自由講場今日: 296|主題: 1355870

收藏本版

發帖

返回列表

跳至頁

查看: 578 | 回覆: 3

咩叫做天倫樂 [複製鏈接]

mandylau01

大宅

積分: 1429

1^#

發表於 10-1-17 00:21 |只看該作者 |倒序瀏覽 |打印

政府成日都話鼓勵促進家庭和諧共融, 點解申請咗成3年"天倫樂優先配屋計劃",都未獲配屋呢?

我地由2007年頭開始申請, 因老爺奶奶係癌病康復者,所以我地一家三口就加埋佢地個名一齊申請,諗住同老爺奶奶一齊住,方便照顧,如我地一齊搬去佢地屋企住,而掉空間屋,被房處發現,又會被取消住戶資格。

後來奶奶2009年6月癌病復發,我地寫信要求及有埋醫生做証明奶奶係非常需要有家人照顧,而我地要求信上亦寫明平時只得八十幾歲嘅老爺一個人睇住奶奶及我地住天水圍,而兩老就住銅鑼灣,有起事上來我地係唔可以第一時間可以去到,而房處得來嘅回覆係有醫生嘅信都唔可以話立即配到屋比我地。後來我地都係只有等。

2009年11月奶奶走了,我地又再寄多一封要求信及奶奶嘅死亡証比佢地,但依家都係只有等。

點解有D新移民可以咁快可以配屋,而我地D土生土長嘅香港人,就咁等咗咁多年就唔配屋比我地, 我地只係想同老人家一齊住,點解會等咁耐,咩叫天倫樂,講一套,做一套。