吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 單親天地› 男朋友改變左立場, 支持我爭取撫養權

單親天地今日: 1|主題: 18386

收藏本版

發帖

返回列表

跳至頁

查看: 6444 | 回覆: 82

男朋友改變左立場, 支持我爭取撫養權 [複製鏈接]

12 3 4 5

annieannieleung

大宅

積分: 2326

好媽媽勳章

1^#

發表於 10-1-8 10:42 |只看該作者 |倒序瀏覽 |打印

星期一放工去左律師樓, 一上到去個律師話想以朋友身份同我講先, 內容係咁o既...
佢問我有冇唸過唔爭個仔o既撫養權, 佢o既意思係唔刻意去爭, 只係由得到時社工寫報告, 聽天由命, 睇下個官判比邊個?!
佢話離婚o既 case 佢接唔少, 爭撫養權o既都大有人在, 但係好似我咁後生 (其實我都唔細, 27 歲), 真係好少會爭個撫養權~
佢叫我唔好因為啖氣而爭個仔返黎~
佢話我應該為自己o既將來打算, 我都會再結婚, 一個女人帶住個仔真係好難~

聽完之後, 我第一個感覺係點解佢會咁唸我?! (我唔係為啖氣)
係... 我應該為我o既將來打算, 但o係我心目中o既將來咪係我個仔囉!!
如果我因為我想為自己將來打算 (再嫁人) 而唔爭個仔, 我覺得自己好自私, 而且不負責任~ 我生得佢出, 我預左照顧佢一世~
佢問我洗唔洗唸清楚, 我好堅決話比佢知我要有把握爭個仔返黎, 而唔係聽天由命~

我將呢件事話左比我男朋友知, 我問佢有冇唸過叫我唔爭個仔?!
佢唸左幾日, 尋晚終於同我講...
佢問我, 係咪有信心當我湊返個仔, 會比奶奶教得更好?!
佢話我咁緊張個仔, 如果我湊返佢, 可能會比到好多壓力佢, 適得其反~
佢問我有冇唸過個仔o既感受?! 出世到宜家都係奶奶湊開, 要個仔改變生活環境~

我答佢, o個個係我個仔, 無任何野比佢重要~
佢話呢個就係o個啖氣喎!! 我唔爭個仔, 唔代表我唔理佢, 我都係好似平時咁, 星期六日湊佢返黎~
佢唔同我住, 我無咁大開支 (宜家 C6 比錢奶奶), 可以用多o的錢去 support 個仔~
(因為我同 C6 一齊時欠銀行好多錢, 宜家要還錢, 都係o岩o岩好)
同埋我個仔唔係無人要, 奶奶佢地爭住湊~
佢話如果我決定咁做, 好大可能會輸好多家:
男朋友 - 佢未必 handle 到, 最後連佢都無埋
媽咪 - 佢都唔係好想湊個孫
奶奶 - 我爭到個仔, 佢地唔高興, 可能反面
自己 - 一個人帶住個仔, 到頭來個仔又唔孝順, 乜都無

到呢一刻我都好... 好... 好... 想湊返個仔, 但係問到我輸唔輸得起, 我真係輸唔起~
但係我都係o個句, o個個係我個仔, 我會為佢付出任何野, 就算係下半生幸福都係咁話~

請問各位媽咪, 如果你係我, 會點做呢??
(我的確有o的猶疑, 我都好嬲自己點解會有猶疑)
我唔係好識講野, 我真係唔知點樣可以說服我男朋友~

[ 本帖最後由 annieannieleung 於 10-1-25 10:25 編輯 ]

0 0 0

私人傳訊

heichunmum

禁止訪問

積分: 67964

2^#

發表於 10-1-8 10:53 |只看該作者

提示: 作者被禁止或刪除內容自動屏蔽

私人傳訊

四眼雞丁

子爵府

積分: 11191

3^#

發表於 10-1-8 11:00 |只看該作者

原帖由 annieannieleung 於 10-1-8 10:42 發表
星期一放工去左律師樓, 一上到去個律師話想以朋友身份同我講先, 內容係咁o既...
佢問我有冇唸過唔爭個仔o既撫養權, 佢o既意思係唔刻意去爭, 只係由得到時社工寫報告, 聽天由命, 睇下個官判比邊個?!
佢話離婚o既 case ...

律師見ga野一定多過你啦...其實律師.你男友講得好岩囉....你自己都講...個仔一出世就係你奶奶湊.....你湊返個仔...話..你ok嗎?唔好話我黑心講句........有時爭唔係一件好事.....我之前有講過我媽同我講佢fd爭撫養權ga事,係呀...爭到呀...因為個位小朋友之前都係男家ga人湊開.之後去左我媽fd照顧.生活習慣改變晒(我講小朋友..)因之前...男家好錫小朋友.有咩買咩...有求必應個隻....但去左我媽個fd就憎個媽......點解要爭佢返來.....結果(我媽個fd受唔住個小朋友....憎自己...就俾返個撫養權前夫...............)唔好以為個結局好慘......(結局:個媽現時再結婚..生左二個小朋友.個老公好錫佢.....)自己諗下...係咪爭左小朋友返來可以照顧到小朋友?始終個仔係你.....唔會話分開住就唔認阿媽.....

私人傳訊

alfreday

侯爵府

積分: 22225

醒目開學勳章畀面勳章大廚勳章

4^#

發表於 10-1-8 11:03 |只看該作者

我支持你爭撫養權，因為媽咪係仔仔最親的人。我都將一對仔女交畀前妻撫養，始終由母親照顧係最大既好處。當然明白你既難處，真心愛你的人係會接受你的一切呀。努力！

原帖由 annieannieleung 於 10-1-8 10:42 發表
星期一放工去左律師樓, 一上到去個律師話想以朋友身份同我講先, 內容係咁o既...
佢問我有冇唸過唔爭個仔o既撫養權, 佢o既意思係唔刻意去爭, 只係由得到時社工寫報告, 聽天由命, 睇下個官判比邊個?!
佢話離婚o既 case ...

你可以更新記錄, 讓好友們知道你在做什麼...

私人傳訊

littlecar

翡翠宮

積分: 92191

2024年龍年勳章 2018復活節勳章畀面勳章

5^#

發表於 10-1-8 11:03 |只看該作者

我依家一個人帶仔仔...無工人無呀媽幫.....老實講係超辛苦....仔仔都辛苦....每朝好早起身跟我出中環....我要等我放工先接走佢....為左個仔我又盡可能都整dinner.....佢有病我唔理公司點....送左仔仔入院.....陪足7日24小時....付出好多..仲有仔仔所有既決定都會係你....你唔知可以問邊個.....你要問自己得唔得.....

但係開心既係我仔仔知道我既付出....成日講好鍾意我....你可以同佢共同經歷所有野.....

將來既野無人知....但係你真係要坐低諗清楚....係得先好爭....如果唔係到時唔得先俾你奶奶揍..最可憐係你仔仔....愛有好多方式....唔係日日見先可以愛....諗清楚邊種生活先岩你仔仔.....

原帖由 annieannieleung 於 10-1-8 10:42 發表
星期一放工去左律師樓, 一上到去個律師話想以朋友身份同我講先, 內容係咁o既...
佢問我有冇唸過唔爭個仔o既撫養權, 佢o既意思係唔刻意去爭, 只係由得到時社工寫報告, 聽天由命, 睇下個官判比邊個?!
佢話離婚o既 case ...

私人傳訊

ChammyMAMA

瑪瑙宮

積分: 145072

好媽媽勳章醒目開學勳章畀面勳章

6^#

發表於 10-1-8 11:04 |只看該作者

我想問下,你男朋友重要D定仔仔重要D呢??你唔可以無咗呢個男人定唔可以無咗個仔呢??我同你唔同,因為囡囡一向都係我自己湊開,返工前帶囡囡返學,放咗工就接囡囡放學,離婚前後都無改變,如果當初佢要同我爭個囡,我一定會爭到低,因為我唔會比個囡喺個咁自私嘅人身邊長大,曾經都有人話我蠢,一個女人帶住個囡,由得個衰人喺出面風流快活,唔應該要個囡,等佢溝女,踢波,影相都要帶埋個囡,但我覺得唔係,因為囡囡係我嘅全部,你估個衰人會真心錫個囡咩?一個屈尾拾咪將個責任推比EX-66囉,我唔想個囡做人球,依家囡囡跟住我起碼有我同屋企人錫,有時間我會帶番去比EX-6299見下,男家嗰邊都大把人去錫佢,但最終決定都喺你自己度,但講真你可唔可以肯定如果你唔要個仔,可以同呢個男人終老呢??

緣是天意，份是人為，有緣相遇者，珍惜緣份的來臨

私人傳訊

Lovely媽咪

版主

積分: 18438

減齡達人勳章 2018母親節勳章 15週年勳章親子王國15週年勳章熱血勳章畀面勳章大廚勳章 BK猜猜猜慶中秋

7^#

發表於 10-1-8 11:06 |只看該作者

首先你自己問自己:
你攞番之後邊個湊?
經濟上支唔支持到,你都話你依家每月都係剛剛好?
你男朋友咁講,即基本上佢都唔係好讚成你攞番個仔,到時有問題時,你會企那一方?呢一刻你實話個仔最緊要,但如果到時你男友話真係接受唔到呢個小朋友,你會點?
你仔仔鐘意邊個多啲?我唔知你之前用幾多時間照顧bb,如果一直都係你奶奶湊,而佢地亦好錫佢,你個仔可能鐘意女麻女麻多啲,相反你到時俾唔俾到咁多時間去照顧佢?
你律師都講得啱,唔好為咗唔忿氣,覺得咩都好而一定要攞番個仔,如果一直都係你照顧,感情真係好好,我唔反對你爭,但相反你之前根本都冇咩照顧佢就認真咁諗吓啲問題.

私人傳訊

湯圓圓

大宅

積分: 1898

好媽媽勳章

8^#

發表於 10-1-8 11:17 |只看該作者

其實我會先考慮仲應唔應該同你呢個男朋友一齊,點解要說服佢呢?佢又未係你變個,你個仔仲親過你同佢,你自己攞返個仔返嚟要問准佢?雖然便宜仔冇人想養,但同得你一齊就知你有個仔在先,而唔係到有得揀嘅時候先想你變返做單身,老實講,仔係一世,老公你依家都知唔係啦,某程度上要衡量返邊個比較重要而下決定
你猶疑係因為你太介意人地點睇,特別當每個人都質疑嘅時侯
可能小朋友一直係我自己湊開,所以我對我同BB嘅感情同未來都好有信心,何況呢個係我骨肉,我生出嚟ge,做咩要交托比其他人呢?我唔覺得有咩輸唔起,母親照顧自己小朋友係天經地義,你覺得第時可能佢會唔孝順,但響果邊佢一樣可以,當然啦,果邊銀彈充足供到個仔去果邊留學就梗係好,但兩邊只係不相伯仲嘅,梗係爭返嚟,辛苦係辛苦,但起碼無怨無悔

私人傳訊

小靜小青

民房

積分: 99

9^#

發表於 10-1-8 12:35 |只看該作者

喔..咁奇怪??
律師會咁樣講...?? 記得以前我的律師話比我知,

除非男方想要追撫養權,
媽媽是吸毒,亦或做過犯法的人

法官才會考慮,小朋友會跟爸爸,

絕大部份是給媽媽的

而且你有工作,經濟上不是問題丫.......所以,

其實你不用考慮律師說什麼,你堅持要返仔仔撫養權就得了
根本不用考慮什麼....不用苦惱丫......@.@?

除非,你心底的答案是一半一半的話...?
即係一半想要,一半不想要(但做媽媽的,又點會不希望仔仔跟自己???)

男朋友...的事...

嗯...我只認為...仔仔的事情是你和前丈夫,仔仔,3個人的問題....... 局外人好難比意見......

始終他不是他爸爸, 你男朋友能做的,就是默默支持你,無論你作出什麼決定也好...................^^

私人傳訊

阿藍2006

侯爵府

積分: 21473

好媽媽勳章畀面勳章

10^#

發表於 10-1-8 13:28 |只看該作者

其實你應該清楚仔仔/男朋友邊個重要??
如果你想爭返個仔撫養權,無人會反對,因為係你自己既親生骨肉,如果你唔爭,亦有人會覺得你係為左個男朋友而唔要個仔,其實你想要個仔定男朋友,你自己好清楚,而你而家都未知呢個男朋友會唔會係你將來既老公,因為今日唔知聽日事
不過最大問題係個仔係你奶奶湊開,變左個仔同你感情唔係好深,佢會唔會鐘意跟男家個邊d人多過你?因為我個仔既家姐都係我奶奶湊開,而佢媽咪都係呢一,兩年多左湊佢返去,但係佢地感情真係唔多好,加上佢媽咪都唔多清楚個女既野,所以爭到又未必係好事,除非你肯定自己可以控制到,不過我相信每一個媽咪為左小朋友,幾辛苦,幾艱難都可以一一捱過,只係睇自己肯唔肯,我相信你都可以,或者你係而家呢段時間,可以就多d湊佢返屋企,比d時間佢適應,佢而家咁細,你自己湊返,對佢或者會好d,起碼唔會叫做無爸爸/媽媽,當日我就係做唔到狠心,唔想個仔無左爸爸連媽媽都無,所以個仔一直都係自己湊,中間99都有開口話比佢湊,我出去做野,但係我最終選擇自己湊返,拎綜緩都好,我都要自己湊返,因為係我既骨肉,自己十月懷胎,同埋我唔想miss左個仔每一個階段,所以我堅持自己湊返,有屋企人話你99開到口就當然比佢湊啦,但係我唔得,佢地話我扠,個仔比左99湊,你將來結婚生仔都容易d,但係我覺得將來既野我唔會知,我只知今時今日個仔係我既所有,係我既將來,佢地都係話我蠢,白痴...我都係無理,只要你有個份堅持,無咩可以難到你...至於你男朋友,或者你地一開始既時候,你唔係帶埋仔仔,個時我第一次同男朋友出街都帶埋個仔,佢亦都唔mind,而且佢地相處得好好,或者你可以比d時間佢,如果佢都唔想接受你個仔,咁你應該清楚明白呢個男人,只要你有個仔,你地既問題永遠都會存在,又或是將來你地穴係結婚生小朋友,佢會唔會對你個仔差?因為之前都有睇過bk媽咪講過呢個問題,而我都唔敢講我男朋友到時會唔會對我個仔好差?只要你做左自己應該做既野,無論個結果係點,你都問心無愧,老餅d講個:女人要認命
女人比男人係會承受好多問題/壓力
有咩事搵我傾下呀,最終既決定係點,我都會支持你,加油

私人傳訊

pretty_hill

大宅

積分: 2509

11^#

發表於 10-1-8 13:34 |只看該作者

我反而無諗過比個撫養權我奶奶佢地~~
因為以前細果時, 係奶奶湊呀, 但一放工, 放假全部自己湊返~
當佢開始返學嘅時候我係自己一手一腳湊嫁~
辛苦係辛苦, 攰都好攰, 但果個係自己個囝, 點辛苦, 點捱我都會比最好嘅野佢, 無論將來亞囝點對我~
但亞囝真係好懂事, 佢做錯左事, 一定要得到我原諒佢先會收聲唔喊, 而且又咩都同我講, 好痴我~~~

私人傳訊

pretty_hill

大宅

積分: 2509

12^#

發表於 10-1-8 13:38 |只看該作者

我都係甘諗~~
囝囡大過天~
亞囝重要過一切, 有時間我都陪亞囝~
望住佢成長, 進步, 真係好開心, 果種快樂無人可以比到~

原帖由 阿藍2006 於 10-1-8 13:28 發表
其實你應該清楚仔仔/男朋友邊個重要??
如果你想爭返個仔撫養權,無人會反對,因為係你自己既親生骨肉,如果你唔爭,亦有人會覺得你係為左個男朋友而唔要個仔,其實你想要個仔定男朋友,你自己好清楚,而你而家都未知呢個男 ...

私人傳訊

ChammyMAMA

瑪瑙宮

積分: 145072

好媽媽勳章醒目開學勳章畀面勳章

13^#

發表於 10-1-8 13:41 |只看該作者

每個小朋友成長階段如果錯過咗就揾唔番架喇,我囡囡都好懂事架,知道自己做錯事,唔洗我出聲都會同我講對唔住先,如果我見佢乖,買嘢奬勵下佢,佢會立即同我講,多謝媽咪,聽到呢句,自己有咩辛苦,唔開心,咩都無晒啦!!

原帖由 pretty_hill 於 10-1-8 13:34 發表
我反而無諗過比個撫養權我奶奶佢地~~
因為以前細果時, 係奶奶湊呀, 但一放工, 放假全部自己湊返~
當佢開始返學嘅時候我係自己一手一腳湊嫁~
辛苦係辛苦, 攰都好攰, 但果個係自己個囝, 點辛苦, 點捱我都會比最好嘅野 ...

緣是天意，份是人為，有緣相遇者，珍惜緣份的來臨

私人傳訊

ChammyMAMA

瑪瑙宮

積分: 145072

好媽媽勳章醒目開學勳章畀面勳章

14^#

發表於 10-1-8 13:43 |只看該作者

無錯,大家一定要堅持呀,唔開心嘅嘢一定有,但開心嘅一定會比唔開心嘅多,要捱苦嘅小朋友唔會話唔同你捱,總比D只可共患難,不能共富貴嘅男人好!!

原帖由 pretty_hill 於 10-1-8 13:38 發表

我都係甘諗~~
囝囡大過天~
亞囝重要過一切, 有時間我都陪亞囝~
望住佢成長, 進步, 真係好開心, 果種快樂無人可以比到~

...

緣是天意，份是人為，有緣相遇者，珍惜緣份的來臨

私人傳訊

四眼雞丁

子爵府

積分: 11191

15^#

發表於 10-1-8 13:53 |只看該作者

.我覺得佢係仲男朋友個邊多一點,最後都講(我真係唔知點樣可以說服我男朋友)...講真..你想湊返你個仔話.就唔駛長篇大論講撫養權事.唔駛理律師.男朋友點講...要湊...一定無野可難到你......但我睇完你所講野(加埋之前你topic...).你係睇愛情方面重一點..........

私人傳訊

annieannieleung

大宅

積分: 2326

好媽媽勳章

16^#

發表於 10-1-8 14:03 |只看該作者

原帖由 heichunmum 於 10-1-8 10:53 發表
其實最緊要係你要將你仔仔的利益放在首位去考慮，邊個安排係最適合佢，跟左你你自己有無能力自己一個人湊，不過始終個仔係在自己肚入面生出嚟，媽媽的感情係最深，你先唔好考慮男朋友住，最先諗下如果你屋企人都唔幫你湊，你自己搞 ...

我宜家係同媽咪、亞妹一齊住, 雖然媽咪係話唔想個仔咁細個就湊佢, 但係如果我堅持o既話, 佢唔會唔幫我湊~
之前試過有兩日假期我去左旅行, 奶奶又要返大陸, 媽咪幫我湊左兩日都無乜問題, 個仔無扭計~
只係我媽咪本身係一個幾怕麻煩o既人, 但我覺得如果將來佢幫我湊, 習慣左就會無問題~

仔仔o既利益... 我相信個仔o係我度會比o係奶奶度有更好o既生活同學習環境~
我奶奶好鍾意行街, 成日帶住我個仔周圍去~
而且佢讀得書少, 連英文都唔識, 將來無可能跟到個仔o既功課~
我 C6 同前妻有個女, 都係奶奶湊, 今年都九歲, 但係就非常唔聽教, 成隻甩繩馬騮~
同埋睇到奶奶點對個女孫 (成日淨係識得鬧, 或者佢做錯野奶奶唔得閒就話「一陣先鬧你」咁), 我唔覺得佢會教得好佢~

私人傳訊

annieannieleung

大宅

積分: 2326

好媽媽勳章

17^#

發表於 10-1-8 14:17 |只看該作者

原帖由 littlecar 於 10-1-8 11:03 發表
我依家一個人帶仔仔...無工人無呀媽幫.....老實講係超辛苦....仔仔都辛苦....每朝好早起身跟我出中環....我要等我放工先接走佢....為左個仔我又盡可能都整dinner.....佢有病我唔理公司點....送左仔仔入院.....陪足7 ...

我比你好o的, 我同媽咪一齊住, 我返工媽咪可以幫我睇住個仔, dinner 又係媽咪整~
我知道我湊返個仔o既話, 我會好辛苦, 但由我決定要生 BB o個一刻, 我已經唸住將全副精神放晒落佢度~
我亦相信個仔同我生活會好過同奶奶生活~
但我猶疑o既係... 男朋友o個句, 有冇從個仔o既角度去唸, 佢要重新適應過新o既環境, 同埋當我將全副精神放晒落佢度, 會唔會比得太大壓力佢?! 我驚佢唔開心~

私人傳訊

charmaine_1

公爵府

積分: 25703

醒目開學勳章畀面勳章

18^#

發表於 10-1-8 14:22 |只看該作者

原帖由 annieannieleung 於 10-1-8 14:17 發表

我比你好o的, 我同媽咪一齊住, 我返工媽咪可以幫我睇住個仔, dinner 又係媽咪整~
我知道我湊返個仔o既話, 我會好辛苦, 但由我決定要生 BB o個一刻, 我已經唸住將全副精神放晒落佢度~
我亦相信個仔同我生活會好過同 ...

咁你有冇問過你仔仔想跟邊個

順順利利大吉大利

私人傳訊

annieannieleung

大宅

積分: 2326

好媽媽勳章

19^#

發表於 10-1-8 14:26 |只看該作者

原帖由 ChammyMAMA 於 10-1-8 11:04 發表
我想問下,你男朋友重要D定仔仔重要D呢??你唔可以無咗呢個男人定唔可以無咗個仔呢??我同你唔同,因為囡囡一向都係我自己湊開,返工前帶囡囡返學,放咗工就接囡囡放學,離婚前後都無改變,如果當初佢要同我爭個囡,我一定會 ...

一定係仔仔重要o的~
因為仔仔o既話, 就算無左呢個男朋友, 我都甘心情願~
我唔會為左一個男人而放棄個仔~
個仔係自己親生o既, 男朋友唔係, 同自己無血源關係, 愛情點都唔及親情重要~
我考慮o既唔係我同男朋友o既將來, 而係個仔o既將來~
雖然我可以好肯定咁話我會比到更好o既生活質素個仔 (比奶奶o個邊), 但係我考慮o既係個仔o既感受~
如果唔係男朋友叫我從個仔o既角度去唸, 我唔會有呢個猶疑~