原帖由 kwukwu 於 09-10-5 23:42 發表
一來當大家生活無憂, 就會讓快樂掩蓋一切
二來當生活出現大改變時, 好多野都會在如何面對困難時, 表現晒出來
三來可能自己對另一半的要求與二十年前已經改變了及人亦都成熟了
始於最後一句, 貧賤夫妻百事哀... ...
原帖由 kwukwu 於 09-10-6 09:25 發表
1. 如果而家係有錢, 問題當然唔會禁爛, 因為可以比到錢佢父母買野食, 可以時常約兄弟姊妹出來聚聚, 而家係無錢到擔心聚會便要駛錢, 悭得就慳, 變左越來越疏離
咁即係話同男家既關係係有錢先有親情啦！ 但係如果佢d細佬妹同佢無感情又點會借錢比佢？ 我諗佢成家都知道你哋有d週轉唔靈，佢哋有無比說話你聽？ 你既人生係咪一向都好平穩，呢個係咪你哋廿年嚟先第一個低潮？
2. 因我地係一齊打理同一間公司, 公司唔掂便問佢問我屋企借, 在我方面, 自己屋企緊係要維繫啦, 但佢從來沒有對我家人說一聲唔該, 多謝或抱歉等說話, 認為咩野都係我做, 佢係唔需要理會, 所以而家我屋企人憎到佢c
咁未出現財赤前佢係咪都唔多采你家人？ 公司有問題，佢無本事負擔無責任就緊係唔好啦！ 由開始出現問題大家有坐低傾過點面對？佢儘咗力都無辦法先叫你問家人借，定係一開始就唔理？ 佢借人錢一d感激既心都無，係佢不嬲都係咁定係佢自信心漰潰而自暴自棄？
3. 佢對我係咪好既定義, 而家真係答唔到
我諗你係因為無錢先唔知啫！ 如果而家仲有錢，佢既問題你見到都當見唔到，因為所有問題都可以解決晒，正所謂錢能解決到既問題就唔係問題，但其實問題一直到存在，只不過你無正視過，直至問題出現，你先睇到，你而家比我既感覺係佢有錢你先嫁佢，因為錢可以蓋晒佢所有既缺點，當佢無錢，你就睇得佢好清楚！
4. 我四年前患了抑鬱病, 到而家都時好時唔好, 其實那時我已經開始想過分開, 但我地而家2個欠了家人一屁股債, 如果分開了, 更加無能力還啦.. 而且而家毫無積蓄, 自立都要置過一頭家, 何來有錢各自一頭家呢 ?
我都同我老公一齊開公司，亦試過生意失敗週轉唔靈而問家人借，所以睇到你而家先嚟問係咪嫁錯而特別有感受，如果2公婆儘晒力都無辦法扭轉，我會選擇申請破產，重新再嚟過， 總好過你怨我我怨你！ 2公婆除咗可以共富貴，最重要係可以共患難，你有無諗過你都有責任？？ 佢錯，無責任，無諗你既立場，其實一早你就可以斗正佢，唔洗搞到而家咁樣！ 如果你認為呢個男人唔值得你愛，你可以離婚返外家，除咗命，無野係唔可以再嚟過，你仲有家人，朋友，可以過新生活........問題係如果你單純為錢，我諗佢唔啱你，你要搵個富豪先可以保障一生！
所以我根本一直有個痴想, 如果有多一筆錢, 大家一半, 還我自由.....
希望你可以早日走出困局，過一個你最理想既生活！
發表於 
靚太唔易做！！
返回列表
