論盡家傭

跳至

首頁
1

尾頁
   0


大宅

積分: 2755


1#
發表於 09-9-16 14:06 |只看該作者
宜家屋企的姐姐是3月來的,在之前的雇主家照顧一個雙胞胎有病的細路,做咗半年細路病死所以唔再請佢。

初初來前4個月,除咗做事慢少少,其他都算做的唔錯,這期間我們傾談時佢常說,之前的雇主沒假放;出街不準佢同其他工人講野;照顧細路夜晚沒得睡;
沒生果吃;沒湯喝;成日罵她……

佢來咗5個月,屋企有我們兩公婆,加埋婆婆同兩個小朋友。哥哥已經返小學,沖涼,吃飯,著衫,擦牙,洗面都唔使佢幫手。弟弟就快9個月,一路都是我同我媽咪湊,所以只是做簡單家務同煮飯清潔。自問我自己對佢不錯,我啲食什么佢就食什么,紅色假期有假放,帶我大仔落樓下玩都可以同其他工人交流,我從來都沒有對佢大聲講過野。

是不是我對佢太寬松了?暑假我們離開香港一個月旅行,8月中返來一個星期就發覺佢做野明顯沒有以前積極,本身做野就慢,宜家更加慢的離譜,洗碗+收拾廚房(唔是大掃除,就是普通清潔)可以做成個半鐘,折被鋪床一間房可以搞成粒鐘……日日都是咁,后尾我專登留意佢,給我發現原來佢成日揸住部手機同人SEND MSN。可能是放假出去識咗啲朋友,就成日掛住同佢地聯絡。

上個月出糧給佢時,其實都已經同佢傾過做野慢同唔專心的問題(當時未曾發現是因為SEND MSN),我縱話給佢聽,佢快快手做完滴家務想休息吓都唔是唔可以架。好咗兩個星期,后來又是唔定。

今日朝早,半日時間就給我撞到三次佢玩手機,每次都是我一入房,佢就即刻將部手機擺返褲袋,我只是見到手由褲袋拿出來的動作。(就在我寫這些的時候大仔又同我講,見到姐姐正在玩手機。)

唉~~~!宜家都唔知要點算,這個工人是我們請的第一個工人,這些雖然不是什么大錯,但總是覺得唔舒服,我都希望佢可以快快手做嗮啲野,還可以幫吓我同婆婆抱吓弟弟。

有個問題想請教:

我可唔可以要求佢將手機擺在客廳,因為平時我們都在客廳活動多點,佢休息的時候再給返佢?

[ 本帖最後由 雙寶媽媽 於 09-9-16 15:45 編輯 ]


複式洋房

積分: 180


2#
發表於 09-9-16 15:18 |只看該作者
我都好明白你嘅心情. 因為我個工人都一樣. 成日話以前冇假放. 係我到個個六or日都可以放假. 之後就一個字差... 我之後去旅行. 佢連放幾日假. 之後一個星期又駁咀. 冇禮貌. 自己關閉路. 最後被我炒咗.

你要同佢講清楚. 第一工作時間唔可以用電話. 第二如有需要先向你請示.
如果佢冇改善. 可以叫佢將電話放出黎. 休息時間才拿回.


男爵府

積分: 8859


3#
發表於 09-9-16 15:24 |只看該作者
Yes, she let me keep her mobile and give her only on her off day.

Mobile usage is a big problem, they cannot control and we need to help her to control.


大宅

積分: 2755


4#
發表於 09-9-16 15:40 |只看該作者
多謝答復!!
即是話我Keep住佢的電話是可以的,沒問題的是嗎?


大宅

積分: 1704


5#
發表於 09-9-16 15:45 |只看該作者
我個工人都係經常玩電話,早午晚都要charge電,佢簡直係瘋狂的地步,我都有諗過要求佢將手機擺在客廳,但又驚佢唔高興發脾氣,攞我個女來出氣,所以都係忍佢。。。。。


大宅

積分: 2755


6#
發表於 09-9-16 15:50 |只看該作者
原帖由 fifi8844 於 09-9-16 15:45 發表
我個工人都係經常玩電話,早午晚都要charge電,佢簡直係瘋狂的地步,我都有諗過要求佢將手機擺在客廳,但又驚佢唔高興發脾氣,攞我個女來出氣,所以都係忍佢。。。。。 ...


好彩我同我媽咪基本成日都在屋企,對BB出氣佢又唔敢。佢都算是有愛心,對我兩個小朋友都OK。


男爵府

積分: 8641


7#
發表於 09-9-16 15:53 |只看該作者
工人起碼有2部手機, 收得幾多次呢? 工人唔聽話冇得救架...... 因為我工人有3部手機


別墅

積分: 688


8#
發表於 09-9-16 16:54 |只看該作者
我個工人黎左1個月,暫時手機都係熄機放係cam見到既位置,佢係剛剛黎個陣比我發現佢朝早傾過10分鐘,之後都冇啦!

我請佢個陣講過電話我要收起,夜晚先比番佢,如果佢ok先請..我都會留意工人有冇多幾部電話..免得佢違規:-x

首頁
1

尾頁

跳至