吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康 › 婦女醫護› 生完bb周身唔舒服，有產後抑鬱，有無媽咪可以支持下我？ ...

婦女醫護今日: 0|主題: 34346

收藏本版

發帖

返回列表

跳至頁

查看: 2975 | 回覆: 14

生完bb周身唔舒服，有產後抑鬱，有無媽咪可以支持下我？ [複製鏈接]

juju811818

別墅

積分: 674

1^#

發表於 10-6-13 12:13 |只看該作者 |倒序瀏覽 |打印

我已經開刀生完bb半年，之前身體麻麻地，成日都作傷風感冒，全心想生完後可以調理令身體更強壯，又請定陪月，點知坐月時作感冒又勁喉嚨痛，跟住睇西醫又睇中醫...但係成個月都唔好，我好驚傳染俾bb，又唔敢再食陪月的燉品(其實只係食左兩次就開始喉嚨痛)...自此我就開始失眠，成日覺得自己好無用，原本想搞好身體，點知仲衰過之前，終日以淚洗臉，又唔想見人，好怕人地問我身體恢復未！
後來，我覺得自己唔多妥，成日訓唔著(失眠真係好折磨人)，想野好負面(真係會想過死左佢好過)，於是的起心肝去睇精神科食藥，醫生話我產後抑鬱。最初食左藥兩個月左右，失眠問題真係改善左，想法亦正面番，以為自己已經好番晒！
點知上兩個月，我工作方面壓力好大(有project要趕，又驚老闆覺得我生完bb後工作能力下降)，有d衰同事又從中阻撓，令我精神壓力好大，開始有d失眠，同覺得心跳好快...終於有一日開開下會，覺得抖唔到氣，想暈低，同事幫我叫白車入醫院。去到急症室初步檢查無問題，驗血又無乜事，醫生話我係「驚恐發作」！！，抑鬱都未醫完，又黎多樣？！我真係好唔開心！惟有無奈接受加藥止心跳急促...食左兩個星期好d，所以醫生話可以暫停呢隻藥！但我自從驚恐發作加藥後，我就成日覺得頭暈、頭脹(我知唔係心理作用，係真係暈車浪咁)，好影響我既工作，呢個月我已請了三次假(因起身時頭暈作嘔好唔舒服)，老闆面色已經唔多好，搞到我仲大壓力！！我已經三個月前keep住睇中醫調理身體，仲要放工後由新界出到九龍睇，醫師話我血虛、氣虛、又有濕火...唉，總之身體虛弱啦！我斷斷續續都飲左三十多劑茶，但時好時壞！
多謝各位媽咪睇到呢到，今日打左咁多野係想同各位姊妹發洩下，同下支持！

1.我呢排成日覺得好唔開心，睇到係街度好多媽咪都健健康康，湊bb好開心，我就覺得自己好無用，坐月病搞到自己身體咁差！好自責！其實你地都會唔會生完都有d毛病，可以同我分享下點面對？
2.我真係成日都覺得頭暈、頭脹，一唔自在(太凍或太熱)周身就好似有d針拮的感覺！我又超級怕凍，成日在冷氣地方都要著住件外套，但一焗又好易出汗，咁我又會好驚，驚攝親！！總之我就好驚會病！！有無媽咪可以分享下點可以克服這問題？！
3.我又唔可以唔番工(因我是家庭經濟支柱)，但上次在公司暈完後，有d陰影，成日驚會再暈過！確實有時做野急d便開始有心理壓力！其他在職媽媽會咁嗎？

唉，總之近日身體一唔妥就好唔開心，有無人幫到我呀！！

0 0 0

私人傳訊

sukky73923

大宅

積分: 2012

2^#

發表於 10-6-13 13:37 |只看該作者

原帖由 juju811818 於 10-6-13 12:13 發表
我已經開刀生完bb半年，之前身體麻麻地，成日都作傷風感冒，全心想生完後可以調理令身體更強壯，又請定陪月，點知坐月時作感冒又勁喉嚨痛，跟住睇西醫又睇中醫...但係成個月都唔好，我好驚傳染俾bb，又唔敢再食陪月的燉品(其實只係食 ...

可以既話, 你暫時辭左份工, 休息一下,
等所有野都回復狀態先,
BB 搵人上門一起湊, 幫輕下你先,
精神科既藥, 如果有問題, 問下醫生, 轉藥睇下會唔會好D,
你食下D補血既野, 阿膠之類,
唔使太擔心, 人人都有唔開心既時候,
我都有過, 而家好番好多喇,
唔開心既日子一定會好快過的, 放心!!

私人傳訊

soey

禁止訪問

積分: 592

3^#

發表於 10-6-13 19:46 |只看該作者

提示: 作者被禁止或刪除內容自動屏蔽

私人傳訊

小草媽媽

大宅

積分: 1520

環保接龍勳章

4^#

發表於 10-6-14 03:07 |只看該作者

加油啊，你需要的是好好休息和想多點正面的野，心病需心醫，負面野不去想最好。工作上永遠有壓力，能力高者老闆最中意，但能力高者不會永遠都是你。工作不是一切，bb和你自己才是重要的。保重。

我也有產後壓抑症，到bb7個月大時才稍微好轉，現在同bb相處很愉快，自己也慢慢好起來。

希望你也快些好起來。

私人傳訊

arfu_2002

複式洋房

積分: 157

5^#

發表於 10-6-14 15:32 |只看該作者

加油呀，我地會支持你呀，要正面d，唔好咁沮喪呀

私人傳訊

breadb

別墅

積分: 744

好媽媽勳章

6^#

發表於 10-6-14 16:35 |只看該作者

hi..hi...juju811818

其實你已經做得好叻la至少你都會把心事講出嚟又知自己嘅問題....足已證名你是一個自愛嘅人

加油吖!大家一齊支持你!

你要盡量要食多d嘢因要食得飽才有氣力...(唔好食生冷嘢...)
另外你喉嚨痛其實係因為唔夠瞓吖!我生完bb喉嚨都痛咗成個幾月....另外你有睇中醫叫佢開d唔燥嘅補品你食咪得囉!
你覺得頭暈可能你坐在office唔多郁動d血上唔到頭吖!你得閒要起身去厠所或者去飲杯水行吓最緊要預備d糖果小食得閒食番粒糖都好有用!
至於你怕凍我個方法是每晚睡前都用熱水浸下對腳只需用個放到兩隻腳板嘅膠盆放大約40度嘅水浸過腳眼位大約15分鐘之後去瞓真係好work

因為腳板底有晒全身嘅穴位這樣對血液循環好有幫助!又唔洗錢快d試吓

最後可聽多d歌例如同bb一齊聽or利用返工放工坐車時間聽咁樣會輕鬆d!

私人傳訊

CON913

複式洋房

積分: 110

7^#

發表於 10-7-6 00:29 |只看該作者

原帖由 juju811818 於 10-6-13 12:13 發表
我已經開刀生完bb半年，之前身體麻麻地，成日都作傷風感冒，全心想生完後可以調理令身體更強壯，又請定陪月，點知坐月時作感冒又勁喉嚨痛，跟住睇西醫又睇中醫...但係成個月都唔好，我好驚傳染俾bb，又唔敢再食陪月的燉品(其實只係食 ...

你好ar~我同你差唔多一樣都係有你講既問題~我都係生完bb,個人身體好差,生完連續病咗兩個月,之後有埋驚恐症

係我未知自己有咩問題既時候,我睇醫生多過食飯,入醫院多過出街.....連份工都捨棄埋(真係好唔捨得架),但真係無辦法~我果時都覺得自己會死,一有小小唔舒服,我就諗到最負面,同埋一驚就好唔舒服,又暈,又心跳得好快,同埋抖唔到氣.....仲有一听到d車既"隆隆",我就好驚,好想暈.....之後仲做過好多bodycheck都搵唔到有問題,之後先知自己有情緒病~當時我真係好辛苦,好驚,無人明白我................
但之後無做野,湊bb同埋食情緒藥,就好咗好多~不過我食咗3個月無再食~到而家我都間中會發作.....所以自己一定要保持開心,唔好激氣,因為我一唔開心同埋激氣都唔舒服,所以就要自己控制下~其實當你發作既時候,問下自己做咩要驚?!同埋同自己講,"我唔驚,我無唔舒服,我唔暈,我唔會抖唔到氣"之後就真係好好多架~你要加油ar~唔好唔開心la~bb係你既動力,你仲要照顧佢架,我都捱得過,你都一定得架

如果你真係好辛苦,唔知點做,可以搵我ar^^雖然我唔係醫生,但大家可以分享下,我會支持你架~~

私人傳訊

潔姐

別墅

積分: 811

8^#

發表於 10-7-6 23:32 |只看該作者

我5是大肚婆,不過以我經驗所知,你食左補品喉嚨痛,可能是虛不受補,只可滋補,清補,而且你當時重是傷風,根本要停食補品.我一食鹿茸就喉嚨痛.

私人傳訊

kakahappy

大宅

積分: 1244

9^#

發表於 10-7-7 00:52 |只看該作者

我早幾年有過焦慮症同嚴重失眠,醫生最初只係比抑鬱藥同安眠藥,但係都唔得經常頭暈有次差点暈係商場,後來醫生再加陣靜劑比我先好D,前後我都食左2年藥,前年開始冇食藥,最初經常頭痛,又去睇中醫,飲左半年中藥冇左頭痛,(當時我仲食緊安眠藥),之後又想方法戒安眠藥,我上綱睇過外国一種草藥係可以幫助失眠咁我就買黎試下,吃左就係有D幫助,成功戒佢安眠藥,以上係我個經歷,我覺得你要同醫生講問佢你有冇需要加藥或換藥,我當時都換過2次藥,有病初期唔好怕食西藥,西藥係最快幫到你,到後期先藥中醫都末遲,其實你咁遠走去睇中醫就係一種壓力,放心一定会好返,仲有夜晚訓時可以用腹式呼吸法(吸氣肚脹,呼氣收肚),助入睡.加油呀.

私人傳訊

jessicabc

大宅

積分: 1760

10^#

發表於 10-7-7 09:20 |只看該作者

我會支持你,努力呀

私人傳訊

bridge

大宅

積分: 2776

11^#

發表於 10-7-8 08:49 |只看該作者

當你唔開心時，你望下bb，其實能有bb，並不是必然，一切都是上帝的恩典。我生bb時，我雖然沒有不開心和煩惱，不過，有很大很大的脾氣，我一日到黑都在惡人...對象係我老公，我將d氣向佢發洩，所以我產後的日子，都算很開心，因為我耍返工，難得可以這長假期照顧自己的bb，我當時有一種很強的信念，就是能有bb，能生bb是一件很難得的事，所以會抱着感恩的心面對一切，就能平安渡過了產後的日子，所以....以我經驗，唔好心一定要發洩出來，我就用了罵老公的方法(幸好他都體諒我)，唔好收埋在心....
為你祈禱

私人傳訊

TCCmom

複式洋房

積分: 367

12^#

發表於 10-7-8 17:04 |只看該作者

剛剛生完2個月(第二胎), 好明白你的感受. 我生完第3天已感冒, 痰是一大嚿綠色. 心情極差, 又要喂人奶,心口同腰骨痛, 累透了! 我同自己講要補好身體去照顧我的小朋友. 所以到我朋友介紹的中醫師, 足足看了八星期, 己好翻好多, 好精神, 感謝主保守!

我的中醫話呢D叫產後風引起, 希望你早日找到合適的醫生並早日康服.

私人傳訊

joannechow1031

大宅

積分: 1953

13^#

發表於 10-7-11 23:57 |只看該作者

其實看見你的post, 也很身同感受, 我也是有depression + anixty disorder, 也醫了約2年, 用了很多時間去接受自己這個病, 到現在, 我已經明白要放手, 希望你也明白, 情緒病真是一個要較有耐性,時間才能醫治的病, 唔好心急, 盡量令自己唔好向壓力下, 所以我也沒有做全職媽媽, 請了姐姐幫手, 覺得也好了些, 至少有人幫, 我也同醫生講, 我想下年生多一個bb, 其實也是我的願望, 醫生都好support, 令我覺得就算情緒病也好, 其實人生也可以做到好多嘢, 所以唔好灰心, 希望你努力!

ps kakahappy 話有些什麼外国一種草藥, 可以改善失眠, 可否講吓是什麼? 謝謝

私人傳訊

kakahappy

大宅

積分: 1244

14^#

發表於 10-7-12 00:28 |只看該作者

原帖由 joannechow1031 於 10-7-11 23:57 發表
其實看見你的post, 也很身同感受, 我也是有depression + anixty disorder, 也醫了約2年, 用了很多時間去接受自己這個病, 到現在, 我已經明白要放手, 希望你也明白, 情緒病真是一個要較有耐性,時間才能醫治的病, 唔好 ...

GNC嘅VALERIAN ROOT,我最初都食左半樽先覺有幫助,無記錯三佰幾一樽,你上google serch下VALERIAN BOOT,会有解釋,LEE隻草丸d味好鬼臭,開樽之後唔好似為佢壞左,我問過佢係咁嘅味.