吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 在職全職› 唔開心...

在職全職今日: 4|主題: 48018

收藏本版

發帖

返回列表

跳至頁

查看: 2150 | 回覆: 16

[全職媽媽] 唔開心... [複製鏈接]

busiuhk

大宅

積分: 1090

1^#

發表於 09-9-23 02:20 |只看該作者 |倒序瀏覽 |打印

計劃做全職媽媽...今日同家姐傾家用問題, 之前阿妹試過去了讀書, 一年無比家用, 家姐認為就算我唔做野, 都應該比一些家用, 我都覺得應該, 雖然其實就算冇我份錢都OKAY夠用....第一二年真係會好緊... 同埋, 老公會吃力... 佢話我地預到D錢咁緊好有問題, 覺得唔可以樣樣都咁理想, 做野同湊仔都可以並存... 但當然佢亦都唔會阻止我全職湊... 但佢認為我唔可以為咗一樣野, 而放棄晒所有其他野, 困在屋企...佢話我應該放手比個工人湊...
我諗住Cut晒娛樂便夠錢, 佢話咁樣你個budget有問題...最後講唔請工人, 我都諗過唔請工人, 但我真係無信心自己一個能handle所有野, 同埋咁樣我真係困係屋企...同一個人出下街都唔得...
唔知道, 個心好亂... 無信心...好想喊...

0 0 0

私人傳訊

kcpak

水晶宮

積分: 56154

2^#

發表於 09-9-23 02:45 |只看該作者

原帖由 busiuhk 於 09-9-23 02:20 發表
計劃做全職媽媽...今日同家姐傾家用問題, 之前阿妹試過去了讀書, 一年無比家用, 家姐認為就算我唔做野, 都應該比一些家用, 我都覺得應該, 雖然其實就算冇我份錢都OKAY夠用....第一二年真係會好緊... 同埋, 老公會吃 ...

如果你自己都無信心全心全意湊你自己既小朋友,我建議你返工吧啦~

有人話,人一生要找到四個人1) 自己2) 深愛你的人3) 你最深愛的人4) 共你過一生的人在你出世一刻,我一次過找到這四個人

私人傳訊

bosch

瑪瑙宮

積分: 128515

2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

3^#

發表於 09-9-23 07:01 |只看該作者

你應該用你自己既觀點去諗係咪要去做全職媽媽, 而唔係用你家姐既想法囉. 我估佢擔心你媽媽果邊冇左你份家用, 咁你媽媽既生活會受到影響, 甚至要你家姐俾多d 家用. 當然, 有能力既話, 最好唔好影響到娘家太多野.

預得d 錢緊當然唔係咁好, 所以你去做全職媽媽前最好有少少錢做儲備, 以防有突發事情發生. 不過有d 野又好實際, 錢少左咪cut開支, 有咩咁大不了, 唔夠錢駛咪搵野做囉.

有媽媽講得o岩, 你生得個bb 出黎, 都預左係你自己去湊, 而唔係假手於人. 如果經濟上唔許可當然冇話可說, 但如果經濟上可以既話, 你自己又想自己去湊, 咪自己去湊囉. 如果連你自己都冇信心去湊好個小朋友, 咁真係返工好過.

就算你有工人, 到時你又可能話唔夠膽放手俾工人自己一個人去睇佢等等. 你點做都有藉口, 又倚賴慣.... 好多野煮到埋黎就要食架啦, 唔通下下要安排好晒等你去做咩? 做全職媽媽就係24小時on call, 又難自己一個人出街.

做媽媽真係要講性格講天份, 我自問唔做係媽媽既材料, 要我一個人同阿仔一齊, 分分鐘成日都出唔到一日街, 又抹唔到地. 但我阿媽一個人湊住我個仔, 朝朝早可以抹地執屋, 仲煲埋湯俾我飲添. 我99 又可以同我個仔一日出2次街!! 我做唔到佢地咁, 又搵唔到野做迫住做全職媽媽, 咁又點, 咪去學做阿媽囉, 參考下人地點做, 唔識就要問, 人地話我就要聽 (當然要有理由果d 至聽啦!), 冇人一出世就識做野, 就算你n年前第一日返工都唔係好有信心咁返公司啦!! 你有心做全職媽媽既話, 要俾d 時間去印證自己掂唔掂.

私人傳訊

busiuhk

大宅

積分: 1090

4^#

發表於 09-9-23 09:36 |只看該作者

我唔係無信心全心全意湊, 其實要我犧牲乜野都得, 只係我擔心自己做得唔好.....

原帖由 kcpak 於 09-9-23 02:45 發表
如果你自己都無信心全心全意湊你自己既小朋友,我建議你返工吧啦~

私人傳訊

happywah

男爵府

積分: 5747

畀面勳章

5^#

發表於 09-9-23 09:37 |只看該作者

好同意bosch的講法, 條條馬路通羅馬, 唔識真的要問, 我而家都全職帶b(仲要兩個), 雖然唔係可以成日出街, 但係同佢地既時光係有錢買唔到的, 如果為左家用問題, 可以同媽媽傾下, 或者開家庭會議, 而唔係困住自己唔開心!!

原帖由 bosch 於 09-9-23 07:01 發表
你應該用你自己既觀點去諗係咪要去做全職媽媽, 而唔係用你家姐既想法囉. 我估佢擔心你媽媽果邊冇左你份家用, 咁你媽媽既生活會受到影響, 甚至要你家姐俾多d 家用. 當然, 有能力既話, 最好唔好影響到娘家太多野.

...

私人傳訊

busiuhk

大宅

積分: 1090

6^#

發表於 09-9-23 09:40 |只看該作者

其實我屋企得返爸爸一個, 五個兄弟姊妹, 個個都出身, 大部份搵錢都多過我, 家姐話俾家用只係原則性問題....

或者真係要破釜沈舟, 做做下自己就做到....
身邊的朋友都同我講唔要工人唔得, 連我老細都話無工你都唔好諗辭工(佢老婆都係全職媽媽)... 係未要比d信心自己呢?

原帖由 bosch 於 09-9-23 07:01 發表
你應該用你自己既觀點去諗係咪要去做全職媽媽, 而唔係用你家姐既想法囉. 我估佢擔心你媽媽果邊冇左你份家用, 咁你媽媽既生活會受到影響, 甚至要你家姐俾多d 家用. 當然, 有能力既話, 最好唔好影響到娘家太多野.

...

私人傳訊

LilianLegend

伯爵府

積分: 15470

wyeth冷知識勳章環保接龍勳章大廚勳章親子達人勳章畀面勳章

7^#

發表於 09-9-23 10:30 |只看該作者

妳定左目標,就真係要有決心去行動,
到時真係乜都要學架,
學安排時間,
學教育/管教兒女,
學煮食,
學做家務....

好多野都要由頭學,
人生不同階段就要學那階段既野,
主動去問人,
上黎多d同我地傾下都會知多d,
努力呀~

私人傳訊

szeszejoe

別墅

積分: 869

8^#

發表於 09-9-23 11:02 |只看該作者

工人一定會無自己湊得好架!就算你唔識咪慢慢學囉!係會身苦D,但工人唔好你=湊多個!!我剛生完b女個幾月,今年5月遲職等生完自己湊!坐月自己搞掂!我d錢都係好緊嫁,我冇比家用老豆,(當然唔係咁好啦)但佢會明呱,老公確實搵唔多$,只夠平時bb同我地既基本生活開支,我既家用當然係無啦!
湊著佢,需然休息勁少,同遇到既難題好多,但我一日一日咁湊著佢真係好開心

,佢好似粒糖咁 ,幾多$都買唔到架!
(每個人情況一定都會唔同架,你一定要諗得清楚喎!)

私人傳訊

busiuhk

大宅

積分: 1090

9^#

發表於 09-9-23 11:18 |只看該作者

其實我老豆都講過負擔大咗, 可以唔駛比, 屋企一直都係家姐話事, 她會認為唔可以樣樣野都咁完美, 邊個唔想係屋企湊仔...同埋, 原則上如果其他兄弟姊妹又話自己唔做野, 咁做野個d人就好辛苦, 同埋就算父母有一筆可觀的積蓄, 供養父母係子女的責任, 所以點都要比.... 本來我諗住過時過節, 同埋搵到part time既話, 就比錢屋企, 因為我有收入既話, 就應該比...

點解我咁想返屋企湊仔, 其中一個原因係幾年前我媽媽 cancer, 我發覺時間好寶貴, 幾多錢都買唔到, 現在媽媽去了...我不想錯過與孩子頭六年的時間, 我預咗就算六年後我搵唔到一份好工, 我都唔會後悔所付出, 我會珍惜我可以付出的六年... 其他人會覺得我太執著, 太完美主義... 難度我的諗法不正確?...

原帖由 szeszejoe 於 09-9-23 11:02 發表
工人一定會無自己湊得好架!就算你唔識咪慢慢學囉!係會身苦D,但工人唔好你=湊多個!!我剛生完b女個幾月,今年5月遲職等生完自己湊!坐月自己搞掂!我d錢都係好緊嫁,我冇比家用老豆,(當然唔係咁好啦)但佢會明呱,老公確實搵 ...

私人傳訊

kcpak

水晶宮

積分: 56154

10^#

發表於 09-9-23 14:03 |只看該作者

原帖由 busiuhk 於 09-9-23 09:36 發表
我唔係無信心全心全意湊, 其實要我犧牲乜野都得, 只係我擔心自己做得唔好.....

傻豬...我本身係我超懶既人,屋企又寵慣我,當初屋企人對我做全職係無睇好過......從我仔一出世個刻,我好似上身咁一手一腳自己湊大佢啦..今年6歲,我仲要3年抱兩,到有細囡屋企人直頭叫我唔好要,因為佢怕我辛苦怕我一個湊兩個唔掂.......又比我湊大左,我囡仲係7星女,超難攪......(做得唔夠好)乜你覺得工人會好過呀媽咩.....無一個角色會一百分,包括父母~

有人話,人一生要找到四個人1) 自己2) 深愛你的人3) 你最深愛的人4) 共你過一生的人在你出世一刻,我一次過找到這四個人

私人傳訊

happywah

男爵府

積分: 5747

畀面勳章

11^#

發表於 09-9-23 14:39 |只看該作者

其實有工人都未必好, 好似我咁, 我之前諗住生第二個, 我都請個印印返來, 點知頭一個月(我成日要開ot), 我問我老公個印印帶b 得唔得, 佢話佢好好(做家頭細務), 點知開始放假我就見大可樂了, 第一日放假, 我出街買完野返來, 開門見佢係廁所走出來, 而大b係個廁所入面, 最危險係個b隔離係盤水, 一陣佢跌左落d水度, 可能咁就無左, 如果我返左工後, 真係提心跳膽, 如期我搵錢比個人照顧個小朋友, 倒不如兩公婆慳慳地帶大佢, 就算佢地有事, 都係自己整到佢, 咁都抵死拉, 所以唔一定要工人架, 話雖你家姐係話事人, 但都可以同屋企人商量一下, 開心見誠講, 唔好自己估估下, 咁樣你會好辛苦!!

原帖由 busiuhk 於 09-9-23 11:18 發表
其實我老豆都講過負擔大咗, 可以唔駛比, 屋企一直都係家姐話事, 她會認為唔可以樣樣野都咁完美, 邊個唔想係屋企湊仔...同埋, 原則上如果其他兄弟姊妹又話自己唔做野, 咁做野個d人就好辛苦, 同埋就算父母有一筆可觀的 ...

私人傳訊

MariaTsui

水晶宮

積分: 60514

12^#

發表於 09-9-23 15:04 |只看該作者

我未做全職媽時,俾很多家用我亞媽,過市過節另外俾,現在當然不會俾這麼多,但都有,是我老公俾,一開始做全職媽,就和老公商量好,一向都沒有工人,但住得近媽媽,她可以幫下手,到小朋友返學,一個人都可以應付,我都曾經有想過遲些再找工作,但當囝囝上年讀小一之後,就打消再工作的念頭,因為跟功課,一點都不容易,因為全職媽多一點時間,和小朋友的親子關係也好些,最近才知道囝囝的同學仔,因為是雙職父母,放工遲,大部份都請了補習老師,明年囡囡又要讀小一,我相信會很忙。所以當決定做全職媽,就不要告訴自己會做多少年,分分鍾一直做下去。

私人傳訊

Fat-C-9

複式洋房

積分: 291

13^#

發表於 09-9-23 16:24 |只看該作者

做唔做全職媽媽, 係由你同你老公決定的, 你老公一定要支持, 因初初轉做全職媽媽, 工人又炒埋, 你會辛苦過返工, 情緒會好波動, 一定要身邊人支持的呀!!!
你家姐有佢自己的想法, 她的想法只供參考, 正所謂"投訴接授, 行動照舊" 呀!!!
祝你好運!!

私人傳訊

pinkdoll

子爵府

積分: 13450

醒目開學勳章畀面勳章

14^#

發表於 09-9-24 09:59 |只看該作者

放心啦工人都做到既嘢冇理由阿媽做唔到呀比啲信心自己

有好多人以為請咗工人咁呀太太就會好歎(我啲朋友係咁諗囉) 其實家陣請工人都好勞氣都唔知我係工人定佢係工人我就情願慳番呢筆錢留番俾仔女將來讀書學嘢甚至乎旅行用囉

話晒自己仔女辛苦都值得呢 :)

私人傳訊

yiyijoyce

複式洋房

積分: 138

15^#

發表於 09-10-13 15:50 |只看該作者

我都係無做野, 不過你比我好係有其他兄弟姊妹可以分擔家用, 我差不多等如照顧埋我阿哥, 因為我老豆同佢一起住, 但係由我幫佢地交租, 因為我阿哥人工少, 只可以自己顧自己食.

我之前因為工人問題,所以生完bb 依然無做野,初初都ok, 但金融風暴後, 我老公收入少左,我同我老豆提出比少d, 佢都話ok, 不過一定要最少幫佢交租.我同我老豆講叫佢幫我照顧bb, 我唔用工人, 可以慳d. 佢話唔ok, 因為年紀大.

其實有時屋企人都唔會體諒下, 係父母一定要照顧, 但佢地有積蓄, 未致無飯開, 我覺得可以用下先, 到佢地真係無錢, 我地一定唔會唔理佢, 可能過多一兩年我地條件好d, 再比過家用都ok的, 我覺得你大家姐無係你既立場想過, 佢用佢自己的尺佢衝量你的條件. 你再可以同你爸爸商量下, 你不用太在意你大家姐既說話.

對於你可唔可以照顧到bb, 你一定ok 的, 其實只要唔好樣樣要做足100分,便ok, 家居清潔有時間便做, 無時間便等你老公放假時先做拉.

我現在都準備開始找工, 因為經濟問題. 多個錢始終都係好d.

原帖由 busiuhk 於 09-9-23 11:18 發表
其實我老豆都講過負擔大咗, 可以唔駛比, 屋企一直都係家姐話事, 她會認為唔可以樣樣野都咁完美, 邊個唔想係屋企湊仔...同埋, 原則上如果其他兄弟姊妹又話自己唔做野, 咁做野個d人就好辛苦, 同埋就算父母有一筆可觀的 ...

私人傳訊

bosch

瑪瑙宮

積分: 128515

2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

16^#

發表於 09-10-14 09:57 |只看該作者

原帖由 busiuhk 於 09-9-23 09:40 發表
其實我屋企得返爸爸一個, 五個兄弟姊妹, 個個都出身, 大部份搵錢都多過我, 家姐話俾家用只係原則性問題....

或者真係要破釜沈舟, 做做下自己就做到....
身邊的朋友都同我講唔要工人唔得, 連我老細都話無工你都唔好 ...

你係咪溫室小花? 定係你朋友覺得你係溫室小花? 你d 朋友要去外國住下, d 鬼婆一拖3都得, 推住架孖b車, 手拖住一個咁出街. 或者一個女人踩住單車, 前一個b 後一個b, 架單車仲有成袋超巿貨品. d 鬼佬背脊揹一個細路, 手拖2個都出到街. 我講緊係人地冇渣車既情況. d 鬼婆做得到, 好多大陸女人做得到, 我地既上一代都做得到, 點解你d 朋友認為你做唔到? 講得衰d, 好多香港人係安逸慣, 反而搞到乜都唔識, 出去講俾人聽都肉酸. 我自己就係一例!! 而家咪好似俾人踢左落水咁迫住學游水咁, 不過肯去學, 肯去做, 應該浸唔死o者.

你既家事, 我都唔知點俾意見好. 最緊要係大家有共識. 如果家人唔介意, 遲少少至俾家用囉. 人人都有自己既難關, 好難乜都要完美同埋滿足晒人地囉. 我以前都係要乜都諗到好perfect 至去做, 否則寧願唔做, 到最後咪搞到我乜都做唔到, 連去買份保險, 諗足>5年都未出手去買, 我去買衫可以揀一年都揀唔到件o岩心水既衫. 而家我明白實際我地控制唔到咁多野, 真係煮到埋黎就要食.

有時自己肯放手, 肯去做又去學, 唔止壓力會冇咁大, 仲分分鐘會有唔少意外收獲.我見d 人湊仔湊得好輕鬆, 原來人地係俾個小朋友自己去做同埋早d獨立, d 父母唔會太緊張. 舉個例, 佢地俾未行得咁穩陣既小朋友自己去上d 玩具車仔, 就算我用手離遠作勢要保護佢地個bb 唔好俾佢地跌親撞到個頭 (個地下冇舖墊), d 父母反而叫我唔駛太緊張, 可能我唔知佢地個女(1歲大) 既平衡力有幾好啦.... 有時你俾自己同小朋友多d 空間, 湊仔係唔駛太勞氣, 亦可以令小朋友早d 獨立.

正如yiyijoyce 媽咁講, 唔好樣樣要做足100分,便ok.