香港18區媽媽會

收藏本版
發帖
返回列表
跳至頁

首頁
1

尾頁
   0
Heideedee_2


別墅

積分: 601


1#
發表於 09-10-16 00:06 |只看該作者
我bb的預產期是2010年2月, 現在正想找一個對照顧新生嬰兒有經驗而且可信賴的外傭, 請問有沒有傭主家庭唔再需要聘請外傭, 而正好在2010年頭期間剛剛合約期滿的外傭, 可以介紹給我們.


以及有沒有人可以分享一下聘請外傭的經驗.
私人傳訊

Mybb-TinaKwong


大宅

積分: 1288


2#
發表於 09-10-19 09:17 |只看該作者
我個人經驗係你最好揾起香港做過o既外傭, 因為就算佢話自己起其它地方做過, 其實未必真, 就算佢有小朋友, 都未必係佢揍大, 所以如果佢有香港經驗, 你可以要求佢比前香港僱主電話你直接打去問.

但你要留意, 通常都唔會有後生或有經驗o既外傭鐘意揍初生bb, 因為辛苦, 所以我嗰時揾嗰個外僱都成四十幾歲, 雖然啲動作慢啲, 但都揍得好好.

原帖由 Heideedee_2 於 09-10-16 00:06 發表
我bb的預產期是2010年2月, 現在正想找一個對照顧新生嬰兒有經驗而且可信賴的外傭, 請問有沒有傭主家庭唔再需要聘請外傭, 而正好在2010年頭期間剛剛合約期滿的外傭, 可以介紹給我們.


以及有沒有人可以分享一下聘請 ...
私人傳訊

O~O


複式洋房

積分: 424


3#
發表於 09-10-19 23:42 |只看該作者
原帖由 Heideedee_2 於 09-10-16 12:06 AM 發表
有沒有人可以分享一下聘請 ...

咩人都所謂, 來港有沒有都無所謂, 經驗最好有, 無都無所謂, 咩有所謂呢, 留心啦：
要聽教、要誠實、要守時、要有禮、要乾淨...
因為份份工都唔一樣, 工人對主人態度又唔一樣, 之前一份做得幾好都無用, 講呀嗎, 所以最好最小早兩個月工人要到, 比D自己野、BB野、大大小小野佢適應, 相處時間長, 你會知個人適唔適合你, 如果不合都有時間請, 咪睇早兩個月好似好多, 無野比佢做, 有時有意外來唔切工人未到, 你早生, 未上手咩都唔知道幫唔到手, 對工人溝通小闔係差...到時有咩都來得切換又好、教又好嗎?
此外,你如果怕她咩都唔會, 可以去"楊震社區中心", 有D班係專比菲傭上, 有証書, 工人有機會好開心, 重可以回來教番你添呀, 你打工都想啦, 有工開有野學, 會覺得你對佢好好, 佢又會對你好好。而且佢睇著主人大肚, 再去生孩子, 佢地會覺得BB自己生一樣, 有歸屬感, 會對BB好D架。....
私人傳訊

Heideedee_2


別墅

積分: 601


4#
發表於 09-10-20 14:18 |只看該作者

為新生baby聘請外傭

多謝你們的真誠意見和經驗, 我對聘請外傭方面完全沒有經驗, 又聽好多朋友話試過外傭會偷竊, 偷懶, 一不如意又會抄僱主尢魚, 所以其實都好擔心會請了一個什麼人入屋, 到了我坐完月上班去, 仲要倚賴她幫我湊bb.

其實我已經請了一個倍月, 原本我預計會在倍月離開後接著有一個外傭上班, 那我可以有精神和有一點時間教外傭做家務和湊bb, 但收集大家的意見又覺得幾risky, 因為怕唔夠時間與外傭溝通, 但又唔想家中突然間多了那麼多人.

要聽教、要誠實、要守時、要有禮、要乾淨的外傭確是我理想的人選, 如果有宗教背景的外傭是否比較好?

另外, 我有同事都曾經請了一個四十幾歲的外傭, 聽她說表現又幾滿意, 雖然她唔多說話, 比較沈實, 卻很專心做事, 唔會偷懶, 每晚晚飯後連鍋底都洗埋, 搞到我同事唔知點開口叫佢唔需要咁徹底, 最多一個星期洗一次鍋底都可以.

那有沒有好的外傭公司介紹? 菲律賓的還是印度人好? 星期天還是星期六俾外傭放假好?

真是多謝你們抽時間回應, 因為我打中文字幾慢, 所以見到有回應都好開心.....

私人傳訊

Mybb-TinaKwong


大宅

積分: 1288


5#
發表於 09-10-20 17:26 |只看該作者
都唔駛咁客氣, 大家分享下啫. 我本人請賓賓, 因為我想亞囡由細開始知道有唔同語言, 等佢用英文同姐姐溝通. 以家亞囡兩歲, 起佢頭八個月, 係由一個四十多歲賓賓揍, 佢起香港做左十年, 識聽普通話, 但唔係好識講, 但因為佢屋企有事, 做左八個月RESIGN, 再請另外一個賓賓. 因為亞囡大左, 所以我請工人首要條件要係大學畢業＆修讀教育，因為可以幫我教囡囡閱讀，Overall, 佢都教得亞囡幾好，以家兩歲，都認得２６個英文字母(A-Z & a-z),因為我會每日要求工人按我指示陪亞囡讀書．

其實，我覺得你要同佢講清楚你有乜要求，同埋要成日同佢溝通，for me, 我一開始同我工人講，佢首要工作係要小心照顧ｂｂ，ｂｂ所有用品都一定乾淨，至于其它家務要等ｂｂ瞓左先做，ｂｂ醒咗，所有家務要全部停止，即刻照顧ｂｂ等等．　

至於偷竊, 偷懶，你要起工人嚟之前，將所有貴重物品鎖入柜，並一開始同佢講如果一發現偷嘢，即炒，等佢知道．至於偷懶，你預左一定有，唔係太過份，都算啦，就算你叫佢每個星期做，佢都未必記得，所以我後來做左張schedule比佢，提佢做完mark日期．另外，佢哋一定會講電話，以家我只係比佢打message, 一定唔可以起亞囡醒時講電話，並要佢放電話起固定位置，一般活動範圍都只可以起客廰進行（因為我只係裝cam起嗰廳到，房無裝cam), 不過，你可以嘗試叫佢日間比個電話你，最初第二個工人佢一嚟到比左個電話我，但不到３個月就話要攞番，因為佢起出面學到可以講電話．

至於放星期六ｏｒ日，就真係睇你係咪一定要佢放星期六，如果係，你要一早講清楚，否則好難改．同埋你一開始要同佢講放假前要做乜，放假後要做啲乜．

至於邊間僱傭公司，因為我之前都無邊間識人，所以都係揾啲大型僱傭公司，至於好唔好，其實真係睇你好唔好彩．

順便提你，我assume你無其它人幫你睇住，得工人同ｂｂ起屋企，　建議你起佢嚟之前裝cam, 並請佢嗰時同佢講定．

以上係我請左兩個工人ｏ既experience, 希望幫到你啦．
原帖由 Heideedee_2 於 09-10-20 14:18 發表
多謝你們的真誠意見和經驗, 我對聘請外傭方面完全沒有經驗, 又聽好多朋友話試過外傭會偷竊, 偷懶, 一不如意又會抄僱主尢魚, 所以其實都好擔心會請了一個什麼人入屋, 到了我坐完月上班去, 仲要倚賴她幫我湊bb.

其實 ...
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy