吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› Agent作假資料呃我, 來到發覺工人資料全是老作...(急) ...

論盡家傭今日: 0|主題: 134084

收藏本版

發帖

返回列表

跳至頁

查看: 1877 | 回覆: 17

Agent作假資料呃我, 來到發覺工人資料全是老作...(急) [複製鏈接]

心雨

大宅

積分: 2161

1^#

發表於 09-9-6 23:49 |只看該作者 |倒序瀏覽 |打印

Agent作假資料呃我, 來到發覺工人資料全是老作,我可以點同agent 傾?

去agent度選人時2次都選唔到, 佢地問完我要咩類形的, 第3次資料比我時我選岩了, 印, 28歲, 年紀唔太細個, 2年馬來西亞做過, 2年台灣, 話懂說国語 (我要求是有新加坡or 台灣經驗, 等到頸都長埋, 昨天來到我家, 發覺真人好細佬女, 普通話一句都聽唔明, 英文一句都唔明, 廣東話一句起兩句止, 昨天只教一樣幫我個女沖涼(我個女5歲) 今天叫佢沖一次比我睇, 沖涼只沖下半身, 上半身唔沖, 頭髮又唔洗, 叫佢洗, 落完護髲素又唔記得沖就要幫包毛巾著衫, 再睇埋家務, 每樣都不懂.

跟住我開始懷疑佢, 問佢你個樣似22歲唔似28歲, 比我問多2問時哭了, 講佢得22歲, 只係在印尼做過.....

其實唔係佢想呃我,但個agent 作假資料比我睇, passport 都是假的, 寫28歲, viedo的普通話是背出來的,問多一句佢都完全唔懂得聽......

救命呀.......我明天要去同個agent 理論, 我可以點同佢地理論, 佢地一定人多理多, 唔會理我.

我可唔可以要求我用多佢個幾月, 如果唔掂要換人我唔比費用, 而且炒工人費用都係個agent 比呢

0 0 0

私人傳訊

hodoyoudo

大宅

積分: 1525

2^#

發表於 09-9-6 23:59 |只看該作者

做假Passport咪好嚴重?
Agent唔怕坐監咩?

我估最多講到比你揀過一個唔收錢..
文件費同炒工人費用係顧主責任...好難講得通.

佢實叫你比D時間慢慢教.

私人傳訊

eeyore0728

洋房

積分: 314

3^#

發表於 09-9-7 00:05 |只看該作者

有冇攪錯呀! 假passport 好大罪姐! 不過呢樣嘢會唔會好難知道係真係假呢? 你嗰間係咩 agency 架, post 個名出嚟等其他媽咪小心d

私人傳訊

心雨

大宅

積分: 2161

4^#

發表於 09-9-7 00:49 |只看該作者

sorry, 我意思是說passport上面都是假的歲數28歲, 個工人話佢自己只得22歲, 但agent 將佢作大同老作佢係台灣同馬來西亞做過, 我都估佢會講叫我慢慢教,佢地都唔知佢甘細.... 如果要換要比文件手續費同機票, 但甘我好傷, 比晒正價錢同要賠佢機票,又等甘耐先到, 點知請個唔識做野未出過国的工人, 又好細個又瘦.....真係唔知點算好, 好像多左個女要教.....

如果明天個agent 態度差我會將個名post 出來, 甘樣做生意都得....我們又要怕比工人整估,告, 又要比無良agent 呃...... 一點保障都冇,真係好慘!

[ 本帖最後由心雨於 09-9-7 00:51 編輯 ]

私人傳訊

hodoyoudo

大宅

積分: 1525

5^#

發表於 09-9-7 01:03 |只看該作者

機票一定係你比架,
炒人賠一個月都一定係你比,
d agent最多同你由頭做過,
佢覺得蝕比你架喇,
比錢時就關佢事,
收錢後就關人事.

Passport歲數點解可以作大既?

私人傳訊

hoi_tung811

大宅

積分: 2379

6^#

發表於 09-9-7 02:18 |只看該作者

邊間等大家吾好中焦,邊區？

私人傳訊

hoi_tung811

大宅

積分: 2379

7^#

發表於 09-9-7 02:19 |只看該作者

邊間等大家吾好中焦,邊區？

私人傳訊

貓姐

禁止訪問

積分: 33575

8^#

發表於 09-9-7 10:44 |只看該作者

提示: 作者被禁止或刪除內容自動屏蔽

私人傳訊

kitmantsoi

大宅

積分: 3599

9^#

發表於 09-9-7 12:59 |只看該作者

我家姐姐話passport報大or細年齡好普遍.
passport係印尼已經做, HK agent都未必知, 但好明顯間agent無簡人, 求其有貨就比人...去消費者委員會得唔得? 假個人資料誤專消費者算唔算詐騙? 我地打工比假個人資料都要坐監la!

私人傳訊

janice0930

民房

積分: 58

10^#

發表於 09-9-7 14:32 |只看該作者

我個case和你差不多, 好慘呀, 我個工人35歲, 話在新加坡做過2年, 有照顧過初生bb,
台灣做過4年, 照顧老人家,
IDD interview過, 識講普通話, 我家小朋友2歲多, 以為很好, 年紀唔太細, 不會太"wet", 又有六年海外經驗, 又懂普通話, 但點知來到, 我第一天上agent接佢, 佢已經同我講, 佢同佢講嘢都唔係好明, 我立即"吓"一聲, 佢叫我比啲時間佢去適應, 但其實, 佢什麼都不懂, 好似冇出嚟做過嘢咁, 唔好話做了六年, 比起剛剛出來做的都不如, 完全貨不對辦, 冇安全意識, 衞生差, 基本家務都做不好, 做嘢一啲條理都沒有, 洗菜都唔識, 不依指示工作, 弄破東西不認, 最經典是用watsons水樽裝洗衣液放在洗手間地下, 我家小朋友知道這是裝水的, 如果喝了咁真的不知點算, 死都有份, 佢仲講大話唔認, 終於頂唔住, 用咗9天就馬上送佢走, 但原來佢最識做是執嘢走, 自動自覺識拿佢自己的東西給我檢查, 我都未叫佢比我檢查, 你話死未, 我家變了training centre都不特止, 叫佢來照顧小朋友, 仲要相反找家人專門照顧和看管佢才是, 勞氣9天, 仲要補數千元和機票比佢走, 現在又要找家人代為照顧小朋友, 真是貼錢買難受, 很慘, 毫無保障可言。

私人傳訊

eatcookies

別墅

積分: 805

11^#

發表於 09-9-7 14:45 |只看該作者

我個妹做耐左先知佢
1/報大左5年
2/改過名（由 XXXATI -> ATIxxx)
3/agent 話佢以前照顧0歲小朋友至4歲，其實係4歲至8歲
4/ 話上家無做是因為照顧的婆婆死左，實情係家中根本無婆婆
5/個妹聽力唔好，我投訴，agent 叫個妹唔好同個僱主講咁多野

呢個年代，根本個妹又呃人，agent又呃人，無野信得過

私人傳訊

AK47AK47

伯爵府

積分: 15582

2023年兔年勳章畀面勳章

12^#

發表於 09-9-7 14:50 |只看該作者

嗰間 agent 梗係陽 X 啦..我都已經中咗招啦.

私人傳訊

deerdeer

子爵府

積分: 10399

畀面勳章

13^#

發表於 09-9-7 15:26 |只看該作者

我都比陽x 呃左2次......投訴消委會都無用

私人傳訊

心雨

大宅

積分: 2161

14^#

發表於 09-9-8 14:35 |只看該作者

Sorry, 昨天太繁忙沒有上來, 見到你們同我一樣, 我地做僱主的真慘

昨天去agent 度同佢地講, 其實答案大家都估到. 佢地話唔知個工人報大年齡, 死口話去過台灣做過, 叫我忍下用住先慢慢教, 換要比手續費同自己比機票, 我話佢地呃我, 第一: 如果個工人報大年紀, 佢地冇選過先推出來, 又話自己間公司好好, 做左20幾年, 佢地選過先推出來, 唔會好像旁邊間公司騙人, 佢地肯本就冇分別.

第二: 話台灣做過, 一句普通話都唔識聽, 講. 根本冇出來做過.

來左2天:我見佢要去沖涼, 問佢"倒垃圾未" ? 用左英文, 普通話, 廣東話都唔明, 係甘話"係, 倒左", 請左5, 6幾次, 都唔明, 最後我要去睇下, 結果未倒. 問"抺台布呢"? 問極都唔明, 唔知放去邊, 又唔明, 係甘開櫃搵....

一連串簡單的都唔懂聽, 10點見厠所有人佢就同我講佢要去訓覺 , 問佢沖左涼未都要問10幾次, 最後話未, 厠所有人. 厠所有人都要等,唔可以唔沖涼既. 最基本的事都不懂, agent 死口話去馬來西亞同台灣做過, 真係當我白痴既.

結論就是叫我慢慢教, 大佬呀, 我而家唔係教既問題, 係講都唔識聽, 點教呀? 每講一樣野要講10幾次, 血都嘔埋出來都仲要唔明, 我同個agent 講總之我而家嘗試佢好唔好, 如果唔好, 我要換, agent 包機票比佢走...(佢地冇答應) 好過份, 等左甘耐先等到個工人來, 來到貨不對版, 如果咩都唔懂我使咩用甘多錢請佢呀, 如果要呢種工人, 我以前個agent 都有啦, 使咩再比手續費來搵一個好的, 就係想搵個好點, 有經驗有一間好agent 跟, 點知就中招, 佢地收我$1880.00仲要甘呃人.

呢間係尖東, 開左好多年, 但原來不外如是, 同一班細agent 冇分別. 更冇services. 連幫工人拿身份証都唔肯, 未比錢時話得可以幫工人拿, 工人來到又話唔得...我以前個agent 都幫手拿啦, 佢地話佢地未做過幫工人拿身份証.......... 大家注意呢間agent

私人傳訊

cincin_ko

禁止訪問

積分: 5373

好媽媽勳章

15^#

發表於 09-9-8 15:13 |只看該作者

提示: 作者被禁止或刪除內容自動屏蔽

私人傳訊

kitmantsoi

大宅

積分: 3599

16^#

發表於 09-9-8 16:55 |只看該作者

咁我就好彩agent ok, 姐姐亦好好, 不過姐姐自爆話比我聽, 佢係馬拉只做2to3months就因為偷入境要坐監. but 佢份resume就話佢做過3年.
其實Agent一早講過話resume重唔過不過估唔到係咁. 錯有錯着姐姐学歷原來有college, 但resume就寫初中, 所以surprise佢英文ok.

私人傳訊

心雨

大宅

積分: 2161

17^#

發表於 09-9-8 17:50 |只看該作者

AGENT 好緊要, 有時比貴小小諗住專業點, 點知天下烏鴉一樣黑, 係尖東半島中心2樓

私人傳訊

lily99lily99

洋房

積分: 226

18^#

發表於 09-9-9 01:41 |只看該作者

依家d agent公司間間都差不多，d工人來到唔理不對版又好做唔掂又好總之一到你屋企唔理做一日又好一個月又好，我地炒佢都要補足錢，agent就收錢。朋友炒完個工人唸住叫agent買機票以為唔使煩，點知agent比張假機票個佢當工人簽收左，你唸下佢地連機票錢都唔放過，個差工人就當然冇返家鄉啦~又可以再搵過第個顧主，呢d生意幾好賺!