大仔大女媽媽會 今日: 0 | 主題: 177860

積分: 1557

1^#

發表於 10-2-22 17:14 |只看該作者 |倒序瀏覽 |打印

我大仔就快三歲，細仔都差不多二個月啦！我大仔一直都係自己湊，到有左細仔之後就請左個工人，但個工一完全唔掂，我跟本唔放心比佢湊大仔同細仔，現在自己湊兩個，工人就做家務。我大仔一直好跟我，到現在細仔出左世，大仔初初唔係好習慣，有少少情緒唔穩定，之後適應左就好D。細仔就好扭計，佢又認人、認地方，又唔蝦抱，真係扭到我想死，新年仲更加嚴重。我個大仔又開始情緒唔穩定，佢自己行埋一邊係到喊，仲要係冇聲個種，見到我真係好心痛。但細仔又係咁扭計，唔抱唔得個種，我都唔知點分身好，大家可唔可以比D意見呀？

0 0 0

私人傳訊

carrie_1102

伯爵府

積分: 19211

2^#

發表於 10-2-23 01:14 |只看該作者

我個囡3歲,細佬差唔多兩個月大~同你都好相似!!!初初細佬返屋企,家姐超呷醋!成日同我搞對抗!!!佢一搞對抗,我就會好憫...好想鬧佢!果陣心情真係唔多好~~~但細bb就好好湊,食飽就訓果d,冇話好扭計...你有冇成日同大仔講,叫佢要錫bb呀...我都有工人,阿囡一直都係工人湊...我同老公都一早同工人講定..叫佢唔好淨係估住細佬而唔理家姐...你試下放手比細佬比工人湊啦...因為大仔唔係工人湊開就好"kick"手...我個囡係工人湊開,所以都會聽工人話...依家好好多喇~阿囡唔會搞對抗,仲會照顧細佬,bb一喊就去叫姐姐,又幫手"dum"細佬...不如你試下買份禮物比大仔,話係細佬送比哥哥,叫佢地一齊玩啦...果陣我細b出世返屋企,我就送左份禮物比家姐(話細佬送既)..家姐就好開心~~你都好,唔洗返工可以一齊湊到bb,我咪仲唔放心...我過多一個星期就返工喇~好彩係見到個工人都好錫細佬...都湊得好好~你要同大仔傾多d計..等佢唔好覺得你忽略左佢~佢返學未架?可以問下佢每日學左d咩?做過d咩???我都係日日咁問我個囡...等佢覺得媽咪係關心佢既~咁自然佢咪會錫細b囉~~你試下啦~~~大家一齊努力啦~小朋友呷醋就梗架喇~唯有多d陪下佢囉~~~

私人傳訊

積分: 5461

好媽媽勳章醒目開學勳章

3^#

發表於 10-2-23 10:03 |只看該作者

我想問下你係咪都係一個工人湊兩個小朋友?

我同你都係差不多, 個囡下個月3歲, BB囝 3個幾月大(早產), 我遲D都要返工, 我最擔心係當工人餵緊BB飲奶, 但又怕個囡突然話要去廁所, 咁都不知點算, 工人又點可以即刻放低BB去幫個囡去廁所, 我個囡朝早返學, 大約13:15返到屋企, 另一個樣擔心係當個囡食緊午餐, 但BB又喊食奶奶, 工人又不知顧得邊個!我個囡就無呷醋, 不過當餵完BB飲奶後, 個囡有時就會話"你放低細佬, 同我玩啦", 有時假設性問佢同唔同細佬分享有些食物或者玩具, 佢就話"細佬細個不識玩, 其實佢都算乖!

原帖由 carrie_1102 於 10-2-23 01:14 發表
我個囡3歲,細佬差唔多兩個月大~同你都好相似!!!初初細佬返屋企,家姐超呷醋!成日同我搞對抗!!!佢一搞對抗,我就會好憫...好想鬧佢!果陣心情真係唔多好~~~但細bb就好好湊,食飽就訓果d,冇話好扭計...你有冇成日同大仔講, ...

私人傳訊

積分: 1557

4^#

發表於 10-2-23 10:13 |只看該作者

好多謝你的分享，工人黎左半年我先至生細佬，初初都諗住細佬工人湊，點知呢半年完全睇到我工人係好唔掂，連清潔都有問題，我有我講，佢有佢唔聽你講。所以細佬出世我真係唔放心比佢湊。佢連開支奶都唔掂，時熱時凍，好在哥哥大個識得講，如果係個細都唔知點算好。

細佬出世爸爸都買左幾份禮物比哥哥，係話細佬送比佢，佢都好開心。但到近來，細佬好扭計，爸爸抱又唔收聲，一定要我抱。我抱左細佬，又冇手同哥哥玩，真係好辛苦。哥哥雖然呷醋，但從來唔會攪細佬，佢地兩兄弟係房都唔會有問題。我有試過細佬喊我唔理佢，哥哥過一陣就好大聲話細佬喊呀！叫我快D理下佢。其實哥哥一直都比我想像中好好多，我依家見到佢自己係到喊，真係好肉赤，好對佢唔住。我依家仲有D後悔生左細佬添......

私人傳訊

積分: 1557

5^#

發表於 10-2-23 10:21 |只看該作者

我工人唔係一個湊兩個，佢連一個都攪唔掂，點可能湊兩個呢？我生完之後，兩個仔D衫都係我自己洗返，但佢好似永遠都做唔完同做得唔好，有時仲要顧埋佢，真係比佢激死。如果佢掂D，所有野都好好多。

私人傳訊

積分: 5461

好媽媽勳章醒目開學勳章

6^#

發表於 10-2-23 11:04 |只看該作者

嘩!你工人連奶都開唔掂真係有問題Bor, 不如你俾指示佢究竟要用幾多熱水同凍水加幾多spoon奶粉, 如果不係白痴真係無理由做不到!

至於衫方面, 我宜家係將佢兩姊弟的衫一齊用洗衣機洗, 咁就不洗用咁多時間, 因為如果BB D衫用手洗真係好多同好難乾, 咁樣都可以減輕你的工作啦!

我宜家個工人係個囡1.5歲時開始用, 但係就好自我, 加上我同佢年紀一樣, 所以有時佢做得不好, 我都要好容氣咁同佢講架, 而且兩個小朋友係佢手上, 我都唯有忍, 不過佢D英文就幾好, 所以亞囡宜家都識用英文同佢溝通!

我個囝塊面肥到似pizza, 宜家都係識食同訓, 可能佢知我就返工, 這兩天沒有飲夜奶, 希望能繼續啦!

私人傳訊

kachun0123

積分: 9448

7^#

發表於 10-2-23 11:57 |只看該作者

原帖由 安安太太 於 10-2-23 10:03 發表
我想問下你係咪都係一個工人湊兩個小朋友?

我同你都係差不多, 個囡下個月3歲, BB囝 3個幾月大(早產), 我遲D都要返工, 我最擔心係當工人餵緊BB飲奶, 但又怕個囡突然話要去廁所, 咁都不知點算, 工人又點可以即刻放低B ...

你d假設性問題, 我一一都試過.
我放定個痰罐係廳, 如佢要去, 我會一邊抱住bb, 單手幫大仔除褲叫佢痌, 如食飯, 可以既話, 將bb放係high chair係廳, 跟住餵大仔食飯, 如bb食緊奶, 我會叫大仔自己食住先, 真係一個人揍唔掂2個, 好踢腳架, 所以唔明以前年代d媽咪點一個揍幾個.

我個工人由大仔歲半開始揍, 初時都怕工人揍唔掂細囡, 所以係我返工前, 大仔又返學, 揾幾日叫工人自己揍細囡, 我只會從旁協助少少, 再整埋time table, 好似醫院個食奶換片表咁, 幾點食奶, 食左幾多, 幾點飲水, 幾點換片, 有冇尿尿&便便, 要佢全部都要寫低, 我由初四返工開始都日日check住, 又叫佢影埋便便既相比我睇, 如好夜先便便, 佢會留條尿片比我睇.

私人傳訊

carrie_1102

伯爵府

積分: 19211

8^#

發表於 10-2-23 17:01 |只看該作者

原帖由 安安太太 於 10-2-23 10:03 發表
我想問下你係咪都係一個工人湊兩個小朋友?

我同你都係差不多, 個囡下個月3歲, BB囝 3個幾月大(早產), 我遲D都要返工, 我最擔心係當工人餵緊BB飲奶, 但又怕個囡突然話要去廁所, 咁都不知點算, 工人又點可以即刻放低B ...

係呀,我工人係一個湊兩個呀...我過多一個星期就返工喇~呢排我都特登自己出下街...睇下工人搞唔搞得掂?又ok喎~如果細b食緊奶,我個囡要去vv..佢自己會識得除褲去架...我地放定個痰罐嚮度...我個工人仲細我少少...雖然我兩個小朋友都係佢手上,但有時佢做得唔好,我會照同佢講囉...不過佢都好醒目架喇~跟左我咁耐,唔通唔知我勁緊張咩??

哈哈...我個工人之前已經嚮hk做左4年完約...今年係第7年喇~有時佢放假,我同老公想出街,叫佢早少少返黎,佢都ok~總之佢勁錫我兩個小朋友啦~~~我唔介意佢做唔晒d野..最緊要係小朋友既安全!我個囡依家返緊k1,12點度搭校車返到黎...依家我嚮度,我幫手睇住細b,工人行出去接...佢都試過好幾次"咩"埋bb出去接家姐...我工人會11點幾準備好lunch比阿囡...如果細佬差唔多食奶,就會鍡左細佬先出去囉...要自己睇時間喇~冇辦法..細bb太細個,點都係理左佢先架啦~~~有時我個囡叫我點點點...我會叫佢等媽咪一陣,要合作!!!媽咪要同細佬整左先...咁佢都會聽話~~~

私人傳訊

trintrin

積分: 6529

9^#

發表於 10-2-25 10:17 |只看該作者

我大女剛3歲, 細女剛2個月, 同大家小朋友差不多大, 真係約出唻玩都得.

我大女由婆婆同工人湊大, 所以都比人寵壞. 依家個妹出左世, 就一日喊到黑, 我倆公婆憫到飛起. 我成日都提自己她得3歲係須要時間適應.我大女又係我抱小B睡時她又要我抱睡, 一隻手一個

.

我就成日攬住個大女唻

, 話她知我好愛她, 又問她覺唔覺得我好鍾意她, 咁她好甜感答知道, 我就會話她知如果她整痛妹妹, 媽咪會唔開心, 爸爸會唔開心, 問她會唔會唔開心, 她答會, 咁她又會對個妹好好.

如果樓主個大仔行埋一邊係到喊，仲要係冇聲個種，咁他應該都好愛個細的, 只是有唔開心, 係咪你們少左同他傾計?你可以考慮將大仔放番第一, 甚麼都係理左他先, 甚至尤得個細喊, 咁個大的都會唔捨得, 應該會叫你TUM番個細的, 我朋友就係咁情況大大改善.

至於個工人.. 你連洗衣都自己做, 就更係好忙啦. 我個工人都係我有我講，佢有佢繼續用自己方法, 真係應左都多餘。有時降低要求, 見到她洗過的衣仲未乾淨就叫她再洗, 只要小朋友唔皮膚敏感其實都OK. 個人意見. 如果真係唔得, 換個個啦.

私人傳訊

積分: 1557

10^#

發表於 10-2-25 11:01 |只看該作者

好多謝大家的分享，但我工人真係日日新鮮日日新。我工人連將消完毒砌返好個奶樽都有問題，我開奶時真係成個奶嘴跌左出黎，真係激到我死死下。我兩個仔仔都唔係好跟爸爸，完全要我先至肯收聲唔喊，真係覺得好辛苦。我依家就算好夜都唔同大仔傾下計，同盡量係星期六/日找個時間同佢單獨相處一下，等佢知道我都好緊張佢。希望會有改善啦！

私人傳訊

積分: 5461

好媽媽勳章醒目開學勳章

11^#

發表於 10-2-25 11:13 |只看該作者

我個囡最激我就係食飯同飲水, 次次都要攪好耐先可以完成, 一時又不肯穿拖鞋, 一時又不肯著衫, 但一時又不肯除衫, 連罰佢叫扭耳仔都不聽我講, 好似我有我講, 佢有佢做咁, 你地個小朋友係咪咁架?

我個工人都好激氣, 之前細佬未出世時, 佢夠膽死只係煮火腿飯俾我個囡死, 星期日早上6:00就出去, 5點幾就聽到佢梳洗, 基本上4次有3次都遲15分鐘先返到屋企, 我心真係好鬼嬲, 不過都無辦法, 如果佢突然話不湊我都不知點算好!

私人傳訊

carrie_1102

伯爵府

積分: 19211

12^#

發表於 10-2-25 19:19 |只看該作者

原帖由 安安太太 於 10-2-25 11:13 發表
我個囡最激我就係食飯同飲水, 次次都要攪好耐先可以完成, 一時又不肯穿拖鞋, 一時又不肯著衫, 但一時又不肯除衫, 連罰佢叫扭耳仔都不聽我講, 好似我有我講, 佢有佢做咁, 你地個小朋友係咪咁架?

我個工人都好激氣, ...

我個囡超鍾意發脾氣!又識博咀!!!有時激到我好想打佢...不過佢好驚爸爸...所以佢都唔敢亂黎~~~

因為佢唔乖,爸爸收工返黎,我同姐姐就會即刻投訴!!!咁佢就c火架喇!!!

如果個工人湊小朋友ok既話,有時我地都要隻眼開隻眼閉~換過個又驚佢對小朋友唔好...驚呢樣驚果樣...我成日都同我個工人傾計...佢得閒又會報串屋企d野比我聽~(因為我姑9日日都嚮我屋企hae...)我覺得你對佢好,佢自然會對小朋友好~~~!!!

私人傳訊

積分: 5461

好媽媽勳章醒目開學勳章

13^#

發表於 10-3-1 10:03 |只看該作者

我這個禮拜尾可能就要返工(因為之前跌親, 所以放緊病假), 我希望他們的時間表可以如下:

6:45 我起身將個囝交俾工人
7:00 細囝飲奶奶
7:20 我出門口返工
7:30 老公起身
7:45 工人叫囡囡起身梳洗, 飲奶, 換校服
8:00 老公出門口及婆婆到家中陪囡囡食麵包然後8:30出門口返學
8:30後淨返工人同細佬係屋企, 希望細佬會睡訓等工人做家務
9:30 婆婆應該送完家姐返工回到家中幫細佬洗白白
10:15 婆婆要離開了, 又淨返工人同細佬, 細佬洗完白白要飲第二餐奶奶
11:30 當細佬飲完奶奶就要準備家姐的午餐了
13:00 準備推BB車帶細佬落去接家姐校車回家
13:30 希望可以開始食lunch同埋14:15前完成啦
15:00 家姐要午睡了, 家姐最好要快D訓著然後細佬又要飲第三餐奶奶, 細佬飲完奶奶至到家姐訓醒, 工人應該要準備晚餐
17:00 家姐起身同工人同細佬一齊玩啦!
19:00 細佬又要飲奶, 如果爸爸已經回家就可以餵奶, 不係的話就姐姐又餵奶, 希望家姐可以自己一個人玩, 不好扭計啦!
20:15 希望我已經返到屋企可以一齊食飯啦
21:15 同家姐洗白白同玩下
22:00 家姐同工人要入房一齊睡覺了
22:30 最好可以同老公一齊睇一陣電視同餵細佬飲奶奶啦
00:00 希望我可以睡覺了

囝囝可能知道媽咪要返工, 所以上星期已經戒了夜奶了, 咁我都放心D了, 畢竟囝囝還有十多天便4個月, 但他是早產B所以我常常覺得他只有2個多月, 見他現在肥到塊臉似麵包超人, 我都已經很滿足了!

期待新生活, 新挑戰!

私人傳訊

yyy008