興趣嗜好 今日: 4 | 主題: 124020

積分: 10665

1^#

發表於 05-3-14 16:07 |只看該作者

天河廣州購書中心

請問到天河廣州購書中心, 是否可以帶較大的背囊(行理)進入？因為有朋友說到珠海的書城是要把行理寄存在外面的。煩請告知, 謝謝!

另外, 天河廣州購書中心裏多不多樂器售賣呢? Thanks a lot in advance.

私人傳訊

積分: 35965

畀面勳章

2^#

發表於 05-3-14 22:30 |只看該作者

Re: 天河廣州購書中心

請問到天河廣州購書中心, 是否可以帶較大的背囊(行理)進入？
=>可以. 好多香港人係拉住手拖喼架.

另外, 天河廣州購書中心裏多不多樂器售賣呢?
=>不多. 在地庫那層, 有音樂書賣, 樂器都有, 不過唔算多.

私人傳訊

積分: 10665

3^#

發表於 05-3-15 09:26 |只看該作者

Re: 天河廣州購書中心

many many thanks, Teresa.

son9698

私人傳訊

haaumi

複式洋房

積分: 209

4^#

發表於 05-3-17 10:06 |只看該作者

Re: 天河廣州購書中心

Hi Teresa ,

有冇地址提供呀

thank you! :mrgreen:

私人傳訊

積分: 35965

畀面勳章

5^#

發表於 05-3-17 13:18 |只看該作者

Re: 天河廣州購書中心

如果乘地鐵，就在體育西路站下車，過對面馬路，見有一建築物頂樓有個"SHARP"招牌就是書城了。

如果乘的士，叫driver往"天河購書中心"或"天河城"就得喇！

私人傳訊

haaumi

複式洋房

積分: 209

6^#

發表於 05-3-21 01:43 |只看該作者

Re: 天河廣州購書中心

好多謝你Teresa

私人傳訊

toffeeli

積分: 1270

7^#

發表於 05-3-22 23:11 |只看該作者

Re: 天河廣州購書中心

haaumi,

"天河購書中心"地址:天河區天河路123號

搭巴士就在體育中心站下車，地鐵就在體育西站下車

toffeeli

私人傳訊

積分: 10665

8^#

發表於 05-3-31 13:04 |只看該作者

Re: 天河廣州購書中心

Hi All,我在Easter期間去了天河購書中心, 好多人啊!很擠擁。我也分不清是廣州人還是港人, 不知平時星期六日是否一樣多人？我帶着兩個小孩,看不到自己想看的書啊!只能在童書部份流連,收獲不太多, 因為太多人了,很怕小孩走失, 所以只顧看着他們。
很開心買到一些國內版的CD, 真的比港版便宜一倍有多, 古典音樂的選擇很多呀!是今次廣州之行最開心的事。不知道深圳多不多這類CD呢？

私人傳訊

Blythemia

積分: 4462

9^#

發表於 05-3-31 15:57 |只看該作者

Re: 天河廣州購書中心

hi,其中一個港人可能係我喎

我復活節都行過兩轉,星期六真係好多人,平日好d.我既策略係同老公輪班,一人陪個女半個鐘,跟住自己去搵書,咁至可以分頭搵到心頭好.當然,大贏家梗係小朋友.自己盡量忍手,都係買左四五本啫,亞女都有十本八本.

順便一提,內地出版既小學生補充練習(我主要睇中文,其實數學都好多)好有水準,由一般既語文書到訓練作文既書或練習,都有好多選擇,好認真.全部分級別同上下學期,一睇你會好驚,佢地三年級既水平,等於我地五至六年級.

私人傳訊

積分: 35965

畀面勳章

10^#

發表於 05-3-31 23:01 |只看該作者

Re: 天河廣州購書中心

Blythemia,

你星期六去左書城?? 我星期四去完, 星期六又去過, 真係勁多勁多人, 好似唔洗$咁, 加上佢地好似冇開air-con, 好stuffy!!! 我星期四去已經打左半日書釘, 當日既人小好多好多, 真係可以打書釘. 我諗如果我星期六/日去, 我暈左o係書城都似.

好同意你講法. 佢地既學生既exercise真係一流!! esp. 當呀仔越黎越大, 開始要搵exercise比佢既時候. 今次我都買左d exercise比佢, 諗住佢暑假慢慢做. 有d係好薄既maths exercise, RMB 2/本 (仲係colour print), 另外我最欣賞係maths既文字題, RMB 9/本, 分哂幾年級, 簡單得黎係step by step, 清楚易明, 真係o係香港一定搵唔到d咁好既exercise.

不過我仲未諗應該點比個仔睇, 叫佢就咁睇簡體字? 定係o係個簡體字旁邊括住, 寫番個繁體字比佢睇? 你有何高見?

私人傳訊

Blythemia

積分: 4462

11^#

發表於 05-4-1 00:09 |只看該作者

Re: 天河廣州購書中心

Teresa,

我星期三去過一次,星期六又去左一陣.人好多,我地既讀書風氣同人地相差太遠.

其實我女K2左右我就買簡體字書佢睇,所以佢無障礙.要掌握簡體字,我估睇故事會比做練習容易好多,因為有語境,又上下文可以幫助理解.就咁對住本簡體字既練習,我估小朋友唔容易估到個字,會阻礙佢做練習,冇咁易有成功感.如果括住繁體字,咁你就即係要全本罰抄一次,都相當花時間.

如果係我,我會先俾佢睇兩三本簡體字既故事書,等佢開始認識唔同既字型,唔駛太多字,總之俾到個印象過佢,同埋等佢唔好抗拒呢套符號.估下一個,估下又一個,小朋友好快就可以掌握到基本既常用字,如你計劃暑假至正式做練習,而家做定呢D準備工夫都有充裕既時間.

你幫佢抄得一本數學,但總唔可以抄三本中文(真係好多字),始終應該由佢去掌握呢套工具,咁至可以得到最大既益處,先至係最cost effective.我知你亦贊成小朋友學識睇簡體字,我諗其實K3都係一個適合既時間.你認為點呢?

私人傳訊

積分: 35965

畀面勳章

12^#

發表於 05-4-1 00:27 |只看該作者

Re: 天河廣州購書中心

Blythemia,

多謝指教!!! 你講得岩, 我一向唔反對個仔睇簡體字, 而我亦想"盡快"令他學識睇簡體字, 佢至會有興趣沉醉o係簡體字既書海.

我平日多數用簡體字書講故事. 佢套西遊記漫畫故事都係簡體字. 不過我發現, 當我用簡體字書同佢講故事, 佢就好靠我講, 而佢只係睇住d畫. 近幾個月, 我又用簡體字"唐詩"教佢讀, 要佢讀比我奶奶聽(我奶奶係文盲). 佢開始估到小小簡體字, 不過唔多.

以佢K3 程度, 我認為係時候比佢學簡體字. 只係我近日發現, 佢原來連默返學校教過既中文字都未得, "改正"完, 第2日都係記唔哂個字. 以佢咁既"水準", 我才有點hesitation是否應該開始訓練佢睇簡體字.

你既experience給我好大鼓勵, 我會好好利用呢幾個月去try下!

私人傳訊

Blythemia

積分: 4462

13^#

發表於 05-4-1 12:48 |只看該作者

Re: 天河廣州購書中心

Teresa,

又咁睇喎,寫字係個active既動作,認字係passive既動作.見到一個字能夠理解,係比識得寫岩一個字容易好多架喎.其實就算大人,都係passive vocab多過active vocab.小學生寫唔岩筆畫係非常正常又常見既事,我唔覺好大問題.何況你囝囝只k3,未掌握到一d都唔出奇.你咪話咁細啦,有家長同我呻亞女三年級都係今日識寫,聽日就忘記哂.

至於有圖畫就唔睇字,都好正常,公仔梗係吸引d.我諗隨住佢大個d,情況會有進步,唔駛擔心.

小小意見,讀唐詩當然好,不過從訓練認簡體字既角度來講,可能讀故事會比較容易,因為一首詩通常得幾十個字,而且字詞既配搭同日常生活用語有時會有距離,小朋友要從前後句或前後字去估一個睇唔明既字,會比較困難.而且一首詩裏面,同一個字重複使用既頻率好低,唔似故事咁會出現多次.某個字第一次出現時佢或者估唔到,但第三四次出現,結合唔同既字組成另夕一d詞語時,可能佢得到既信息多左,會幫助到理解都唔定.

私人傳訊

積分: 10665

14^#

發表於 05-4-1 17:30 |只看該作者

Re: 天河廣州購書中心

嘩！你們就好喇, 可以經常到書城, 今次是我第一次到廣州, 不知幾時才可安排到再去了。我也看見有很多中文和maths的分級exercise, 但不知為何當時沒有心情看啊!!!錯過了 :cry: 。我一心想找些英文書給小孩啦, 但又不算太多，所以收獲一般。另外我買了新閱讀360分級英語讀物, 封面寫看適合三年級, 但原來程度約香港K2 or K3 , 我小一的兒子也認為太容易(他的English level 只是普普通通), 我想兩地的英文水準有点距離, 是不是呢? 請指教。

私人傳訊