嬰兒用品 今日: 0 | 主題: 93261

積分: 3496

1^#

發表於 09-10-21 15:04 |只看該作者 |倒序瀏覽 |打印

我返黎啦! 等我分享下我既生仔歷險記先, 不過有D長喎!

我10月16日晚開刀生左孖女, 尋晚出院, 大孖5.8lbs, 細孖6lbs, 不過孖女要照燈.

我今次真係覺得好似去到生死邊緣咁, 真係好驚....等我講下我既經歷啦.

如果大家記得, 我最後係揀左順產既, 約左10月16日朝早入院催生(39WK). 一早入左去產前房, 好快醫生就安排我上產房人手穿水同埋吊藥催生. 大約個幾鐘之後我先開始痛, 兩個幾鐘之後醫生就話咩"two fingers passing thro(類似)", 之後助產士都同我講差唔多開左2度, 進展OK. 由於我係孖胎加上有妊娠毒血症(最後呢幾日先開始出現, 之前檢查一直都正常), 醫生想我做無痛, 因為佢話如果我太痛血壓不停升就會好危險.

做左無痛之後, 我以為會唔痛啦, 點知我仲係覺得愈黎愈痛, 係頂唔順個種痛, 我覺得好奇怪, 咪問個助產士點解做左無痛都仲係咁痛, 個助產士就串我"都唔知你係想唔痛呀, 定係想生仔架"........如是姐忍左差唔多五個鐘頭痛,到左夜晚七點幾, 醫生再檢查, 都仍然係2度, 醫生話由於無進展, 所以建議我開刀, 我答應左之後, 麻醉科醫生就黎同我講風險, 亦都係我開始好驚既時候...

醫生話會先試下用無痛個條管打半麻, 但如果半麻失敗就要用全麻, 由於我有妊娠毒血痛, 用全麻會大大增加媽咪同BB既風險, 可能會爆血管中風甚至有生命危險, 同埋開完刀之後唔會即刻俾我醒, 會轉去深切治療部繼續麻醉多兩三日. 由於我做左無痛都仲係咁痛, 所以大家對半麻既效果都唔係咁樂觀, 麻醉醫生都將全麻既風險重覆左兩次.....當時我老公都O係度陪產, 聽到晒D風險, 我地兩個心裡面都好驚, 但係大家都唔想對方擔心而無表現出黎(而家諗返起都想喊...).

醫生們極速安排晒D野, 好快就推左我落手術室, 我老公只可以O係門口等. 麻醉科醫生同婦產科醫生講大約四個字就會完成麻醉, 結果四個字之後我仲有三,四成既感覺, 麻醉醫生不停同我加藥, 我估已經係加得多過普通人, 但係我都仍然仲有感覺, 最後攪左成七個字, 我得返少於一成既感覺, 麻醉醫生就話半麻合格啦可以開始做手術.

點知一刀界落黎時, 我真係FEEL到有D痛, 好似平時俾好利既紙界到手O個種痛. 之後佢再界入去既時候, 我就FEEL到好痛啦, 比得上之前陣痛既痛, 我叫左幾聲, 婦科醫生問麻醉醫生我掂唔掂, 我唔出聲, 麻醉醫生就即刻再加藥俾我, 同埋叫婦科醫生輕手D. 佢一路切一路扯, 我就一路好痛...麻醉醫生見我咁辛苦就話如果我真係頂唔順就要轉全麻......我咬住個唇唔出聲O係度死忍, 佢見我死忍佢就拎定支嗎啡針, 同我講BB一出左黎佢就即刻幫我打止痛針. 手術大約十幾分鐘就完成, 雖然我只係痛左十幾分鐘, 但係個種感覺真係好難受, 畢生難忘....打左止痛針, 我就嘔左兩次, 睇晒兩個BB, 之後我就勁眼訓, 訓左大半個鐘先推返我出去.

本來諗住一出去見到我老公我就即刻喊, 點知出到去, 見到我父母同老爺奶奶都黎左, 我怕我喊會嚇親佢地, 所以我就忍住無喊, 淨係話一切順利叫佢地放心. 由於我有妊娠毒血, 醫生話我要繼續留O係產房最少吊多24小時藥, 結果由於血壓唔穩定, 一直吊左48小時先可以落返去產後房.

諗返當時我老公O係手術室出面, 一定好擔心....佢又唔可以同D老人家講怕佢地擔心, D老人家以為開刀好平常O係度吹水, 聽返我媽咪講, 佢話當時我老公O係度頭DUP DUP行黎行去又唔出聲, 無同佢地吹水, 一見到有姑娘出黎就即刻捉住問, 問到知道生左就問係半麻定全麻, 知道係半麻先安心.

成個過程就係咁啦, 雖然真正驚險既野就無, 只係忍下痛者, 但係我真係覺得好似死過返生, 萬一半麻真係一D效都無我都唔知會點......唔知個天係咪見我咁慘安慰下我, 我開刀之後訓O係產房O個兩日個傷口一D都唔痛, 姑娘問我幾多度痛我話零度, 佢地都覺得出奇. 只係落地之後先開始痛, 惡露而家第六日已經得返好少, 傷口亦都埋得好靚(可能因為開刀個個係後生女, 知道女仔好CARE呢D).

0 0 0

私人傳訊

逍遙派

別墅

積分: 923

2^#

發表於 09-10-21 16:31 |只看該作者

katieyam,

好彩最後大小平安, congrats!

你係咪係政府生？其實你會唔會覺得係麻醉師有問題定你本身對麻醉葯唔敏感呢？好少見有咁既情況.

私人傳訊

六合中

積分: 319

3^#

發表於 09-10-21 18:04 |只看該作者

anyway, 恭喜你呀, 你好叻呀, 咁忍得痛, 我唸你個人一定係好硬正同好樂觀.

得閒放囡囡d相上來喇.

原帖由 逍遙派 於 09-10-21 16:31 發表
katieyam,

好彩最後大小平安, congrats!

你係咪係政府生？其實你會唔會覺得係麻醉師有問題定你本身對麻醉葯唔敏感呢？好少見有咁既情況.

私人傳訊

newbornBB

積分: 2986

4^#

發表於 09-10-21 20:44 |只看該作者

Congratulations!! 你好勇敢, 好叻, 可以捱到陣痛同埋開刀既痛~

如果比著我當時感覺到開刀既痛楚, 真係唔知點算....你對b出世有5磅幾6磅都好好, 我9月頭生左, 都係孖女, 大家一齊努力加油啦~~

私人傳訊

casllsac 該用戶已被刪除

5^#

發表於 09-10-21 20:46 |只看該作者

提示: 作者被禁止或刪除內容自動屏蔽

私人傳訊

積分: 3496

6^#

發表於 09-10-21 21:18 |只看該作者

係呀, 我係QE生架. 我唔覺得係麻醉師問題, 我覺得佢地都好好. 其實我爸爸同我姑姐都有類似問題, 我估可能有D遺傳.

原帖由 逍遙派 於 09-10-21 16:31 發表
katieyam,

好彩最後大小平安, congrats!

你係咪係政府生？其實你會唔會覺得係麻醉師有問題定你本身對麻醉葯唔敏感呢？好少見有咁既情況.

私人傳訊

積分: 3496

7^#

發表於 09-10-21 21:20 |只看該作者

多謝晒!
其實我真係唔係咁忍得痛架咋, 不過痛同死我會揀痛....忍唔到都要忍>.<

原帖由 六合中 於 09-10-21 18:04 發表
anyway, 恭喜你呀, 你好叻呀, 咁忍得痛, 我唸你個人一定係好硬正同好樂觀.

得閒放囡囡d相上來喇.

私人傳訊

積分: 3496

8^#

發表於 09-10-21 21:21 |只看該作者

一齊加油!!

原帖由 newbornBB 於 09-10-21 20:44 發表
Congratulations!! 你好勇敢, 好叻, 可以捱到陣痛同埋開刀既痛~ 如果比著我當時感覺到開刀既痛楚, 真係唔知點算....你對b出世有5磅幾6磅都好好, 我9月頭生左, 都係孖女, 大家一齊努力加油啦~~ ...

私人傳訊

積分: 3496

9^#

發表於 09-10-21 21:22 |只看該作者

其實你地順產仲勁啦, 又痛又要用力. 我都只係痛O個十幾分鐘, 又唔駛用力, 不過係個情境比較得人驚者.

原帖由 casllsac 於 09-10-21 20:46 發表
嘩!你好勁呀!我個時順產生個女時,痛到叫救命呀!想死添呀!而家諗起都驚架!

私人傳訊

oc668

積分: 465

10^#

發表於 09-10-22 13:06 |只看該作者

原帖由 katieyam 於 09-10-21 15:04 發表
我返黎啦! 等我分享下我既生仔歷險記先, 不過有D長喎!

我10月16日晚開刀生左孖女, 尋晚出院, 大孖5.8lbs, 細孖6lbs, 不過孖女要照燈.

我今次真係覺得好似去到生死邊緣咁, 真係好驚....等我講下我既經歷啦.

如果大 ...

你馱到39wks已經好叻, 仲忍到痛, 真係叻上叻.

我對b女6月尾出世但較輕 (3.15lbs & 4.15lbs),
你對b女夠重應該易湊好多, 加油!

私人傳訊

Ynnek

洋房

積分: 97

11^#

發表於 09-10-22 13:58 |只看該作者

Katie，

你好叻呀，我睇完都忍唔住成泡眼淚，你果刻好勇敢呀，真係厲害，我相信你老公同你都係好擔心，而且，你能夠記得咁清楚，當時環境對你黎講一分鐘等如過左一個鐘咁耐，每一刀你都係捱緊，你真係好勇敢，如果冇經歷過當時ge環境，我絕對唔能夠係字裡行間體驗你地當時ge心情，睇完，我心裡面先至舒左一口氣，我好衷心咁恭喜你，恭喜你擁有兩個同你有血脈相連ge小寶貝。

Katie，天祐你一家，願你兩個女女健健康康，一家大細平平安安。希望你每天都沐浴係享受照顧兩個新生命ge當中。

原帖由 katieyam 於 09-10-21 15:04 發表
我返黎啦! 等我分享下我既生仔歷險記先, 不過有D長喎!

我10月16日晚開刀生左孖女, 尋晚出院, 大孖5.8lbs, 細孖6lbs, 不過孖女要照燈.

我今次真係覺得好似去到生死邊緣咁, 真係好驚....等我講下我既經歷啦.

如果大 ...

私人傳訊

yeeyeey2k

子爵府

積分: 11228

12^#

發表於 09-10-23 15:27 |只看該作者

一路睇一路驚，好佩服你呀！

恭喜晒你地3個有驚無險，希望孖女快高長大、精靈活潑！

私人傳訊

debbiesbl

積分: 295

13^#

發表於 09-10-26 11:04 |只看該作者

我覺得妳好勇敢呀....我現在得25週,日日都係到驚...因為大細b差一個星期,東區個醫生時時話點危險點危險...我未生都驚嚇到死了,見到妳地3人平安好開心呀~妳痛我有價值呀!

私人傳訊

lizchau820

洋房

積分: 77

14^#

發表於 09-10-26 13:36 |只看該作者

Katie, 你好犀利同好堅強呀, 我好佩服你, 祝你對bbs 都健健康康呀

私人傳訊

積分: 3496

15^#

發表於 09-10-26 14:33 |只看該作者

多謝晒大家!

debbiesbl 你都唔好咁擔心啦, 我廿幾WK個時BB都差一星期, 不過去到36週小B無啦啦追返上黎, 好勁. 政府醫院通常都會好小心講D風險你知, 佢地怕咩獲嘛, 所以有時都會誇張左, 你唔駛咁擔心啦, 放鬆D順其自然!

私人傳訊

yukiyuki2w

積分: 378

16^#

發表於 09-11-3 04:14 |只看該作者

我同你既經歷都有d相似,我都係到講下先!^^

[ 本帖最後由 yukiyuki2w 於 09-11-3 04:34 編輯 ]

私人傳訊

yukiyuki2w

積分: 378

17^#

發表於 09-11-3 04:31 |只看該作者

我9月10日生BB既,我本身都係約好左順產架,入左院落到產房準備催生,我好怕打針架,揪血個d都忍到既,總之好怕針,一落到去就插豆針,我手背又無乜肉喎,所以對我黎講都好痛,其實我都預左要插豆針既,所以都忍住比佢拮,但係個醫生好唔掂下,拮到入去又走左位,一針兩針三針都係咁,痛到我留哂眼淚囉,跟住醫生話我太緊張,血管收縮喎,咁我未叫佢比我抖抖,佢又唔比喎,跟住再拮過,我痛到好驚,開始透唔到氣,之後好多姑娘醫生入左黎,問左我好多野,我都驚到唔知佢地問乜,跟住計埋幫我拮開個個,有成三個幫我兩隻手都拮哂,重要我見到我隻手好似箭豬咁,佢地插哂d搵唔到血管既針頭係我兩隻手到,我當事喊到不知點算好,所以透唔到氣囉,跟住d醫生又要我照心電圖,又要我照X光,之後話我肺績水,又話我心臟有事,所以緊急全身麻醉開刀,佢同我講我可能有生命危險,又話bb無事,但我要有心理準備,係個刻我痛到都唔理咁多,話無問題,我好想快d開刀,之後又係好似你咁要落ICU,我就訓左一晚,又係要麻醉耐d,唔比醒住,第二日就轉左去產房觀察,又唔比食又唔比飲,第三日先可以返上產後房,又係頭個兩日個傷口一d都唔痛,一落地個下先痛,再訓多兩晚,我想出院,因為重有兩個大要湊,點知醫生唔比走,講到我好嚴重,話我心臟有問題,最好觀察多幾日或者兩個月最安全,我有人湊既我都留啦,最慘又無錢請工人,又無親人,我老公只可以請三日假,我唔出院唔得,之後我同醫生講,就算我死我都要出院,跟住就出左院喇,係醫院聽完醫生咁講我,我成日哩埋喊,我又擔心我出面d仔女,係醫院又聽到我出院會有危險,我好大打擊架,岩岩先生左對b,唔係無命睇佢地大掛,諗到我癲咁滯,出左院係屋企又偷偷地喊,我都驚我會有產後抑X症架,不過過左幾日身體好左,我心情都好番好多喇,所以睇到你既經歷,我都feel你個刻既心情!!!!

[ 本帖最後由 yukiyuki2w 於 09-11-3 04:39 編輯 ]

私人傳訊

積分: 3496

18^#

發表於 09-11-3 16:36 |只看該作者

我地要一齊加油!

原帖由 yukiyuki2w 於 09-11-3 04:31 發表
我9月10日生BB既,我本身都係約好左順產架,入左院落到產房準備催生,我好怕打針架,揪血個d都忍到既,總之好怕針,一落到去就插豆針,我手背又無乜肉喎,所以對我黎講都好痛,其實我都預左要插豆針既,所以都忍住比佢拮,但係 ...

私人傳訊

debbiesbl