香港18區媽媽會 今日: 0 | 主題: 156992

積分: 1055

1^#

發表於 09-10-7 12:39 |只看該作者 |倒序瀏覽 |打印

hi...我平時都好系會係度呻...
但,我真係搵唔到一個途徑去俾我去發洩..
同埋..我已經係無朋友.連同我老公呻,佢都唔會明白我諗咩..

我係一個要返工既媽媽..孖b依家返n班全日班,
我為左就到孖b放學6點鐘,我已經同老細申請左5點半就要放工.
平時亞b唔舒服或者放假,好多時都係我亞媽去幫手湊.
每一次,到我放工返到屋企,我亞媽都已經黑晒面.好似我得罪佢咁俾面色我睇..好似我兩個b好阻住佢d時間咁..但,其實好多時都係佢自己話幫我手湊..

好似今朝咁,擒日開始,亞哥已經開始發燒,睇完個死人醫生,又話只係喉嚨乾,流感...嚇到我都唔知點好,因為亞b燒左成日,都係102-103..佢仲要話係流感.無講係喉嚨發炎..我就仲擔心..
之後咁岩我亞媽又話今朝要見工,咁我都係諗住打去同佢夾下,我朝早請假,晏晝等佢見完工接力湊b我先返工啦...點知,我問完佢幾點見完工,佢已經變晒聲喇.
我都唔想講落去!!!
咁我咪同我老細請假囉...

好彩,擒晚半夜,亞b開始退燒喇..今日咪俾佢返學囉.
之後岩岩佢又打電話黎,話人地叫佢試工喇啵...
佢又話我細妹(5年級,同母異父)好生性,話如果第時佢返工,自己會照顧自己啵!

我無野講.....我只係諗...我兩個仔呢??點算??
我自問平時我都有俾返錢佢幫我做野的.有時都係佢自己要求幫我手.
佢要做野.我都知我唔可以咁自私,唔俾佢做.!
但,有無諗過我先?!我都要返工架,平時佢唔係唔知我已經好難請假,我夠想請啦..我仲想唔做自己湊添...
我夠錢洗先得架!
佢都知我兩個b成日都會病,一發燒就唔可以返學..咁我唔通每個月都請幾日假??咁即係叫我等人炒者..

佢一家人唔係等錢洗,唔夠錢洗..點解佢唔幫下我先??
我知,係佢老公叫佢去見工..佢老公..唔係我親生老豆.咁係咪佢老公講咩,就唔洗理我呢個唔同老公既親生女!!
佢去見工,識得問佢個細女第時佢返工會點..有無諗過我呢個大女先??我係大個女呀,我兩個仔呢.?

平時,佢成日搵我笨,我都算喇..錢係事少,受佢氣都算..今次,會攪到我無左份工..我點養兩個仔呀..

請工人,我唔係無諗過..但,我之前既事,我真係唔想請囉...

算啦..我呻完,都無人幫到我..唔好意思,要你地睇我呻埋呢d野..

0 0 0

私人傳訊

lamfanny

積分: 1694

2^#

發表於 09-10-7 13:25 |只看該作者

我好明白你的家庭背景. 但這些是你控制不到的. 既然不能控制,倒不如不要去想. 愈想多了只會令你更不開心. 放松心情才能理智地分析問題.
請工人真是唯一可以幚助你解決將會面臨的問題. 不要因為之前的不幸而把自己困入籠裡. 不是所有傭工都是黑暗的.
你是否有抑鬱? (不好意思, 這樣的判斷. 因為從你的文章有些少透露出來) 如果不是的話, 請盡量放鬆, 帶孖b去公園逛一逛, 心情可好的. 祝你早日解決問題.

私人傳訊

LH23

複式洋房

積分: 224

3^#

發表於 09-10-7 13:38 |只看該作者

小朋友發燒可大可小,不能忽視,燒到102幾度是高燒,有機會燒壞惱,到時你就後悔,大人病好過小朋友病,小朋友辛苦唔識表達,你自己又擔心,又冇得睡覺,大人小朋友都辛苦啦,如果阿媽不得閒,你可以找親戚或鄰居幫手照顧小朋友啦.

私人傳訊

mslo

積分: 5979

4^#

發表於 09-10-7 15:10 |只看該作者

見到你嘅 post﹐我好同情你，但係有d野都好想糾正你。
可能我都係孖b，所以我都有咁上吓嘅情況發生，等我講吓我丫

我對囡而家 k1，自從無食人奶後都成日病，一年入兩三次醫院。頭一年我無請工人，同奶奶一齊住，老爺奶奶都退咗休，兩個人湊三個小b，因為我放工後仲洗奶樽洗碗洗衫，餵奶，氹囡訓，半夜亞囡仲必醒，成日攪到我無精神返工，最終我涯咗一年我搬返媽咪到住請工人，除咗洗奶樽洗碗洗衫我無做外，全部野我都依然親力親為，因為工人都係人，我返工佢都辛苦，佢巳分擔咗我嘅工作，我放工又幫返佢，好正常丫。

當時嘅我剛剛斷奶，囡囡咩病都有過，肺炎，洛沃克病毒，輪狀病毒，細支氣管發炎…我當時都好灰，隔離兩個囡，我又要返工…有時d野既來之，則安之，以前未有時我哋嘅父母，袓父母都得，我哋都得的，做到幾多，我哋無 backup 只有盡做。

到咗而家亞囡返上午班，下午好彩爺爺嫲嫲幫睇半日，放工我去車佢哋，因為工人 resign，我只可以頂著，朝早 7:30起身攪囡換衫…車佢哋返學，我返工，放去買餸湊囡，煑飯，睇功課，食飯沖涼洗奶樽等…夜晚 2400-0100 先訓，日日如是，我開頭唔習慣都想癲，尤其兩個囡扭計嘅時間，但係你唸吓，做母親嘅我哋都癲，我哋病咗或崩潰咁佢哋咪仲慘仲淒涼，所以而家我都係死頂，唔得先算。

我好彩嘅係可以有車位免費泊車返工，返工，湊返學，住都係元朗一帶，自己去慳d時間用囉。

亞媽，老爺奶奶喱d 都有幫過我，但係佢哋幫係恩賜，唔幫係道理，所以我哋自己都要頂硬上，工作上做快d準d 假我會照請佢炒由佢，幾時都係仔囡重要，大不了去拎公援，我成日咁唸，我巳盡力去做好每一件事，好多時事與願為，我哋都唔好自怨自涯，我哋生得囝囡出先係應份去照顧佢哋。

老實講，我而家又有咗 16wk，仲要做家務煮飯洗衫幫囡沖涼，都好辛苦，但係我好開心﹗我辛苦換嚟亞囡開心，因為囡囡鐘意我煮嘅野，我洗嘅衫，我嘅一切安排，辛苦當中我都得到好多安慰

笑多d，開心d，唔好唸其它野，我哋向前望，其實你可以快d睇吓d工人，因為萬一病你都幾辛苦，我兩年以嚟而家要請第三個工人，中段都有唔少嘅辛酸，但只要見到小朋友開心快樂，我自己覺得咩都值

可以嘅話試吓轉份近少少嘅工，因為 k1會有功課同親子上網，我今個月真無時間同佢哋上網玩，希望新工人做得長同幫到手啦。

原帖由 cae688 於 09-10-7 12:39 發表
hi...我平時都好系會係度呻...
但,我真係搵唔到一個途徑去俾我去發洩..
同埋..我已經係無朋友.連同我老公呻,佢都唔會明白我諗咩..

我係一個要返工既媽媽..孖b依家返n班全日班,
我為左就到孖b放學6點鐘,我已經同老細 ...

DAY 1: 3.37KG,DAY 4: 3.35KG,DAY 5: 3.47KG,
DAY 8: 3.52KG,DAY 16:3.81KG,DAY 38:5.11KG,DAY 42:5.5KG,day 44: 5.86kg,2M4D 6.69KG,

私人傳訊

積分: 1055

5^#

發表於 09-10-7 15:49 |只看該作者

我返工已經係好近..的士五分鐘就返到去..
請工人.我真係無信心..我都知有好既姐姐..但..真係要試,要教,要睇自己彩數...
上次個工人,我對佢真係好好,我只係要求佢做家務.唔洗佢湊b..都攪到我雞毛鴨血,仲上埋庭..我真係唔可以放低呢條刺.

我都明白亞媽都係人.我依家唔洗佢湊架,佢只係幫手同我一齊接兩個放學返屋企..病或者放假先要佢上我屋企幫手湊..唔係好過份者?!

我依家都只係擔心,佢地無得返學,而我又要返工既日子..亞b點算??

我自問,呢份工真係好就到我湊b既時間..我真係好簡單,係擔心亞b無學返個陣,我又要返工..
咁我可以點??請假嗎??等炒嗎??

我都係為兩個仔諗..我無野諗...

我只係好唔明..我亞媽知道我有時需要佢幫手睇住我兩個仔..佢又唔係等錢開飯..有無必要咁樣去返工者..佢識得問佢個細女如果佢真係返工點...點解唔諗下我兩個只有兩歲既bb會點??

私人傳訊

mslo

積分: 5979

6^#

發表於 09-10-7 16:23 |只看該作者

你住邊呀？你唔介意 pm 話我知我都係附近返工，下個月新工人到咗我唔洗咁趕返屋企，你需要時可以搵我撐吓你，幫你送返屋企樓下，只要早一小時打比我就得，我估我九成都可以幫你，雖然好怕請工人，但都必須要面對的，無人支援你辛苦之餘又無助。

其實我那段野嘅意思係屋企人有幾錯我哋都無謂去再計算，計完佢又唔會做好d，何必唸佢呢？不如自己唸吓解決方法囉。

我真係怕你越唸得多，越唔開心，但可能我表達能力唔太好，但出自好心，希望你唔好誤會，因為我曾經都無助無辦法，因為上星期亞囡入咗屯門隔離病房我大肚唔入得，所以我真係完全了解你嘅無助，

都唔知講咩好﹗總之幫到嘅話，希望我可以幫到你(放心我唔係話要收錢/要回報，只係大家孖胎好有共鳴)﹗有興趣 msn /pm 傾。

放鬆d，前路滿希望，我哋頂咗咁耐，一定頂得順。

原帖由 cae688 於 09-10-7 15:49 發表
我返工已經係好近..的士五分鐘就返到去..
請工人.我真係無信心..我都知有好既姐姐..但..真係要試,要教,要睇自己彩數...
上次個工人,我對佢真係好好,我只係要求佢做家務.唔洗佢湊b..都攪到我雞毛鴨血,仲上埋庭..我真 ...

DAY 1: 3.37KG,DAY 4: 3.35KG,DAY 5: 3.47KG,
DAY 8: 3.52KG,DAY 16:3.81KG,DAY 38:5.11KG,DAY 42:5.5KG,day 44: 5.86kg,2M4D 6.69KG,

私人傳訊

積分: 1055

7^#

發表於 09-10-7 17:03 |只看該作者

我真係唔係擔心返學放學....我只係擔心亞b病左無人湊...
多謝你咁了解我同幫手...

請工人的話....唉~我真係好信唔過d工人哩..
同埋我屋企又無人睇住個工人..我真係好唔放心...我都知一定會有好既工人...但,我又無時間教..又無人睇住..同埋兩個b好難肯跟人..唔跟就唔跟.依家都2歲啦..亞細都ok呀..有時有得玩就得..但,亞哥就連佢老豆都唔會肯跟...我沖涼都有時係門口係咁開我度門,喊晒咁...
我又點會放心呢

私人傳訊

積分: 1055

8^#

發表於 09-10-7 17:05 |只看該作者

私人傳訊

mslo

積分: 5979

9^#

發表於 09-10-7 17:18 |只看該作者

我都係孖b 所以體諒到。你唔好咁客氣喇﹗

請工人係人都唔放心，但我會係佢嚟前裝 cam，得閒睇吓佢做咩，我今次請完約工人，我哋見哂面，睇埋屋企 size 工作 details，亞囡又跟佢，我仲講明每日做 d 咩同我有 bb 將會 3月出世，大家講清楚，了解清楚，咁都走我無計，三口六面講好囉，你都考慮吓。

我唸完約工人會易明我哋d，起碼叫有經驗，但比定個心理準備你，人人知有 twins 都未必會做，到有人肯做咪要求試工(雖然唔合法)，但對大家都好，試工我只係叫佢嚟，睇吓間屋，煑一餐飯同亞囡玩一陣，前後兩小時走咗。比d信心，我唸完約唔會洗點教掛，但你預咗，間唔使會好似我咁要做超人媽媽，勁頂，由早做到晚。

原帖由 cae688 於 09-10-7 17:03 發表
我真係唔係擔心返學放學....我只係擔心亞b病左無人湊...
多謝你咁了解我同幫手...

請工人的話....唉~我真係好信唔過d工人哩..
同埋我屋企又無人睇住個工人..我真係好唔放心...我都知一定會有好既工人...但,我又無時 ...

DAY 1: 3.37KG,DAY 4: 3.35KG,DAY 5: 3.47KG,
DAY 8: 3.52KG,DAY 16:3.81KG,DAY 38:5.11KG,DAY 42:5.5KG,day 44: 5.86kg,2M4D 6.69KG,

私人傳訊

mslo

積分: 5979

10^#

發表於 09-10-7 17:23 |只看該作者

仲有呀﹗你係咪好少帶對仔出街呢？可能佢哋少見人怕羞，咩人都唔跟。我細囡之前都係，我有段時間好忙成年都無帶佢哋去街玩，跟著細囡都咩人唔跟，但我開始補假勁放假，亞囡又 ok 返喎，有試吓找多d機會同佢哋出街喇﹗

你快放工lu，我仲有 20mins 倒數

做我哋孖b媽就係咁了忙忙忙﹗

DAY 1: 3.37KG,DAY 4: 3.35KG,DAY 5: 3.47KG,
DAY 8: 3.52KG,DAY 16:3.81KG,DAY 38:5.11KG,DAY 42:5.5KG,day 44: 5.86kg,2M4D 6.69KG,

私人傳訊

積分: 1055

11^#

發表於 09-10-8 00:37 |只看該作者

我成日都帶孖b出街架...
不過佢地真係好睇人黎跟...好似佢地老豆咁..佢地都未必肯跟...因為佢地好識得睇人地個樣,你個樣絛愛心,唔得歡容?佢一定唔肯跟你囉/..之前就係個間死幼兒園dmiss有呢d問題.攪到日日孖b都唔肯出門口返學...

我依家都唔知點...我都好明白只有一個方法就係請工人...但係,我一諗到..之前既事,再加上我平時係街見到d工人同d細路...真係...唔想諗.
再加上,我真係無必要請個工人全日留係屋企..因為好多野,我都唔會放心佢做..同埋佢地未必做到我要求..

無架啦,我都係睇下我亞媽個度見工點先..
今日同佢係咁e扮晒野講話我請工人啦.佢話叫我請鐘點就得,我咪答佢,咁平時亞b唔舒服請假都要人湊架..仲有放假呢...
我咁講都係想提一提醒佢..佢個細女都有呢d問題架..唔係話返工就返...

之後佢咪又變面囉...唉~~

私人傳訊

mslo

積分: 5979

12^#

發表於 09-10-8 10:04 |只看該作者

丫，曾經有個媽咪教過我唔好請工人，工人人工都三千幾，計埋佢哋d浪費，雜費等等…分分鐘要 5000 一個月，佢教我請個只做清潔，另請一個亞姨係有愛心嘅，鐘意你小朋友嘅，最好住附近，同埋最好搵到喱兩個人都係賺錢買花戴，為興趣而工作的姨姨，咁你就會慳錢 d 同放心d，但係我都唔知點去搵喱d人，我為求方便只係上月頭去簽咗個月尾完約嘅工人囉。

小朋友係有佢嘅直覺，可能係 2歲左右小朋友會有佢哋嘅主見啦，我細囡之前又係咁，明明細個唔怕人，係人都跟，2歲左右就唔跟陌生了。

可能我個人比較自我同好勝。我會選擇用自己方法去做(=辛苦自己) 因為我唔鐘意求人，

係咪飯賤喱﹗媽媽到試吓傾，如果唔得你都係又唸方法了，不過凡事都有方法去解決的，千萬不要唸埋一邊呀﹗有咩咪大家拎出嚟傾，雖然方法未必係最好同啱你用，但起碼可以傾吓心事。

原帖由 cae688 於 09-10-8 00:37 發表
我成日都帶孖b出街架...
不過佢地真係好睇人黎跟...好似佢地老豆咁..佢地都未必肯跟...因為佢地好識得睇人地個樣,你個樣絛愛心,唔得歡容?佢一定唔肯跟你囉/..之前就係個間死幼兒園dmiss有呢d問題.攪到日日孖b都唔肯 ...

DAY 1: 3.37KG,DAY 4: 3.35KG,DAY 5: 3.47KG,
DAY 8: 3.52KG,DAY 16:3.81KG,DAY 38:5.11KG,DAY 42:5.5KG,day 44: 5.86kg,2M4D 6.69KG,

私人傳訊

積分: 1055

13^#

發表於 09-10-8 11:07 |只看該作者

原帖由 mslo 於 09-10-8 10:04 發表
丫，曾經有個媽咪教過我唔好請工人，工人人工都三千幾，計埋佢哋d浪費，雜費等等…分分鐘要 5000 一個月，佢教我請個只做清潔，另請一個亞姨係有愛心嘅，鐘意你小朋友嘅，最好住附近，同埋最好搵到喱兩個人都係賺錢買花戴，為興趣而工 ...

係呀..擒日我都同老公傾過,佢問左=無問咁..
請鐘點佢又話怕會請d唔知咩人..請工人同我一樣又係信唔過...即係si我口水...

唉~我都唔知點囉..諗極都諗唔到辦法...
最擔心係兩個細既放假者...黎緊又有聖誕假喇..
十幾日都唔知點算...

私人傳訊

mslo

積分: 5979

14^#

發表於 09-10-8 11:27 |只看該作者

係呀，假期同小朋友病最麻煩。丫，我有個朋友佢住天澤，佢個囡好似十幾歲，你有需要我幫你問吓佢做你假期或小朋友病嘅大後備嗎？但唔一定成功，都係幫吓手問吓，你唸吓先，我覺得佢一定唔會傷害小朋友(你有興趣 pm 先講原因) 但問題佢唔知會唔會怕辛苦唔做囉，我見佢平時同我個囡玩佢都好開心。

原帖由 cae688 於 09-10-8 11:07 發表

係呀..擒日我都同老公傾過,佢問左=無問咁..
請鐘點佢又話怕會請d唔知咩人..請工人同我一樣又係信唔過...即係si我口水...

唉~我都唔知點囉..諗極都諗唔到辦法...
最擔心係兩個細既放假者...黎緊又有聖誕假喇..
十 ...

DAY 1: 3.37KG,DAY 4: 3.35KG,DAY 5: 3.47KG,
DAY 8: 3.52KG,DAY 16:3.81KG,DAY 38:5.11KG,DAY 42:5.5KG,day 44: 5.86kg,2M4D 6.69KG,

私人傳訊

mslo

積分: 5979

15^#

發表於 09-10-8 11:30 |只看該作者

湊b 佢有機會幫，但做家務佢就未必得囉，因為佢都要理自己屋企

DAY 1: 3.37KG,DAY 4: 3.35KG,DAY 5: 3.47KG,
DAY 8: 3.52KG,DAY 16:3.81KG,DAY 38:5.11KG,DAY 42:5.5KG,day 44: 5.86kg,2M4D 6.69KG,

私人傳訊

積分: 1055

16^#

發表於 09-10-8 17:25 |只看該作者

唉~~一天都光晒喇...
頭先我亞媽仲嚇我..
佢一打黎,就話人地請佢..仲叫佢去上training lesson.
又話要train三個月..之後我都好平靜咁話..哦..咁幾時開始呀..
之後佢話不過佢講左話唔做...原來新界無位...
佢老公話如果返早,要半夜兩三點出門口,叫佢唔好做啵...=.="
之後我真係個人都輕鬆晒....
不過佢就話下年會再見過,因為起碼佢自己知自己係得架啵..
我心諗...到時先算啦...

講完呢d,我無晒煩惱lu...

mslo其實你又住邊度架?點解你又知我同你好近既

私人傳訊

mslo

積分: 5979

17^#

發表於 09-10-8 17:30 |只看該作者

咁咪好囉，遲一年先算

pm 話你知丫

原帖由 cae688 於 09-10-8 17:25 發表
唉~~一天都光晒喇...
頭先我亞媽仲嚇我..
佢一打黎,就話人地請佢..仲叫佢去上training lesson.
又話要train三個月..之後我都好平靜咁話..哦..咁幾時開始呀..
之後佢話不過佢講左話唔做...原來新界無位...
佢老公話如 ...

DAY 1: 3.37KG,DAY 4: 3.35KG,DAY 5: 3.47KG,
DAY 8: 3.52KG,DAY 16:3.81KG,DAY 38:5.11KG,DAY 42:5.5KG,day 44: 5.86kg,2M4D 6.69KG,

私人傳訊

cocobeeying

複式洋房

積分: 304

18^#

發表於 09-10-9 09:27 |只看該作者

天慈邨婦女會有托兒服務架，$8一個鐘(不包膳食)，你可自備膳食，會有嬸嬸同你餵，服務時間係朝9晚6，詳情你打去 tel：24470186 問下啦，希望可以幫到你啦！

私人傳訊

wendy_jed