吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 我比個工人搞到好唔開心，但其實係咪我要求高得滯呀﹖ ...

論盡家傭今日: 0|主題: 134092

收藏本版

發帖

返回列表

跳至頁

查看: 1826 | 回覆: 15

我比個工人搞到好唔開心，但其實係咪我要求高得滯呀﹖ [複製鏈接]

丘師奶

男爵府

積分: 6145

1^#

發表於 10-1-18 09:09 |只看該作者 |倒序瀏覽 |打印

先講背景，我未用過工人，但我見我媽媽個工人做得好好，所以可能己有主觀願望。而依個工人之前o係hk做過兩年，有湊NB經驗，24歲有兩個女。

我唔滿意既地方有：
1. 遲起身：
開工第一日就遲半個鐘，諗住佢唔習慣，所以第一次無話佢，但第二日就遲一個鐘，但我地一早買左個鬧鐘放o係佢床頭架喇喎﹗咁於是就有話佢啦﹗佢既原因係話因為前一晚瞓唔著，所以遲左起身，我地唔接受依個解釋。

2. 放假遲左返屋企：
諗住之後阿b出世會好忙，所以尋日比佢放假，等佢去買下野咁，講左放8:00am-8:00pm，佢當然無準時返黎啦﹗後尾8:35pm打返黎話搭錯車，而家先返緊。我覺得我明白真係有機會搭錯車，但點解要咁遲先打返黎﹖仲有，如果係我，第一次出門，我會預早d時間返屋企，避免自己有機會出錯。

3. 鬼祟SMS:
我而家放假，我成日o係房瞓，但其實我開住notebook，久不久睇住個ip cam，睇佢做緊乜野，有次發現佢坐o係廳度，dup低個頭 send sms (佢搵張檯擋住部手機，想唔比個cam影到)，我特登郁個鏡頭，比佢知道部cam影緊佢(佢唔知我o係房睇佢架﹗佢以為我老公o係公司睇)，點知，佢竟然索性mou o係地下，完全搵張檯遮住自己，等人睇唔到佢。咁我扮斟水出去啦﹗點知佢就以極快速度走左入廚房整緊餸。果晚我老公返黎，我同佢一齊都有話佢依樣野。

4. 清潔馬虎、唔主動：
唔叫，係唔會主動做野。叫.. 都係踢一踢郁一郁。好似叫佢抹抽油煙機，我老公教佢拆左d野抹，佢真係有抹，仲抹左好耐，但就真係抹下面，面頭完全無抹。叫佢執主人房、抹窗、換床單，搞左兩個幾鐘，我入去睇，見到我個床頭櫃仲係好多塵，問佢點解﹖佢話有抹架喎﹗係可能舖完床單揚起d塵所以又多返喎﹗我覺得唔應該係咁，但點都好，我唔理你丫﹗你係咪應該舖完後再抹多次呀﹖我老公件衫晾左4日都未收。

5. 好似無受過training咁
無論煮飯、打掃好似乜都唔識，基本連煮飯落幾多水都要問我，晾床單晾到一「住」菜咁。

6.早去瞓覺
基本上，我講明十一點先比佢瞓，七點起身。但佢好多時做野最有效率就係夜晚，因搞掂晒，佢就拿拿聲沖涼，之後十點倒就走左去瞓，完全無問我地仲有無野做，瞓唔瞓得之類，早抖都唔講聲就閂埋門。初初我都覺得算啦﹗做晒野咪比人瞓囉﹗但後尾諗諗下唔得喎﹗咁佢咪會越來越早瞓﹖仲有... 第時阿b出世，假設我地十點零要佢做野，佢又走去瞓左，咁叫醒佢呀﹖所以都諗過堅持要佢十一點先准瞓，情願比佢做完野睇下書坐下好過。

我真係好擔心呀﹗唔知佢第時點單獨湊B，我老公問我係咪想炒佢﹖因佢覺得我對依個人已經有條刺。但我今個星期就生喇﹗而家先炒，搞唔掂喎﹗邊搵到人﹖唉... 但對住佢呢﹗我驚我越來越抑鬱呀﹗

佢黎左一星期喇﹗諗住今晚同佢講返依個禮拜既表現，順便將所有不滿同佢講，比返個時間表佢，睇下佢既表現點，若然仲無乜改善，我真係好想炒呀﹗

但... 其實會唔會我要求太高呢﹖工人依家野真係好鬼煩，我又素來黑仔，怕自己點請都請唔到個好工人呀﹗

0 0 0

私人傳訊

mylulu007

伯爵府

積分: 15536

2^#

發表於 10-1-18 10:28 |只看該作者

樓主有無俾家規工人簽？　有無同工人由頭到尾brief一次你的要求？

唔好唸住工人會自動波，你開頭唔嚴，整整下就會俾佢牽住鼻子走，有人質在手更加唔會當你係ｍａｄａｍ。

有好多工人唸住做得晒ｄ野（係佢地＂認為＂要做既野），幾多點起身／瞓都無所謂，你一定要捉佢來炳，同佢講再係咁要的佢去ａｇｅｎｔ度簽ｗａｒｎｉｎｇ　ｌｅｔｔｅｒ。

手機一定要你ｋｅｅｐ，最多每晚做好功夫，俾佢１０點～１１點ｓｍｓ，　但要講明，ｂｂ出左世，唔會梗左時間俾佢ｓｍｓ，時間由你安排。　日抖唔可以用手機，見一個收一個，完約歸還。

你工人可能有人教佢點走精面，你敦起個款，　佢都可以無咁快變壞。

私人傳訊

20022009

男爵府

積分: 6903

好媽媽勳章

3^#

發表於 10-1-18 10:32 |只看該作者

你絕對無要求高, 呢啲都係一般既要求.

1. 遲起身, 一定要同佢講到好明, 幾點起身(第一次就要話, 如果有第二次就要丙)
2. 遲番屋企: 工人第一次出街, 我有問佢打算去邊, 教佢搭咩車&點返屋企, 最記得佢第一次出街, 我同佢一齊出(話驚佢唔識, 帶佢搭車, 陪佢, 實際睇下佢識啲咩人, hahaa, 後尾佢個朋友都算正常), 無藉口唔識搭車, (遲返就丙)
3. send sms 都係同佢講番啦
(因為佢第一日黎, 我就set家規, 有埋張野架, 每一點都同佢講, 先小人後君子麻) so far到依家佢都無send sms呀 / 傾電話
4.清潔唔乾淨, 一定要佢做到好為止(但你一定要check, 唔好唔check, check到同佢講番, 再做唔到再做, 做到得為止.) 可能佢地試緊你底線, 側側膊, 睇下你會點.
5. 煮野食, 買本食譜叫佢跟住煮. (初初黎我都無買食譜, 佢煮野食超難食, 之後我買咗本食譜比佢, 改善好多)但一定要教佢啲stuff係邊到買.
做家務: 叫佢係你面前做十次. 做到識為止.
6. 早瞓呢樣野我又放鬆咗少少比佢, 佢通常10點就瞓覺. 佢做掂晒啲家務, 做好自己野, 我就放佢, 如果唔係佢都幾難有得瞓. (咁佢又ok喎)

教工人一定要時間, 同心機, 當然你expect佢一黎到就要識, 我諗大部份既工人都做唔到. 同埋你同你c6要企同一陣線(初初c6都有啲幫佢架, 個工人有識睇眉頭眼額, 但同我c6傾番, 佢先企埋我嗰度, 先好少少)

私人傳訊

BBTWIN

大宅

積分: 4226

4^#

發表於 10-1-18 11:01 |只看該作者

樓主你要求好正常, 好基本野. 你個賓o係香港做過兩年, 一定係練精學懶左. 所以好多人都唔敢請香港完約. 佢黎第一日就遲起身, 根本係借口. 你呢個根本係懶賓. 機會可以再比佢, 如果再冇改善樓主真係要諗下換人. 你鬧得佢多, 我諗你都唔會再放心比佢湊NB.

私人傳訊

丘師奶

男爵府

積分: 6145

5^#

發表於 10-1-18 11:52 |只看該作者

有呀﹗我比左份成一百條既規矩佢簽。我都覺得佢試緊我底線，今晚真係要認認真真同佢講清楚先得，唔係就一係佢死，一係我亡。

原帖由 mylulu007 於 10-1-18 10:28 發表
樓主有無俾家規工人簽？　有無同工人由頭到尾brief一次你的要求？

唔好唸住工人會自動波，你開頭唔嚴，整整下就會俾佢牽住鼻子走，有人質在手更加唔會當你係ｍａｄａｍ。

有好多工人唸住做得晒ｄ野（係佢地＂認為＂要做既野），幾多點起身／瞓都無所 ...

私人傳訊

丘師奶

男爵府

積分: 6145

6^#

發表於 10-1-18 11:54 |只看該作者

我老公都覺得佢唔ok，但佢就建議比機會佢再試，佢係驚我而家對依個工人主觀，以後睇佢咩都唔順眼，佢話如果係咁，不如炒左佢算喇﹗
但我又衰，驚搵著第個仲衰既，唉... 真係搵個好工人真係難過中六合彩呀﹗

原帖由 20022009 於 10-1-18 10:32 發表
你絕對無要求高, 呢啲都係一般既要求.

1. 遲起身, 一定要同佢講到好明, 幾點起身(第一次就要話, 如果有第二次就要丙)
2. 遲番屋企: 工人第一次出街, 我有問佢打算去邊, 教佢搭咩車&點返屋企, 最記得佢第一次出街, ...

私人傳訊

丘師奶

男爵府

積分: 6145

7^#

發表於 10-1-18 11:55 |只看該作者

佢係印印黎架﹗諗住無咁古惑啦﹗點知都係咁，早知佢都係乜都唔識，我請個全新既好過﹗唉...
係呀﹗我而家最擔心就係第時我放完產假後返工無人睇住佢，咁佢咪會仲離譜﹖得佢同個B，我真係十萬個唔放心呀﹗

原帖由 BBTWIN 於 10-1-18 11:01 發表
樓主你要求好正常, 好基本野. 你個賓o係香港做過兩年, 一定係練精學懶左. 所以好多人都唔敢請香港完約. 佢黎第一日就遲起身, 根本係借口. 你呢個根本係懶賓. 機會可以再比佢, 如果再冇改善樓主真係要諗下換人. 你鬧 ...

[ 本帖最後由丘師奶於 10-1-18 11:58 編輯 ]

私人傳訊

ellawyc

公爵府

積分: 26643

好媽媽勳章

8^#

發表於 10-1-18 13:05 |只看該作者

樓主呀, 我覺得你唔要呢個好過.

雖然你地仲係磨合期, 但佢d表現完全唔係唔識或者未夾, 根本係懶精!

雖謂再請, 都係by luck, 但明知呢個唔得, 點解仲要比佢賺? 你快手兜佢走, 搵過個; 呢段期間冇工人就用住陪月先.

若然真係未搵啱工人, extend個陪月; 貴就貴d, 起碼安全過比工人單人湊.

私人傳訊

3509

男爵府

積分: 5127

9^#

發表於 10-1-18 13:23 |只看該作者

真係唔好請香港做過工人. 好多人以為佢地物都識唔使重新教, 但好多事實都證明係錯. 如想有 7 - 8 個月安寧日子過, 應請未係香港做過, 但要有工作經驗(仲要係放低之前份工唔過半年, 放低太耐, 會需要好長時間pick up新工),自己要train 工人. 你必須搵啲有揍new born 經驗, 唔好只信cv, 要問佢地點揍new born, 點煮餸(要佢講出佢識煮嘅餸整個程序), 你就知佢係咪真識. 暫時同住呢個工人, 同時間搵新工人.

私人傳訊

samangellee

複式洋房

積分: 491

10^#

發表於 10-1-18 13:36 |只看該作者

原帖由 ellawyc 於 10-1-18 13:05 發表
樓主呀, 我覺得你唔要呢個好過.

雖然你地仲係磨合期, 但佢d表現完全唔係唔識或者未夾, 根本係懶精!

雖謂再請, 都係by luck, 但明知呢個唔得, 點解仲要比佢賺? 你快手兜佢走, 搵過個; 呢段期間冇工人就用住陪月先. ...

我都讚成維尼媽講炒佢啦, 一個月都冇已經咁,
你唔係度仲死....我就唔放心比個bb佢湊啦 !
快d搵個o個啦 ! 仲想等佢改 ?????

私人傳訊

samangellee

複式洋房

積分: 491

11^#

發表於 10-1-18 13:45 |只看該作者

原帖由 3509 於 10-1-18 13:23 發表
真係唔好請香港做過工人. 好多人以為佢地物都識唔使重新教, 但好多事實都證明係錯. 如想有 7 - 8 個月安寧日子過, 應請未係香港做過, 但要有工作經驗(仲要係放低之前份工唔過半年, 放低太耐, 會需要好長時間pick up ...

其實都唔可以講, 全部係hk做過既都唔好,
我個o個bunbun都係hk做過5年, 依家都係我home
工做3個月, 暫時都ok, 咩都唔晒講, 全自動波, 煮飯都
ok, 都準時回來,返到來都會幫我地做埋d野先去瞓,
希望一直keep住啦 ! 請工人真係睇彩數,

私人傳訊

babylily

等待驗證會員

積分: 831

12^#

發表於 10-1-18 14:00 |只看該作者

呢幾日我都得閒左係到post左新工人的事,琴晚仲炒埋,做左10日,俾你個多3日,我都認為如果我對佢有好多不滿,其實已經去到無彎轉,他日佢做唔啱,你就更加唔順眼,更何況你又坐月,又有nb咁細,到時如果佢激你的,咪又係你自己唔開心,所以,一個星期,快d炒,都唔係好傷,當俾左1個月人工....

私人傳訊

丘師奶

男爵府

積分: 6145

13^#

發表於 10-1-18 22:47 |只看該作者

但聽好多人講，d陪月又都好煩架﹗好多都掠水為主，我而家咁趕，都好難搵架﹗

原帖由 ellawyc 於 10-1-18 13:05 發表
樓主呀, 我覺得你唔要呢個好過.

雖然你地仲係磨合期, 但佢d表現完全唔係唔識或者未夾, 根本係懶精!

雖謂再請, 都係by luck, 但明知呢個唔得, 點解仲要比佢賺? 你快手兜佢走, 搵過個; 呢段期間冇工人就用住陪月先. ...