自由講場

收藏本版
發帖
返回列表
跳至頁

首頁
12345...6

尾頁
   0
siukei17


公爵府

積分: 26811

好媽媽勳章


1#
發表於 10-1-18 11:34 |只看該作者
昨晚九時半左右, 在立法會門前看到的一幕, 令我徹底地對部分「反高鐵人士」反感, 再跟他們行上禮賓府集會, 決定從此不會再尊重他們.

財會主席劉慧卿一宣布休會, 場外警方即時調配. 原本在立法會門外停車場近香港會一邊出口, 等絕食而暈倒的八十後青年送院的我,突然看到大批警員由一邊快步行向另一邊, 以為有事發生, 所以跟著上前看, 到發現原來只是因應散場加派人手, 鬆了一口氣,因此站在停車場的立法會另一個出口, 與行家閒聊起來......

怎料, 眼前站在示威區內的幾名青年, 突然攀過一個個分隔不同示威者的鐵馬, 後面的同行者, 見有人成功, 有樣學樣, 跟著一起又攀又跳的, 警方見狀, 大為緊張, 即時加派人手扶穩鐵馬, 防止他們衝突警方防線.

先前已成功越過鐵馬的, 不滿警方阻止他們跨過最後一道鐵馬, 與警方激烈推撞起來, 期間不時叫囂, 情況相當混亂......

只為火頭只有一個? 太天真了吧, 停車場大閘又突然有一班示威者要衝過來, 又與警方衝突起上來, 接著遮打花園那邊示威者, 又叫又推又撞鐵馬......混亂得立法會(相信)自0
3年23條集會後, 再次關起各出入口的大閘.

老實說, 他們發癲, 我沒有被嚇到, 依然冷眼旁觀, 因為早就在預算之內, 只是知道自己需要去了解, 他們因何要衝出來? 所以我細心聆聽他們叫的口號、訴求. 那我聽到的是什麼?

「@@@@@你丫」、「衝過去!」、「差佬死開」、「直接對話」
、「民建聯最無恥」、「@@」、「反高鐵」、「停撥款」
、「撤回方案」......

然後就是個別支持及反對高鐵人士互相指罵:
支: 「....(己聽得不大清楚)....攪錯呀採場?」
反: 「咩呀, 唔能得呀? 呢道你0架? 」
支: 「就係唔能得, 你推我地就唔能得!」
反: 「唔能鍾意死能開啦!」
支: 「@@@@@@@......差人有人攪事呀.....」
反: 「....關你能事呀....」
然後係連綿問候的說話......

原來想錄推撞UPSOUND, 錄著一輪粗口混戰, 已沒時間再理他們. 先將現場情況報回公司, 老細說要LIVE, OK! 但希望知道為何他們突然要衝出來.

這倒有點難到我, 由平靜至突然見到幾個人跨跳鐵馬, 實在不知他們目的何在.

前面有前面推鐵馬, 中間又有人與對家互相問候, 唯有問問站在較後位置的人, 他們衝過來的原因

「反高鐵囉!」
「咁點解要衝出黎呢?」
「都話反高鐵咯」
「我知, 咁點解反到要衝出黎呢?」
「個個都衝0架啦, 你問佢地做乜衝」
「唔該晒」

前面的, 未癲完, 不過終於聽到他們高叫要求與議員直接對話的口號...
看看手錶, 21:53, 致電公司向老細交待現場情況、LIVE的內容, 再準備做LIVE, 但突然看到那班不聽警方勸籲冷靜克刻的「衝擊者」, 突然慢慢散去, 再問行家, 才知原來大會剛發廣播號召, 轉到禮賓府繼續集會.....

22:02, LIVE完結, 一邊繼續留守現場留意情態, 一邊聽候老細差遣.
22:14, 老細說, 跟他們上禮賓府吧, 不過同事「被困」立法會, 你頂住先, 睇下十點半做唔做到LIVE返黎

由立法會行上禮賓府, 路途雖不遠, 但亦不近, 還是斜路, 阿Q又減肥的我, 當多一個做帶氧運動的機會.

沿途看到行上禮賓府的, 不只八十後, 五十後, 六十後, 七十後, 九十後, 甚至2000後都有, 這刻, 他們是平靜的, 只是沿途高叫口聲......

抵達禮賓府門前時, 已是22:22, 上亞里畢道來回線已坐滿人, 擠得水洩不通, 部份行家較我早點到, 但大家所得的訊息差不多, 集會人士目的是展示人民力量, 要求與曾蔭權直接對話

這時, 「大會」0益咪說: 「今晚我地見唔到曾蔭權點呀?」
「唔走!」
「等到佢出黎為止」
但兩分鐘後, 又0益咪說: 「我地俾個半鐘頭曾特首, 要佢出黎回應我地訴求, 12點要佢出黎回應我地, 我地宜家係佢門口開PARTY!」
但12點曾蔭權唔出黎會點做呢? 「大會」冇講, 現場亦沒有人答得出.

十點半LIVE完結, 多點時間看他們想玩什麼, 老細說沒什麼的話, 十一點不LIVE了. 很好的決定.

邊和行家吹水, 邊陪那班人發癲, 其實已很討厭他們的行為及做法.

「我地, 宜家, 仲有好多人, 沿花園道行緊上黎, 但係, 佢地到左花園道, 警方就唔俾佢地轉入黎.」
「噓~~~~~~~~~~~~~~~~~~」
「我地要求警方放行!」
「放行!」、「放行!」、「放行!」「、放行!」、「放行!」

再行前一點:
「CCTVB, 是是但但」「是是」「但但」
「陳志雲, @@」
「袁志偉, @@」
噢, 原來T記行家正拍攝他們

再往前行, 聽到前面的青年邊行邊說, 「我特登趁佢做live仲唔@@@@@爆佢呀, 仲特登撞左佢幾撞添呀!
唔@@@@@佢點會咁快影完呀」

呢一刻, 我真係忍唔住了, 但我可以做什麼? 心地唔好的我, 只好借多人為由, 不斷踩甩佢鞋踭......

十二點到了, 大會呼籲大家散去, 明天再繼. 但陳巧文等人再拿起咪高呼, 要通宵留守, 歡迎大家加入......

OK, 你有你繼續留守的權利, 即使不太滿意收工時間一再押後, 老細亦說不用和他們玩通宵, 但我和同事還是陪這班人癲下去, 繼續在現場吹吹風、吹吹水...

這班人, 打起鼓、唱起歌、跳起舞來! 好聽點可說他們像很歡樂的模樣, 但更貼切的, 應是形容他們索了K般忽左!

陳小姐露出股隙的坐在地上, 其他人有的手拿香煙, 不斷吞雲吐霧, 像十年未食過煙一樣, 不斷將煙圈吐出; 有的雙手向天舞動, 身體左右搖擺, 三五成群的高聲喪笑, 唱的除了不知名的歌以外, 就是"WE WILL WE WILL @@@ U"的歌...... 真想不出這和反高鐵有何關係?

分散的圍著他們看的記者, 除了要LIVE的CABLE之外, 相信沒有一個有採訪他們的意慾, 還是自顧自的商討「買兇大計」(哈哈)

突然間, 有跳舞中的四眼妹妹轉身向著我們說: 「記者, 一齊跳丫! 一齊跳!」

我真的有點傻了眼, 原本對著他們已口黑面黑的我, 唯有即時別過面來, 否則我真會回應他們一句: 「@@@@啦, 八婆!」

但原來更絕的是, 同事說, 他剛剛也被邀請一起跳舞, 但對方說的是: 「靚仔, 一齊跳舞啦, 黎啦!」

吓?!?!?!

反感到極點的我, 真的沒辦法再留守下去了, 正盤算什麼時候離開, 看到陳小姐一眾人突然個個拿好背包、手袋, 咦? 他們不是說要通宵守候曾蔭權嗎? 難道是相約去洗手間? 還是因為搏上鏡不成而意興欄柵?

00:52, 他們又打著鼓, 吹著BB的, 向花園道方向步行離開, 鬧劇終於可望結束, 通宵更的ANCHOR同事想問問清楚, 他們是回家, 還是回立法會, 我就追著一個吹著BB的哥哥, 問他們正往何方, 他說:

「哈哈, 其實我都唔知喎, 你都係問佢地好d0勒!」
「@@, 哦!」
我唯有再問另一個鬍鬚四眼哥哥, 他卻支吾以對:
「請問你地宜家去邊呀?
「er...」
「下?」
「你跟住行咪知囉!」
(妖)「係返屋企定點呀?」
「um...」
「返屋企定返落立法會集會呀你地?」
「...返立法會先, 我地落立法會!」
「唔該!」
一整晚的鬧劇, 真的落幕了!

陳朗昇高呼一句:「yeah! 收工!」是我全晚聽到最開心的說話......

我支持興建高鐵, 但從不反對他人反高鐵, 因為香港是一個自由的社會, 理應容下不同聲音. 大家都表達意見的自由, 方法亦可各式其色, 因此就算立場不同, 我還是讚賞以苦行方式請願的八十後, 就算有人認為要抗爭, 就要用激烈的手法, 才可達到效果, 這點我也不反對.

但我反對、反感的, 是那些根本不知為什麼要衝就先衝的示威者; 那些隨意就煽動他人情緒的領導者; 那些借題發揮的抽水友; 那些搏出位搏上鏡的低能哩; 那些一見警察就覺得自己被迫害的精神病患者; 那些自命公民抗命就妄顧一切的刁民; 那些不分是非黑白就批評記者工作的市民......

昨晚, 短短幾小時, 看到的遇到的, 主要就是這班人, 這是香港的未來嗎? 如果答案是「是」的話, 我真的感到很可悲!

By: Iris Hui
轉載：http://www.facebook.com/note.php ... 46895053&ref=mf
私人傳訊

Mamamia


男爵府

積分: 6340

畀面勳章


2#
發表於 10-1-18 11:43 |只看該作者
心同感受, 一班"烏合之眾", 反對無錯, 但唔係大晒, 呢班人好多都係失業人士, 搞事之徒...
私人傳訊

八婆仔@


水晶宮

積分: 53079

最關心BB問題熱投勳章 環保接龍勳章 大廚勳章 BK Milk勳章


3#
發表於 10-1-18 11:54 |只看該作者
係!我都支持興建高鐵,但我不反對他人反對!

健康社會應該存在著多種聲音,但請反對人士留心你地言行,舉止,態度!

仲有,80後青年人,請想想你地示威反對目的,不是盲目遊行示威,禁樣就叫coming out,企出來!這樣就叫為自己發聲,民主,人民力量.....

請保持理性!!
私人傳訊

cky.cy


男爵府

積分: 5923

畀面勳章


4#
發表於 10-1-18 11:54 |只看該作者
之前有個post有人話佢地係"香港之光"...我真係o晒嘴...唔知講咩好...

私人傳訊

Shadow


伯爵府

積分: 16482

醒目開學勳章 2011精緻種植勳章 畀面勳章 環保接龍勳章


5#
發表於 10-1-18 12:03 |只看該作者
真係記者???如果答案是「是」的話, 我真的感到很可悲!
記者有咁嘅工作態度，不如快D轉行把啦....



原帖由 siukei17 於 10-1-18 11:34 發表
昨晚九時半左右, 在立法會門前看到的一幕, 令我徹底地對部分「反高鐵人士」反感, 再跟他們行上禮賓府集會, 決定從此不會再尊重他們.

財會主席劉慧卿一宣布休會, 場外警方即時調配. 原本在立法會門外停車場近香港會 ...

*得饒人處且饒人!!
*Be able to forgive, and forgive !!
*許しを、できるようしようと許す!!
*용서를, 수 만나 용서를!!
私人傳訊

susi1024169


珍珠宮

積分: 42413

好媽媽勳章


6#
發表於 10-1-18 12:07 |只看該作者
原帖由 Shadow 於 10-1-18 12:03 發表
真係記者???如果答案是「是」的話, 我真的感到很可悲!
記者有咁嘅工作態度，不如快D轉行把啦....



係囉,點解記者立場咁唔中立?點做記者呀
私人傳訊

sandydy


大宅

積分: 2232


7#
發表於 10-1-18 12:11 |只看該作者
鑽成反對(有自由權),唔鑽成搞事lor,不知所謂
私人傳訊

siukei17


公爵府

積分: 26811

好媽媽勳章


8#
發表於 10-1-18 12:11 |只看該作者
記者都有自己既立場架...只係向公事上佢地要係中立....

喱篇唔係新聞紙上既新聞...只係一個當晚要開工既記者既經歷同感受......

我又唔覺得佢有咩問題....佢係寫佢見到既野....個point都唔係反/支持高鐵........
定係你當晚向現場,見到另一番境象?願聞其詳

原帖由 susi1024169 於 10-1-18 12:07 發表
係囉,點解記者立場咁唔中立?點做記者呀
私人傳訊

cklok


男爵府

積分: 5137


9#
發表於 10-1-18 12:19 |只看該作者
記者寫得好好
私人傳訊

牛精仔


琥珀宮

積分: 157928

玩具勳章 好媽媽勳章 醒目開學勳章 畀面勳章 叻叻勳章 2011精緻種植勳章 環保接龍勳章 BK猜猜猜慶中秋 BK Milk勳章


10#
發表於 10-1-18 12:24 |只看該作者
記者表達自己感受, 又唔係代表報章出新聞, 唔覺有咩問題。

講真, 如記者所見屬實, 我都覺得呢班所謂80後 (攪事博出位果班) 何止悲哀, 直頭係不知所謂 !

同樣地, 垃圾會裡面果班保皇狗, 同樣令人髮指! 香港真係變到烏煙瘴氣 !

[ 本帖最後由 牛精仔 於 10-1-18 12:27 編輯 ]
私人傳訊

Mamamia


男爵府

積分: 6340

畀面勳章


11#
發表於 10-1-18 12:43 |只看該作者
Shadow, 我知你反對高鐵, 更加支持那班80後, 但請你尊重他人, 唔係人人同你唱反調既就係錯, 你這樣人地只會話你不理性


原帖由 Shadow 於 10-1-18 12:03 發表
真係記者???如果答案是「是」的話, 我真的感到很可悲!
記者有咁嘅工作態度，不如快D轉行把啦....
私人傳訊

CBBCBB


大宅

積分: 3732


12#
發表於 10-1-18 12:47 |只看該作者
行行都有良莠不齊，狗仔隊都係記者，佢地0既報導中唔中立?
私人傳訊

agneskong


大宅

積分: 3562

好媽媽勳章 醒目開學勳章 畀面勳章


13#
發表於 10-1-18 12:47 |只看該作者
個人意見，不喜勿插，插都唔覆
我完全同意此記者(市民)的工作後感，對這班所謂80後好反感，為反而反、挑戰權威、我行我素、自私自大、故步自封、仍然覺得與大6接軌係降低身價。

我覺得這班人生於當時魚翅撈飯的年代(甚或是獨生子女，要風得風，要雨得雨)，跟本未曾吃過苦頭，奉勸年輕人努力讀書，努力工作，多關顧身邊人，做個真正的社會棟樑吧…

[ 本帖最後由 agneskong 於 10-1-18 13:06 編輯 ]
私人傳訊

baby_chu


珍珠宮

積分: 48082

2018母親節勳章 2018復活節勳章 開心吸收勳章 畀面勳章 hashtag影視迷勳章


14#
發表於 10-1-18 12:51 |只看該作者
之前唔係已經有人post 過上唻喇咩???
私人傳訊

dabbycheung


伯爵府

積分: 17716


15#
發表於 10-1-18 12:54 |只看該作者
原帖由 agneskong 於 10-1-18 12:47 發表
個人意見，不喜勿插，插都唔覆
我完全同意此記者(市民)的工作後感，對這班所謂80後好反感，為反而反、挑戰權威、我行我素、自私自大、故步自封、仍然覺得與大6接軌係降低身價。

我覺得這班人生於當時魚翅撈飯的年代(甚或是 ...


講得好!完全同意！
私人傳訊

姑姑


大宅

積分: 2712


16#
發表於 10-1-18 13:00 |只看該作者
我好認同佢呢句 ------>
那些一見警察就覺得自己被迫害的精神病患者

好可惜香港越來越多呢d人....
私人傳訊

anma


侯爵府

積分: 22111


17#
發表於 10-1-18 13:04 |只看該作者
原帖由 agneskong 於 10-1-18 12:47 發表
個人意見，不喜勿插，插都唔覆
我完全同意此記者(市民)的工作後感，對這班所謂80後好反感，為反而反、挑戰權威、我行我素、自私自大、故步自封、仍然覺得與大6接軌係降低身價。

我覺得這班人生於當時魚翅撈飯的年代(甚或是 ...


講得好, 十分讚同.
私人傳訊

rean_chau


公爵府

積分: 28591


18#
發表於 10-1-18 13:05 |只看該作者
雖然我無親面去過現場,但我可以想像到呢一班80後的現像.

我都係80後,但我願意埋首我的工作,雖然不是一份最稱心的工作,但我依然要努力付出,因為我有家負擔. 我從不埋怨這個社會沒有提供一份好工給我,因為路是自己行出來的,你曾付出多少,今日就有多少的成果. 我從不埋怨我一家幾口要屈就於三百呎的房子,因為我相信有一日我會有間更大的,只要我願意努力工作,節制自己.

我是一個很普通的八十後,我身邊亦有很多很多這樣的八十後,希望示威的八十後不會讓人覺他們是代表了八十後.
私人傳訊

natzuki


伯爵府

積分: 18397

熱血勳章


19#
發表於 10-1-18 13:09 |只看該作者
Totally agree. 問記者點解唔係中立的問題好...

原帖由 siukei17 於 10-1-18 12:11 發表
記者都有自己既立場架...只係向公事上佢地要係中立....

喱篇唔係新聞紙上既新聞...只係一個當晚要開工既記者既經歷同感受......

我又唔覺得佢有咩問題....佢係寫佢見到既野....個point都唔係反/支持高鐵........
...
私人傳訊

natzuki


伯爵府

積分: 18397

熱血勳章


20#
發表於 10-1-18 13:16 |只看該作者
我那個在t台的記者朋友, 都罕有地"xyz"呢群示威者, 唔係因為佢地阻住收工(因做得記者深明24小時on call的道理, 又唔見佢地做四川地震做到叫xyz), 而係因為呢班人真係太過份, 正如嗰個記者所講, 有好多都係唔知為乜而做啲激進行為, 做咗又唔知下一步想點..........
私人傳訊


首頁
12345...6

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy