吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 人生最黑暗的日子-41歲!!!!

夫婦情感今日: 0|主題: 42703

收藏本版

發帖

返回列表

跳至頁

查看: 4601 | 回覆: 18

人生最黑暗的日子-41歲!!!! [複製鏈接]

Judymama28

別墅

積分: 970

1^#

發表於 09-11-3 09:21 |只看該作者 |倒序瀏覽 |打印

有樓主說41歲沒有晴天! 係, 沒有想過我的41歲是我人生最黑暗的日子!!!
我和他一起已22年,結了婚15年,還記得大學畢業2年多,他說想結婚,因他與母親及姊姊一家同住, 好似寄人籬下, 想有個自己的家,他大我4年,拍了7年拖,已知性格不太夾,那時20頭,只知什麼是愛情,於是在經濟沒有根基下給了婚!我媽也有叫我想清楚!
那時沒錢買樓, 要租樓住,想買好一點的傢俬也沒有錢買!但沒所謂,開心就得,為了改善生活,我倆好努力工作及考取專業資格. 我倆現在都是專業人士,有樓有車,生活算富足,但最大的資產是我倆的12歲女兒!這女兒得來不易. 我經過2次小產, 第一次還是宮外孕, 差點送命,這女兒帶給我們歡樂與幸福, 但也埋伏了我倆婚姻上的危機.
結婚3/4年後, 他對我已不大好,常呼呼喝喝, 女兒出世後,態度更不好,還說粗話,我已知婚結錯了, 但女兒還小, 不想她沒有一個完整的家,而他也很愛個女,他是一個百分百好爸爸亦好顧家.我們之間愈來愈淡, 我希望作出改善, 於是和他傾之間的問題,但他說他设有問題,他好獨裁, 他要別人完全付出, 但不會感謝別人的付出, 是必然的,但他付出了0.1%, 就覺付出200%所有人都要感恩,永遠說話都是道理,歪理也是道理,和他相處有時真的透不過氣, 其實他有10兄弟姊妹都怕了他, 但好疏離.
我也認命,惟有將全部精神放在工作及女兒身上. 多謝上天給我一個資優兒, 她好聰明好乖好聽話,這是我一生的福. 這幾年過得好平淡, 以為平淡也是好事,好過再差落去, 但去年10/11月開始,感覺到他有點異樣, 每天好晚才回家. 2月28號個晚, 聽到佢手電響, 諗住拿給他, 但他出奇地緊張及慌張, 令我感到好奇怪,突然有種無形的力量推動我入房, 我的手不自主的拿起他的手電看,當翻看他的sms, 我見到一些極盡挑逗的sms, 什麼” 我現在寫sms給你是沒穿底衭的”, “我今天上班, 沒穿底衭因今晚等你xx我,”.
當時我的心,手及腳都在震,透唔倒氣, 腦內–片空白! 不能接受眼前的事!
那女人是他公司的客, 他可以立即不見這女人,一起只有約半年,她好主動,他就一時衝動, 他說不是太愛這女人, 只是關係開始了,不是說停就立即停, 3/4個月後已間始淡,已想分手, 但怕她在公司同事面前揭發這事,他說是一個袍服. 他說這幾年我對他不好, 沒有關心過他, 心中只有個女, 他要報服!我不關心他, 他有大把女人關心,是全錯在他身上, 我也有錯, 好傷心好傷心!!! 這十幾年我什麽也是為個家, 點解? 是不是每個男人有了錢+地位, 就一定找女人? 第二朝, 他突然哭着入書房說想重新來過, 他唔想無咗個家和個女. 我跟他姊姊說了這件事, 他全家都指責他, 事件張揚了,有點悅,覺得不光彩!!

點解两個都有學識的人, 男的是大公司高層, 女的是一間大銀行高層, 點解會咁不知廉恥做出這些事呢? 人家說29好cheap, 有學識有地位的女人跟大陸29沒分別, 如果寫或說那些挑逗說話, 才是關心有性趣, 那我不曉了, 如他想有一個這樣的女人, 我也不升任!!!
我開始有抑鬱病, 要看精神科醫生及服抗抑鬱病的藥, 他好內疚, 這幾個月他對我完全改變, 一起22年除了最初的2年熱戀期, 這幾個月是最好,這半年他和我去過2次旅行, 但那些黑暗的事總是困擾着我,令我情緒起伏好大,人變得好消極及想嘢會好負面.
我不敢告知我媽媽這件事,
因她已77歲及有心臟病, 除了他的家人知, 我不敢向任何人提及, 因覺得好恥辱, 亦不想他抬不起頭見人!! 同佢離婚, 因為覺得好幸苦!!

0 0 0

私人傳訊

wingcrown

珍珠宮

積分: 42532

叻叻勳章好媽媽勳章畀面勳章環保接龍勳章大廚勳章 BK Milk勳章

2^#

發表於 09-11-3 10:03 |只看該作者

如果真係好唔岩,好辛苦,咁離婚真係一件好事,但如果真係仲有感情,仲有得少少機會,就唔好離,因為你個女仲細,十幾歲,唔好令佢冇左DADDY囉,圓整既家庭對小朋友黎講,係最好的.

私人傳訊

美瑩

別墅

積分: 669

3^#

發表於 09-11-3 10:53 |只看該作者

Judymama28

清醒D想吓, 大家有冇感情, 如果可以試比個機會大家, 離婚是最後方法, 現在這段時間分開同唔分開都係好辛苦, 要過這段日子唔容易, 心理上一定要靠自已放開, 比D時間同空間自已.....

同你講男人有外遇, 大多數都會話我地D女人做成, 係我地big佢去温女人.....唔好再想佢講咩, 最重要自已点睇, 對自已好D, 才可以走過未見睛天的日子....

希望你可以快点度過, 支持你！

私人傳訊

NokNokB

子爵府

積分: 12053

2024年龍年勳章好媽媽勳章醒目開學勳章環保接龍勳章

4^#

發表於 09-11-3 10:57 |只看該作者

樓主聽見妳咁的情形都替妳難過，妳將女人最燦爛最寶貴的青春給了你老公和這個家，換來除了妳囡囡外，還有甚麼﹖
妳還愛妳老公嗎﹖問問自己先
人生是會有很多無奈，如妳覺得做咗某事情會另自己舒服開心啲，咁妳就做...，無喟為了你老公另自己人生過得唔開心。

私人傳訊

dada~0w0~

禁止訪問

積分: 24347

好媽媽勳章大廚勳章

5^#

發表於 09-11-3 11:27 |只看該作者

提示: 作者被禁止或刪除內容自動屏蔽

私人傳訊

tracytang

侯爵府

積分: 22385

2025勳章 2025勳章蛇年勳章 2024年龍年勳章 2018復活節勳章開心吸收勳章好媽媽勳章醒目開學勳章畀面勳章

6^#

發表於 09-11-3 12:52 |只看該作者

有高學識唔代表有高尚嘅人格, 真係好想問吓佢地何為禮義廉恥?

私人傳訊

awah112

禁止訪問

積分: 93097

7^#

發表於 09-11-3 20:10 |只看該作者

提示: 作者被禁止或刪除內容自動屏蔽

私人傳訊

Chansey

民房

積分: 29

8^#

發表於 09-11-3 20:26 |只看該作者

樓主，睇完你的故事，好似一面鏡咁照出去年的我。

所有男人外面有女人”賴”太太，這個陰霾也困擾我一段日子。現在各行各路，你要學”愛自己”。

努力加油啊！

原帖由 Judymama28 於 09-11-3 09:21 發表
有樓主說41歲沒有晴天! 係, 沒有想過我的41歲是我人生最黑暗的日子!!!
我和他一起已22年,結了婚15年,還記得大學畢業2年多,他說想結婚,因他與母親及姊姊一家同住, 好似寄人籬下, 想有個自己的家,他大我4年,拍了7年拖 ...

私人傳訊

pooth

大宅

積分: 3294

9^#

發表於 09-11-3 21:33 |只看該作者

原帖由 Judymama28 於 09-11-3 09:21 發表
有樓主說41歲沒有晴天! 係, 沒有想過我的41歲是我人生最黑暗的日子!!!
我和他一起已22年,結了婚15年,還記得大學畢業2年多,他說想結婚,因他與母親及姊姊一家同住, 好似寄人籬下, 想有個自己的家,他大我4年,拍了7年拖 ...

過往幾個月c6 都話佢醒啦, 已跟那女人分手了, 可是一切都是欺騙, 他家又想愛, 狐狸精也想愛, 我也活在痛苦中, 每天也懷疑及猜度他的說話是真是假, 一次不忠百次不容, 所為紙包唔住火, 大話始終會穿, 佢依家走左lu, 我的痛楚跟以前也差不多。

但樓主如果你段婚姻還有挽回的機會, 若然他誠心地改過, 請給對方機會吧, 始終孩子在單親家庭長大也不是太好。單親路不易行呀 !

私人傳訊

gigivinda

複式洋房

積分: 409

10^#

發表於 09-11-3 23:22 |只看該作者

樓主，很多男人是如此，因為自己在事業上的得意，就自視過高，已經目中無人了。真係一朝得志，就.....
林煥光和任志光也是如此吧！

樓主，無論你決定怎樣，都要堅強呀！如果你決定重新接受他，一定要他和這女人斷絕聯絡呀。

[ 本帖最後由 gigivinda 於 09-11-13 19:12 編輯 ]

私人傳訊

Judymama28

別墅

積分: 970

11^#

發表於 09-11-4 14:08 |只看該作者

多謝各樓主的開解及意見! 有同個女傾過, 她哭得好犀利, 根本沒法傾下去!
所以就唔再與她再傾這話題, 明顯她的成績退了, 心散咗, 老師也有問, 但我們沒向老師說這件事!

其實他在約6年前事業已跌了一跤, 整整一年沒嘢做, 事業跌入谷底,那一年我就扛起成頭家供樓, 養車, 養工人. 那時我公司有好大的人事變動, 我差點都受影響, 家庭及工作的壓力大到要晚晚吃安眠藥才能入睡, 有時偷偷地哭, 他是知的, 那時他好感謝我的support。難關過去後, 他事業慢慢再起, 在他事業上我永遠希望幫到他, 所以就是捱更抵夜都會幫他做一些分析, 只希望他在見人時是最佳狀態, 我從不管束他, 就算好晚才回家, 如應酬可加强及幫到他事業發展, 我也不加半句。現在事業得意有成就, 就將以往的艱難完全忘記, 只怨我不關心他, 但誰關心我呢?好唔甘心好怨他這樣對我!

他說個女人好肯聽他呻好明白他好欣賞他! 當中亦有許多好討好的說話, 我就說除了上床, 她不聽你講話你倆個有什麽好做? 你們一起只有半年, 每一次見面只是得幾個鐘, 她又有幾明白你呢? 你連人家幾多歲及什麽學歷背景都不能即時說出, 只能說出30幾歲, 你們有幾明白對方呢? 說個女人剛失戀只是想找個依傍, 那麽是不是騎着你再去找男朋友, 找到後是不是上午同男朋友做, 下午同你做, 定係1,3,5同你做, 2,4,6同男朋友做? 常說我追不生潮流, 如果這些做潮叫做yeah, 這些荒唐事我不懂欣賞!!

有同佢傾離婚,的意向,他說沒想過要離婚, 亦堅决不會離婚, 如我要單方面離婚他亦沒辨法, 他說就算和我離了婚, 他亦不會和這個女人一齊, 他說只當她是調劑品! 如果沒想過要一齊,那幹嗎要做這些事來破壞一個大好家庭呢? 我說希望趁還是不太大年紀, 希望可找到一個真心愛我的人伴終老! 如果找不到我也怨.
他說真的還愛我及希望到終老,他接受不到我和其他男人一起, 他說他知我好傷心, 但他亦不好過!
但一朝被蛇咬＋年怕草繩, 他做每一樣嘢, 說每一句說話, 我都要好小心去諗是否背後別有目的, 他說想換樓我會諗他是不是想騙走我的錢, 然後和我離婚? 我每日check佢手電, 看看他們還有冇來住, 但想想其實好儍, 現在資訊發達,有好多方法可以聯絡. 好擔心再受騙, 亦不知他是否真的愛我, 還是只想着個女及keep住個家, 其實不是為了我. 他和那女人一起時, 連家用也拖着, 我問他為什麽還沒過數, 他就說:” 你無錢咩? 你有的可能比我多啦!” “比錢啦, 唔洗你比呀!” 他又有幾愛我呢? 他事後承認他那時是投入了, 而做了許的傷害家人的事.
心裹總有十萬個為什麼,
十萬個怨恨!

私人傳訊

wendy_jed

男爵府

積分: 6526

12^#

發表於 09-11-4 14:25 |只看該作者

其實我又覺得樓主老公未必是"推卸責任", 我自己作為老婆的..有時反思自己, 都會覺得自己"太"愛個家, 為了保持一個家既美好模式, 總是擺出一副"管家婆"既樣,全副精神,時間都放响囝女身上.... 對老公總算係體諒的,但似乎"愛"太少了.温柔乜太少了......
但感覺上樓主老公係有反省過的..... 佢對樓主改變態度係因為唔想失去個家... 既然浪子回頭,點解唔比一次機會大家呢.....?

私人傳訊

VKwan

珍珠宮

積分: 38391

13^#

發表於 09-11-4 14:49 |只看該作者

其實都過左去，浪子亦回頭，你要極力放低，唔好輸左自己個家呀！

私人傳訊

等運到

大宅

積分: 3197

好媽媽勳章

14^#

發表於 09-11-4 18:47 |只看該作者

樓主, 好明白你感受, 我也曾經歷過你這情況, 同老公一起相知相識, 一起同甘共苦捱出頭, 到個男人事業有點起色, 就開始心癢, 忘記以往ge一切..

雖則我當初發現他有女人時, 我也很傷心, 但為左個女試過原諒佢, 但后來發覺自己很難放低, 心中有刺, 不停問自己他點解要咁對我
最后我選擇離開, 因自己實在無法接受一個曾對自己不忠ge男人, 不想他掂我, 更不想囡囡有個咁荒唐爸爸

事過幾年, 現在我生活得很好, 有一個好錫我同囡囡ge老公, 我終於能夠從陰霾中走出來

我不是叫你離婚, 因每個人際遇都唔同, 我唸你老公都係真心悔改, 只系你暫時未能面對他過錯, 你不如嘗試接受返佢, 比d時間對方, set個限期..
睇下自己得唔得先, 就算唔得, 仍然無法放低, 都起碼對得住自己先la, 係咪

私人傳訊

qc1995cheung

複式洋房

積分: 156

15^#

發表於 09-11-4 23:39 |只看該作者

回覆 1# Judymama28 的文章

我好明白樓主嘅感受,因我都係為了這個家和這個人,也棄生了很多,但到頭來竟然被一個自己極為信任嘅人背叛,個心會有幾痛呀.

但我時常都會有個想法就算他想回頭,自己又能像以往一樣咁相信佢呢?正所謂一次不忠百次不用,所以樓主要多啲時間同耐性,才可慢慢淡忘.重新再接受這個枕邊人,樓主加油.

私人傳訊

hohoho36

伯爵府

積分: 18797

16^#

發表於 09-11-5 11:37 |只看該作者

我覺得樓主老公係有心回頭, 再比d時間大家啦!

私人傳訊

moon_moon

子爵府

積分: 10924

醒目開學勳章畀面勳章貢獻勳章環保接龍勳章親子達人勳章

17^#

發表於 09-11-5 12:58 |只看該作者

樓主，定個限期，如佢肯回頭就比個機會大家啦，始終單親家庭係有缺陷既，但心裡既刺就一定有，如你選擇比機會佢，刺就要由你自己拔去啦, 否則一世存在...每個人既想法同性格都唔同，我當年就選擇分開，因我明白自己個性強，刺一定唔會找到，而且將來一定可以從新來過，所以你應該諗諗自己既性格..同家庭既情況先決定啦，睇來佢好有決心回頭，但睇定點啦，男人講就天下無敵，做就有心無力...

原帖由 hohoho36 於 09-11-5 11:37 發表
我覺得樓主老公係有心回頭, 再比d時間大家啦!

私人傳訊

wendy_jed

男爵府

積分: 6526

18^#

發表於 09-11-5 13:04 |只看該作者

其實我覺得人總有錯既時侯, 有D人有得一次緊有第二次... 但我總信有D人係一時諗唔通先出錯的...會真心悔改的...

我老公响我地還沒有結婚時(拍左2個月他到), 佢既EX由於"道"忌我.竟然勾引我老公...我老公當時亦把持不住,雖然我最後原諒左佢. 傷心過後,經過左半年至一年既猜疑.... 果段時間是難過的.. 我會事事問..問完又唔信..好驚信錯佢.... 但時間係最好既證明吧.... 證明了, 佢係真心改過的...到而家都6-7年,都無任何事發生.當然將來既事無人知... 但如果當日我放棄左LEE段關係,..... 諗番轉頭.只不過係我地人生入面既一段極少極少既插曲吧.... 我不會忘記, 但已經不會覺得不開心, 它只不過係一件事, 令我地彼此更了解,方向更清析....

有些人會形容LEE D 事係一條"次", 一條未拔掉既次.. 但我覺得當佢係"踩單車時整捐既一個傷口"吧, 你處理得唔好,可能會發炎, 但處理得好, 仲然會留下疤痕, 疤痕都係記念你開心過, 痛過, 經歷過, 人生絶唔會因為LEE條小小既疤痕而變得不完美的.

[ 本帖最後由 wendy_jed 於 09-11-5 13:20 編輯 ]