香港18區媽媽會 今日: 0 | 主題: 156995

積分: 5465

1^#

發表於 08-7-7 13:44 |只看該作者 |倒序瀏覽 |打印

我仔仔叫希希, 上星期六開完家長會, 買齊校服, 書包同被, 當諗起個仔第時著起套校服返學,就好感動, 佢就踏入人生另一個階段, 唔知你地有無同感呢? 仲有其他要準備, 例如去醫生度做健康報告, 諗起佢開學就好緊張.

0 0 0

私人傳訊

Marimo

子爵府

積分: 12708

2^#

發表於 08-7-15 11:52 |只看該作者

Hi, 我仔個名都有個"希"字,佢又係今年升小一,淨係諗佢拎書包都頭痕,事關佢比較細粒,我都擔心佢點樣"咩"

原文章由 cl76215 於 08-7-7 13:44 發表
我仔仔叫希希, 上星期六開完家長會, 買齊校服, 書包同被, 當諗起個仔第時著起套校服返學,就好感動, 佢就踏入人生另一個階段, 唔知你地有無同感呢? 仲有其他要準備, 例如去醫生度做健康報告, 諗起佢開學就好緊張. ...

私人傳訊

積分: 7703

3^#

發表於 08-7-15 22:41 |只看該作者

哈. 要買被既, 我估佢講緊係基恩幼兒學校呀. hihi, 我小朋友叫晞晞, 讀緊n1, 會升n2. 學校又多個希字派呢.

原文章由 Marimo 於 08-7-15 11:52 發表
Hi, 我仔個名都有個"希"字,佢又係今年升小一,淨係諗佢拎書包都頭痕,事關佢比較細粒,我都擔心佢點樣"咩"

http://hk.myblog.yahoo.com/tantaub/
http://www.fotop.net/tantaub
http://www.pugmart.com/portal/?uid/16

私人傳訊

積分: 5465

4^#

發表於 08-7-16 14:59 |只看該作者

Hello tantaub, 唔知你有無印象, 有次我上黎留言話唔知基恩收唔收我個仔, 你仲教我打去問校長, 後來校長話要做後備生. 我就唯有去譚雅士交左留位費, 點知兩個星期後基恩打黎話收返我個仔, 寧願放棄$1,100留位費, 我都揀回基恩, 因為我去過4間學校面試, 我覺得基恩馬老師有耐性, 其他老師好笑容有禮貌(小朋友鍾意), 校舍乾淨, 設備齊, 所以我覺得我選擇應該無錯. 不過依家煩緊搭校車, 我住屈地街, 我帶佢返學行上去好大鑊, 依排成日要我抱, 但又唔見有小巴到, 要佢咁細個搭校車我好擔心, 都唔知點好!

私人傳訊

積分: 7703

5^#

發表於 08-7-16 15:47 |只看該作者

KAKA, 你咁講我又有d印象喇. 恭喜晒呀. 可以做書友仔呢.係呀, 馬老師好好架, 佢e家係n1班主任, 好得小朋友歡心架. 放心, 你小朋友一定讀得好開心o者. 早排有日8號風球,無得返學, 亞仔竟然好失望,仲叫我同佢返去按門鐘,話老師會開門添..諗起都好笑呀.
屈地街,要去吉野家對面(係咪叫香港商業中心)有12號小巴搭, 不過都多人架,成日爆. 再唔係, st. paul college/寶翠園門口(半山o個邊), 門口都有van仔, 不過都係o個句,成日爆

原文章由 cl76215 於 08-7-16 14:59 發表
Hello tantaub, 唔知你有無印象, 有次我上黎留言話唔知基恩收唔收我個仔, 你仲教我打去問校長, 後來校長話要做後備生. 我就唯有去譚雅士交左留位費, 點知兩個星期後基恩打黎話收返我個仔, 寧願放棄$1,100留位費, 我 ...

http://hk.myblog.yahoo.com/tantaub/
http://www.fotop.net/tantaub
http://www.pugmart.com/portal/?uid/16

私人傳訊

Jadekaren

複式洋房

積分: 279

6^#

發表於 08-7-16 22:15 |只看該作者

我仔仔將會插入N2班，請多多指教！

私人傳訊

積分: 6596

7^#

發表於 08-7-17 11:00 |只看該作者

你地買晒書包, 床褥同被未呀? 我可送出, 不過仔仔會返埋8月尾.

另外, 有冇人想要校服? 我有一套夏季男裝校服及運動服(呢兩套比較新淨)可送出.

私人傳訊

積分: 5465

8^#

發表於 08-7-18 09:48 |只看該作者

校服已買了各兩套了, Micky 你仔仔唔讀啦! 點解呀?

另外尋日去診所問驗大小便既嘢, 姑娘問我驗大便既邊樣? 蟲定菌喎?

私人傳訊

積分: 6596

9^#

發表於 08-7-18 12:26 |只看該作者

cl76215,

我仔仔升小一啦!想繼續讀都唔得啦

乜個姑娘咁問架, 你話學校要求驗既, 點知驗邊樣喎.

原文章由 cl76215 於 08-7-18 09:48 發表
校服已買了各兩套了, Micky 你仔仔唔讀啦! 點解呀?

另外尋日去診所問驗大小便既嘢, 姑娘問我驗大便既邊樣? 蟲定菌喎?

私人傳訊

積分: 5465

10^#

發表於 08-7-18 15:06 |只看該作者

啊! 原來大個仔畢業啦!真羨慕, 都唔知幾時輪到我個仔呢! 好似好漫長. 係咪係返附近讀小學呢? 不過小學開始要緊張D, 依家小學D嘢都好深.

唔知你地有無同小朋友暑假搵D嘢學, 依頭有無D價錢唔係好貴又幾好嘅興趣班呢? 我見市政局無咁細個學!

Jadekaren, 你仔仔之前讀邊間幼兒園架!

tantaub, 好似你咁講, 去高街D VAN仔由西環都上到FULL哂, 嚟到我嗰頭都無咩位, 你知唔知如果小朋友搭校車, 係綜合大樓落, 邊個送佢地入學校同換鞋呀!

私人傳訊

積分: 7703

11^#

發表於 08-7-18 16:35 |只看該作者

我無坐校車, 不過有時間車隊返學. 應該係褓母加學校既"姐姐"(唔係好sure幾多個姐姐)一人拖d咁返去, 無留意邊個幫佢地除鞋,因為見就算n1(近呢半年)都自己識扶住側邊自己除鞋入課室(d姐姐/褓母就幫佢地將d鞋放返上鞋架)...小朋友學野好快, 見到大個d做到,佢地好快跟到架.

原文章由 cl76215 於 08-7-18 15:06 發表
啊! 原來大個仔畢業啦!真羨慕, 都唔知幾時輪到我個仔呢! 好似好漫長. 係咪係返附近讀小學呢? 不過小學開始要緊張D, 依家小學D嘢都好深.

唔知你地有無同小朋友暑假搵D嘢學, 依頭有無D價錢唔係好貴又幾好嘅興趣 ...

http://hk.myblog.yahoo.com/tantaub/
http://www.fotop.net/tantaub
http://www.pugmart.com/portal/?uid/16

私人傳訊

積分: 7703

12^#

發表於 08-7-18 16:51 |只看該作者

我之前都搵過好多興趣班, 但大部份都要3歲半. 問左好多導師(因為亞仔入學, 走去take左個一年幼兒教育course,d老師好好咁同我地分享),後來再同班主任傾(佢地真係好好,好細心同你地傾,有時亞仔唔聽話,都會請她指導呢), 佢話其實唔建議咁細去學野, 佢地咁細, 連協調都未必發展得好完善, 好容易係未控制得好好既情況下整傷. 加上佢地既專注力往往只有十多分鐘, 要上一課半個鐘怎至一個鐘既堂, 佢地會好快生厭, 反而對學習產生抗拒...佢地建議, 有時間, 多同佢地去公園(訓練佢地既肢體,手眼協調,身體平衡)或去圖書館(佢地好鐘意聽,睇多d故事,令佢地自己培養喜愛閱讀), 大d(佢地suggest n3/k2)先按佢地喜好選興趣班, 會事半功倍呢.

原文章由 cl76215 於 08-7-18 15:06 發表

唔知你地有無同小朋友暑假搵D嘢學, 依頭有無D價錢唔係好貴又幾好嘅興趣 ...

http://hk.myblog.yahoo.com/tantaub/
http://www.fotop.net/tantaub
http://www.pugmart.com/portal/?uid/16

私人傳訊

alialione

大宅

積分: 1102

13^#

發表於 08-7-18 19:10 |只看該作者

你好犀利呀!

原文章由 tantaub 於 08-7-18 16:51 發表
我之前都搵過好多興趣班, 但大部份都要3歲半. 問左好多導師(因為亞仔入學, 走去take左個一年幼兒教育course,d老師好好咁同我地分享),後來再同班主任傾(佢地真係好好,好細心同你地傾,有時亞仔唔聽話,都會請她指導呢), ...

私人傳訊

alialione

大宅

積分: 1102

14^#

發表於 08-7-18 19:14 |只看該作者

學校姐姐同保母一齊送小朋友上學校,
停車係停車場G/F,所以都好安全,
全自動化小朋友自己換鞋,
如果小朋友唔換都有幫手,
小朋友會2個2個拖手一組,
排隊搭lift.
Hope can help you!

原文章由 tantaub 於 08-7-18 16:35 發表
我無坐校車, 不過有時間車隊返學. 應該係褓母加學校既"姐姐"(唔係好sure幾多個姐姐)一人拖d咁返去, 無留意邊個幫佢地除鞋,因為見就算n1(近呢半年)都自己識扶住側邊自己除鞋入課室(d姐姐/褓母就幫佢地將d鞋放返上鞋架 ...

私人傳訊

積分: 7703

15^#

發表於 08-7-18 23:03 |只看該作者

比個叻你

原文章由 alialione 於 08-7-18 19:14 發表
學校姐姐同保母一齊送小朋友上學校,
停車係停車場G/F,所以都好安全,
全自動化小朋友自己換鞋,
如果小朋友唔換都有幫手,
小朋友會2個2個拖手一組,
排隊搭lift.
Hope can help you!

...

http://hk.myblog.yahoo.com/tantaub/
http://www.fotop.net/tantaub
http://www.pugmart.com/portal/?uid/16

私人傳訊

積分: 5465

16^#

發表於 08-7-19 10:45 |只看該作者

真係唔該哂你地過來人D資料, 對我D無經驗嘅媽咪嚟講, 佢又第一次返學, 真係咩都好擔心, 有你地意見, 真係減輕左D憂慮.

tantaub你真係好有心, 為左個仔專登take course, 真係佩服, 我雖然都好緊張個仔, 但我又懶, 因為放工返來都好攰, 我係九龍灣返工, 5點半放工返到屋企都7點, 不過對好多要返工嘅媽咪, 已經D時間好好, 忍唔住同佢玩一陣跟住一齊睇電視, 臨瞓前都會同佢傾吓計.

我都明咁細個比佢學嘢, 對佢嚟講佢都未懂, 之前我比佢返playgroup 我亞媽都話哂錢, 不過返左半年佢真係比以前無噤怕羞, 仲好鍾意同人玩. 睇報紙D專家成日話依家D家長過份緊張, 應該適當時候做適當嘅嘢, 唔好拔苗助長(好似咁寫)

最唔好我個仔到依家都未介到片, 大細都未得, 同佢除左絛褲話尿尿, 佢仲對住塊鏡跳舞, 比佢激死

私人傳訊

積分: 7703

17^#

發表於 08-7-19 15:33 |只看該作者

哈, 其實係我個人太無聊o者.

playgroup我都上過好多, kaka, 唉, 我地呢一代, 得一兩個小朋友, 好自然緊張好多...慢慢黎啦.

原文章由 cl76215 於 08-7-19 10:45 發表
真係唔該哂你地過來人D資料, 對我D無經驗嘅媽咪嚟講, 佢又第一次返學, 真係咩都好擔心, 有你地意見, 真係減輕左D憂慮.

tantaub你真係好有心, 為左個仔專登take course, 真係佩服, 我雖然都好緊張個仔, 但我又懶, ...

http://hk.myblog.yahoo.com/tantaub/
http://www.fotop.net/tantaub
http://www.pugmart.com/portal/?uid/16

私人傳訊

積分: 6596

18^#

發表於 08-7-21 12:09 |只看該作者

cl76215,

你唔好以為會好漫長呀, 眨下眼我仔仔都喺基恩讀咗4 年喇, 要畢業真係好唔捨得架, 上星期六畢業聚餐, 學校好用心咁輯錄咗佢地呢4年的校園生活點滴, 畢業心聲播俾我地睇, 真係睇到眼濕濕, 學校真係好用心咁照顧同教導小朋友, 個個家長對基恩都讚不絶口, 大家都好唔捨得.

我仔仔冇搭校車, 但我見有嬸嬸, 老師同家長義工幫手接小朋友上嚟, 架車停喺car park, 落雨都唔怕淋濕, 所以你大可考慮下.

另外, 我都係3 歲後先俾仔仔上興趣班, 不過佢1歲我就俾佢上過幼潛1年, 對佢發展真係好有幫助.

私人傳訊

積分: 5465

19^#

發表於 08-7-21 16:27 |只看該作者

如果第時輪到我個仔畢業, 叫我出嚟講感受, 我一定係未講D眼淚已經標左出嚟

, 淨係叫我坐係到聽人哋講我都會感動到喊. 話哂你個仔係由細細個讀到畢業, 四年喎! 由咩到唔識到依家大個仔, 你同學校都花左唔少心機. 大家都要比心機, 仲有好漫長嘅路要行.

我想問吓你地, 平時你哋接小朋友返學放學係咪有機會同老師傾吓, 了解吓小朋友喺學校嘅問題, 如果我個仔搭校車, 我根本無機會同老師見到面, 我又唔想成日打比老師 (我驚好似好煩咁), 唔知依方面點樣好呢?

仲有你地小朋友嗰時入學之前係咪已經介哂片, 如果入左學先介會唔會唔係幾好呢? 唉! 我真係攪唔掂我個仔, 正一麻煩友!

私人傳訊