吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 今日真係嬲到火屎都標埋出黎~~(但個心唔知點解仲好唔舒 ...

心聲留言今日: 0|主題: 17564

收藏本版

發帖

返回列表

跳至頁

查看: 1608 | 回覆: 4

今日真係嬲到火屎都標埋出黎~~(但個心唔知點解仲好唔舒服,好似比野壓住咁) [複製鏈接]

唐老鴨

洋房

積分: 207

1^#

發表於 05-3-29 03:08 |只看該作者

今日真係嬲到火屎都標埋出黎~~(但個心唔知點解仲好唔舒服,好似比野壓住咁)

我同我一個本應頗好仔的細老一齊做生意(開外賣店)咁我另一個頗爛賭的細佬就開左間先,(但在佢未構思前呢個是我們的構思,唔知我阿媽有冇外沁....)開舖的細佬本身就是用緊老豆比我果間舖...(因為老豆比左層樓佢,佢按左)我阿媽好鍚我細佬,於是曾許下諾言...謂..有佢大日喺度,我細佬都可以用呢間舖,於是我都唔夠膽出聲~~一忍就忍左兩年,我寧願同我另一個細佬喺出面租人舖做,同埋容忍我老豆苛克的條件(唔係用我老豆d地方,唔可以開同區...比d朋友同我老豆d親戚問到我口啞啞....)總之我地做乜都好,我果個細佬就做乜頂我地....寧願蝕本的照頂,因為兩區相隔不遠,所以影響都好大,因為斗平我哋根本斗唔到...阿媽唔收佢租,仲可以幫佢貼埋水電費電話費雜費,同埋伙記人工....仲幫佢手送埋外賣!!(無晒意見...我都係佢個女....)同我夾份果個細佬本應心灰.我鼓勵佢,嗲d媽嗎冇咪鍚你,但我從少都好鍚你,你自己知..有我唔會唔睇你,雖然我地唔駛蝕....但長此落去始終唔係萬全之策....於是我提議我哋唔開朝早,連中午都唔開,開下午同淩晨...起碼可以多時間訓下.....就係咁我哋渡過了個年頭...我們的朋友無一說我果個細佬不是,但家家有本難諗的經,唔想同人講~~~一年又過去了,我們都咁上下約满...諗住都儲到點錢,不於發大黎攪...同埋做外賣始終不長遠.....可能呢樣打算比媽知道了....於是有所打算....我媽走去同我細佬講話佢間舖唔比另一個細佬做,比佢做,同一時間我果個爛賭細佬就loud我地夾埋一齊做,我自己心諗...終於可以用番自己地方,當然冇意見,我另一個細佬都好同意,(因為佢好好仔)實質我個爛賭細佬好生意過我地好多,佢提出同我地夾份的願因係因為佢女朋友好唔生性,成日掛住玩同賭錢...佢女朋友唔開工,佢就唔夠人,開唔到工,好影響生意,(佢唔願意比佢女朋友hin住個nose走...所以諗番起屋企人(佢識佢女朋友咁耐..只諗佢女朋友屋企果邊,從來冇諗過我地,去澳門賭$$$$win了六十萬,連同佢女朋友屋企人飲餐茶(平時我比都算,十次有十一次都係我比)只得我同我阿媽,其他全佢女朋友果邊d人,我阿媽都仲叫我比錢請飲茶...my god!!!我淨係啱岩黎到食左一條腸粉咋~~我都未飽就叫走~~!!!!.算.......照比!!!雖然比得唔甘心!!!!!)
於是就係咁...我地退左租,因為租期未到,冇按金攞番,但我諗住計番都係一條數.......因為用番自己地方,七除八扣都唔駛點蝕....於是我哋就合作了...點知.....開了舖一日,我個爛賭細佬就反口覆舌....話佢要佔舖頭一半...因為佢女朋友幫我地手....佢本應少奶奶唔駛做,而家要幫手做,所以佢要比番多d$$佢....(之前己經減我人工,佢同我另一個細佬話自己做開kitchen,辛苦,所以人工要高我兩千蚊,我都己經算,(我自問未開舖之前我係一個文職的supervisor,仲係唔多駛做,管人果隻,仲有會計..又電腦...由文書到唔係文書...總之9唔鎝八....包括公商管理..乜野文憑我都有張果隻....點知我個爛賭細佬竟然話佢女朋友一個己經可以攪掂....好...我忍(我真係唔信佢哋一個人可以番工番18個鐘)我己經幫佢哋請了一個廚房幫手,總之佢地兩兄弟拍住上就冇後固之休...)
人工我可以少....但係股東點都唔少得...

於是我刷了伙.....
但係佢地冇計清數比我不下止...仲用埋我隔離另一間舖用黎做貨倉...(冇交租比我阿媽)連我本應放喺度的fax機同無線電話都攞埋黎用(開頭問佢地要唔要,如果要就折舊賣番比佢地,不過佢地連六百蚊都唔肯比)於是我話要攞走,但佢地遲遲唔攞出黎不下止,仲用埋我隔離間舖做貨倉...(冇交租)於是今日同佢地炒大鑊......因為佢話果dfax 機同電話阻住佢地攞野(貨倉果邊)所以攞左去佢地開舖果邊擺住先.....仲要話如果我要番d嘢,佢會攞番番屋企,叫我番屋企攞,唔好成日用key去開舖頭隻門,佢哋有野擺喺度.....(我都係去另一邊咋,唔係係佢地開舖果邊呀!!!!我見到佢有個阿姨清潔緊我都唔會入去亂咁巢野啦~~~我都好尊重佢哋啦~~~)我登時火都著埋....我話....舖頭係我的,我鐘意擺乜都得,擺係度唔攞又得,我鐘意唔比你哋擺嘢都得....佢知冇聲出~~
但我好心灰....我果個細佬...好似當我仇人咁~~!!雖然窒完佢,但仲係好唔開心!!

:wave:

我來自迪士尼

私人傳訊

豬婆婆

複式洋房

積分: 426

2^#

發表於 05-3-29 17:25 |只看該作者

Re: 今日真係嬲到火屎都標埋出黎~~(但個心唔知點解仲好唔舒服,好似比野壓住咁)

唐老鴨,

做人難, 同別人合作做生意更加難上難! 家和萬事興.

私人傳訊

肥tam

大宅

積分: 4969

3^#

發表於 05-3-29 17:50 |只看該作者

Re: 今日真係嬲到火屎都標埋出黎~~(但個心唔知點解仲好唔舒服,好似比野壓住咁)

唐老鴨:
就係因為有呢d咁唔識做的亞媽or奶奶(偏心),所以我以後同佢地計到足,總之唔好蝕底,廢事比佢地食完多謝都無句,仲要谷住度氣.

私人傳訊

唐老鴨

洋房

積分: 207

4^#

發表於 05-3-30 07:35 |只看該作者

Re: 今日真係嬲到火屎都標埋出黎~~(但個心唔知點解仲好唔舒服,好似比野壓住咁)

終於有人應吓我囉~~
我以後都唔會同佢哋來往呀~!!

呢十年以黎,信佢哋一次就害自己一次~!成家都係咁~!!阿媽愛d仔,老豆愛阿媽...

我阿媽前日仲好厚顏咁問我借車,仲叫我幫佢手做野,又話自己點唔得閒..(要幫我d細佬手)所以叫我幫佢手,我都忍佢..淨係話我要同老公有野做,唔得閒..
到佢用完車攞番key比我,我費事見到佢,我都係叫老公去開門,我老公仲懶好咁,叫我阿媽入黎飲湯,不過佢冇入黎,梗係...成十一點咁夜都未番屋企煮飯比老豆食,佢仲夠膽唔快d番去咩~!一間老豆問到佢又話因為我唔幫佢手佢做唔切,所以咁晏番去架啦~費事理佢~!!!成日有乜都賴我!!!

:wave:

我來自迪士尼

私人傳訊