吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 今日星島社論:輸入內地家傭要監控好品質 ...

論盡家傭今日: 0|主題: 134087

收藏本版

發帖

返回列表

跳至頁

查看: 3062 | 回覆: 17

今日星島社論:輸入內地家傭要監控好品質 [複製鏈接]

琬晴B

大宅

積分: 2279

1^#

發表於 09-9-28 09:50 |只看該作者 |倒序瀏覽 |打印

摘自2009年9月28日(星期一) 《星島日報》社論

輸入內地家傭　要監控好品質

政府智囊正研究是否容許內地人來港做家庭傭工。站在消費者立場，無論自己會否聘用，始終喜歡多一種選擇，關鍵在於如何針對措施可能產生的社會問題，避免眾多副作用掩蓋本應帶來的好處。
　　本港現時其實已經有變相內地家庭傭工存在。有人利用雙程證來港，協助親友照顧老少和打理家務，換取酬勞，留港期滿返回內地一段時間，類似外籍家傭放探親假，再回港「幫忙」，做法律灰色地帶下的家傭。還有人持雙程證居港期滿後，仍然留港，做幾年黑市居民，打住家工比做茶樓工或地盤工「安全」，而且較難被巡查發現，待數年後賺夠積蓄，再偷渡回內地。
　　黑工也好，灰工也好，這類家傭的存在，顯示本港一些家庭對這類服務有需求。對內地人來說，本港如果開放市場，以現時內地家政服務員月入二千多元人民幣，或是去深圳工廠打工連加班費也是二千元左右的水平，本港外籍家傭三千五百八十元的最低工資，可算非常吸引。措施既可滿足港人家務需要，又有助解決內地人口的就業問題。

　長者望家傭「同聲同氣」
　　本港人口老化，愈來愈多家庭聘請外傭協助照顧家中長者，老人家未必懂英語，溝通不便，影響服務質素。要是政府容許內地人來港打住家工，有助解決這些家庭的難題。理論上，輸入內地家傭對本港家務助理飯碗影響有限，原因是聘請鐘點女傭的家庭本身就不喜歡家中住進一個外人，令人關注的是，這些家傭來港後會否非法兼職做鐘點工。
　　至於對外籍家傭的影響，雖然有部分家庭會轉聘內地傭工，但仍然有不少家庭喜歡聘請外傭，有的是因為希望子女自幼習慣以英語與人溝通，有的則因為覺得聘用外籍、語言和生活圈子截然不同的家傭，有助保障家中私隱。
　　評估防範對社會副作用
　　本港如果對內地家傭開綠燈，對整體家傭市場的影響，可以由本港家庭按照各自不同的需求，來作出自然調節。至於對社會的影響，就要預先審慎評估。
　　輸入內地家傭之議，多年前已經有人提出，港府一直沒有接納，主要原因是恐防會變成內地人來港打黑工和變相移民的漏洞。內地近年經濟和生活條件大幅改善，來往本港日益方便，這方面的壓力紓緩，但問題仍然存在。要是來港打住家工只是作為移民、找對象結婚、或找更多賺錢機會的跳板，不但影響服務質素，弄不好還會產生種種的虐老、家變事件。
　　在紐約賽前訓練意外項椎骨折而半身癱瘓的前國家女子體操隊選手桑蘭，本月初在個人網誌中提及所聘僱家傭的不是，掀起辯論風波，有人覺得她身為名人不應該與小保母過不去，有人則認為桑蘭吐出了內地不少家傭僱主的苦水，還帶出了家傭缺乏培訓和專業工作態度等問題。
　　本港如果要從內地輸入家庭傭工，相信會受部分僱主歡迎，但落實前傭工質素固然要考慮，同時最重要是避免引起大量社會問題，令措施變成得不償失。
　　
2009-09-28

0 0 0

私人傳訊

tsuitung

伯爵府

積分: 18456

2^#

發表於 09-9-28 11:23 |只看該作者

最怕有些「二奶」藉口申請來港做「傭工」, 所以, 品質問題真係好頭痛。

世間最美妙的事情，就是擁有一個溫馨的家庭。我們可自然從容地回到家中，無拘無束地被家庭接納為其中的成員。 ;-) (維斯各特)

私人傳訊

jk830

民房

積分: 34

3^#

發表於 09-9-28 12:37 |只看該作者

一早應該引入內地家傭啦
帮自已國家好過菲

私人傳訊

nicksonma

侯爵府

積分: 23457

2025勳章蛇年勳章美好大世界2017勳章認識瑞士牛牛第三回認識瑞士牛牛第二回認識瑞士牛牛第一回育兒性格勳章我的育兒心得勳章分享愛夏天玩到顛 hashtag旅遊勳章 DHA勳章 hashtag影視迷勳章大廚勳章叻叻勳章 wyeth冷知識勳章畀面勳章親子達人勳章 BK Milk勳章

4^#

發表於 09-9-28 13:19 |只看該作者

其實屋企有老人家真係請個識自己方言的工人會好D. 同埋唔使點擔心煮野食唔啱口味. 不過真係要好好控制品質. 最好來港後唔好即刻上班. Train 一輪適應香港人生活. 同埋最緊要衛生!

原帖由 jk830 於 09-9-28 12:37 發表
一早應該引入內地家傭啦
帮自已國家好過菲

私人傳訊

蝦碌媽咪

伯爵府

積分: 15900

好媽媽勳章醒目開學勳章畀面勳章睛靈勳章

5^#

發表於 09-9-28 13:23 |只看該作者

首先;檢討現時嘅外傭政策重有建設性啦!

私人傳訊

ellawyc

公爵府

積分: 26643

好媽媽勳章

6^#

發表於 09-9-28 13:36 |只看該作者

原帖由 蝦碌媽咪 於 09-9-28 13:23 發表
首先;檢討現時嘅外傭政策重有建設性啦!

完全正確呀~~~

唔好一廂情願"以為"內地人就同聲同氣
得罪講句, 有好多僱主都唔識講普通話
外省的亦唔識廣東話, 何來同聲? 點樣同氣?

好啦, 請廣東省嘅, 你一樣有得擔心
- 得閒無事話要返鄉下, 即日來回你比唔比?
- 一陣又話死d咩親戚要即走, 人心肉造, 你又比唔比?
- 以為來回交通費夠平慳咗? 哈~ 唔好彩請個會偷野嘅, 佢要運走賊贓一樣咁平咁快手~
- 萬一, 佢係你老公嘅二奶, 你又要返工, 咁咪名正言順造就佢地?
- 好, 你老公桄榔樹一條心嘅, 不貪外騖; 但你家中有冇老爺/公公/爸爸?

講真, 我唔係睇唔起內地傭工, 但的確太多隱憂啦....

私人傳訊

bonbon16

大宅

積分: 3663

7^#

發表於 09-9-28 13:40 |只看該作者

我本人就唔會請囉,肯黎香港打住家工既大部份都會系鄉下生活既人,城市人有文化既都唔會點諗,如果你話請佢黎照顧下老人家都仲可以,如要照顧小朋友,我就覺得有問題!

我個朋友長期系珠海做野,系近2年都系度請家傭,請過有5個,佢話其中有2個系連煮食爐都唔敢開,做得好點既就做唔夠3個月就走,佢話可能系人處困境,騎牛搵馬,只系想過渡難關,食飽搵到少少錢就走人!佢都請到投晒降,問可唔可以請菲傭去大陸!

私人傳訊

BKVIP

大宅

積分: 4355

8^#

發表於 09-9-28 15:01 |只看該作者

我身邊真係好多朋友請緊黑市內地人湊b喎，仲好平tim，不過我無咁做囉。如果有多d選擇，我都會考慮請內地。

講真3千几蚊分分鐘好pay過上面d大學生，有心做咪好囉。請人都係講彩數，印菲咪又係好多唔掂，多一個選擇都係好事。但真係要清楚搞掂d社會問題先，可惜香港正苦好多時用pat pat 諗野，可能唔搞好過搞....

私人傳訊

Sharon886

男爵府

積分: 5817

9^#

發表於 09-9-28 16:43 |只看該作者

原帖由 BKVIP 於 09-9-28 15:01 發表
我身邊真係好多朋友請緊黑市內地人湊b喎，仲好平tim，不過我無咁做囉。如果有多d選擇，我都會考慮請內地。

講真3千几蚊分分鐘好pay過上面d大學生，有心做咪好囉。請人都係講彩數，印菲咪又係好多唔掂，多一個選擇都係好事。但真 ...

我都有朋友請緊黑市內地人湊b，唔單止平過菲／印，係湊得好好多又好心機添！而家佢地都「集團式經營」，有工頭帶，做得唔好可以換人。

我諗雖然而家有ｄ人仲會好抗拒內地人，會諗到好多問題，但我想講，難道請菲／印冇咩？二奶？之前都有bk媽媽個fd個c6攪上菲菲啦！騎牛搵馬？而家好多菲菲都係啦，佢地做一個contract就發夢都去咗加拿大啦～

個人覺得只要係中央處理，不經agent，兼有一個通報機製就得啦，萬一有乜唔掂，report & bad list，就係咁簡單。反正如果正式搞佢地來港都要搞戶口，點解唔順便「中央處理」，一來免卻有人偷步濫做，二來方便監察。

而家咁多菲／印濫告、偷野、借$走佬、來港搵鬼...唔通唔係問題？邊個話ｄ菲／印一定train咗至來呀？我自己都試過阿姐連奶都唔識沖啦（仲話之前湊過添:;pppp:），又呢樣唔食果樣唔食，煩到死

與其幫人地國家，點解唔可以「中國人幫返中國人」？如果實行，我舉腳讚成添呀！

[ 本帖最後由 Sharon886 於 09-9-28 16:44 編輯 ]

私人傳訊

quoquo

大宅

積分: 1266

10^#

發表於 09-9-28 16:59 |只看該作者

而家既外傭政策蛤住D僱主, 因為D工人有市有假. 如果引入多D競爭, 絕對係好事. 等個班ge le gwa la 無咁得戚

私人傳訊

fsforth

伯爵府

積分: 18036

畀面勳章 BK Milk勳章

11^#

發表於 09-9-28 16:59 |只看該作者

什麼國籍都有好人壞人, 最重要係改善外傭政策, 根本不可以把她們等同本地勞工看齊, 記住比錢請外傭大多數是小家庭, 不是什麼大財團, 叫特衰政府學下星加坡點去保障自己國民好過啦!

私人傳訊

BBLOVEMAMA

子爵府

積分: 10782

12^#

發表於 09-9-28 17:11 |只看該作者

但我覺得好難control,佢地d人如果名正言順批2年做外"內"傭,甘d色情事業d人會否好易用白粉友or 流氓去申請d人黎賣"人",而且,d男人咪更加易以請
"內傭"名義去申請過雙程証.還有,好難打擊黑工,因大家都係自己人,變相做了樓面/裝修等你地都唔知.因為外傭都有樣睇.自己人好難分,甘會做成好多本地底收入家庭搶飯碗問題.
而且外傭走了,要有第二個僱主再可逗留,但係長期請"內傭",比了佢地鎖匙,怕唔怕,因為佢地有好多家人在港,有d朋友請過大陸工人,因為佢地都係怕自己黑市,會驚d,所以唔攪事,國內如同外傭一樣,無什麼試用期,無還ageny錢,又會否差d,
而我都想問,你地會否請d年輕"內傭"到你家,相信怕佢地係香港揾男朋友,大肚機會更大...
如真係請你地通常會請幾大年齡,如佢地做得唔開心,會否找她們在香港老公or親友出頭追數./講數??
好多問題?

私人傳訊

BBLOVEMAMA

子爵府

積分: 10782

13^#

發表於 09-9-28 17:23 |只看該作者

我都好同意以下講法,如政策不好,請咩人都一樣有問題:
除非正苦有良好把關制度--如外傭黑名單,香港僱主真係可以比資料入境處,如多過2次被炒記錄 or 有偷竊 or 傷人 or 疏忽照顧等行為時需工人即時離境,無需僱主賠償等.
有試用期,三個月內,7日通知等,另外傭無告僱主,亦需黑名單等
未完約工人應取消賠機票+交通費用,因没有理行合約.
好過搞甘內傭社會問題....

請

原帖由 fsforth 於 09-9-28 16:59 發表
什麼國籍都有好人壞人, 最重要係改善外傭政策, 根本不可以把她們等同本地勞工看齊, 記住比錢請外傭大多數是小家庭, 不是什麼大財團, 叫特衰政府學下星加坡點去保障自己國民好過啦! ...

私人傳訊

QQ70

子爵府

積分: 14148

14^#

發表於 09-9-28 19:11 |只看該作者

呢個政策真係要諗得好清楚, 分分鐘攪到香港淪陷 !

1. 個個落黎做野, 一心搵個香港人做老公
2. 二奶明正言順入宮, 到時可能好多家庭糾紛/問題
3. 內地女人, 果d 所謂溫柔, d 男人分分鐘中招, 女僱主都咪話唔驚
4. 個個有左留o向香港生, d 仔女做左香港人, 我地呢d 納稅人幫佢養, 同我地掙福利
5. d 所謂 agent 分分鐘掛羊頭賣狗肉, 其實係賣淫集團
6. 有少少姿色, 等錢洗走去賣淫都唔出奇, 間中接一個都收 $350喇

總之, 有好多問題, 好似各位 sis 講, 不如檢討現有外傭政策仲好過喇 !

私人傳訊

Sharon886

男爵府

積分: 5817

15^#

發表於 09-9-28 23:07 |只看該作者

呢個政策真係要諗得好清楚, 分分鐘攪到香港淪陷 !

1. 個個落黎做野, 一心搵個香港人做老公
佢話年齡45以上，個人覺得set咗年齡限制已經可以減少呢個問題好多～
2. 二奶明正言順入宮, 到時可能好多家庭糾紛/問題
咁一隻手板拍唔响既
3. 內地女人, 果d 所謂溫柔, d 男人分分鐘中招, 女僱主都咪話唔驚
唉～唔一家內地女人既，ｄ男人有心攪野既，乜國籍都死啦。有次我同個女去附近泳池游水，個印印著三點式，心口有個大扣，見到晒條la...
4. 個個有左留o向香港生, d 仔女做左香港人, 我地呢d 納稅人幫佢養, 同我地掙福利
咁ｄ菲菲呢？呢期都有幾個啦～
5. d 所謂 agent 分分鐘掛羊頭賣狗肉, 其實係賣淫集團
一樣啫～
6. 有少少姿色, 等錢洗走去賣淫都唔出奇, 間中接一個都收 $350喇
所以就要有個機制囉！（其實ｄ菲／印，佢地星期日出去成日，又有邊個保證佢地冇兼職？）
總之, 有好多問題, 好似各位 sis 講, 不如檢討現有外傭政策仲好過喇 !

私人傳訊

cameo

子爵府

積分: 10555

16^#

發表於 09-9-29 04:28 |只看該作者

內地,當然要高品質-->此話出於上開大陸o既男人!!!

其實唔好攪咁多野啦,,而家d外傭條例咁大問題,攪好呢樣先啦!!!!d bad maid係討厭,但更討厭係香港正苦處處just保障佢地啫,將心比已啦,你打份工唔想做時只要玩吓野就有人賠錢+機票俾你返屋企,你都可能會係咁!!!
唉,,,攪乜內地丫,,,搵嚟攪啫~開左個頭,最後又管唔掂!!

私人傳訊

BKVIP

大宅

積分: 4355

17^#

發表於 09-9-29 10:07 |只看該作者

其實最迫切同實際就係檢討左現有對外傭政策先，如果係搞得掂既，根本可以唔駛諗輸入內地外傭。

可能政府係担心黑市問題，講真都存在左好耐啦，只係對我地呢d奉工守法既市民唔公平啫。我身邊請內地黑市個d 全部都係在港有家庭架，申請雙程証落黎搵錢養家。如果請已婚& 年紀大d，唔怕同男人搞，咁其實好睇個男人係咪個d人，要搞咩國籍都有可能。聽我朋友講佢個內地工人揍bb好好，仲要唔駛包食住，只係2千蚊，放工個工人就返自己香港既屋企，不知几好，唔怪得咁多人請啦！

其實輸入咩工人都有好有唔好，內地好既咪引入競爭，等d 菲印公會唔好以為只係得佢地，咁佢地就唔會咁得寸進尺