吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 美容扮靚› 周秀娜代言的詩琳美容院好嗎?

美容扮靚今日: 7|主題: 138211

收藏本版

發帖

返回列表

跳至頁

查看: 8344 | 回覆: 19

周秀娜代言的詩琳美容院好嗎? [複製鏈接]

非非豬

大宅

積分: 1555

好媽媽勳章畀面勳章

1^#

發表於 09-9-8 18:50 |只看該作者 |倒序瀏覽 |打印

今日詩琳美容打電話來推介$198個藍水晶FACIAL叫我去做.不知有無人做過,唔知好唔好呢?請大家比些意見我,好嗎?謝謝.

0 0 0

私人傳訊

小黑咪

侯爵府

積分: 24223

好媽媽勳章畀面勳章

2^#

發表於 09-9-8 20:37 |只看該作者

早排見壹周刊投訴版見過呢間美容院, 個女仔去佢度做瘦身,佢地衰到等個女仔除哂衫瞓係度做treatment時走幾個人入去sell佢野, 結果比佢屈左幾萬蚊.

私人傳訊

kingting

男爵府

積分: 7820

3^#

發表於 09-9-8 21:25 |只看該作者

Very bad. Before the shop expanded and used 周秀娜 as 代言人, I had joined their courses (buy 50 times facial package), they sell me new facial each time when I went there. I felt so annoyed about them. To me, do facial should be a kind of relax, but in Slim Beauty, I felt stressful every time. Finally, I gave up the last 20 times facial. Though it's really a waste of money, but I feel much happier for no need to go there again. Everytime when they open new branch, they will persuade you join new package.. I always think this act like 供股

私人傳訊

AnnaFlower

公爵府

積分: 26683

好媽媽勳章醒目開學勳章

4^#

發表於 09-9-9 17:21 |只看該作者

有個媽咪響自由話佢地好揾笨!

私人傳訊

師奶B

大宅

積分: 1412

好媽媽勳章

5^#

發表於 09-9-9 18:57 |只看該作者

原帖由 AnnaFlower 於 09-9-9 17:21 發表
有個媽咪響自由話佢地好揾笨!

請問在哪裡呀?

私人傳訊

muby

複式洋房

積分: 363

6^#

發表於 09-9-10 11:45 |只看該作者

好像有聼過。

原帖由 小黑咪 於 09-9-8 20:37 發表
早排見壹周刊投訴版見過呢間美容院, 個女仔去佢度做瘦身,佢地衰到等個女仔除哂衫瞓係度做treatment時走幾個人入去sell佢野, 結果比佢屈左幾萬蚊. ...

私人傳訊

ABBC

子爵府

積分: 13533

7^#

發表於 09-9-10 13:02 |只看該作者

藍水晶facial係好正架..不過都好貴囉~~!相信如果你真係諗住去既話,要有心理準備俾人hand sell買野既準備~之但係如果你立場堅定~去試下都無妨囉~haha

私人傳訊

baby_happy

公爵府

積分: 27520

好媽媽勳章醒目開學勳章環保接龍勳章

8^#

發表於 09-9-10 13:02 |只看該作者

早排有個bk會員,話就嚟結婚,去元朗間詩x做
facial,定唔知做機keep fit,趁佢除晒3比幾個職員屈佢買套票,攞咗佢幾張卡去"look"..
埋單差唔多9萬

私人傳訊

yuki_0301

禁止發言

積分: 2251

9^#

發表於 09-9-10 13:10 |只看該作者

提示: 作者被禁止或刪除內容自動屏蔽

私人傳訊

moyan

伯爵府

積分: 16292

BK Milk勳章

10^#

發表於 09-9-10 13:23 |只看該作者

don't go
BLACK SHOP

私人傳訊

BonnieKam

水晶宮

積分: 65650

畀面勳章

11^#

發表於 09-9-10 13:41 |只看該作者

呢間係繼modern 之後另一超級black shop

原帖由 moyan 於 09-9-10 13:23 發表
don't go
BLACK SHOP

私人傳訊

cottonb

民房

積分: 62

12^#

發表於 09-9-10 14:47 |只看該作者

原帖由 BonnieKam 於 09-9-10 13:41 發表
呢間係繼modern 之後另一超級black shop

都聽過好幾單被c琳呃既經歷!!
完全唔敢去!!

私人傳訊

worthy

珍珠宮

積分: 45495

馬年勳章

13^#

發表於 09-9-10 16:48 |只看該作者

原帖由 非非豬 於 09-9-8 18:50 發表
今日詩琳美容打電話來推介$198個藍水晶FACIAL叫我去做.不知有無人做過,唔知好唔好呢?請大家比些意見我,好嗎?謝謝.

有聽過佢地點"夾梗"要人買coupon嘅, 多D post出嚟, 等大家有警惕.
其實做美容只要做得好, 有口碑, 排隊嚟幫襯啦. 點使用不法手段. 女人錢係最易賺.

私人傳訊

worthy

珍珠宮

積分: 45495

馬年勳章

14^#

發表於 09-9-10 17:22 |只看該作者

原帖由 亞媽個女 於 09-9-10 17:06 發表
前牌有個case上左周刊, 有人去左屎林尿瀨美容中心, 剝光豬度身後, 只圍毛巾, 被三小時不斷sell減肥豐胸course, 又講盡歪理, 話事主可能乳線x縮, 影響乳房....等等....最後事主被疲勞轟炸後, 買了十萬course.....:heh ...

點解佢地咁叻 ?! 無論幾硬淨嘅都俾佢地叫倒買course. 有無做過呢D店舖嘅sister可以透露一下佢地training staff嘅方法. 點樣教佢地hard sell客人買產品.

私人傳訊

lalagirl

複式洋房

積分: 203

15^#

發表於 09-9-11 17:03 |只看該作者

I join their course also. Every time when I finish my facial treatment, the girl invite me to the VIP room to sign the card. I will reject them because I know they want to sell another course again. I only sign it on the counter and leave in a hurry.

私人傳訊

muby

複式洋房

積分: 363

16^#

發表於 09-9-11 20:10 |只看該作者

其實我都幾好奇，為什麽有的sales可以這麽厲害，要人買幾萬的course,用什麽方法說的讓人心動？

私人傳訊

HeiHei_Baby

男爵府

積分: 5162

17^#

發表於 09-11-2 11:51 |只看該作者

豬琳都有不斷cold call, 叫我上去試做, 又話未曾試過做promotion, 所以值得一試,

勁煩.

私人傳訊

mickylau

別墅

積分: 766

18^#

發表於 09-11-2 15:21 |只看該作者

唔好去呀~~
呢間野成日比人投訴架~~
早排一周刊又有投訴啦~~:;pppp:

私人傳訊

紫蔚

大宅

積分: 1071

19^#

發表於 09-11-2 15:52 |只看該作者

轉貼:

金融海嘯下，小型美容院相繼執笠，倖存者則施以騎呢怪招拉客保命。本刊今季收到四十三宗美容院投訴，較上季增加三成。
眾多美容投訴中，最誇張要數近期甚出位的詩x美容集團。有讀者到詩x試做療程，職員嚇唬她乳腺阻塞，更趁事主一絲不掛時，逼她簽下約九萬元療程。事主面臨沉重財政壓力，一度想過輕生。

陳小姐從未做過任何美容療程，五月她收到詩x的「時比高」計劃推銷電話，「職員話一百六十八元就可以試做 facial（面部療程），我明年結婚，諗住影婚紗相時靚啲。」
職員約她到元朗分店，「佢哋話我皮膚嚴重缺水，唔適合做『富比高』，要轉做八百八十元較好的療程。」她見收費不高，遂一口應承，惟做畢後仍被職員拉着，游說買下一萬八千多元的美容套票。

連消帶打瘋狂推銷
陳小姐不虞有詐付款，但她萬料不到兩週後再到分店接受療程時，職員即變本加厲，「我做做吓 facial，佢哋話我胸部乳腺閉塞，要測試吓。」職員着她脫光衣服，在她的乳房塗上啫喱，「搽咗一兩分鐘後，美容師好大聲話我個胸吸收唔到啫喱，乳腺閉塞得好緊要，長此下去胸部會萎縮，影響到子宮和日後生 BB。」
職員順勢推銷，叫她加碼做每次一千六百元的手部按摩通淋巴乳腺療程，陳小姐心亂如麻便答應。美容師剛按摩完她的右胸，又要她多買三十次套票，「美容師話不同信用卡有不同優惠，問我有咩信用卡都俾晒佢睇。」陳小姐如中魔咒，乖乖遞上四張信用卡予職員。

一絲不掛逼簽單
陳小姐驚魂未定，還未穿上衣服，又被三名職員衝進房間圍攻，「當時我真係好驚，身上只有條毛巾蓋住背脊，佢哋已碌晒我啲卡，逼我簽單。」陳小姐以為只多簽約四萬元療程便可脫身，豈料職員不斷遞上新單據，眨眼間便買了約九萬元療程。
「我喊住要求取消療程，話筆錢等住結婚，但佢哋發惡夾硬塞支筆要我簽。若果我當時頭腦冷靜，打俾朋友即刻報警，都唔會發生呢件事。」結果陳小姐被困三小時才可離開，職員還逼她用錄音機說出自己的身份證號碼，並由職員多口補句「不能退款」。
「我未婚夫平時好慳，但我就咁嘥晒啲錢，離開美容院後我諗過自殺，我都唔敢話俾佢知。後來佢見我幾日都食唔落飯，問我發生咩事，我先敢講。詩x真係好無良。」陳小姐語畢即眼泛淚光，全身發抖。

放蛇　困五小時逼簽卡
上週，記者到元朗分店試做一百六十八元的「富比高」面部療程，職員帶記者到一間獨立暗房，着記者換上浴袍後，美容師即牙尖嘴利說：「睇吓你成面都係紅粒，仲開始敏感添。」美容師不停數落記者皮膚差，要試做深層清潔及美白療程。
記者躺在床上，滿面仍是未乾的面霜，美容師趁機問記者拿信用卡，「我哋而家有信用卡優惠，滙豐、恒生、大新、中銀咩都有，你有咩卡啊？」記者表示不肯定隨身帶哪張信用卡，美容師即時表現緊張，「咁你有咩卡先，永亨我哋都有優惠，你有無帶啊？」
當時記者的手袋擺在床頭一角，身體及頭髮皆被毛巾包着，根本動彈不得，於是含糊以對，美容師仍不理記者處境，咄咄逼人道：「咁你不如起身睇吓啦？」

淋巴腫脹史無前例
見記者不肯就範，另一美容顧問即走進房間，閒話家常時得悉記者常要打字，故作關心說：「你成日打字，肩膊一定好痛。你睇吓，背脊腫晒，淋巴實塞晒，我都未見過啲客好似你咁腫。」
接着她游說記者試做全身通淋巴療程，美容師一邊推按記者背部，一邊嚇唬道：「你背脊好多毒素，我而家幫你推順淋巴系統，但一定要 keep住做。毒素日久積累會有淋巴癌，你識唔識林振強？佢就係淋巴癌死的。」記者企硬不肯幫襯，足足被困五小時，才可脫身。

專家話　亂吹淋巴閉塞
皮膚科醫生史泰祖直言，「乳腺閉塞會導致胸部萎縮」一說全無醫學根據，並斥責「淋巴閉塞」實屬亂吹，「普通人好少淋巴閉塞，只有身體組織嚴重發炎，或曾受過電療而傷咗組織的病人，才有機會淋巴閉塞。而且淋巴閉塞，亦不會引發淋巴癌。」
同時，淋巴系統也不能帶走身體毒素，「淋巴系統係一個循環系統，毒素係唔會經此排出體外，身體毒素係由肝和腎排解。」

回應　拒絕回應
本刊將陳小姐投訴轉介至詩x美容集團，該公司謂已把案件轉交律師處理，故不作回應。（投訴組）
壹判官詩x趁客人赤裸，擅自碌卡過數，然後威逼客人簽名，手段真是惡毒之極！
評分：劣劣劣劣劣
（五個劣為最嚴重）

好恐佈 , d美容院手法真係不要得, 逼人簽下九萬元療程