甘乃威於週日攜妻見記者，仍矢口否認因求愛不遂解僱王麗珠。
封面故事
飛擒女主播 甘乃威自焚
2009年10月08日
民主黨立法會議員甘乃威，因向女助理求愛不遂，而將對方解僱，至女方上月底向黨高層投訴後，甘才以十五萬「掩口費」了結事件。
女助理叫王麗珠，卅八歲，因為白淨斯文，又曾任亞視新聞主播，在宣傳工作上幫了人緣極差的甘乃威一大把，人人都讚甘有個靚女幫手！
龜縮多日，甘終上電台解話，死撐向王表示「好感」，不算「示愛」，並堅拒辭職，但本刊查知實情是，甘三個月內兩度示愛，還邀約北上伴遊。
王麗珠曾任職商業電台及有線新聞，後來於亞視新聞當主播。（網上圖片）
「男人對女主播總有遐想。我仲記得甘威（甘乃威花名）同個女仔第一次出席民主黨會議時，我?成班麻甩佬都眼定定，雖然唔係驚為天人，但始終做過女主播，又白又斯文；雖然個樣倔強?，但都覺得佢好省鏡；一班男黨員讚甘威點解咁醒搵到個咁靚?女助理，甘威不知幾招積！」民主黨一名資深黨員憶述，自去年甘聘用卅八歲的王麗珠為助理後，帶她出席每個會議時，也惹來周遭男士的艷羡目光。
「她不單靚，工作表現仲好。甘威唔識包裝及宣傳自己，個女仔做過傳媒，幫佢搵曝光機會：三月底出席世界氣象日，甘威率領成班港島區議員?中環路邊耍太極；六月初又趁世界環境日，去交易廣場巴士總站記錄高廢氣巴士數量。」該民主黨黨員又說：「活動由她負責影相，影完放上甘威網誌；又安排甘威上港台『左右紅藍綠』及 Road Show。全部係王麗珠諗出?幫佢宣傳，黨內專搞公關?人都讚佢好有腦。」
坎坷靚女 慘被燙傷
王麗珠（英文名 Kimmie）善為甘乃威包裝，與她出身傳媒有關。她在樹仁學院讀新聞系，九二年往亞視新聞部任實習記者，由於表現佳，畢業後在亞視中午及晚間新聞時段擔任主播。「做電視台時，最初主力做外電編輯，但上司覺得佢外形斯文大方，於是俾機會佢做主播，點知有同事妒忌，一次嗌交，混亂中一杯熱水淋落佢心口，燙傷?，睇?好耐醫生。件事發生後，佢無做主播，無幾耐仲離開電視台。」與王女稔熟、一同返教會的教友阿健（假名）說。
王後轉職商業電台及有線電視。她曾留學倫敦，在英期間曾任駐當地特約記者。回港後，王做過多份特約工作，○七年任前立法會議員譚香文助理，到譚去年競選連任失敗後，議員辦公室結束，適值剛進身立法會的甘乃威要請議員助理，譚便擔當二人的「紅娘」。她憶述：「我同甘乃威唔熟，就透過民主黨的人問佢請唔請人，介紹 Kimmie做佢助理。」王於去年十月正式上班。
「話係助理，個名係 press officer」曾與王共事過的民主黨職員說：「 Kimmie英文好，英文文件及新聞稿，都由佢幫甘威寫，甘威只照稿讀。好似前幾日開記者會交代炒人事件，甘威無用英文澄清咪因為無人幫佢寫英文稿囉。」
去年八月王麗珠（右）替譚香文競選連任，更為她想出「專業師奶」的競選形象。
甘乃威在地區活動上，王麗珠（圓圈者）均替他拍照及上載至網誌。
老婆打個突
從不管老公政事的甘妻 Candy，也不知道甘請了一位美貌與智慧兼備的助理，直至今年元宵甘請傳媒回家吃飯，王到場打點， Candy首次與王見面，打了一個突：原來老公身邊有個靚助手！
「佢太太一向唔鍾意佢做政治，以前一人兼兩職，又有區議會又有市政局議員，收入穩定，無聲出；後來甘威得番一個區議員職務，收入大減，甚至要去親戚貿易公司做兼職，太太就成日哦佢，叫佢唔好再做議員，離開政界。所以去年立法會選舉，我?叫班太太出?幫競選人老公拉票打氣，甘太都係象徵式出一次，佢根本就唔想幫個老公手。」與甘乃威相熟的一名黨友說。
曾為甘助選的人亦指，「?時中西區幾個民主黨人參選，都帶老婆出來，同助選團有傾有講。但甘太好少出現，??又坐埋一邊，有?拒人千里姿態，我同甘乃威做?幾個月?，同佢老婆講唔夠十句說話。」
甘週二晚在電台死撐，「表示好感」並非「求愛」。
王麗珠任甘助理時，曾為他舉辦世界氣象日，抗議港府改善空氣污染不力。
對你有好感
「甘威?中西區有中西區師奶殺手之稱，確實係有唔少師奶票，所以佢自命風流倜儻，又覺得自己溝死女，仲經常?我?班黨友面前誇口，老婆飛唔出佢手指罅。」一名民主黨員說。去年當選夢寐以求的立法會議員，又覓得靚女助理，甘變得飄飄然，開始對有「好感」多時的 Kimmie埋手。
知情人士透露，甘乃威於六月下旬一個下班時間，向王提議近日工作辛苦，不如兩人同去內地旅遊兩天散心，王大為錯愕，然後客氣婉拒；甘以為女方害羞，打蛇隨棍上向她示愛，「我對你有好感！」
王是虔誠基督徒，屬新聞從業員團契的中堅分子，而該團契與保守宗教團體明光社友好。她一聽甘表白，大驚，以不能破壞別人家庭幸福為由，當場拒絕，甘再爆另一秘密。知情者說：「佢同 Kimmie講，做區議員時都試過鍾意過人，如果講到第三者破壞家庭幸福， Kimmie唔係第一個。」
雖然王女無心，之後減少與甘獨處，但襄王有夢。九月尾，甘二度示愛，「佢同 Kimmie重複一次，已經鍾意?佢，希望同佢一齊。今次 Kimmie好決絕，叫甘威死心，一定唔會鍾意佢。唔知係咪絕得滯，搞到甘威無面，懷恨在心。」民主黨一名執委說。
民主黨其他職員，亦發現這兩個月王有點不妥。「六、七月之後（首次示愛後）， Kimmie對老細個面口唔係咁好，對?甘乃威都好似一副生人勿近的樣。」他們說：「佢呻過呢份工唔係幾?，諗緊轉工。直至九月底有一日，甘威突然叫佢入房鬧鑊金，幾乎成個辦公室都聽到佢鬧；其實只係工作上小問題，但佢指住個女仔鬧『你即刻走，即刻離開呢度。』」甘即場炒王麗珠。
當日是九月廿四日，晚上民主黨開黨團大會，甘單拖赴會，有男黨員口痕問點解 Kimmie無?？「佢支吾以對。原來佢炒?人！有黨員講笑：咁大?？ Kimmie咁做得?不如調過?幫我手啦？不過甘威面??就行?去。」
不過，甘週二在電台死撐時，堅持向王「表示有好感」不算「示愛」，又聲稱相約一班同事往內地消遣，並沒單獨約王北上；今次炒魷是她工作態度有問題，不是「求愛不遂」後果，因此他堅拒辭職。
曾任主播的王麗珠在議員助理界算是姿整一族，經常濃妝艷抹工作。（網上圖片）
去年譚香文競選連任會計界議席時，王麗珠（圓圈者）是其競選經理，後譚介紹王任甘乃威的助理。（網上圖片）
求救
王麗珠被炒後，在辦公室致電前僱主譚香文求救。「佢?朝十一點急 call我，話自己好狼狽執緊?走，?時佢先講老闆『好難頂』?原因，原來係同佢求愛。」譚說，事態嚴重，甚至牽涉有性騷擾成分，因此直接向民主黨大佬李柱銘、楊森、劉慧卿投訴；至六日後即九月三十日當晚，譚陪王與劉慧卿及何俊仁會面，何俊仁首次知道事件來龍去脈。
由於甘曾公開向黨友透露，王工作表現欠佳才解僱她，令她聲譽受損，因此當她向何俊仁投訴後，最?重的是要求甘，手書一封道歉信。
上週五，民主黨召開的黨團大會中，何俊仁公開討論這事，甘威首次承認炒魷事件中牽涉有示愛被拒、處理不當的問題。何俊仁在會上拋出解決方案：一，甘須寫道歉信，承認他是因為示愛不遂而將王解僱，而不是她工作能力有問題。二，建議王麗珠重返民主黨當劉慧卿或何俊仁的助理。三，主動提出賠償六至九個月的薪金約十五萬元給王女，作為不公平解僱的賠償。
「其實由始至終， Kimmie最堅持的係要甘乃威封道歉信，不過好似到而家，呢封信都仲未俾佢；而至於重返民主黨做其他議員助理， Kimmie即時耍手擰頭，因為佢已經唔想再見到甘乃威。而佢最終亦接受?十五萬賠償。呢十五萬當然由甘威自己承擔番，但至於點解佢咁巴閉即刻拎到十五萬出?，係背後有勢力人士俾佢?，抑或佢用其他方法?得，咁就無人知喇。」
王收了錢，因想繼續當議員助理，怕事件張揚後難以搵工，故欲低調處理。怎料事件曝光，她唯有躲在家，不欲再談，希望事件盡快丟淡。
○七年甘乃威（右一）意欲參加立法會港島區補選，最終支持由泛民推舉的陳方安生參選。
甘乃威自市政局解散後，在政途一直浮浮沉沉，更考慮過搞貿易生意和開老人院。
去年迷債爆煲，甘乃威是最先為苦主爭取賠償的立法會議員，人氣急升。
甘進身立法會後頻頻打溫情牌，又發放一家三口的旅遊照。
永遠次選
甘乃威於威靈頓英文中學讀書，七十年代加入名律師胡紅玉和記者秦家聰有份創辦的「香港觀察社」。後來，他入城市理工（即現時的城大）修讀社工系文憑。甘乃威是港同盟及民主黨創黨黨員，自九四年起贏盡歷屆的中西區區議會選舉。九五年，他擊敗陳毓祥贏得市政局首屆地區直選，成為雙料議員。
學歷僅及城市大學社會工作文憑的甘，在政界嶄露頭角，也變得自視極高，曾跟他共事的人指：「佢?港島區選，好多 HKU（香港大學）的學生收佢車馬費做暑期工助選，但佢脾氣暴躁，鬧人唔使本，又鍾意人身攻擊，最鍾意鬧『你真係蠢』、『你?呢?咁?大學生』。」
甘對下屬惡言相向，對黨友也絕不俾面，「佢開黨會議傾唔掂，就失控咁起身狂鬧，其他人要將佢隔開，勸佢收口。」舊同事指民主黨仍很重視甘：「佢超級勤力，選舉期間仲出席唔同法團會議，乜?事要搵乜?部門，佢都瞭如指掌。加上甘乃威?街坊箍得緊，於是個黨都接受佢咁衰?性格。」
去年退選的李柱銘屬意單仲偕（右）出選港島區，但甘動員當區區議員支持，趕走單仲偕，自己出選。
此事令民主黨大地震，何俊仁（左）及單仲偕週日開記者會解畫，卻愈描愈黑。
民主黨區議員主張棄保甘乃威，又有人要求甘辭職。
二千年市政局解散，甘參選立法會又落敗，只餘區議員一職，月薪不到兩萬元。甘一心進軍立法會，港島區議席經過兩次補選，包括同年民建聯程介南請辭及○七年民建聯馬力病逝，甘都有意參選，但最終因得不到民主黨支持，分別讓路予大狀出身的余若薇及前政務司司長陳方安生參選。據悉「永遠次選」的甘這時已謀定後路，考慮搞貿易生意，甚至想過靠自己的地區工作經驗，開辦老人院。
去年立法會選舉，甘想盡地一煲，寧願跟黨內元老擘面也要取代副主席單仲偕出選。不料這次絕地反擊終於成功，甘在立法會事務委員會的出席率近百分百，最近被「民間監察組織」讚揚為最勤力的議員。去年他?身為雷曼迷債苦主爭取賠償，上月灣仔告士打道爆水管，中環、灣仔一帶交通癱瘓，他第一時間率眾到場視察，知名度急升。怎料事業來到高峰卻遇上醜聞。
「甘乃威人緣差，出事時無人企出?撐佢，仲衰過當日何偉途叫雞被捉。因為甘威去年選立法會議員時飛甩單仲偕，為此得罪?好多兄弟；今日出事，黨內對他有積怨的人乘機踩多腳，趁班大佬正在忙五區總辭?事，有人乘機多次向傳媒放風，要求甘乃威辭去立法會議員職務，推佢落台可以再補選另一人上?。」民主黨內人士說。
雖然甘堅拒辭職，但法律界人士黃國桐表示，甘乃威與王是從屬關係，若求愛不遂而無理解僱，當中牽涉違反僱傭條例及干犯性騷擾罪行。
求愛不遂事件簿
日期 發展
08年底 王麗珠任甘乃威助理
09年 6月 甘首次向王示愛被拒
09年 9月 甘再示愛被拒
9月 24日 甘即時解僱王，並須即日離職。
9月 30日 譚香文陪王會見何俊仁及劉慧卿，何、劉答應調查。
10月 4日 甘與民主黨各自召開記者會，甘否認求愛不遂而解僱王。
10月 6日 甘在電台節目承認曾向王表示好感，但否認求愛，並不肯辭職。
甘乃威 簡歷
年齡： 49歲
家庭：已婚，育有一女
學歷及：城市理工學院社會工作文憑、專業資格：註冊社工
職業：資訊科技公司兼職顧問
從政經歷：中西區區議員（ 94至今）
市政局議員（ 95-00）
立法會議員（ 08至今）
過往醜聞： 08年一直協助雷曼苦主追討損失的甘乃威被指購買了約五十萬元的銀行結構性產品，涉及利益衝突。
04年取得中西區區議會主席席位，支持委任議員胡楚南爭取做副主席，違反民主黨不支持委任議員競逐主席及副主席的立場，後道歉及辭去主席。
96年市政局主席梁定邦持有的廣安銀行上市，甘包辦了民主黨市政局議員統購廣安股票，甘初辯稱沒買，最後向公眾道歉。
抽水皇后譚香文
此事也令前立法會議員譚香文受千夫所指，自週日傳媒揭發事件後，譚香文不斷接受訪問，以「前僱主」的身份講述事件始末，令王麗珠的身份呼之欲出，但原來並非出於王的意願。譚接受本刊訪問時指：「 Kimmie呢兩日都有搵我，叫我唔好再同傳媒講咁多?，不過我講?係事實，又冇誇大、又冇作?，我只係幫佢澄清聲譽，係你??傳媒不斷逼迫佢。」
譚此舉備受譴責，有政界中人稱她「政壇黃夏蕙」：「佢?行為同當年新馬師曾成家爭產時，黃夏蕙成日出來扮代言人搏上鏡，簡直同出一轍。」據悉王麗珠對譚的行為極感不滿，本週二發動身邊友人在網上討論區聲討譚香文。
撰文：簡淑明、呂珠玲、林偉聰
攝影：本刊攝影組、部分圖片：《蘋果日報》
資料：資料組
插圖：劉志誠
mailto:[email protected]
*****
佢呢次退黨就一定要啦
但議員應該都做埋今次ge
下次再選就......
不要問國家能為你們做些甚麼，要問你們能為國家做些甚麼。Ask not what your country can do for you, ask what you can do for your country.
發表於 
, 你仲係度笑人
!
返回列表
