吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由報料› 觀塘綠Ｘ軒傢俬超唔掂呀！！

自由報料今日: 21|主題: 299357

收藏本版

發帖

返回列表

跳至頁

查看: 4537 | 回覆: 5

觀塘綠Ｘ軒傢俬超唔掂呀！！ [複製鏈接]

2boys

大宅

積分: 3976

1^#

發表於 09-10-1 02:58 |只看該作者 |倒序瀏覽 |打印

我哋喺呢間衰嘢訂做傢俬，見佢門面陳列幾靚，諗住唔會太差，位店員梁小姐又好似好好傾，好專業咁，重同我哋自誇佢哋係全觀塘手工最好喎，於是我哋度尺訂做地櫃、睡床等傢俬，都是要求普通款式，點知嚟到簡直貨不對辦，手工超粗劣，尺寸又錯，改得到的我都已經勉強接受，重冇扣佢錢，最離譜撞崩埋我啲新裝房門，同佢理論，要求佢幫我整番佢，佢就求其撻兩Ｐａ油上去，好似啲塗改液咁，重要話係我哋唔做好保護，包好間屋，態度超惡劣！當初那位梁小姐更愛理不理，佢話佢理唔到喎！因佢重爭我張書枱錯咗要重做，而家知我要追討隻門嘅問題，玩嘢唔肯送番張枱俾我，要我俾晒１仟大元尾數先肯俾番張枱我，最衰當初ｈ○１ｄ得佢尾數太少，而家仍在拉鋸中，最慘係小朋友冇枱用，希望多啲人知道我啲經歷唔好再中招，門面信唔過！奸商大隻講！

0 0 0

私人傳訊

Slamduck

大宅

積分: 1982

2^#

發表於 09-10-1 18:31 |只看該作者

這間舖頭是否在(協和街,即和樂村對面)個間?如果是的話, 各位媽咪千萬不要光顧, 無論是買實物或訂做, 因之前我試過找她在屋內間房, 她自誇一日內可以完所有工序, 費用須要八千多元, 真係當我無帶腦出街.

與此同時我有朋友曾經試過買實物, 居然送貨時尺碼跟落單時不一樣. 她堅持拒絕換貨. 我朋友在購買時, 己同她說在發票上列明實物尺吋, 她說此款只有一個SIZE 所以沒有註明. 我朋友見此店舖己開業多年. 怎料出了這樣結果. 唉...

私人傳訊

2boys

大宅

積分: 3976

3^#

發表於 09-10-2 00:46 |只看該作者

回覆 1# Slamduck 的文章

我講嗰間綠悠x係喺觀塘道官塘工業中心隔離。佢仲衰到叫我攞隻門去公證行，你話佢幾玩嘢呢！

私人傳訊

lai8888

子爵府

積分: 14952

4^#

發表於 09-10-2 10:35 |只看該作者

咁官塘有冇d好既傢俬鋪推介ar??我之前係康寧道間傢俬鋪訂間房櫃~手工幾好~度尺好準~但而家吾知關門大吉定搬左呢....

私人傳訊

mandk

大宅

積分: 4569

5^#

發表於 09-10-5 15:15 |只看該作者

我冇幫襯過綠Ｘ軒, 但係我就幫襯咗佢既前身, 但我見佢門面乜都冇改過, 只係改咗個名, 我諗可能仍然係同一個老細.

當時serve我嗰個小姐(我唔記得姓乜), 少少肥肥地既, 又係好好傾, 所以都幫襯咗. 但係呢間野d質素真係麻麻, 我有個櫃門係黐玻璃再上四粒鏍絲. 點知嗰幾粒鏍絲唔夠一個禮拜就甩咗出黎, 仲擰唔返實添. 好彩塊玻璃係黐上去, 如果唔係就大劑 !

至於協和街,即和樂村對面個間我冇幫襯過, 但係就見過個老細同佢老婆兩個人去某茶餐廳兩條友叫一碟飯 (其實都冇乜問題), 但係就大大聲咁鬧個侍應話碟飯細, 結果個侍應要換碟勁大碟既飯比佢地. 初時仲以為d人發窮惡, 後來經過呢間傢俬舖至知原來佢就係老細. 咁既人, 我打死都唔會幫襯.

觀塘都真係唔知邊間傢俬舖好, 我都幫襯過協和街落少少, 證券行隔離嗰間, 手工算ok, 但係d木有虫, d虫係夏天(濕熱既天氣)至會出現, 同番呢間野講, 佢地竟然話係我地間屋既問題. 但係我唔明點解間屋唔只一件木傢俬, 但係就只係喺佢地度做嗰幾件至發現有虫囉. :;pppp:

ps. 曾經見過有人post話綠Ｘ軒隔離間Ｘ興幾好, 但係我見過Ｘ興既發票係同綠Ｘ軒前身嗰間一模一樣, 我懷疑係同一間... (純粹個人猜測, 如果有人知道請證實)