夫婦情感 今日: 6 | 主題: 42742

積分: 18722

好媽媽勳章

7^#

發表於 05-3-7 18:06 |只看該作者

Re: 我昨晚發現老公偷偷看四仔.

wendy,

哈哈哈! 同我之前的遭遇一樣, 我老公仲衰到落樓攞荔枝果一陣間 (大約十分鐘內), 先 pause 咗部電腦, 然後至落街. 果次我都嬲咗佢好多日, 冷戰囉! 大家唔出聲, 佢咪唔開電腦.

其實可能大家睇法唔同啦! 正如wendy 話 "同叫雞冇分別", 其他媽咪唔覺痛, 但係我同 wendy 都頂唔順, 個問題就是點解要自已一條友睇, 真係悶到咁發瘋, 定或想學多幾招, 孝敬老婆??? 又點解唔叫埋老婆一齊睇, 咁大個老婆係處仲o麥唔攪? 完全唔理老婆感想, 我哋d女人日頭返工, 放工又要做 lee 做lo, 休息時, 個老公寧願睇四仔唔理自已, 我會覺得好屈就, 好傷心o家嗎! 我同d friend 講, 佢哋解釋咪係悶囉!

話時話, 我條老而家又無睇, 可能睇黎睇去都不外如是. wendy, 你都係唔好咁傷心啦! 過一排無事o家啦! 佢唔出去滾咪算囉! 或者你應該同你老公講吓你的感想, 咪佢以為我哋靜係識得發脾四, 又屈多次就衰.

私人傳訊

bandband

積分: 11510

8^#

發表於 05-3-10 12:21 |只看該作者

Re: 我昨晚發現老公偷偷看四仔.

好似噚晚咁,俾我發現佢有幾隻四仔,我冒火三丈,但我先冷靜自己先,然後玩嘢,趁佢未番到屋企前,將嗰五隻四仔哂冷咁放响我電腦枱面,然後先至去湊仔放學,到佢番嚟時知道自己lai嘢,即刻連環call搵我,我先唔接佢電話,番到屋企,佢即刻幫我開門又猛say sorry...我咪即刻bar bar聲講哂我心裡面想講既嘢出嚟,佢又講番佢既理由(話响band房攞番嚟,話想同我一齊睇...),個理由我接受到,咪同佢講番我既立場囉!

我老公成晚都做咗我奴才,煮飯斟茶遞水乜都佢做哂,佢一發爛渣我咪寸佢囉:"老婆剩係發現你有四仔已經咁心痛,唉...如果第時你去滾我咪痛死?!" :mrgreen: 跟住我隻佬係咁嗲我求我原諒,仲話將'毁滅四仔'儀式交俾我做,我好想大笑架,

不過如果我咁快笑既話,佢係唔會知佢咁樣做係好大鑊架!真係唔明啲四仔有幾好睇! :mrgreen: 噚晚臨瞓我仲專登chow到個gay網俾佢睇,相當核突,我都差啲嘔!我同佢講,下次如果佢要睇四仔記得預埋老婆!總之噚晚我成功地K.O.佢啦!佢試吓再有下一次,我睇基佬都唔睇佢呀~~~!!! :evil:

老公VOICEMAIL 1 2 3

私人傳訊

Mary媽咪

侯爵府

積分: 23122

2025勳章 2025勳章蛇年勳章

9^#

發表於 05-3-10 13:51 |只看該作者

Re: 我昨晚發現老公偷偷看四仔.

?-( 其實你地係咪唔鍾意or唔準你地d老公睇四仔呀？我老公都有睇，佢唔會叫我一齊睇，但係有時我見佢睇都會睇下囉！不過我一睇就會講"呢d野有乜好睇姐？"但係我又唔會唔比佢睇喎，因為我覺得男人睇呢d野係好正常，如果次數太多先話佢都未遲呀...

私人傳訊

garon

積分: 11198

10^#

發表於 05-3-10 13:56 |只看該作者

Re: 我昨晚發現老公偷偷看四仔.

點解唔可以一齊睇?10個男人9個都鐘意睇,好正常.不過係睇得鬼鼠定大方咁解

私人傳訊

jilljojo

大宅

積分: 3832

11^#

發表於 05-3-10 14:02 |只看該作者

Re: 我昨晚發現老公偷偷看四仔.

我老公有時都會半夜靜雞雞係度睇咸碟ga(仲要"哩"埋係書房睇)!有時佢發現我醒咗就會拿拿聲熄機,我問佢做咩咁鬼祟,佢話係我面前睇會覺得'唔好意思',有一次佢瞓咗覺,我自己開咗一隻黎睇(卡通片咸碟),佢知道後就問我點解唔叫埋佢一齊睇~仲話我睇咸碟會令到個仔都咸濕d(我有咗35weeks),真係比佢激死呀! 不過佢都只會睇三仔卡通片咸碟or普通三仔(有劇情果d),都係無咩野睇嘅! 佢話四仔好核突,又無劇情凈係係度dodo,唔知有咩好睇喎...

我的家有~
囉囉唆唆嘅煩人BaBa
傻下傻下嘅咕碌媽媽
少年宅男嘅雞仔謙哥哥
奀皮多手嘅豬仔浠弟弟
醜怪黏身嘅惡馬妹芊妍

私人傳訊

bandband

積分: 11510

12^#

發表於 05-3-10 14:37 |只看該作者

Re: 我昨晚發現老公偷偷看四仔.

[quote]
garon 寫道:
不過係睇得鬼鼠定大方咁解

老公VOICEMAIL 1 2 3

私人傳訊

積分: 19473

13^#

發表於 05-3-10 16:31 |只看該作者

Re: 我昨晚發現老公偷偷看四仔.

先旨聲明, 我係男o既, 只想講吓男人會點看這事.

我覺得你太眼緊. 首先你有無諗過佢點解無叫你一齊看呢? 你之前有無叫佢預埋你呢? 到見佢看時, 你咁大火, 唔使唸佢以后會叫你啦!

我可接受在我同意的情況下大家一齊看,但絕不能偷偷看
,我覺得他在背叛我,同在出邊叫雞冇分別,這樣太不尊重我.

我覺得唔Logic o羅, "偷偷看"就似"在出邊叫雞", 咁同你一看就唔似咩? 仰或佢同你一齊的話, 叫雞都得? 好明顯看四仔和叫雞差天共地, 你要無限上綱就無計.
好似看言情小說有D代入感就係心理上不忠, 咁你頂唔頂得住?

其實我覺得男人好多時看3/4仔只係想做D輕微"越軌"的事來減壓o者, 好似有人躲起"料"鼻, 咬指甲之類, 自己都知道唔正道, 但做起來就有解脫的感覺.

可能你覺得3/4仔好多時佢會連帶打飛機, 令你有叫雞o既感覺. 不過我話你知, 男人打飛機係好 Relax o既事, 因為唔使想著取悅對方, 唔使証明自己能力. 同叫雞完全兩回事.

希望你好怏會有機會俾你老公講下o野

私人傳訊

積分: 19473

14^#

發表於 05-3-10 16:36 |只看該作者

Re: 我昨晚發現老公偷偷看四仔.

贊成鬧你老公, 不過不是鬧咸濕佬, 係鬧假道學, 偽君子!

[quote]
bandband 寫道:
[quote]
garon 寫道:
不過係睇得鬼鼠定大方咁解

私人傳訊

積分: 19473

15^#

發表於 05-3-10 16:43 |只看該作者

Re: 我昨晚發現老公偷偷看四仔.

假如你有D壞習慣, 比如"料"鼻哥, 咁你會唔會係你鐘意o既人(e.g. 老公, 阿媽...)面前做呢定獨自做呢? 比佢見到會唔會即刻收埋呢?

唔明同"貓點解鍾意食魚"有關 ?-( ?-(

@wendy@ 寫道:
（看四仔只是看, 不等如出外叫雞）但他在思想上己經唔尊重我.我都想知老公點解要獨自睇四仔,這個問題今我想起貓點解鍾意食魚.

私人傳訊

積分: 19473

16^#

發表於 05-3-10 16:50 |只看該作者

Re: 我昨晚發現老公偷偷看四仔.

邊個話D咁野? 你自己覺得定你老公話? 你老公不出聲的話你知你老公點諗嗎?

假設你有本書或VCD咁, 你會叫老公一起看嗎?

@wendy@ 寫道:
我都唔明點解男人睇女就正常,女人睇仔就賤格.

私人傳訊

bandband