自由講場

收藏本版
發帖
返回列表
跳至頁

首頁
1

尾頁
   0
cy101


象牙宮

積分: 209778

2025勳章蛇年勳章 2024年龍年勳章 牛年勳章 2018復活節勳章 育兒性格勳章 好媽媽勳章 醒目開學勳章 畀面勳章 環保接龍勳章 大廚勳章 BK Milk勳章 15週年勳章 親子王國15週年勳章 親子王國15週年勳章


1#
發表於 10-1-12 08:17 |只看該作者
新聞故事——港人崇尚歐美自然療法 嬰兒不打預
防針隨時爆疫
2010-01-12

近年歐美各地不時爆發零星的德國麻疹、水痘疫潮，醫學界歸咎於一批信奉自然療法的年輕父母，拒絕安排子女接種疫苗所致。自然療法在港日漸盛行，新一代父母堅信自體免疫，未有參與「兒童免疫接種計劃」或選擇性接種疫苗，有傳染病醫生擔心香港隨時會步歐美後塵，直言：「一百個小朋友得一、兩個唔打（疫苗），問題不大，當四、五十人都唔打，就好易爆（疫情）。」

一般醫院會為初生嬰兒接種卡介苗、乙型肝炎及滅活小兒麻痹混合疫苗等多種疫苗，但育有一子一女的Kim在子女出生時，卻要求醫生不要為子女接種疫苗。Kim是從加拿大回流香港定居，加國流行自然療法，她以往生病會以花藥治病，極少服西藥。

五年前，當她懷有長子Adrian，游說丈夫不要在Adrian出生後注射疫苗。「香港的BB一出世就要打好多種疫苗，加拿大不會。當時看完一些外國文獻，知道疫苗含有水銀，我不想兒子一出世就接觸水銀、疫苗這些化學物，所以同產科醫生講明，不要為我的BB打針。」Kim憶述，當時產科醫生表明不同意其決定，雙方爭持不下，轉看另一名接受自然療法理論的產科醫生。

兄傳染水痘幼妹面留痕

Adrian出生後，健康情況與其他幼兒無異，其後妹妹Brenda同樣沒有注射任何疫苗。直至Adrian就讀幼稚園中班時，學校爆發水痘「疫潮」，約八名學生先後「中招」，Adrian受傳染而長出水痘，更將水痘傳給只有數個月大的Brenda，Kim才驚覺問題嚴重。「雖然水痘不是甚麼大病，但Brenda當時集中出在臉上，又發高燒，所以我屈服帶他們去看醫生，第一次打針食藥……好內疚，雖然老公無話我，但好對唔住個女，Brenda臉上到現在還有兩個疤痕。」經此一「疫」，Kim為一對子女補打卡介苗、麻疹及乙型肝炎等疫苗，她直言：「現時回想，好彩只是出水痘，如果係（乙型）肝炎就大件事，（我）以後都唔敢博。」

Kim的好友陳太同樣主張自然療法，但一提起女兒的疫苗注射，她立即「轉」，認為女兒尚年幼，免疫力不及成年人，故定時帶女兒到健康院檢查及接種疫苗，「香港的學校學生多，小朋友又細，唔識生，一個有事，就好快傳開去，唔打針始終蝕底。雖然（注射疫苗）有潛在風險，但機會率始終低。」

歐美傳染病捲土重來

傳染病專科醫生勞永樂警告，如不為兒童接種疫苗，或會引發傳染病爆發。他指，近年歐美地區兒童注射疫苗的數字偏低，最終導致麻疹、腮腺炎（俗稱痄腮）、德國麻疹及百日咳等傳染病捲土重來，感染人數不斷上升，他直言：「唔打防疫針的問題已經在歐洲出現，香港雖然未見，但要小心。」

生署資料顯示，過去兩年感染腮腺炎及德國麻疹的個案有上升趨勢，其中腮腺炎由前年的一百三十六宗增加至去年的一百五十九宗，增幅近一成七，德國麻疹由前年三十八宗，去年增至四十六宗，升幅逾兩成一。而結核病則下降，由前年的五千七百三十宗，去年減少七個百分點，降至五千二百八十八宗，水豆去年有六千零三十三宗，較○八年減少三成二。

流傳打疫苗會自閉症

勞永樂指出，不少家長因為坊間流傳嬰幼兒接種疫苗會增加患上自閉症、腸道病「克隆氏症」等病症，拒為子女安排注特防疫，是極為錯誤的決定，因為部份傳染病對嬰幼兒構成生命危險。他認為，現時生署提供的「兒童免疫接種計劃」內的所有疫苗，均有必要接種。

記者黃慧心
私人傳訊

cy101


象牙宮

積分: 209778

2025勳章蛇年勳章 2024年龍年勳章 牛年勳章 2018復活節勳章 育兒性格勳章 好媽媽勳章 醒目開學勳章 畀面勳章 環保接龍勳章 大廚勳章 BK Milk勳章 15週年勳章 親子王國15週年勳章 親子王國15週年勳章


2#
發表於 10-1-12 08:19 |只看該作者
各人睇法唔同, 大家要衡量風險!!
私人傳訊

candiceLingLing


子爵府

積分: 10202

好媽媽勳章 醒目開學勳章


3#
發表於 10-1-12 10:05 |只看該作者
我自己比較認同呢句：

一百個小朋友得一、兩個唔打（疫苗
），問題不大，當四、五十人都唔打，就好易爆（疫情）。

六七十年代疫症橫行，疫苗的出現的確保護了小朋友。。同時亦都令到疫症絕跡。這是無容置疑的。

過了數十年，人們在健康太平的環境生活久了，忘記了疫症的威力，開始抗拒入侵性的保護，崇尚自然療法。
當越來越多人不接受疫苗保護，疫症爆發的機會也相對提高。
私人傳訊

polly0503


大宅

積分: 3467


4#
發表於 10-1-12 10:27 |只看該作者
咁樣咪變相自然"圖"汰,抵抗力強就有得生存,抵抗力差就唔可能生存.

私人傳訊

ShinTeresa


侯爵府

積分: 20956

好媽媽勳章


5#
發表於 10-1-12 10:39 |只看該作者
我覺得跟晒健康院d針黎打 應該ok
原帖由 polly0503 於 10-1-12 10:27 發表
咁樣咪變相自然"圖"汰,抵抗力強就有得生存,抵抗力差就唔可能生存.
私人傳訊

LUON


大宅

積分: 3466


6#
發表於 10-1-12 10:56 |只看該作者
我都係中醫的粉絲,
全家平日有病都唔會食西藥,
但我都會比我仔女打基本的免疫針。

因為這是唯有一個方法,
可以在較為低風險的情況下,
使他們得到免疫保護!
私人傳訊

54heima


水晶宮

積分: 55644


7#
發表於 10-1-12 11:22 |只看該作者
自然療法即系鬼佬中醫...我本身頗擁護中醫...如果平時有小病小痛都會幫襯中醫...但凡事不可過頭...西醫有臨床科學性...最好就是中西結合...
我6299就是一個極端例子...巨地完全唔信西醫...只看中醫&自然療法...62更是那種寧死也不食西藥的人...早排血壓高...老公特別叫埋個年初做通波仔的UNCLE同巨傾偈...目的是想叫巨去睇西醫...結果...又是走去自然療法醫生果度是但睇下算數...
99 04年發覺自己有+減(我地唔知)...巨又系睇中醫食幾劑苦茶算數...直到上個月系屋企暈低...老公逼巨去睇西醫...比醫生鬧...話巨個樣比真實年齡老十年...再唔醫就會心臟病死...先驚死肯食藥...
我認識的香港人中有些真是好另類的...完全抗拒西醫...但都系果句...凡事不可過頭...否則有益都變有害...
少奶奶的身份，丫頭的命...
私人傳訊

LUON


大宅

積分: 3466


8#
發表於 10-1-12 11:32 |只看該作者
原帖由 54heima 於 10-1-12 11:22 發表
自然療法即系鬼佬中醫...我本身頗擁護中醫...如果平時有小病小痛都會幫襯中醫...但凡事不可過頭...西醫有臨床科學性...最好就是中西結合...
我6299就是一個極端例子...巨地完全唔信西醫...只看中醫&自然療法...62更 ...


超級同意!
私人傳訊

circleda


伯爵府

積分: 19485


9#
發表於 10-1-12 11:42 |只看該作者
其實個一兩個就係用其他人去保護自己o羅, 因為病毒傳播率低咗好多, 佢地染病機會大為減低, 重以為自己好強

原帖由 candiceLingLing 於 10-1-12 10:05 發表
我自己比較認同呢句：

一百個小朋友得一、兩個唔打（疫苗http://das.baby-kingdom.com/www/delivery/avw.php?zoneid=37&bannerid=500&cb=11224503&n=a136fd43
），問題不大，當四、五十人都唔打，就好易爆（疫情）。

六七十年代 ...
私人傳訊

胡太得叻


禁止訪問

積分: 1191


10#
發表於 10-1-12 11:45 |只看該作者
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

YongXin


伯爵府

積分: 15203

好媽媽勳章 醒目開學勳章


11#
發表於 10-1-12 11:58 |只看該作者
外國地大物博，鳥語花香，見樹唔見人，連0的病菌自己行完9千幾里路都死埋啦，點搵人0黎傳染呀？

住响香港，人口咁密集空氣咁污染，唔打防疫針，害人害己。

响香港崇尚自然！！！
私人傳訊

foggyao


珍珠宮

積分: 38691

2024年龍年勳章 2018復活節勳章 熱血勳章 好媽媽勳章 畀面勳章 wyeth冷知識勳章 環保接龍勳章 大廚勳章


12#
發表於 10-1-12 12:03 |只看該作者
原帖由 胡太得叻 於 10-1-12 11:45 發表
我也不同意某些人奉醫生為神明，有事沒事都去拜見醫生或係針都打，但我認為香港不能像歐美國家不打疫苗，大家地理環境不同，香港、日本這些人口密集的地方，是必須要做這樣的事情，歐美國家可以一星期不見街外人，我們絕對做不到，要 ...


同意! 香港始終太過人口密雜，去商場都會逼餐死，出街亦唔係空氣好。除非，住晌偏遠離島，但始終小朋友又會要返學，學校係室內多過室外，同外國係兩個生活模式。

我仔女打晒一般基本針，我都覺係必需。其他流感全部都無打，因阿女蛋白敏感，唔打得，不過如佢打得，我都未必比佢打。

其實，我覺得而家咁多變種流感，都係因d人打得針太多。當一隻菌被人打針，另自己身體去fight贏隻菌時，隻菌就會好聰明咁變種，人就不斷打針，菌就不斷變種，仲越變越強，越來越難搞，我覺得好似一切都好似d藥廠發明呢樣，個樣，既可賺錢，又可不停研制新藥咁。都係人搞到個世界咁多奇奇怪怪菌出黎。
私人傳訊

hudsonchui


珊瑚宮

積分: 111922

2025勳章蛇年勳章 2024年龍年勳章 2018復活節勳章 畀面勳章 wyeth冷知識勳章 DHA勳章


13#
發表於 10-1-12 12:07 |只看該作者
我就會中+西+自然療法合壁

其實唔駛著重話只用邊—個療法，而就去排擠其他你認為唔好既療法，各有各好既，自己去衡量下，唔需要因為自己只信某一種療法而去踩低別人囉！
私人傳訊

牛精仔


琥珀宮

積分: 157928

玩具勳章 好媽媽勳章 醒目開學勳章 畀面勳章 叻叻勳章 2011精緻種植勳章 環保接龍勳章 BK猜猜猜慶中秋 BK Milk勳章


14#
發表於 10-1-12 12:08 |只看該作者
無錯父母係可以選擇自己認為好嘅事, 但如果選擇錯誤, 受害都係自己小朋友, 與人無尢。

自己覺得, 歐美同香港唔同, 人地人口密度低, 住嘅大, 空氣好, 香港人多又迫又易傳染病毒, 我一定唔會博 !呢d大路疫苗研究左咁耐, 有一定成效, side effect 亦好清晰 (h1n1果隻就唔知, 所以唔打), 如仍要堅持唔比自己小朋友打, 咁個risk唔係父母take, 係佢地自己小朋友take。

touchwood唔中就梗係冇野, 仲可以大大聲話自己小朋友靠"自己"自然打敗病菌, 如不幸中, 真係後悔都黎唔切。
私人傳訊

chunyatmama


子爵府

積分: 13105


15#
發表於 10-1-12 12:27 |只看該作者
That's right. HK is too crowded to use this kind of natural healing method.
私人傳訊

LUON


大宅

積分: 3466


16#
發表於 10-1-12 12:37 |只看該作者
點解打基本免疫針?
理由 : 基本免疫針係指乙型肝炎、白喉、破傷風、小兒麻痺及肺炎球菌等病,
上述病菌屬高危甚至致命的,
另外上述疫苗已生產經年,
經不斷改良, 副作用十分低,
風險系數亦低。

點解唔打豬流感免疫針?
理由 : 病毒本身毒性不高,
並非致命病毒。
疫苗製造時間太急,
副作用太多!
風險系數偏高!


純粹個人意見!
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy