厭女人以死作為威脅~
就算比你今次成功左,
佢肯返o黎你身邊又點?
事情始終未解決.
難道下次再發生類似情形,
又再一次死比佢睇??

有 ...

其實由始至終我無唸過死, 因為我仲有好錫o既仔仔要照顧, 我係唔可以掉低佢o架!!
我明白一開始就用錯方法, 希望宜家可以做返o的野去挽救呢段婚姻~
我會努力o架!! 多謝你地o既支持同意見呀!!

私人傳訊

annieannieleung

大宅

積分: 2326

好媽媽勳章

18^#

發表於 09-8-10 19:06 |只看該作者

原帖由 nana832 於 09-8-10 17:39 發表
既然你Fri約左佢,
咁就唔好白白浪費呢個大好機會啦.
首先你要扮靚d(唔須要濃妝, 男人唔鍾意),
出黎見面期間千萬唔好提唔開心既野,
就算佢提, 你都要當機立斷stop佢,
就話係呢d開心既日子, 只講開心事.

唔好太夜走, ...

多謝你o既意見呀!! 我會好好把握星期五呢個機會~
佢今日有打過黎問我星期五o既野, 原先因為奶奶唔得閒, 夜晚要早o的湊返仔仔~
但我老公話無理由湊埋個仔去食飯 (我唸佢都想兩個人啦!!), 說服左奶奶星期六朝先比個仔我~
我想請半日假陪佢, 因為我地都有個幾月無去過街喇!!
不過唸唔到去邊好, 佢叫我唸到先話佢知, 如果唔係食個飯就算~
我預備左份生日禮物比佢, 宜家唸緊買唔買蛋糕??!!
其實我唸住o個晚o係佢度過夜o架!! 不過咁樣係咪唔係咁好呢??
由於佢有貸款, 欠十幾萬, 佢今日都有同我講呢個問題, 唔知咩原因佢已經 settle 左, 佢仲話欠人一個好大o既人情, 呢世都還唔清~
我直覺覺得係o個個女人幫左佢, 如果唔係點會無啦啦有十幾萬還錢喎!!
一唸到呢度就好 hurt 喇!!

私人傳訊

annieannieleung

大宅

積分: 2326

好媽媽勳章

19^#

發表於 09-8-10 19:13 |只看該作者

原帖由 ubah 於 09-8-10 18:10 發表
為咗個仔你咪鬼咁易放棄!你老公鐘意個仔咪淨係講個仔啲嘢囉!唔開心啲嘢唔洗講吖!離婚又唔係可用嘅方法,只要你肯忍耐小小時間,必定守得雲開嘅,我個C6夠無叉叉成隻月唔返屋企瞓啦!我又帶兩隻怪獸走咩!!問自己係咪真心 ...

為左個仔, 為左自己, 我真係唔介意佢以前o既事~
人誰無錯丫??
真正愛一個人, 係有無限o既包容同寬恕 (我唔係信教o架!!)~
我可以做得到, 所以我知道我有幾愛佢~
咁你老公做咩無啦啦成個月唔返屋企瞓o既??
不過我相信你o既問題無我o既問題咁嚴重~
我地一齊面對困難啦!! 加油~

私人傳訊

annieannieleung

大宅

積分: 2326

好媽媽勳章

20^#

發表於 09-8-10 19:20 |只看該作者

原帖由 LoveChild 於 09-8-10 18:16 發表
想問下樓主, 如果佢下一次又係咁, 你又會點做?
(唔好話呢D係假設性問題, 因為佢已經唔係第一次)

o係當前我只係想挽救呢段婚姻, 因為今次自己都有錯~
一時意氣, 講左好多傷害大家感情o既說話~
最錯o既就係我話後悔嫁比佢~
我唔係賴晒自己, 只係覺得如果唔係自己講左呢o的說話, 唔會迫到佢行呢一步~
但佢話唔會同我離婚, 佢仲會關心我, 我知道大家仲有一線希望~
如果我地過到今次, 我會好好珍惜, 同埋三思而後行~
假如佢下次又係咁, 既然自己盡左力, 問心無愧, 只怪自己信錯人啦!!