吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 餵人奶唔用得微波爐

婆媳關係今日: 0|主題: 27765

收藏本版

發帖

返回列表

跳至頁

查看: 2724 | 回覆: 12

餵人奶唔用得微波爐 [複製鏈接]

onon2000

子爵府

積分: 14692

畀面勳章

1^#

發表於 09-10-10 00:55 |只看該作者 |倒序瀏覽 |打印

我每日都會返奶奶屋企食飯及攞第二日午餐，今日奶奶話聽醫生講，餵人奶唔用得微波爐，話會有幅射，我真係聽都末聽過，除非係日日用幾十次，我一日先用得一、兩次，咁好多在職媽媽都係用微波爐叮飯及消毒餵奶用品，又唔見有人有事。

事源今日佢又話食過飯唔好，叫我淨係攞餸，然後自己煲飯，我話好麻煩，佢又話一係你蒸返熱食，我咪話用微波爐無事，蒸返D熱飯食好麻煩，佢就話我餵人奶奶要點點，我已經好強調係無問題，佢係都要係D話唔好唔好，我咁好麻煩，我寧願食外賣。佢就黑面話由得我。

一定有人話我奶奶咁好做乜唔令佢情，但我好清楚佢為人，佢對我好係做畀佢老公同D仔睇，佢同我老公計數計得好清，之前佢已經係我哋身上攞咗好多著數，原本我同老公係有錢淨，因為佢攪到我哋無晒錢，佢話幫我哋所以收我哋少少家用收留我哋食飯，但平時出街食飯過時過節佢都係我哋唔少(如果我哋有錢當然要畀佢，但現在我哋一家三口，得老公一個賺錢，已經入不敷出，佢都唔體諒我哋)，我有諗過唔返去食飯，寧願自己煮或出街食，但我唔想攪到大家唔開心，所以好多嘢我都忍佢，但佢就變本加厲乜都要管住我。

奶奶係無責任對新抱好，但都唔好攪到新抱唔開心，到最後咪又係煩到自己個仔，好在佢一直對我老公唔好，所以我老公都唔幫佢，有時我話買嘢畀奶奶，佢哋住六樓但無電樓，有時我見到米特價會叫老公幫屋企買，反而係老公話唔好買，我問佢點解，佢對自己屋企都咁唔好，對我外家咪仲衰，老公話一定唔會咁對我外家(touch wood我外家一直都未麻過老公)，因為唔買係因為無心(意思係對奶奶心淡)，連個仔都唔like佢媽媽，可想而知佢有幾好囉！

0 0 0

私人傳訊

norikocom

禁止發言

積分: 192

2^#

發表於 09-10-10 01:34 |只看該作者

提示: 作者被禁止或刪除內容自動屏蔽

私人傳訊

麟媽媽

王國長老

積分: 88284

好媽媽勳章王國長老

3^#

發表於 09-10-10 12:01 |只看該作者

睇過好多文章都有提及微波爐既長遠影響，
所以我而家真係盡量唔用微波爐架，
尤其是亞仔既食野，煩d 我都用火蒸，
其實係你對你奶奶有偏見啫，
如果係第二個人比如你亞媽對你講，
你又聽得入耳，可能仲覺得佢對你好添，
所以，試下自己放下成見，
自己先唔會為d 無謂野嬲囉。

私人傳訊

hanbb

伯爵府

積分: 16230

4^#

發表於 09-10-10 14:10 |只看該作者

原帖由 麟媽媽 於 09-10-10 12:01 發表
睇過好多文章都有提及微波爐既長遠影響，
所以我而家真係盡量唔用微波爐架，
尤其是亞仔既食野，煩d 我都用火蒸，
其實係你對你奶奶有偏見啫，
如果係第二個人比如你亞媽對你講，
你又聽得入耳，可能仲覺得佢對你好添，
所以，試下自己 ...

很認同,
我都係在職媽媽, 如果有得揀, 一定唔食微波爐野. 你估在職媽媽好想用, 返工無得揀咋.
我公司之前得微波爐, 搬左 office 加左個蒸爐, 個個同事都即刻轉蒸飯呀!!
你而家無做野, 咁蒸熱飯菜其實都好方便呀, 真係好食過用微波爐叮架, 你試下啦.

微波爐的食物會唔會對人奶有害就唔知, 不過奶媽對自己身體都要好d架 !! 你的健康都好重要麻.

私人傳訊

onon2000

子爵府

積分: 14692

畀面勳章

5^#

發表於 09-10-10 14:15 |只看該作者

無錯我係對佢有偏見，之前佢講乜我都無反駁，佢話點就點，點知佢見我”林”就蝦我，結婚酒、煲薑醋同bb滿月都令到我哭，原本係我人生最開心的事，係佢令我留抵好多唔開心的回憶，我知同奶奶相處好難，所以我搬開住，不過係隔一條街，佢就借d意要我屋企鎖匙，久唔久就上我屋企，又話我屋企點點，又要我掉哩樣掉那樣，如果我答佢唔再用微波爐，佢一定要我賣咗微波爐或送畀人，所以我先話用微波爐無問題，佢係一個成日算住人的人來，成日講到自己幾睇得開，到頭來咪又係要我哋畀著數佢，仲要攞完著數再攞彩的人。講到尾佢唔係真心對我好，只係做戲畀人睇。

私人傳訊

麟媽媽

王國長老

積分: 88284

好媽媽勳章王國長老

6^#

發表於 09-10-10 14:52 |只看該作者

其實只要唔好寄望奶奶要對你好，
咁你無期望自然唔會失望了。
我奶奶亦都係無咩照顧過我，
有一次佢應承左幫我帶個仔睇醫生，
點知佢話有人約佢去街，問聽日睇得唔得？
我即刻同老細請假，叫工人帶個仔比我囉。
我唔會因為呢件事嬲，因為人地唔一定要幫手既，
正如我奶奶有病，我可能都唔會知，
更莫講我陪佢去睇醫生了。
好多時d 野要自己睇開d，
覺得奶奶無為你做任何野既時候，
先問問自己又有為奶奶做過d 咩野呢？
唔好話為佢地男家生左個BB，
因為生BB 係家長既選擇同責任，係咪？
我係好亞Q 的，奶奶既不是，
試下企佢既立場諗吓，就無咁介意了，
激埋激埋自己唔開心，對身體唔好架。

原帖由 onon2000 於 09-10-10 14:15 發表
無錯我係對佢有偏見，之前佢講乜我都無反駁，佢話點就點，點知佢見我”林”就蝦我，結婚酒、煲薑醋同bb滿月都令到我哭，原本係我人生最開心的事，係佢令我留抵好多唔開心的回憶，我知同奶奶相處好難，所以我搬開住，不過係隔一條街，佢就 ...

私人傳訊

onon2000

子爵府

積分: 14692

畀面勳章

7^#

發表於 09-10-10 15:22 |只看該作者

原帖由 麟媽媽 於 09-10-10 14:52 發表
其實只要唔好寄望奶奶要對你好，
咁你無期望自然唔會失望了。
我奶奶亦都係無咩照顧過我，
有一次佢應承左幫我帶個仔睇醫生，
點知佢話有人約佢去街，問聽日睇得唔得？
我即刻同老細請假，叫工人帶個仔比我囉。
我唔會因為呢件事 ...

自問做足新抱本份，係佢親屬朋友面前畀足面佢，佢個仔對佢都無我對佢咁好(呢點我老公都認同，因為有時佢都叫我唔洗對奶奶咁好)，唔開心係佢迫我接受佢所謂的好意，成日周圍同人講佢係好奶奶，點錫D仔同新抱。如果佢唔理我仲好，我一定過得比現在好同開心。

私人傳訊

馬吉媽

大宅

積分: 4110

醒目開學勳章

8^#

發表於 09-10-10 22:48 |只看該作者

其實微波廬有無害真係好難講。話説我家姐個仔由細就無用微波廬啦！特登買左個電蒸煲呢蒸俾個仔食。點知前年話膠有問題有雙酚A,連以前奶樽都有事你話點怕得咁多！而家連上網都週維Wi-FI，都避無可避咯。

私人傳訊

echoo

珍珠宮

積分: 32918

好媽媽勳章

9^#

發表於 09-10-11 21:11 |只看該作者

你99講得好岩啊, 就算係奶粉都會注明不可用微波爐加熱, 一來係會破獲營養, 二來用微波爐加熱會令溫度唔平均, 會燙到BB架, 微波爐有害我聽過好多年了, 我依家都成日叫6299唔好用, 但佢地梗係唔聽喇, 你99好醒目啊

為左BB健康, 你真係唔好再用了, 大人就無所謂.

私人傳訊

小蘅媽媽

伯爵府

積分: 18265

好媽媽勳章

10^#

發表於 09-10-12 00:43 |只看該作者

我就覺得用微波爐冇咩無妥。如果驚輻射，連手提電話都唔應該用啦。

我唔中意用只係因為熱力唔平均同D野會好快凍。

There's some good in this world, Mr Frodo. And it's worth fighting for.

私人傳訊

onon2000

子爵府

積分: 14692

畀面勳章

11^#

發表於 09-10-12 01:41 |只看該作者

微波爐真係冇咩唔妥，只要用得其法，其實微波爐真係好好用，我用咗微波爐七、八年啦！方便快捷省時省電又環保(方便：係雪柜攞出來就可以馬上加熱
快捷省時：蒸最少要五分鐘以上，微波爐三至五分鐘一定熱晒；省電：如果係用電爐蒸反熱，所用的電會比微波爐多；環保：唔洗額外用水蒸，現在好多加工食品都係可以直微波爐，如果用蒸就要轉容器要睇火，微波爐有時間制set好就一定唔會過火超時浪費電力或煤氣)。而且你只要了解到微波爐的加熱原理，你就會明白微波爐真係好安全，如果真怕幅射的話，我諗所有電器都唔用得，係現今社會，真係用乜食乜都會有事，唔到你驚得咁多，如果真係要避，就要放棄舒適的生活，到深山野嶺過回原始生活先到。

再遲D無晒天然氣，我哋的下一代都係要用可再生能源，而可再生能源最終都係轉化成電力，即意味未來係用無火煮食年代，咁係唔係怕幅射所以唔食熱食全部食凍嘢或生嘢？

奶唔用得微波爐加熱後怕受熱不均燙到(其實你可以唔好加咁熱同埋攪均先飲咪唔會熱力不均)，令奶類無營養係因為完全加熱令蛋白質受破壞，如果你係用明火或熱水坐得太熱一樣會令營養流失。