婆媳關係 今日: 0 | 主題: 27722

積分: 8044

認識瑞士牛牛第一回育兒性格勳章我的育兒心得勳章貓狗褓姆爸B勳章 BK Milk勳章

1^#

發表於 09-8-24 14:34 |只看該作者 |倒序瀏覽 |打印

雖然唔關同99 既事, 但係都係同長輩有關, 希望各位可以幫個手.

C6同我近來有呢個打算. 想個仔祝插班N1 , 再搬返同我地住
家下係, 星期一到五, 住婆婆度, 星期五晚湊返屋企, 星期一再送番返去.

咁聽個朋友講, 話盡快接返個仔同自己住. 呢個不嬲係我夢想, 係c6唔肯請工人, 所以先要搬呀仔比我媽湊. 淨係邊個屋企湊已經煩左成年
.
一歲個陣, 呀媽屋企請個工人湊bb , c6都好唔滿意, 唔滿意左
4-5個月

家下先話安寧左 2-3個月, 又到婆婆個邊有煩惱

我同婆婆講, 我話有打算bb插班N1, 再搬返同我地住．　佢同佢d friend一樣, 話做咩咁細個讀書, 又問個仔住佢度同住我度有咩分別. 我真係唔識答d 冠冕堂皇既答案. 有無人可以教下我點講先會令婆婆聽得順耳d？

0 0 0

私人傳訊

boobecky

伯爵府

積分: 17328

畀面勳章

2^#

發表於 09-8-24 14:55 |只看該作者

婆婆湊咗2年,一定會唔捨得
但唔捨得都要湊返返屋企既
只不過要諗吓點溝通得好d

你或者可以話"你地每一日都好掛住個仔,希望個仔可以為自己屋企住,唔想仔仔以為父母唔要佢"

如果你mami係明事理,應該ok既
否則你講咩佢都聽唔入架啦, 如果係咁, 直接做唔需要解釋咁多

私人傳訊

jacquesau

珍珠宮

積分: 35551

3^#

發表於 09-8-24 15:19 |只看該作者

"呀媽梗係想日日對住個仔架啦..."

重唔夠冠冕堂皇?????

好好過每一天......

私人傳訊

montana

子爵府

積分: 13884

醒目開學勳章畀面勳章 BK Milk勳章

4^#

發表於 09-8-24 15:26 |只看該作者

我個仔4個月大已經係婆婆度住,有時我個仔返左我地度,婆婆係屋企就會好失落,因為得一粒"孫"如果我話唔比佢湊,我諗婆婆一定會死比我睇

。

因一早決定係比婆婆湊,所以我地係附近買左樓,由我外家返屋企都只係15mins

私人傳訊

TobyChung

積分: 4057

畀面勳章

5^#

發表於 09-8-24 16:07 |只看該作者

我個女一出世已經係跟婆婆住, 因為我喺娘家坐月~~ 我一早講明囡囡返學就要跟返我哋住, 但放學會湊返去婆婆度, 食完飯又返屋企咁LOR~~ 囡囡而家七個幾月人仔, 但就勁痴婆婆, 有時星期六下午飲完茶會帶佢返屋企一陣, 但都扭計~~ 我都怕佢第時唔肯跟返我住, 不過呢啲比較長遠, 到時先算喇~~

私人傳訊

積分: 8044

認識瑞士牛牛第一回育兒性格勳章我的育兒心得勳章貓狗褓姆爸B勳章 BK Milk勳章

6^#

發表於 09-8-24 16:41 |只看該作者

原帖由 montana 於 09-8-24 15:26 發表
我個仔4個月大已經係婆婆度住,有時我個仔返左我地度,婆婆係屋企就會好失落,因為得一粒"孫"如果我話唔比佢湊,我諗婆婆一定會死比我睇。

因一早決定係比婆婆湊,所以我地係附近買左樓,由我外家返屋企都只係1 ...

我聽個朋友講,佢話個小朋友咁會對家無一個歸屬感. 因為佢個仔成兩歲幾先湊返屋企住 , 家下話好後悔唔早d

我個仔都係三個月就去婆婆到住, 婆婆當左個孫係佢個親生仔咁添呀. 個陣, 一出院, 就響個姑娘手上拿就個孫, 無過我手 =.=!!

我去婆婆屋企都唔係遠, 但始終唔係日日對住 (婆婆又埋怨諗煮咩送我地吃好困難) , 唔係日日去吃飯, 唉.. 難做也

私人傳訊

CYT0408

積分: 7721

7^#

發表於 09-8-24 17:24 |只看該作者

聽朋友講?
你朋友同小朋友相處關係係點樣先...
有無成日返去dinner, 同小朋友玩?

我日日返外家食飯見女,
假期一定帶個女返去..個女都16個月大啦,
每次返屋企都不知幾開心, 見到我地2個都係...

日日24hrs都唔一定有歸屬感..
最緊要係有無做好親子關係..

私人傳訊

montana

子爵府

積分: 13884

醒目開學勳章畀面勳章 BK Milk勳章

8^#

發表於 09-8-24 17:31 |只看該作者

我個仔試過捉住婆婆手喊住唔跟我走,我果刻個心都好痛嫁

,不過小朋友有時都會失常,佢有時死都唔肯離開婆婆,有時又不停打比爸爸車佢返屋企

私人傳訊

ahbocat

別墅

積分: 924

9^#

發表於 09-8-25 00:45 |只看該作者

同意！

我同哩位媽咪嘅做法一樣，日日放工兩公婆都返婆婆度食飯，同個仔玩，就算我陀緊第二個都風雨不改，係頻撲啲，但係要珍惜親子時間！

我地玩到阿仔要訓先走，阿仔依家20個月，個個都黐，冇話一定要搵婆婆，其實婆婆喺日頭都會成日提住媽咪同爸爸依家返工呀...點呀點...所以可能阿仔會上心啲。

講真，你話要湊返自己屋企，如果你都係假手於工人，有乜分別？個仔咪黐工人多啲instead of婆婆！小朋友係最簡單，邊個陪佢地多啲，同佢玩得開心啲就跟邊個。係要"時間接觸"，而唔係"時間見面"。

原帖由 CYT0408 於 09-8-24 17:24 發表
聽朋友講?
你朋友同小朋友相處關係係點樣先...
有無成日返去dinner, 同小朋友玩?

我日日返外家食飯見女,
假期一定帶個女返去..個女都16個月大啦,
每次返屋企都不知幾開心, 見到我地2個都係...

日日24hrs都唔一定 ...

私人傳訊

艾莉

子爵府

積分: 14437

10^#

發表於 09-8-25 01:27 |只看該作者

我囡都係婆婆湊架, 2歲幾喇
我每日放工都會返去婆婆度, 食飯, 同佢玩,沖涼, 餵奶, 我放工返去婆婆就放手要我湊架.
雖然囡囡有時都會話掛住婆婆, 但我都明白佢日日見到婆婆嘛, 但當我每晚走時都會話:媽咪我好掛住你呀!
有時係屋企[老公放假自己湊]見我返工又話: 媽咪, 唔好返工喇, 陪我!

所以我又唔覺佢話無咩歸屬感, 小朋友係時俾時間同佢地相處的.
我晚晚返去都唔係一定自己煮, 有時叫下外賣, 有時出去下食咁.

私人傳訊

積分: 8044

認識瑞士牛牛第一回育兒性格勳章我的育兒心得勳章貓狗褓姆爸B勳章 BK Milk勳章

11^#

發表於 09-8-25 10:40 |只看該作者

好多謝咁多位既親身經歷.
我無日日返去婆婆屋企 . 因為婆婆覺得c6食野麻煩, 成日諗煮咩佢食好頭痛, 而c6 亦唔鐘意成日去婆婆度,佢話返工好累, 唔要tan 來tan 去 . 一個week 只係去一至兩日 . 不過, 星期五/假期前一晚一定湊返屋企 .
呢個係我遇到既問題

我提議過叫外賣, 但婆婆又話唔洗 , 求其食, 但話要諗煮咩送又埋怨話唔知煮咩好 ... 兩個字. .. 矛盾.

我明白日頭比姐姐湊同婆婆湊既好壞處. 所以諗住兒子返左學, 最少有3個小時響學校, 唔駛要對住姐姐咁耐時間先湊番返來.

我朋友個case 都係唔係日日返, 99寵 , 個B一去99度, 而家四五歲都係會好曳 .... 返到屋企就乖返.

我既concern係, 因為我唔可以日日返婆婆屋企, 另外兩邊教法點都唔會統一. 我上堂學到咩理論, 講左比婆婆聽, 佢又未必會跟 (成日話bb 細個, 唔識 ... )
所以我想帶佢返屋企, 夜晚最少可以對多陣..

家下最煩係我, c6就好似唔多關佢事, 佢又確實幫唔到我咩忙.

[ 本帖最後由豆豆B媽於 09-8-25 10:42 編輯 ]

私人傳訊

ahbocat

別墅

積分: 924

12^#

發表於 09-8-25 23:28 |只看該作者

你都唔好期望啲老人家會幫你教仔，佢地已經辛辛苦苦教咗我地哩一輩，唔通重要由頭幫我地教？佢地只會係"弄孫為樂"！啲B係會知有老人家幫佢地（我地都經歷過）就會作反，不過只要你同你老公教仔方法一致，應該唔會話教唔到。

你朋友同佢個仔嘅情況係唔可以完全代表哂所有，你要衡量自己嘅問題同需要。

其實講到尾你都係想有多啲時間接觸個仔，如果你兩公婆可以安排到去多啲婆婆度，問題已經解決。如果唔得，你請工人湊返個仔返屋企都可以試吓，不過你講到你老公好似對成件事都唔太熱心，咁佢又有乜好提議？到所有野都settle(又請哂工人，湊咗個仔返屋企)，佢會唔會都係懶理不理咁得你自己一個煩？

講真，有婆婆肯湊，好多人都好羨慕！
難得有外母同你湊B，重煮飯你食...你老公應該唔好太挑剔。

私人傳訊

chikkee

積分: 1594

13^#

發表於 09-8-25 23:48 |只看該作者

原帖由 ahbocat 於 09-8-25 23:28 發表
你都唔好期望啲老人家會幫你教仔，佢地已經辛辛苦苦教咗我地哩一輩，唔通重要由頭幫我地教？佢地只會係"弄孫為樂"！啲B係會知有老人家幫佢地（我地都經歷過）就會作反，不過只要你同你老公教仔方法一致，應該唔會話教唔到。

你朋友 ...

agree
我想問樓主你老公平時同你兩條友會食咩呀?
其實有時婆婆的心態未必係霸住個孫, 其實日夜湊住都好辛苦,不過佢可能"肉赤"你日間返左夜晚湊bb唔夠精神,其實叫你c6張就下去婆婆度食飯就無問題啦,有人煮埋飯佢食,有咩唔好喎...
我見我家姐以前都係日間放bb在mami家,晚上食完飯就接bb回家,不過佢個女晚晚都會合埋眼喊1-2個鐘,直到3歲,有時我家姐頂唔住就又放bb在mami家過夜,其實一家人無話講左晚晚會接返屋企就無得變通...

私人傳訊

冬前

積分: 1193

14^#

發表於 09-8-26 07:51 |只看該作者

小朋友返學就有好多問題要慢慢教，要學習同媽咪(自己)好親子關係

私人傳訊

積分: 8044

認識瑞士牛牛第一回育兒性格勳章我的育兒心得勳章貓狗褓姆爸B勳章 BK Milk勳章

15^#

發表於 09-8-26 09:46 |只看該作者

原帖由 ahbocat 於 09-8-25 23:28 發表
講真，有婆婆肯湊，好多人都好羨慕！
難得有外母同你湊B，重煮飯你食...你老公應該唔好太挑剔。

佢如果有咁諗, 我就老懷安慰lu

工人唔係新請既. 已經請左響婆婆屋企幫婆婆..
所以到時會轉個工人去我屋企住咁羅

我都係非常初步既諗法... 唉.. 煩

私人傳訊

積分: 8044

認識瑞士牛牛第一回育兒性格勳章我的育兒心得勳章貓狗褓姆爸B勳章 BK Milk勳章

16^#

發表於 09-8-26 09:49 |只看該作者

原帖由 chikkee 於 09-8-25 23:48 發表

agree
我想問樓主你老公平時同你兩條友會食咩呀?
其實有時婆婆的心態未必係霸住個孫, 其實日夜湊住都好辛苦,不過佢可能"肉赤"你日間返左夜晚湊bb唔夠精神,其實叫你c6張就下去婆婆度食飯就無問題啦,有人煮埋飯佢食, ...

平時兩個係非常唔定食咩架. 有時食埋先返.
個問題唔係淨係c6 張唔張就, 而係婆婆都嫌麻煩.. 係雙方. 我一話c6唔返去, 佢即刻開心晒, 仲話好囉, 唔駛頭痛食咩. 我早就話唔使就佢(c6), 佢又要理佢... 但自己又覺得煩.

私人傳訊

CYT0408

積分: 7721

17^#

發表於 09-8-26 10:01 |只看該作者

可能你老公真係唔岩胃口, 同埋, 始終唔係自己地方...

佢唔返咪由佢囉..當佢掛住bb就會返架啦.
你迫佢都無用...

你就一定要堅持, 成日返去同bb玩...

私人傳訊

kitmantsoi