大仔大女媽媽會

收藏本版
發帖
返回列表
跳至頁

首頁
1

尾頁
   0
ho528man


大宅

積分: 4897

好媽媽勳章


1#
發表於 10-1-1 22:08 |只看該作者
想借個位比我澄清一吓
我與另一位在0711認識嘅mami發生咗d事,對方多次在佢嘅文中提到我係0711嘅mami,所以我想0係番0711討論區,讓認識我嘅mami唔好對我有誤會,
內容如下:
對方嘅post
o係bk度識左一個令到自己好失望既人

O係一年多前,大仔仲得幾個月大既時候,O係網上識左個媽咪朋友...大家年幾都差唔多,諗住可以好FRIEND,好傾得埋...一路既日子都過得好好,
好好...
我仲帶佢識哂我身邊既朋友,屋企人,我每一個屋企人都對佢好好,就好似自己既屋企人一樣咁好...
o係大仔大約9個月大既時候,一次既gathering,我唔見左相機...
o係過左幾個月後,我又唔見左$200既一田禮券,(禮券連封大到好似張支票咁,真係唔可能跌左)
又過多幾個月,銀包明明有3張$500紙,但又可以唔見左一張,跌都唔會跌一張啦...
又過多幾個月,又唔見左電話,係o係公園既時候唔見既,我放左o係手袋,手袋就掛左o係bb車,事問會唔會有陌生人咁大膽,行埋嚟我部bb車度攞我
個電話,但銀包就唔攞...??除非攞我電話既人好清楚我銀包係冇cash架啦...
又過多幾個月,經過咁多次教訓,自己都已經小心左好多好多...肯定放左個電話o係手袋,手袋一路跟身,只放過o係人地部bb車,但點解最後又會
唔見埋個電話,但銀包又依然o係度??
返到屋企,身邊既人知道我唔見野,都會同我案件重組,問我最後見過係幾時,跟住去過邊,做過d咩...
但唯一得一個人有,仲要我每一次唔見野,都同佢一齊...
就算係我既大意,真係會同佢一齊先大意嗎?就算係我既大頭虾,又真係會o係呢一年多先大頭虾嗎??
一切一切都只係會自己既猜疑,冇憑冇據唔可以話人,所以一直以嚟,我都冇出聲,只係自己唔再搵呢個人就算喇...咁樣,我覺得對大家都會好
d....
到左琴晚,佢既一個朋友呢幾日都突然之間係咁o係我facebook度回應我,好似我關心我咁...跟住又有意無意話我本來既朋友冇話佢知...
跟住就值住咁既機會嚟問我,到底咩事!!
我諗左好耐,講唔講好呢??
最後,我講左,因我知道呢個人點樣應成我唔同我朋友講都好,佢既性格一定會講...
最可笑既就係,呢個人仲要同我講,我一定唔講啦,我係一個不問世事既人!!哈.....真的當我傻的嗎??
我講係因為如果我係我朋友既話,如真係有做過,我都想知係咪已經穿左煲...如我冇做過,我都想知係咪有人屈我...
既然佢咁想知既,我覺得都要有一個明白,所以我選擇講左出嚟!!
不出我所料,今朝一早我收到一個我朋友SEND嚟既SMS,好長好長,內容如下 :
"" 到左今日我先知道我地呢兩年係白過,O係你眼中我原來係一個咁既人(小偷),不如我又講返我既感受你知...我對你係冷淡,唔係我心虛,係心
淡...由我生日開始,你有冇同我慶祝?禮物我都不敢有期望!!姐姐生日你都會同佢慶祝,但我同你悄同姊妹既關係,都及不上一個姐姐??到左妹豬
生日,我滿心期待你真係會封利是比佢,但你又一次令我失望,丕如你所講,大家好清楚大家咩環境,我從來買禮物比你地我都冇計較,而你??請你
想清,我唔係由你唔見電話開始先對你冷淡,我係由我個女生日之後已經小左聯絡,如果唔係我地O係迪士尼就唔會唔一齊玩,連影一張合照都冇,
經過呢件事之後,我先知道原來大家既關係連朋友都不如,我真係對你好失望,就當從來冇認識過啦 ""
解釋返小小先啦...
佢個女封利是,係因為佢媽咪自己睇中左對BOOT,問我靚唔靚,我話靚,但佢老公唔比買,話唔靚,跟住我話,買啦,當係我送既生日禮物,叩佢自己買
左先,我再比返利是佢...
但真係呢排太忙喇,加上識我既人都知我記性真係好差,所以我真係唔記得左...
至於佢自己既生日禮物,O係我唔見電話當日,我係特登帶埋細佬,大仔仲有姐姐,咁樣出沙田買左比佢,禮物係佢自己簡既!!
跟住我就再SEND返SMS比佢,內容如下 :
""6次既巧合真的曷誤會嗎?我都好希望不是你!但如果你係我,你又會點諗?真係怪得我咩?你話你既生日禮物唔敢期望,你又想期望D咩野?禮物係
你自己簡既,我都特登出沙田買比你!我冇封利是比你個女,係我真係唔記得,但妹豬生日時我真係一樣野都冇送比佢咩,雖然唔係D咩貴重野,但份
禮物真係冇心思既咩?你又話我冇同你慶祝生日?我叫你嚟我屋企,,只係你自己話要湊仔,我叫過你湊完仔先一齊嚟,係你自己話唔得!咁我又可以
點?我湊住兩個仔我又可以點同你慶祝?生日禮物你都話已經收到,但我另一個好好既十多年朋友 (囝囝契媽 ),早你幾日生日,到左今日,仍然未
收到,佢又會好似你咁同我計算嗎?你話你對我心淡同埋失望,難道我又唔係咩??到今日我先清楚知道,原來O係你心目中要用咁大個算盤去對朋友
!!發生左呢件事,真係唔知係你唔好彩定係我唔好彩喇,但總算比我知道,原來你係一個可以記到咁多野既人!!""
跟住今日下午既時候,我又再一次收到呢個人既信息,內容如下:
""你把所有事倒轉哂嚟講,我唔會再同你癲,你有思覺失調,就連你老公...你都覺佢對你唔好,何況我??你都係快d睇醫生,我誠心祝福你早日康復
""
我打咁大篇野出嚟,係我真係好想問問大家,到底係咪真係我有問題??到底做朋友既應該係點??佢話我連我老公都話對我唔好,事問,如果鬧緊交
既時候,又點會覺得對方已經對自己好好...我唔同一d人,我經歷左好多,先可以同我老公一齊,我係諗得好清好楚既...咁我內心又點會覺得我老
公對我唔好呢??
而家我真係好想問問大家,到底係咪真係我問題??
如果d人真係冇做過,點解比人屈都可以隻字不提,會拉到咁遠去講第2d野??又如果真係冇做過既,又點解一路好似好好人,突然間可以180度轉得
咁快??
到底真係我錯嗎??大家可以幫幫手,評吓理嗎??

......................................................................

我嘅post

我就係樓主口中嘅(好姊妹小偷),0係兩個月前,我哋仲係姊妹相稱,估不到現在我變成一年多內不斷偷你嘢嘅小偷,由一開始我覺得我同你嘅事唔
係咩新聞,唔需要攞上facebook,bk去大事宣揚,既然你咁想公開,我就逐一回應.
To: carman
(一) 你話我從來冇解釋過你0個6次(巧合),係因為我只係當你發悔氣,冇諗過你口中嘅巧合演變成今日嘅肯定,肯定到要上埋bk去評擊我,真係
估唔到當日嘅好姊妹會變到今日嘅仇人,我一直sms回你,係諗住大家冇朋友做亦未至於要變仇人,但你一次又一次毫不留情嘅攻擊真係又再令我
失望.
(二) 第一次出0黎gathering你唔見相機,你係同我講懷疑景愉媽完全冇話懷疑過我,仲好主動打比我,之後我哋先可以變得熟絡.中間0個幾次
我都唔識點同你講咁耐之前嘅事,只係覺得原來你一直懷疑我但又扮到同我咁friend,真係唔知你可怕定我可怕,最後呢次嘅唔見電話你明明0係
餐廳唔見,我仲番落餐廳幫你搵點解會演變成0係我bb車唔見?我係到向你講一次,我冇偷過你任何嘢,我唔係好有錢,但不至於要借要偷
續......
(三) 你話你有打算同我慶祝,我嘅生日係7號,你記唔記得你話同我慶祝係幾多號?係10號,姐姐嘅正日生日,你叫我入你屋企順便一齊切蛋糕咋,
我哋咁好嘅關係你竟然幫一位新到嘅姐姐慶祝生日順便同我慶祝而唔係同我慶祝生日順便同姐姐慶祝試問我點會唔失望但我有錯ma?呢個唔係第
一道裂痕係第二道
再續.......
(四) 十一月尾嘅時候,妹豬封利是係你答應我,我買咗對鞋先,你封番利是比佢,你仲話爭乜都好都唔會爭利是咁唔好意頭,但到咗0個日你同我講你手緊爭住先,我係失望你又再言而無信並唔係你所謂嘅計較點解而家你嘅版本又話係唔記得????????言而無信你更加唔係第一次,0係上年6月你話你老公已經幾日冇比錢你,你連買餸錢都就0黎冇問我借咗第一次錢,你答應我月中你老公一出糧你會還番錢比我,但係你冇,一推再推,到7月尾我再問你你先還番d錢比我,去到8月中你再問我借錢,今次你話p朋友幫你借0個筆分期貸款到期要還,0個次d錢到而家你都未還,最慘係我知你唔係冇而唔還只係幾百蚊"姐",我被你一次又一嘅言而無信怎能不心淡,呢件事係第一道裂痕
又續.....
(五) 我從新解釋,我唔係0係你唔見電話之後先少搵你,係由妹豬生日利是嘅裂痕開始好少主動打比你,我哋唔會再講電話講到工更半夜,因為我想將你由好姊妹退下來做回普通朋友並唔係你講嘅心虛
(六) 新一年比個新開始大家la,唔好再咁介意人哋點睇你,我話你有病唔係激你,係你成日要扮幸福扮富貴怕人睇唔起你,迫自己成日講大話會好辛苦,所以先懷疑你有病咋!
私人傳訊

arcaar


子爵府

積分: 14979

好媽媽勳章 醒目開學勳章


2#
發表於 10-1-2 03:02 |只看該作者
估唔到而家件事演變成咁＞＜點都好，邊個偷野天會知？我好多謝你講晒出黎．．如果你講既係真，ｃａｒｍａｎ真係懷疑過我仲幫我改花名．．咁我應該要遠離佢．．
私人傳訊

kaden_wong


別墅

積分: 544


3#
發表於 10-1-3 01:32 |只看該作者
既然都開哂名既,我都應該回應一吓...我都唔想變成一個隨意屈人既人...
其實呢段post係o係自由報料可以睇到既...至於我講左出嚟,係全因我o係識左一個人後,即呢一年多,有6次唔見野,而咁巧合,我6次唔見野,都係同呢個人一齊,不論o係街啦,同其他媽咪gathering啦,同埋o係我外家啦,都係一樣唔見野...
而又咁巧合,我唔同呢個人一齊既時候,我一次都冇試過唔見野,
我只諗緊,6次既巧合,唔通我諗吓都有問題...??
本來真係朋友一場我都唔想寫出嚟,但因為有人叫佢現在好友嚟問我,套我講野,我心諗,ok,你咁想知,我就比你知...
但我一直,到而家為止,我都係講緊,我只係6次之後就開始懷疑,但我冇憑冇據,我唔會講d肯定或小偷既字眼...
講完之後,o係第2日,我就收到以上既sms...
最得人驚既係,本來係好好既一個人,突然變得唔同哂,講第2d野都唔止,仲叫我睇醫生...
所以我就post哂出嚟,問問大家,到底我係咪有問題,我係咪需要睇醫生??
而呢位朋友依然咬住唔放,o係自由報料仲越講越多唔關事既野...
我要講既就係,好簡單
我o係呢一年多,唔見左6次野,而6次野都巧合咁同呢個人一齊,但一個人既時候係冇唔見...最後仲要比人數返轉頭,講左好多唔關事既野!!
咁各位識我地既人自己去睇啦...
我都唔想再講喇...
私人傳訊

加應子


大宅

積分: 1288


4#
發表於 10-1-3 14:35 |只看該作者
原帖由 kaden_wong 於 10-1-3 01:32 發表
既然都開哂名既,我都應該回應一吓...我都唔想變成一個隨意屈人既人...
其實呢段post係o係自由報料可以睇到既...至於我講左出嚟,係全因我o係識左一個人後,即呢一年多,有6次唔見野,而咁巧合,我6次唔見野,都係同呢個人 ...



Kaden媽妳仲唔死心??妳係咪要攪到真係令妳好難堪至肯收手??妳知唔知道俾人屈係咩感受??
妳知唔知俾人擺上網明唱係咩感受???
人地有證有據證明到自己無偷妳野.
但妳有咩證據證明自己唔見野??有咩證據認為佢偷野??
要玩都玩夠,要鬧都鬧夠.
妳係咪真係要攪到我幫佢出封律師信告番妳轉頭先安落?!
妳想攪咩,妳自己最清楚.
我同情妳,但更加愛護阿Ling.我攬佢一定攬到底!
希望妳明白.我都唔想言語傷害妳!更加唔想再,一步令妳無面.

私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy