吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 單親天地› 想問有關"探視權"

單親天地今日: 0|主題: 18362

收藏本版

發帖

返回列表

跳至頁

查看: 947 | 回覆: 4

想問有關"探視權" [複製鏈接]

nana832

大宅

積分: 1475

1^#

發表於 09-9-5 04:15 |只看該作者 |倒序瀏覽 |打印

我離婚後仔仔協議左由佢地爹地照顧,
咁當初係律師樓簽份離婚協議書果時,
律師講到明我每星期都可以最少見仔仔1次.

但最近佢爹地果邊既人越黎越過份,
唔單止暑假想見多幾面都唔得,
而家連1星期見仔仔1次都冇,
我已經有3個星期冇見過佢地.

我知道我可以以法律途徑申請,
但我想知道係唔係申請左就一定有用?
因為我驚好似贍養費咁, 就算告佢, 佢都未必會比,
如果佢都係唔比我見, 咁我可以點做呢?

如果告佢都冇用, 我就唔想搞咁多野,
因為如果我咁做, 之後想見仔仔就硬加難上加難,
但如果告佢有用的話, 我就一定會去爭取囉.

同埋我遲d想帶仔仔去旅行,
如果佢爹地果邊又唔比,
咁我又有咩辦法可以帶佢地去呢?

可能有d媽咪會覺得我應該爭取佢地扶養權,
但種種原因令我放棄呢個想法,
唔係為我自己, 係為佢地將來,
所以希望大家可以比到正面既建議我.

0 0 0

私人傳訊

Elona

別墅

積分: 921

2^#

發表於 09-9-5 18:03 |只看該作者

Nana,

你好 ! 我都係單親媽咪, 仔仔都係跟佢爸爸住, 見到你既處境亦感到難過 ! 其實我唔識法律條例, 不過以我朋友既分享, 告上法庭都唔係好有幫助, 你要搜集好多證據, 幾時幾唔比你見 ? 咩原因 ? 原因係唔係合理 ? 離婚協議書係咪真係寫明每星期可見一次 ? 而且清官難審家庭事, 法庭多數都叫你地庭外和解....

我建議你首先了解前夫點解唔比你見個仔 ? 記住就算好嬲都要心平氣和傾, 否則事情只會更壞, 為咗個仔唯有忍氣吞聲, 委屈吓都要架啦, 亦唔好令仔仔成為磨心...

我對仔仔嗰邊都有好多不滿, 但有時真係冇辨法, 鬼叫仔仔跟爸爸住咩....

希望以上建議可以幫到你啦 !

Tomorrow is better

私人傳訊

zoeli68

複式洋房

積分: 165

3^#

發表於 09-9-5 23:12 |只看該作者

這個世界就係咁可悲，有人想見不能見，我係想要人睇個囡，但無人來.

私人傳訊

nana832

大宅

積分: 1475

4^#

發表於 09-9-6 08:37 |只看該作者

原帖由 Elona 於 09-9-5 18:03 發表
Nana,

你好 ! 我都係單親媽咪, 仔仔都係跟佢爸爸住, 見到你既處境亦感到難過 ! 其實我唔識法律條例, 不過以我朋友既分享, 告上法庭都唔係好有幫助, 你要搜集好多證據, 幾時幾唔比你見 ? 咩原因 ? 原因係唔係合理 ? ...

好老實我真係唔知點解佢地唔比我見仔仔,
可能怕仔仔見得我多, 會成個心向晒我掛,
其實我覺得細路仔, 邊個對佢好佢就鍾意邊個架啦,
如果佢地對得仔仔好, 仔仔一定唔會想跟我走囉.

我其實真係唔多願打比佢地爹地架,
好似上星期四咁, 細仔放學打比我,
話我知佢發緊燒, 但阿麻仍要佢返學,
仲要冇人接放學, 又冇人帶佢去睇醫生,
佢話佢好唔舒服...
我聽到成個心都痛晒...
因為我返緊工, 唔可以即刻去接佢,
就算走得, 車程都要成個鐘,
我又唔想佢係學校等我, 又驚佢遲返屋企會比人鬧,
唯有叫佢跟住哥哥, 返屋企時一定要小心睇車...

之後我即打去問佢地爹地, 點解發燒仲要比佢返學,
放左學仲要去補習, 先唔好講發燒跟本就唔應該返學,
應該係要係屋企多休息啦, 點解仲要佢咁辛苦,
頂!!! 佢爹地話發果少少燒, 有咩咁大不了.
仲話我打比佢就係為左講d咁既野, 咁打比佢做咩.
我即刻發晒火咁鬧佢, 我打比佢, 除左講2個仔仲有咩好講阿?
唔通要我講"老公, 我好掛住你阿, 你同返我一齊啦!"?
我真係好唔鍾意佢對2個仔既態度,
好似同佢講緊2個同佢冇關係既人咁,
如果佢咁唔想要, 不如比返我啦.

其實我知佢唔想要架, 佢而家都同佢女友搬走左,
只係仔仔阿麻同姑媽唔肯放手啫.
佢同唔同仔仔住唔緊要,
但佢都唔應該以咁既態度去對2個仔既事囉,
果2個係你個仔黎架, 唔係係街執返黎既流浪貓狗阿,
就算係阿, 你都應該對佢好d啦, 點解可以咁冇人性架?
我已經決定左, 本來我都唔想搞咁多野,
佢想同女友開開心心2人世界嘛, 我唔介意,
但佢而家咁樣對2個仔, 我一定唔會放過佢囉,
佢做左d犯法既野, 我就一於用果樣野玩謝佢.

等你同女友咁開心? 睇你開心得幾耐.

私人傳訊

Elona

別墅

積分: 921

5^#

發表於 09-9-6 11:31 |只看該作者

做媽媽既見到前夫咁樣對個仔仔當然好嬲, 類似既經歷我同我朋友都有過, 有d可能仲過份, 恕我直言, 如果你探取一拍兩散既方法, 只係可以發洩你心中既憤怒, 對整件事冇咩幫助, 我前夫對仔仔都係唔夠關心, 我同佢反映, 佢都係不斷講"得, 得, 得" 然後想盡快收線, 之後當然係冇改善, 但我唔會放棄, 仍然會繼續同佢反映, 希望能盡自己既力量去為仔仔做d嘢

我反而最關心係你仔仔既心會唔會有hard feeling, 佢地幾歲 ? 建議搵註校社工跟進, 了解仔仔點諗, 然後請社工幫忙向前夫反映佢既做法真係對仔仔做成影響

如果以上個人見解唔啱聽, 就算啦