夫婦情感

跳至

首頁
12

尾頁
   0


複式洋房

積分: 401


1#
發表於 05-2-28 14:50 |只看該作者

對孩子的飲食,我是否太執

我的孩子兩歲幾,一向吃得很慢,只喜歡粉麵和麵包,還有水果,菜肉較少吃,為了健康理由,兩歲以前我也叫家傭不可以在食物中放鹽調味,這做法惹來很多爭議,經常聽奶奶(我們一起住)及丈夫講無味道她當然不吃,等等,為這些小事弄到不快,奶奶經常用食物哄我的女兒我也管不了,但有時吃飯前一小時她還給她餅乾,我告訴她飯前吃零食會影響正餐胃口,她便很不高興的回應我後,照舊給她吃。孩子兩歲開始,跟我們同


男爵府

積分: 5303


2#
發表於 05-2-28 15:37 |只看該作者

Re: 對孩子的飲食,我是否太執

我都試過同奶奶一齊住, 佢地一樣鍾意食煎炸濃味的東西, 但我唔會當面出聲, 多數食少D, 最多叫老公提她們食得太濃味的壞處, 明顯對小朋友唔好的會用湯幫佢沖淡D, 話比佢地聽小朋友食得太濃個腎臟唔好的, 有時我會自己煮一些簡單的給她們知道我比較喜歡清淡D的食物囉! 始終一齊住要互相遷就架!


大宅

積分: 4323


3#
發表於 05-2-28 15:48 |只看該作者

Re: 對孩子的飲食,我是否太執

@0@, 你奶奶該當你女兒是寶貝了. 可惜, 你奶奶吃的口味, 唔是好合小朋友. 不如你跟奶奶溝通一下. 你樣樣都禁, 那你有冇事先聲明嗎? 及有和奶奶先溝通協調? 好多老人家, 都好信醫生這一套, 你同佢傾計個時, 加埋醫生對小孩食物的意見. 睇下你奶奶buy唔buy你la.

題外話, 做你家傭都幾慘 ~.~


複式洋房

積分: 401


4#
發表於 05-2-28 15:55 |只看該作者

Re: 對孩子的飲食,我是否太執

jaja,

謝謝妳的回應,如妳所說,我應學習互相遷就。

其實丈夫也很清楚高鹽對小朋友的腎臟有害,問題是老人家有自己一套,丈夫有時也很難做,而且同


別墅

積分: 519


5#
發表於 05-2-28 16:09 |只看該作者

Re: 對孩子的飲食,我是否太執

其實我覺得比小朋友食既野...
係唔應該太鹹~太多油,鹽~!!
但未至於咩都唔落囉~!!
無味真係好難入口~食到反胃嫁~
比少少啦~!! :mrgreen:
傑傑0係2004.3.3出世~重3.33kg~!!


珍珠宮

積分: 37585

畀面勳章 大廚勳章


6#
發表於 05-2-28 16:20 |只看該作者

Re: 對孩子的飲食,我是否太執

一餐香腸、一餐燒肉、一餐腊腸.......真係唔係少少喎. 餐餐都係咁就真係唔多好. 可唔可以自己煮多碟菜俾囡囡?

女人是很脆弱, 但媽媽卻很堅強:)


複式洋房

積分: 401


7#
發表於 05-2-28 16:25 |只看該作者

Re: 對孩子的飲食,我是否太執

christylai,

妳真有眼光,我奶奶時常對我的女兒說最疼是她了。這些年來,飯


大宅

積分: 2418


8#
發表於 05-2-28 16:26 |只看該作者

Re: 對孩子的飲食,我是否太執

我個人認為太少的小朋友當然唔好咁重未道, 但佢地慢慢長大真系鐘意食有味的食物, 如果太限制佢地, 返而令到佢地食得少, 久而久之, 胃仔都食都細哂, 所以您在這方面真系要放鬆小小, 等佢食開D個胃, 到時再部份限制都未遲, 因為食得少, 營養唔夠, 身体抵抗力都無咁好架! 諗諗!!
________________ KiuKiu媽媽


複式洋房

積分: 401


9#
發表於 05-2-28 16:34 |只看該作者

Re: 對孩子的飲食,我是否太執

ChoR,
係唔應該太鹹~太多油,鹽~但未至於咩都唔落囉~!!


咩都唔落是兩歲前的事了,現在她與我們一起吃飯,


男爵府

積分: 5774


10#
發表於 05-2-28 16:36 |只看該作者

Re: 對孩子的飲食,我是否太執

hart,

你對孩子的飲食, 是有點執著, 但出發點沒有錯。你的小朋友已兩歲, 我相信用小小調味, 是可以的。我有參考外國或本地的兒童食譜, 發現在一歲以後的兒童食譜, 都有加點鹽或糖來調味(有些肉的甜味是要用鹽調出來的), 所以有小小味, 是可以接受的, 而小朋友亦會比較喜歡。

至於你奶奶的問題, 你圓滑一點便可以解決。我亞爸因為縱我個女, 都會在飯前比餅佢食, 有時甚至比一隻香蕉佢食, 死未! 只要你同你奶奶講, 不如4點就比餅bb食(假設是晚上7點食飯), 而不是叫佢不要比bb食。因為用不要這些字眼, 老人家就很敏感。

亦要體量一下老人家年紀大, 味覺退化, 所以要食濃味東西。我家那兩位寶貝都有這問題, 我唯有叫亞媽多整兩樣, 分量少些但清淡的


子爵府

積分: 10010


11#
發表於 05-2-28 16:42 |只看該作者

Re: 對孩子的飲食,我是否太執

我都係過來人! 我奶奶exactly 一樣係咁, 不過就無午餐肉, ham 個d , 而係d 送佢整到好salty!

我同老公商量完後, 以退為進, 有連續幾餐我老公唔多食d 送, 結果奶奶發現, 問佢仲mug 食得咁少,由佢出聲話同佢阿媽講d 野好salty, 佢自己覺得唔好食, 所以唔想食.

結果...............第 2 日即刻正常過正常............直到而家! :mrgreen: :mrgreen:
多謝am 幫我搵個好英o既buzz 呀! 特此鳴謝!!!


男爵府

積分: 8513

好媽媽勳章


12#
發表於 05-2-28 17:15 |只看該作者

Re: 對孩子的飲食,我是否太執

我覺得老公係一個好關鍵既人物, 佢開句聲無論岩唔岩聽佢阿媽都一定會聽(我諗第時我都會咁聽阿仔講), 所以先同老公有共識再由佢開聲就掂.
2歲前我都係唔落味, 之後到而家3歲半仔仔係屋企食既送都係用olive oil少少蒸魚無落鹽, 烚菜或少油炒, 星期六日就出街飲茶食飯, 媽咪之前都話我俾得太清淡佢食, 又話我連粒朱古力都唔俾佢試下.......不過老公好撐我, 而家上99屋企食老公會預早叫佢買定條魚等我地上到去先蒸, 煲湯一定用瘦肉, 另有炒菜, 以前99煮豬手碟油見到我@_@, 老公都係咁食!


大宅

積分: 4323


13#
發表於 05-2-28 17:44 |只看該作者

Re: 對孩子的飲食,我是否太執

條橋幾好喎!! 等我都參考一下先!! 謝謝分享!

kittybuzz 寫道:
我都係過來人! 我奶奶exactly 一樣係咁, 不過就無午餐肉, ham 個d , 而係d 送佢整到好salty!

我同老公商量完後, 以退為進, 有連續幾餐我老公唔多食d 送, 結果奶奶發現, 問佢仲mug 食得咁少,由佢出聲話同佢阿媽講d 野好salty, 佢自己覺得唔好食, 所以唔想食.

結果...............第 2 日即刻正常過正常............直到而家! :mrgreen: :mrgreen:


子爵府

積分: 10010


14#
發表於 05-2-28 17:58 |只看該作者

Re: 對孩子的飲食,我是否太執

唔好客氣!

不過最緊要係老公肯扮野食少d , 而奶奶又係好錫老公至得架!

我成日都覺得我地做新抱o既唔可以同奶奶有直接衝突, 有咩事最好就係................擺佢個仔上枱! he...he........

[quote]
christylai 寫道:
條橋幾好喎!! 等我都參考一下先!! 謝謝分享!
多謝am 幫我搵個好英o既buzz 呀! 特此鳴謝!!!


男爵府

積分: 5037

hashtag旅遊勳章


15#
發表於 05-2-28 18:06 |只看該作者

Re: 對孩子的飲食,我是否太執

老公絕對係關鍵人物,但老公幫唔到,可以試下我ge方法:
準備定小朋友食ge飯同餸,D餸一早用滾水淥過,去油同沖淡D味,BB唔會食得太咸,又慳番唔使勞氣。


子爵府

積分: 10010


16#
發表於 05-2-28 18:13 |只看該作者

Re: 對孩子的飲食,我是否太執

呢個都係一個好方法, but 同奶奶同枱食飯, 會唔會有點兒...........落佢面呀???

你都知, 奶奶嬲, 就好煩架喇嘛 :-(
hakkantai 寫道:
可以試下我ge方法:
準備定小朋友食ge飯同餸,D餸一早用滾水淥過,去油同沖淡D味,BB唔會食得太咸,又慳番唔使勞氣。
多謝am 幫我搵個好英o既buzz 呀! 特此鳴謝!!!


男爵府

積分: 5037

hashtag旅遊勳章


17#
發表於 05-2-28 18:19 |只看該作者

Re: 對孩子的飲食,我是否太執

我會事前準備一下,一起食ge 時候淨係比魚/菜等較清淡ge落小朋友個碗,你可以話剪定D餸方便bb食。説話方面梗要有D技巧。


男爵府

積分: 9561


18#
發表於 05-2-28 18:32 |只看該作者

Re: 對孩子的飲食,我是否太執

請恕我直言, 小朋友係唔好食咁咸&咁多味, 但真的什麼也不給他們,好像過了火. 我家小主已經20個月, 過年前真的吃無味的東西, 她吃得總算ok. 但新年後, 同我們同桌吃完幾餐飯后, 她就不吃小b的東西. 現在日日都要煮有味道的才吃. 當然不要太多la. 我自己就用茄汁, 粟米湯, 忌廉磨菇湯等等調味, 小主吃得不知多高興,比以前吃多了. 而她早在1歲已經吃薯片&朱古力, 當然是少少la, touch wood, 她從沒有咳&多痰, 亦沒有喉嚨痛.我老媽常說,小朋友沒有寒熱底, 人們老是這樣那樣不給小朋友吃, 咁就要身體好都難. 只要不過火, 樣樣都可以食的.
以我一個朋友為例, 她有2個小朋友, 家姐4歲, 細佬17個月, 家姐3歲前全介口, 沒食零食,沒有吃調味, 細佬就1歲解禁, 結果是家姐一吃薯片就喉嚨痛, 細佬就沒事.
看來只要不過份, 什麼吃少少也無妨.

如有得罪,請多多包容.


男爵府

積分: 5774


19#
發表於 05-2-28 22:03 |只看該作者

Re: 對孩子的飲食,我是否太執

我很同意blee427, 但最好不要用忌廉磨菇湯等罐頭湯, 因這些罐頭湯鹽份很高, 大人多飲也無益。 


大宅

積分: 3025


20#
發表於 05-3-1 11:02 |只看該作者

Re: 對孩子的飲食,我是否太執

我覺得bb過了兩歲, 可以嘗試各種不同味道了, 但味道仍不應太濃, 我認為大人又好, 小朋友又好, 吃得清淡點, 是好的. 我的bb兩歲半了, 現在同大人一齊吃, 基本上什麼都吃了, 除了一些醃製食品, 如香腸, 午餐肉, salty fish之類, 而薯片, 薯條, 朱古力之類的零食, 則可免則免. 我覺得這些所謂的JUNK FOOD, 大人小朋友, 不吃也罷.

話需如此, 要100%實行其實都有點難度的, 因此不要太緊張, 偶然一次, 沒什麼大不了, 幸好我老公和我同一看法, 我們不會主動給bb這些東西, 有時其他人給他零食, bb唔記得, 我地就會收左, 在99家吃飯, 我就唔會出聲, 我老公會同99周旋.

Hart, 我支持你對食物的要求, 至於和99的溝通問題, 最好你同老公先取得共識, 再由你老公出面就最好.

首頁
12

尾頁

跳至
Presslogic Logo
Baby Kingdom Logo