我個經驗係咁：（可能有D長）
像我囡囡細個時，每經過琴行都會走入去彈（當時只有四歲），可能當時還未正式接觸過鋼琴，有一次，我去朋友屋企，因為佢有個鋼琴，於是我囡囡就係到彈左一首好短既歌（而當時已經係六歲），於是我朋友聽到佢彈完後，話囡囡對音樂好有天份。
到左今年，老公話想亞囡學一樣樂器，佢話想比佢學彈琴，而我們已經問左亞囡係唔係真的有興趣學，她話有興趣，於是我找了一位鋼琴老師，因為係我妹妹的朋友既老婆，而且，教小朋友很有心機，不過，因為我屋企無琴，所以，我們要到老師家中學習，而老師在第一堂開始（因為係初級），老師也要求我也一起跟囡囡學琴，所以，我也對樂理有初步認識，仲有亞囡做功課時，我也可以幫她睇功課，而我也要到附近的琴行租琴練習。
記得，上年暑假開始學習，所以，時間可以選擇在星期六，時間唔會太趕，但一到開學時，因為老師要相就其他學習同學，我們唯有選擇星期五晚上時段，因為我們要搭車，所以一來一回加埋學琴時間都要３個小時，而且，學完琴要做教琴老師給的功課，初頭亞囡做得都好開心，但過左一段時間後，每次叫亞囡做教琴老師給的功課時，總好像不願意，跟初時判若兩人，其後一路有問亞囡，想唔想學琴，亞囡仍然話想，但我feel到的不是這樣，其後，再問亞囡同一問題，亞囡終於都表態，唔想再學，原因係跟本佢無興趣，但又不敢同我們講，怕我們會責罵她，因為亞囡興趣係畫畫方面，看著她在畫畫方面有信心及興趣，最終我們也報左畫班。
所以，對我來講，不要太早為子女決定興趣，因為小朋友太細個，還未知道自己的興趣在哪方面，情願睇定D，唔駛浪費時間同金錢。
[ 本帖最後由 tsuitung 於 09-12-17 13:37 編輯 ]
世間最美妙的事情，就是擁有一個溫馨的家庭。我們可自然從容地回到家中，無拘無束地被家庭接納為其中的成員。 ;-) (維斯各特)
發表於 
law
返回列表
