吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 你今日抱左未啊？

少年成長今日: 0|主題: 16070

收藏本版

發帖

返回列表

跳至頁

查看: 1485 | 回覆: 9

你今日抱左未啊？ [複製鏈接]

乖仔媽

洋房

積分: 319

1^#

發表於 09-8-16 19:01 |只看該作者 |倒序瀏覽 |打印

看了以下文章，你會明白為何要抱抱了。

受長輩影響，一直都以為當嬰兒扭計時，無須要立即給他抱抱，以免寵壞BB，令BB容易養成「係又喊唔係又喊」。但最近去探望一位當了父親的朋友時，討論開這個話題，他立即以過來人身份，糾正我的睇法！這位朋友他有一個女兒，他的妻子及他本人需要工作關係，故BB星期一至五住在婆婆家，於周末才帶回家中照顧，是香港典型新一代在職父母的做法。及至一年後，朋友與他的妻子搬近婆婆家附近住後，放工後每晚就可以湊女兒回家照顧，早上再送回婆婆家。但這種情況維持了不夠半年，朋友女兒竟然表示不肯回家，只說要回婆婆家又哭叫要婆婆抱抱！於是，朋友聯絡了一位有相關育兒經驗的育兒專家幫忙，了解女兒的情況，育兒專家解釋這是由於幼兒本身性格缺乏安全感，她從婆婆抱抱可得到安全及幸福的感覺，因此父母需以時間去慢慢令孩子明白，爸爸媽媽與婆婆一樣都會愛護她，滿足她的需要。育兒專家亦建議我朋友，當女兒發脾氣或叫喊要婆婆時，可即時用雙手抱起她，然後說一些同理心的說話，例如重複地說：「我知道囡囡想婆婆抱抱....乖乖...」，這樣才可以慢慢建立起良好的親子關係。朋友認識的這位育兒專家除了幫助他解決與女兒關係外，她更分享到曾經有一個研究指，在孤兒院長大的嬰兒比在正常家庭寄養的嬰兒，性格上較為冷漠及孤僻，兩組嬰兒在生活及物質上大致相同，但唯一最大分別是在正常家庭寄養的嬰兒經常被成年人抱抱。另一方面，這位育兒專家曾處理一個個案，爸媽因工作關係，女孩出世後由婆婆負責照顧，女孩哭叫時，婆婆都不會抱起女孩來安撫。當女孩讀幼稚園時，就被老師投訴她經常離群及以拳頭攻擊向她行近的小朋友，女孩父母不能理解女兒行為，於是請教姑娘幫忙。當了解事件後，姑娘建議不要再讓女兒在婆婆家裡過夜，下班後即時湊回家中照顧。起初，當女孩被爸爸抱時，她都會非常抗拒，不停用力掙扎，更踢瘀了爸爸腰部。六個月後，女孩開始改變，爸爸抱抱時也沒有掙扎，還會錫錫媽媽。由此可見，抱抱孩子可以建立親子關係外，更是讓幼兒感受愛、學習愛的重要一課。可能抱抱小孩對一個剛下班的爸爸媽媽來說，感覺已經很疲倦，但當抱抱孩子時，孩子所發出笑聲及親親爸媽的感覺，絕對是一件比任何東西更美的事！家長貼士：若真的疲倦，抱一會兒或五分鐘，或坐在沙發上抱住孩子。

原文 :
http://hk.parenting.yahoo.com/de ... I4_1250225146330397

0 0 0

私人傳訊

瑩瑩老豆

王國會長

積分: 27747

王國會長

2^#

發表於 09-8-16 23:16 |只看該作者

同意, 我一直都有抱我個女, 到今天她七歲仍會叫我抱抱, 一般也是晚上由廳抱她去睡房睡覺, 可惜隨著她長大, 可以抱她的日子已不多了.

原帖由 乖仔媽 於 09-8-16 19:01 發表
看了以下文章，你會明白為何要抱抱了。

受長輩影響，一直都以為當嬰兒扭計時，無須要立即給他抱抱，以免寵壞BB，令BB容易養成「係又喊唔係又喊」。但最近去探望一位當了父親的朋友時，討論開這個話題，他立即以過來人身份，糾正我 ...

私人傳訊

gas8ba

大宅

積分: 1245

3^#

發表於 09-8-19 11:01 |只看該作者

絕對同意! 好多時都想抱佢, 俾老婆話縱壞晒, 但係隨住阿仔越來越大個, 肯俾父母抱的機會就越來越少了,唸起呢點都係抱佢攬佢多D .

[size=large]擇善固執矢志不移

私人傳訊

Honey

公爵府

積分: 27955

4^#

發表於 09-8-19 12:07 |只看該作者

我仔4歲, 我日日放工返屋企都叫佢big hug 媽咪, 仲kiss daddy &　媽咪，　細個唔抱多啲，　大個更加唔比抱架喇！

我將這事告訴你們,是叫你們在我裡面有平安.在世上你們有苦難,但你們可以放心,我已經勝了世界. (約16:33)Born 3.02kg/1m 4.52kg/2m 6.06kg/3m10d 7.19kg/4m25d 8.38kg/6m 8.79kg/7m 9kg/8m 9.6kg/10m3w 10.2kg/12m 10.2kg/13m 10.8kg/16m 11.2kg

私人傳訊

芒

大宅

積分: 3610

5^#

發表於 09-8-19 12:26 |只看該作者

同意,每日放工都會同呀囡抱抱鍚鍚！細時唔抱，唔通大個先黎抱咩？

私人傳訊

kantanjin

大宅

積分: 1272

6^#

發表於 09-8-21 00:23 |只看該作者

細時訓練多點抱抱, 自己及仔女都唔會尷尬, 習慣左大個抱佢都唔尷尬唔覺肉酸呢

私人傳訊

elaine808e

別墅

積分: 902

精緻種植勳章

7^#

發表於 09-8-21 19:40 |只看該作者

回覆 1# kantanjin 的文章

我日日收工返屋企,我都企係門口大聲叫我返左來,等佢飛出來比個big hug我架~如果唔係我扮唔入屋咯

玩玩下, c6同印尼姐姐都會返來入屋叫,
我返左來喇!!!~

私人傳訊

1511

大宅

積分: 1690

8^#

發表於 09-8-22 12:37 |只看該作者

我絕對讚成抱抱，老公和奶奶也一樣，雖然令到bb好痴身，但我們都不介意全日抱，因為只有幾年時間可享受這親密的感覺。

私人傳訊

pmhappy

男爵府

積分: 9619

好媽媽勳章畀面勳章

9^#

發表於 09-8-22 22:51 |只看該作者

我個囡都係成日要我抱抱, 0係屋企都會無端端要我抱, 睇電視, 睇電腦佢都要坐我大脾, 我都好樂意做呢 d 指定動作, 仲會叫c6多 d 抱個囡, 雖然阿囡仲細, 唔知大個左同我地兩老既關係會點, 但係我相信, 親密既關係一定要由細培養, 加上而家小朋友早熟, 可能到4,5歲已經唔俾我地抱喇.

除左抱, 我由佢得幾個月大開始, 已經成日同佢傾計, 冇錯, 係傾計, 我會話俾佢聽我今日發生過 d 咩事, 有咩開心同唔開心, 當然係好簡單咁講啦, 佢細細個都會俾反應我, 而家阿囡開始大, 識講野, 當我0係公司打電話俾佢, 同放工返屋企時, 佢都會講返俾我聽佢今日做過 d 乜, 玩過 d 乜, 雖然講得唔清楚, 但我聽到都好開心, 因為我地可以一齊分享.

真係好希望呢個會變成阿囡既習慣, 到佢大個都會乜都同我講, 咁就安樂喇.

私人傳訊

乖仔媽

洋房

積分: 319

10^#

發表於 09-8-26 00:18 |只看該作者

我相信是可以的。唔知有無人聽過黃金時間呢?唔係無記播劇集的時間

而係每天晚上抽十至二十分鐘親子對話的時間。大家都試試。慢慢你會發覺唔洗問，小朋友都會把每天事情向你分享呢!

原帖由 pmhappy 於 09-8-22 22:51 發表
我個囡都係成日要我抱抱, 0係屋企都會無端端要我抱, 睇電視, 睇電腦佢都要坐我大脾, 我都好樂意做呢 d 指定動作, 仲會叫c6多 d 抱個囡, 雖然阿囡仲細, 唔知大個左同我地兩老既關係會點, 但係我相信, 親密既關係一定 ...

[ 本帖最後由乖仔媽於 09-8-26 00:19 編輯 ]