Baby Kingdom - 親子王國 香港 討論區 › 首頁 › 少年成長› 5個月大bb發脾氣

少年成長

收藏本版
發帖
返回列表
跳至頁
5個月大bb發脾氣 [複製鏈接]

首頁
1

尾頁
   0
vkbb0413


大宅

積分: 2299


1#
發表於 10-9-27 12:08 |只看該作者
bb脾氣好大, 响4個月大時都曾經發脾氣, 佢扭眼瞓, 我同爸爸抱佢'暗'佢瞓但佢都勁喊. 開頭我拍佢係肚仔痛而唔係扭計, 叫工人試吓抱啦, 佢立即收聲!! 咁我知佢係扭計一定要工人抱, 咁我放返佢落床由佢喊, 喊咗5分鐘, 我抱番佢, 佢喊到嘔....之後佢好攰, 就由我抱住佢瞓咗....

因為平時我地返咗工, 日頭全部工人照顧, 夜晚我返屋企之後, 餵奶, 暗瞓覺我都會盡量自己做, 希望個囡唔好成日要工人. 我又係"烚醋"人. 一見工人抱唔喊, 我就好唔開心. 所以我响屋企我都會自己照顧佢同同佢玩....其實平時夜晚佢都會扭工人抱瞓覺, 但我同老公會堅持暗佢瞓, 開頭都會喊, 但唔勁囉, 之後佢會依依呀呀一輪咁就會瞓. 點知尋晚又係咁, 狂喊點都要工人抱, 咁我又放返佢落床由佢喊, 喊咗5分鐘, 我抱番佢, 佢仲喊...搞咗成45分鐘, 抱起佢, 佢又喊到嘔奶, 個吓覺得自己好衰, 點解要佢喊得咁可憐, 眼仔都腫哂....叫工人抱佢, 佢唔洗5秒就收聲仲攰到想瞓 ....但我真係驚成日就哂佢, 第日佢仲惡過我. 咁我又再好忍心咁抱佢落床, (响工人手過我手時佢又開始喊...) 點知佢放返落床佢就收聲!! 佢好似嬲我咁?! 咁我覺得咁細個小bb無理由識嬲. 我同佢傾咗一陣叫佢唔好扭計, 話媽媽知佢好攰, 同佢瞓覺豬, 點知佢都係我一抱就喊, 放返落床佢就收聲. 佢情願唔瞓都唔好要我抱佢.佢真係嬲我...個吓個心好痛呀...其實佢咁細個係咪唔應該迫佢等大個d先教呢??

[ 本帖最後由 vkbb0413 於 10-9-27 12:10 編輯 ]
私人傳訊

ilikethis2005


侯爵府

積分: 24196


2#
發表於 10-10-9 11:31 |只看該作者
其實係咪你個b鐘意個姐姐抱既方法咋?bb得4個幾月,而且你又係佢媽媽,照計應該唔會唔比你抱架喎..我之前都試過咁既case..99抱就唔喊,一過我手就即喊,跟住我即刻轉返99抱既方法,佢即刻收晒聲訓..~
私人傳訊

wan_sosin


珍珠宮

積分: 48404


3#
發表於 10-10-9 17:04 |只看該作者
我以前都係請工人,但無咁嘅情況,因我日頭返工,我都會叫工人唔好成日抱bb,有d工人成日抱住個b唔放,等個b跟佢,個工人就會覺得僱主無佢唔得,就唔驚比太太炒.
bb比工人抱得多,自己真係會跟工人.我以前放工回來,見個仔扭抱,我就話個工人,咁就算我日頭見唔到工人點湊,個工人都唔敢太過份,當正自己係個bb嘅媽咪.
仲有,如果放假,同多d bb做工人唔會同佢做到嘅嘢,e.g.去下街,玩d唔同嘅嘢.咁個bb會知道工人同父母有分別.e.g.我以前個工人唔可以入主人房,所以我會同個仔入我房玩.
多d同bb講我係你媽咪,好錫你.大大下個b自然就識分.
私人傳訊

janettsui


大宅

積分: 1361


4#
發表於 10-10-10 02:21 |只看該作者
我囡囡10個月大, 之前都曾經發生好似你既情況, 要扭人抱瞓覺. 而我一直係要佢係床仔自己瞓著, 我只會係佢床邊唱歌仔&拍拍佢, 但有一排完全唔work, even我奶奶頂唔順, 入尼抱住佢都唔瞓, 最終工人用印尼揹帶揹住佢, 佢唔駛5分鐘就瞓左, 果刻O晒咀!! Main point仲要係我係FTM喎, 真係激死~
果排真係好辛苦, 要搞成個鐘亞囡先瞓, 不過我都盡量唔俾工人抱佢瞓, 但有時因為我出左街, 工人為左快就會抱佢瞓, 我就會問佢, BB愈大愈重, 你抱得佢幾耐? 係唔係以後每日每餐都想抱佢瞓? 佢自己知驚, 就唔再抱住BB瞓. 而慢慢亞囡亦習慣左定時瞓覺, 我地放佢入床仔就會乖乖自己瞓o架喇~
如果你唔想俾工人抱佢先瞓, 你就要堅持點都唔俾, 但當你頂唔順叫左工人幫手時, 就俾佢暗埋BB瞓, 唔好為左啖氣再搞住亞B, 結果只會係自己傷心&亞B更加發癲.

私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見