夫婦情感

收藏本版
發帖
返回列表
跳至頁

首頁
1234

尾頁
   0
青青河邊草


侯爵府

積分: 24362


1#
發表於 09-11-1 12:21 |只看該作者
我已有兩個小朋友, 一個四歲, 一個半歲.
老公係D好懶既人.
基本上, 由小朋友做BB開始, 佢已唔會幫我手.
兩個小朋友, 佢從來無幫過手餵夜奶~SORRY, 應該話係從無幫過手餵奶.
無幫過手同佢地沖涼
出街食飯, 佢亦係自己顧自己, 唔會話幫手餵個大仔吃飯....
太多太多....

今朝又為湊小朋友而嘈.
我每個星期日, 無工人係度, 都要自己六七點起身, 餵奶, 同個大既洗面刷牙食早餐, 跟住又到個細既.....無時停.

我老公, 就只會係度自己上網
問佢, 你做乜又係度上網.
佢話: 我無野做, 緊係上網啦.
我好慶....無野做??????
我個個星期日做到cc下, 你話無野做?
我叫佢: 咁你餵奶啦
但佢話, 我係唔餵呀....
真係俾佢激到我發顛....

已經四年係咁...好心淡....
私人傳訊

小manman


翡翠宮

積分: 85082


2#
發表於 09-11-1 13:37 |只看該作者
原帖由 青青河邊草 於 09-11-1 12:21 發表
我已有兩個小朋友, 一個四歲, 一個半歲.
老公係D好懶既人.
基本上, 由小朋友做BB開始, 佢已唔會幫我手.
兩個小朋友, 佢從來無幫過手餵夜奶~SORRY, 應該話係從無幫過手餵奶.
無幫過手同佢地沖涼
出街食飯, 佢亦係自 ...


就係因為已經4年咁耐,佢根本就習慣左有人服侍,有人搞掂哂d野,唔使佢煩,你所做的野佢只視為理所當然,佢根本唔覺得自己有責任要做家務~~~

講真一句,有邊個唔想唔使做,有人服侍周到,佢咁多年黎都係咁,依架先去改變佢真係好難,佢會覺得你揾黎嘈,佢係唔會覺得自己有問題~~~

所以,我諗唔好用硬功,要用軟功,女人有時要識扮下野,不過,你咁辛苦其實都唔使扮,你要係適當時候(即係唔好係佢打緊機/好專注做一樣野)個陣時同佢呻辛苦,如果唔係佢根本對你所做的野視以不見,一定要比佢知道你為個家付出左好多,就算佢唔識做or做唔慣,起碼佢知道你辛苦會心存感激,好過佢好似老馮咁~~~

我啱啱結婚頭半年都經歷過呢個階段,佢唔係唔做,但成日要我執佢手尾,同埋好多濕碎佢都要等我做or要我幫手一齊做,久而久之,我好似完全無休息咁,仲要加埋我份工好多時都要帶野返屋企做,之後,我覺得長此落去咁唔係辦法,我直情辛苦到想離婚,之後,一次為左家務的野鬧大交,我足足嬲左佢一星期,趕左佢返奶奶度,之後寫左封好長好長的信e-mai比佢睇,信中講哂我呢幾個月黎的不滿,同埋佢的問題,我話佢要既係一個工人唔係老婆~~~

從此之後,情況好好多,如果佢見到我做緊學校野,佢就會自動自覺做家務,依架係家務上算係分配得ok,起碼我唔會得個做字,同埋,佢合作左好多~~~

[ 本帖最後由 小manman 於 09-11-1 13:40 編輯 ]
私人傳訊

青青河邊草


侯爵府

積分: 24362


3#
發表於 09-11-1 13:54 |只看該作者
原帖由 小manman 於 09-11-1 13:37 發表


就係因為已經4年咁耐,佢根本就習慣左有人服侍,有人搞掂哂d野,唔使佢煩,你所做的野佢只視為理所當然,佢根本唔覺得自己有責任要做家務~~~

講真一句,有邊個唔想唔使做,有人服侍周到,佢咁多年黎都係咁,依架先去改變佢 ...


其實信又寫過, 佢家人都成日話佢, 但佢依然故我. 覺得自己無問題....

話佢, 佢又話: 你成日係咁話, 都無用架, 我係唔會聽架喎....真係超激氣!

有工人, 就旨意工人, 無工人, 就旨意佢阿媽.
我話, 我做人媽咪, 我好care我自己的責任.
但係, 佢無.
我今朝問佢: 點解我只係要求佢幫手星期日咁多, 你都唔做.
佢無聲出.

我已無要求佢對我好, 事實, 要計埋佢點忽視我, 真係要再喊得一句句....

好想離婚. 反正, 我依家亦同單親無大分別.

今朝我先話, 個個細路去玩具反斗城, 都係daddy同佢玩.
而我個仔個daddy, 就永遠話好累, 好悶做借口!!!
私人傳訊

小manman


翡翠宮

積分: 85082


4#
發表於 09-11-1 14:13 |只看該作者
原帖由 青青河邊草 於 09-11-1 13:54 發表


其實信又寫過, 佢家人都成日話佢, 但佢依然故我. 覺得自己無問題....

話佢, 佢又話: 你成日係咁話, 都無用架, 我係唔會聽架喎....真係超激氣!

有工人, 就旨意工人, 無工人, 就旨意佢阿媽.
我話, 我做人媽咪, 我 ...


咁即係佢不嬲都係咁,同埋佢知道自己的問題佢都唔打算改,照咁睇佢係一個自我中心極重的人,要佢改就一定無可能~~~

咁點解你一早知佢係咁的人,你仲生兩個小朋友呢???

一個都夠辛苦,仲要生多個,辛苦既係你自己咋!!!

我好明白你的感受,但要解決問題一係就請工人,一係就離婚,反正有老公仲衰過無,因為仲要照顧埋佢,依架生活你使唔使靠佢先???奶奶or媽咪幫到手嗎???

私人傳訊

BELLFOK0318


男爵府

積分: 5603


5#
發表於 09-11-1 16:52 |只看該作者
咁點解你一早知佢係咁的人,你仲生兩個小朋友呢???

一個都夠辛苦,仲要生多個,辛苦既係你自己咋!!!


以上講得對~~~ 明知佢係甘 , 又何必生多一個呢~??? 無得怨~
私人傳訊

jaycee_mami


珍珠宮

積分: 47313

好媽媽勳章


6#
發表於 09-11-1 17:57 |只看該作者
睇完留言, 第一個感覺係: 在咁的情況下, 點解你仲要生第二個? 無得怨!

我知道如果我生第二個, 一定會和你的情況相同, 所以, 打死都唔會生多個.

你老公方面, 放棄吧, 要改變他是很困難, 你亦盡了力. 惟一解決方法係, 在星期日請多個鐘點幫你, 自己再慳D駛吧.
私人傳訊

vet


水晶宮

積分: 52948

好媽媽勳章 畀面勳章


7#
發表於 09-11-1 18:19 |只看該作者
你一早知佢係咁既人,你仲生兩個小朋友
私人傳訊

christy1012


水晶宮

積分: 67156

2025勳章 2025勳章蛇年勳章 2024年龍年勳章 2023年兔年勳章 醒目開學勳章 畀面勳章 BK Milk勳章


8#
發表於 09-11-1 18:54 |只看該作者
你識佢O既時候都知佢性格係咁,
你點會覺得佢結婚後會改變嫁,
唔好話男人,就算係女人都一樣,
性格係咁,就係咁,生第一個而經辛苦,
仲生第二個,樓主,你咁樣唔係攞苦黎辛咩
私人傳訊

PizzaFace


等待驗證會員

積分: 557


9#
發表於 09-11-1 20:30 |只看該作者
無得怨.... 你一早知佢係咁既人,你仲生兩個小朋友....
私人傳訊

Nancy20090615


瑪瑙宮

積分: 136110


10#
發表於 09-11-1 20:53 |只看該作者
真係唔知點應付呢 d 大少爺, 軟皮蛇.
私人傳訊

十一月


大宅

積分: 1900


11#
發表於 09-11-2 00:58 |只看該作者
狠心, 趕佢走, 學你講有等於無, 有能力自己搞得掂頭家, 咪叫佢走羅, 我c6昨日整到腰, 今日上午睇完跌打, 平時佢要同兩隻狗沖涼, 我見到咁, 我無出聲, 抺地搞阿仔野, 同狗仔沖涼, c6見到咁, 佢主動同阿仔入房訓覺, 仲叫我今晚唔好煮, 食外賣, 兩公婆你氹下我, 我氹下你。
私人傳訊

MRS.KAREN


水晶宮

積分: 59706

2025勳章 2025勳章蛇年勳章 2024年龍年勳章 玩具勳章 冬日勳章 好媽媽勳章 醒目開學勳章


12#
發表於 09-11-2 01:59 |只看該作者
睇完哂啦~我第一個感覺都係同以上既bk 姊妹睇法一樣 :知道佢係咁既人,點解仲要同佢生2個小朋友??
如果你經濟許可既話不如帶2小朋友走啦!! 呢d男人不要也罷~~
私人傳訊

toto8


男爵府

積分: 5848

畀面勳章


13#
發表於 09-11-2 03:57 |只看該作者
我老公同你老公差唔多，成個大爺咁，十樣家務中佢只係做一、兩樣。以前有工人都算，而家冇工人，佢心情好就幫吓手，心情唔好就話知你，一d都唔知咩叫責任。同佢傾都只係嗌交收場，我已經唔會諗點樣去改變佢，只係打算到認無可認時就會離婚。
私人傳訊

JKmami


男爵府

積分: 7478

環保接龍勳章


14#
發表於 09-11-2 04:39 |只看該作者
揍兩個小朋友係好辛苦好多野做, 雖然平時有工人幫手都會有好多野跟手尾要做, 假日工人休息如果老公唔肯幫手真係忙到癲, 可否遂少叫佢幫手做, 由初初沖好奶俾佢剩係餵細B, 再慢慢叫佢係你煮飯時睇住兩個仔, 等佢加強家庭責任. 同佢講如果佢現在唔幫手揍仔付出父愛, 兩個仔大咗會唔錫佢唔跟佢, 再同佢講如果佢唔肯改, 你會幫兩個仔搵過個錫小朋友嘅老豆唔要佢, 嚇吓佢睇吓可唔可以改善少少!
私人傳訊

青青河邊草


侯爵府

積分: 24362


15#
發表於 09-11-2 09:32 |只看該作者
好多謝各位....

點解生兩個....
佢以前無咁過份架.....
起碼以前都唔會成日食埋飯就匿埋係房
依家, 叫下佢幫手, 反而係佢發脾氣.
佢唔幫手湊個大, 但起碼以前d態度唔係咁乞人憎
但依家, 真係好想昇佢兩巴掌!

有第二個時, 我好想唔要架, 連醫院都book埋, 按金都俾埋, 諗住做手術....
我同佢講, 佢再係咁, 我體力應付唔到.
果時佢又懶係話ok咁....
咪又生埋佢囉.

卒之....咪仲衰過以前!

我經濟上完全可以唔駛靠佢
我搵得多過佢
屋企一向都係一人一半支出
我有工人, 自己家人又幫到我, 其實, 我真係可以唔駛靠佢!

佢成日都話要買樓, 要搬
由我佗住細仔就哦我哦到依家
話如果唔係我, 舊年樓價低水已買左樓.
但係, 我話又要生個細, 個大又啱啱settle down讀K1, 做乜要搬呢?
要搬, 也是小學才搬番出市區吧?
我唔同佢, 佢腦中係無栽培小朋友的想法, 只係一味用晒d錢想係層樓度. 我唔係囉!
而且, 佢搵兩萬唔一個月, 學乜人買出面既樓?(我依家住天水圍)

但, 因為呢件事而遷惱於我!
痴線, 自己無本事就怨人
當初係佢個妹買左層屯門樓, 佢自己想搬近d, 就話買天水圍
但依家, 居然係話我當初叫佢買天水圍
佢決定買呢度時, 我只係女朋友身份咋!
仲有, 係佢想買天水圍, 問我好唔好咋!
點解一個男人可以做到佢咁!
自己做決策前, 唔諗清楚自己係咪啱.
到有乜問題, 就只會委過於人
一d責任感都無!
無承擔!
私人傳訊

KaKaLam


大宅

積分: 3701

hashtag影視迷勳章


16#
發表於 09-11-2 09:54 |只看該作者
... 試吓唔好只係諗離婚啦 ..
雖然有時真係好想
但你可以諗吓, 或者第時d仔女係錫哂你, 唔錫個老豆呢 ?
私人傳訊

cy101


象牙宮

積分: 204409

2025勳章 2025勳章蛇年勳章 2024年龍年勳章 牛年勳章 2018復活節勳章 育兒性格勳章 好媽媽勳章 醒目開學勳章 畀面勳章 環保接龍勳章 大廚勳章 BK Milk勳章 15週年勳章 親子王國15週年勳章 親子王國15週年勳章


17#
發表於 09-11-2 11:11 |只看該作者
原帖由 青青河邊草 於 09-11-2 09:32 發表
好多謝各位....

點解生兩個....
佢以前無咁過份架.....
起碼以前都唔會成日食埋飯就匿埋係房
依家, 叫下佢幫手, 反而係佢發脾氣.
佢唔幫手湊個大, 但起碼以前d態度唔係咁乞人憎
但依家, 真係好想昇佢兩巴掌!

有第 ...


咁賴皮既!!!


下下叫人離婚我真係唔多想; 但如果話要去改變一個人/等一個人領悟去變, 又好似俾個假希望妳咁; 好大程度, 一係妳忍下去, 接受呢個"他", 莫視佢既存在(唔好再生la),當係同屋住客; 一係自己為自己打算, 好好彩妳有好好既經濟能力, 家人又支持妳!! 前者須要有一個好好既eq去支撐自己活下去; 後者其實無咩野要担心!!

其實佢係咪一d都唔同bb玩呀? 爸爸呢個角色除咗返工揾錢, 還有咩佢有做呢?
私人傳訊

jaycee_mami


珍珠宮

積分: 47313

好媽媽勳章


18#
發表於 09-11-2 11:18 |只看該作者
你話你老公搵二萬五一個月, 而你又搵得多過佢, 咁如果我無理解錯誤, 你地兩個加埋有5萬蚊以上, 市區大把樓可以揀, 例如西九四小龍.

你係咪expect佢一個人供哂一層樓, 而你唔會出錢? 其實你地家庭收入唔錯, 可以在星期日請個鐘點幫你, 咁你就唔駛咁辛苦.
私人傳訊

青青河邊草


侯爵府

積分: 24362


19#
發表於 09-11-2 12:26 |只看該作者
原帖由 jaycee_mami 於 09-11-2 11:18 發表
你話你老公搵二萬五一個月, 而你又搵得多過佢, 咁如果我無理解錯誤, 你地兩個加埋有5萬蚊以上, 市區大把樓可以揀, 例如西九四小龍.

你係咪expect佢一個人供哂一層樓, 而你唔會出錢? 其實你地家庭收入唔錯, 可以 ...


噢, sorry, 唔係兩萬五
係一個月兩萬唔夠
私人傳訊

青青河邊草


侯爵府

積分: 24362


20#
發表於 09-11-2 12:32 |只看該作者
原帖由 cy101 於 09-11-2 11:11 發表


咁賴皮既!!!


下下叫人離婚我真係唔多想; 但如果話要去改變一個人/等一個人領悟去變, 又好似俾個假希望妳咁; 好大程度, 一係妳忍下去, 接受呢個"他", 莫視佢既存在(唔好再生la),當係同屋住客 ...


佢真係唔會同bb玩架
細果個, 佢每日回來只係會望下佢, 好少會抱佢
有時, 叫佢抱, 佢抱到bb喊晒, 佢都郁都唔郁, 唔會氹下bb, 對眼仍然係望住電視! 等我過來收拾!

個大既, 又係咁, 我如果夜返, 個大就好可憐, 食完飯就自己玩, 佢老豆見佢自己一個, 都唔會出來陪下個仔玩架!!

叫佢陪, 佢就黑面, 好似我又煩住佢咁

跟住成日話住天水圍遠, 又做借口, 話唔想帶個仔出去玩
又怨我, 話係我堅持住到咁遠
但我話佢, 就算住市區, 你咁懶, 亦唔見得會帶個仔出街
好似周末周日, 佢話帶個仔去街, 其實只係帶佢去佢個妹或阿媽度, 跟住就旨意人地同佢湊, 佢唔係自己去街就係去訓覺. 有次, 我以佢咁好死, 帶個仔去佢沙田玩, 點知, 原來只係去左佢阿麻屋企, 阿仔話佢睇左一個下午電視!!!
私人傳訊


首頁
1234

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見