早幾日收到封信. 話我個bbtv到期,佢地要收番個機盒，封信話係免費賜送兩年. 而家合約到期.其實早幾個月前.佢地職員打來同我續約. 又話寬頻收費就快加價. 所以提早續約好. 價錢又唔平喎. 都兩百幾一個月. 只係送兩年wifi俾我. 咁我問佢個bbtv仲有冇得送. 佢話有. 我就續約. 冇幾耐. 佢地有職員打來話叫我用幾十元(唔記得)月費就可以睇哂佢地咁多個台. 之但係我只係睇佢地個新聞台.創世電視同埋間中睇下煮餸台.其他都冇乜好睇.我拒絕咗.
收到信後打俾香港寬頻公司. 佢地答覆話聽過電話錄音話冇提到有送bbtv. 所以無辦法. 我同佢地講係個職員打來叫我續約時話繼續有得送. 但係到最後另一個職員打來作確實時. 我就冇留意到bbtv呢件事. 可能真係冇提到.
呢件事都係我唔小心. 亦都係一個教訓. 以後都要細心d. 精明d. 雖然無咗個bbtv都唔可惜. 但係覺得佢地公司係咪應該都要檢討一下佢地屬員.. 喺同人續約時. 要公正. 公義一點. 應該多解釋同幫助客人以合理的價錢去續約
應當一無罣慮，只要凡事藉著禱告、祈求，和感謝，將你們所要的告訴神。
神所賜、出人意外的平安必在基督耶穌裡保守你們的心懷意念。
發表於 
返回列表
