吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 如果你老公有第三者, 你地會唔會放手呀 ?? ...

夫婦情感今日: 0|主題: 42719

收藏本版

發帖

返回列表

跳至頁

查看: 9667 | 回覆: 104

如果你老公有第三者, 你地會唔會放手呀 ?? [複製鏈接]

12 3 4 5...6

1973

大宅

積分: 1570

1^#

發表於 05-1-21 11:26 |只看該作者

如果你老公有第三者, 你地會唔會放手呀 ??

講真嫁, 我老公都有, 佢係深圳, 住既地方咁 o岩線收到香港電話, 所以, 我都唔知究竟佢係香港定深圳? 佢成日話唔會再同佢一齊, 有時都發覺佢講大話, 但, 佢呃我, 係咪即係表示佢唔想再攪大件事, 想慢慢淡 o左, 先返黎我身邊呢 ? 我唔甘心就咁就送 o左個老公比人, 我又有個囡, 我地只係結 o左四年婚咋, 唔通真係合久必分? 我好擔心黎緊既日子 ? 我一照鏡, 自己都嚇親自己, 咁殘, 唔怪得老公走啦, 我可以點打辨呀 ? 有乜方法可以即刻靚番晒嫁 ??
其實, 我係咪好硬頸呀 ? 我係咪應該放手呀 ? 我好辛苦呀 ... :-(

私人傳訊

~DREAMY~

大宅

積分: 3922

2^#

發表於 05-1-21 11:58 |只看該作者

Re: 如果你老公有第三者, 你地會唔會放手呀 ??

1973,
如果你問我，我會放手！
我同自己講過，我唔會同我老公分開，但除非佢有第三者！
但你自己放唔放手就真係應該自己諗清諗楚先！
女人終身職業就係扮靚同keep fit！
執下自己，買d靚衫，去做facial！或者在屋企自己敷mask！平日化返個淡粧！
最緊要有自信！有自信既女人先係最charming既！
希望你開心返啦！

I'm not a yogi,but a yogist!

私人傳訊

miran_lammuimui

洋房

積分: 323

3^#

發表於 05-1-21 12:09 |只看該作者

Re: 如果你老公有第三者, 你地會唔會放手呀 ??

如果,我老公有第三者既話,我諗我會選擇退出,既然,佢都選擇左放棄喱段婚姻,我何必要挽留!同時,我亦都會檢討下自己,係唔係自己0既問題,點解老公會有第三者?你老公呃你,唔代表佢想丟淡件事,而係想享齊人之福!!你唔好咁傻!他朝有日佢返番你身邊,係佢因為已經玩厭左個女人!!而唔係仲好愛你!你可以多d出街,睇下人地點樣扮靚,學下囉!係咪?
放手?而家唔係時候住!

私人傳訊

stkyo

象牙宮

積分: 206246

牛年勳章 HiPP勳章(1) 2018復活節勳章 15週年勳章親子王國15週年勳章玩具勳章畀面勳章環保接龍勳章大廚勳章親子達人勳章 wyeth冷知識勳章 BK Milk勳章 hashtag影視迷勳章育兒性格勳章認識瑞士牛牛第一回認識瑞士牛牛第二回最關心BB問題熱投勳章開心吸收勳章

4^#

發表於 05-1-21 12:11 |只看該作者

Re: 如果你老公有第三者, 你地會唔會放手呀 ??

如果真係有第三者，唔輪到我話唔放手，因為佢個心已經對我有偏離。

私人傳訊

咩都唔識

伯爵府

積分: 18795

2025勳章 2025勳章蛇年勳章 2024年龍年勳章

5^#

發表於 05-1-21 12:14 |只看該作者

Re: 如果你老公有第三者, 你地會唔會放手呀 ??

我會放手

因為變左心o既男人就係變左
再一齊都已經冇意思....勉強真係好難有幸福同開心

我~好~幸~福~呀~

私人傳訊

angelfan07

珍珠宮

積分: 43127

母親節2025勳章 2025勳章蛇年勳章牛年勳章醒目開學勳章

6^#

發表於 05-1-21 12:25 |只看該作者

Re: 如果你老公有第三者, 你地會唔會放手呀 ??

我跟老公都結婚差不多五年,有一個YR2.5女兒,如果我係你,我都會俾次機會個老公(因為始終個女重細),但係如果佢重係唔珍惜我地,再同個女人有聨絡,咁我會選擇離婚~~~

私人傳訊

1973

大宅

積分: 1570

7^#

發表於 05-1-21 12:51 |只看該作者

Re: 如果你老公有第三者, 你地會唔會放手呀 ??

其實, 我都覺得佢放唔低上便 o個個, 我感覺到, 佢好耐無同我咩喇, 但尋晚佢番 o左黎, 我轉個方式, 同佢係 shower 度咩, 大家都 ok 啦, 好多時, 佢返 o左黎, 佢既語氣都幾好, 但有時一上 o左去, 打電話比佢, 就覺得我好煩, 我係咪應該成日打電話比佢呢 ? 定係等佢打比我先傾呢 ? 我真係好想大家好似以前咁, 我唔想要個第三者呀, 有無計令到佢對佢生厭呢? 我可以用乜野方法對佢呢 ? 而佢又成日講, 唔知點面對我, 我可以教佢點做呢 ?? 有無 d 咩意見可以教我或者比到我 ?

私人傳訊

yvonneyu

洋房

積分: 159

8^#

發表於 05-1-21 12:53 |只看該作者

Re: 如果你老公有第三者, 你地會唔會放手呀 ??

放, 我已不愛他了.
我只想自由.

私人傳訊

evainnerv

大宅

積分: 4106

9^#

發表於 05-1-21 13:03 |只看該作者

Re: 如果你老公有第三者, 你地會唔會放手呀 ??

1973:
好好同你老公傾下, 問佢究竟想點做. 男人好多時你唔迫佢, 佢就想2個都要晒.

私人傳訊

grakong

別墅

積分: 715

10^#

發表於 05-1-21 13:07 |只看該作者

Re: 如果你老公有第三者, 你地會唔會放手呀 ??

人係有惰性, 唔想有乜野大改變, 你同你老公都一樣, 唔想去決定離婚定係唔離婚, 你老公就更加啦..可以唔駛揀,兩個要哂。
而你, 始終女人比較考慮小朋友, 唔想離婚, 同埋好驚去面對一個人既日子, 其實最難過都係一下, 過左果關, 睇番轉頭就乜時都冇, 可能將來既生活會更加開心

但係,而家當然一定係會好唔開心...時間可以沖淡一切, 可能你一放開,你老公會醒覺, 覺得最好都係個家同埋你呢?!!

1973 寫道:
其實, 我都覺得佢放唔低上便 o個個, 我感覺到, 佢好耐無同我咩喇, 但尋晚佢番 o左黎, 我轉個方式, 同佢係 shower 度咩, 大家都 ok 啦, 好多時, 佢返 o左黎, 佢既語氣都幾好, 但有時一上 o左去, 打電話比佢, 就覺得我好煩, 我係咪應該成日打電話比佢呢 ? 定係等佢打比我先傾呢 ? 我真係好想大家好似以前咁, 我唔想要個第三者呀, 有無計令到佢對佢生厭呢? 我可以用乜野方法對佢呢 ? 而佢又成日講, 唔知點面對我, 我可以教佢點做呢 ?? 有無 d 咩意見可以教我或者比到我 ?