成條街啲人望鬼住我地)...多不勝數!嗰陣我都得嗰廿一歲,我都有唔開心架!甚至好似你依家咁諗,好想一嘢飛起佢! 
不過,當你同佢相處耐咗,摸熟佢啲性格,而且自己人生經驗多咗,識諗咗,你就我佢佢又間唔中發少一陣脾氣,你同佢好自然協調到,同埋慢慢你就會發覺對住自己隻佬就同湊住隻百厭仔係無分別!你直頭當佢係個細路仔咁湊,佢發脾氣,你偏偏同佢玩軟皮蛇,當正你係佢亞媽咁:"乖呀,唔好咁忟,老婆呵番~~~",攬吓佢摸吓佢,佢自自然然就會乖番,當佢唔發老脾時,你咪詐佢嬌同佢傾吓偈,笑吓佢頭先發脾氣時點搞笑法,佢自自然然會無咁大脾氣...
男人就係咁,激少陣老婆都唔得...
bandband 寫道:
佢係咪因為要做個爸爸,覺得責任大咗,壓力大咗,所以先至咁易發脾氣呀?其實都好小事,每個人都有脾氣亦有佢既缺點,況且老土講句,男人真係遲熟啲架!基本上男人都係要過咗卅歲,人生經历多咗,先至識得諗,叫做識得點去就吓人(但都唔係時時,只係比後生事多咗),我隻佬都係咁架!佢仲堅啦,bb啱啱出世唔識講嘢實喊架啦,bb喊佢都可以唔開心到踢門甚至同亞b一齊喊,自己倒瀉水又黑口面亂哂龍,眼瞓又發脾氣,行街攰又發脾氣,條街多人又發脾氣,連我詐佢嬌同佢玩時,佢都可以嚟真當街掟衫爆粗(
唔知你明唔明,,,我都係用呢個方法治我隻佬,咁當然,我有時仲惡過佢啦!不過唔係真惡,只係窒吓佢恐嚇吓佢,話俾佢知如果下次佢又係咁,我就會學佢咁發脾氣,我到依家都會同佢提番以前佢點發脾氣,講完我同佢都會忍唔住笑,因為太白痴@@!!!
算啦,原諒佢啦,佢都有佢既壓力既,有時男人就係咁粗心大意,剩係一味諗自己,唔代表佢自私,只係佢掛住諗自己有幾大壓力時,唔記得咗諗埋老婆嗰邊,啲男人係咁無腦架!次次都要我喊住咁話俾佢知我既壓力同憂慮,咁佢先至恍然大悟,仲怪番我轉頭:"做乜唔一早話俾我知呀...sorry呀,老婆,我唔知你咁唔開心架!"
點都好,你安心養胎啦!到bb出世時,其實你同佢既關係會好,始終生bb係一件開心既事,到時掛住哂亞b出嚟俾人睇都無時間理佢發唔發脾氣啦!
大家都笑番吓啦!兩公婆至大既情趣都係你鬧吓我我又鬧番你轉頭咁啦!到你諗番轉頭,諗番佢之前點牛精亂發脾氣/你點制服佢時,真係會覺得嗰陣大家都好白痴,咁小事都可以嘈餐飽,而且真係覺得佢真係好可愛,同湊囝囝既感覺無分別!永遠都覺得佢係個大細路,欠打既賤小孩!所以唔止我一個咁認為,好多媽咪都覺得老公就係大仔,bb先至係細仔,一湊就要湊住兩隻怪獸,你可以話係辛苦,但查實又好慶幸自己有兩隻怪獸咁需要你,願意响你身邊扭你計!我隻佬真係好誇架!明明係佢玩開頭煩住個仔先既,個仔頂唔順佢响度喊/搵玩具掟佢,佢就跟埋亞仔發好大脾氣,成晚我都係對住兩塊黑面,一氹就要氹兩件,呢啲咁既情況,年中我都發生過唔少!好似噚晚咁,我都係對住一隻大喊包(我囝囝)同一隻牛精(隻佬)咋~~~!!!
發表於 
返回列表
