少年成長 今日: 0 | 主題: 16017

積分: 5160

1^#

發表於 10-1-17 22:43 |只看該作者 |倒序瀏覽 |打印

BB今年2歲, 但就勁癡賓賓, 每次有咩事就一定搵佢先,試過單獨帶BB出街, 去到途中竟喊住要搵工人,仲要係氹極都唔收聲,結果要CALL工人來接回,唉,這情況已不至只一次了,好

,請問各位有冇如此經驗可幫幫忙,有咩辦法令BB唔好咁癡工人身?

0 0 0

私人傳訊

20022009

積分: 6903

好媽媽勳章

2^#

發表於 10-1-18 12:00 |只看該作者

請問你對bb既時間係幾多? 你會負責照顧bb邊一part?

私人傳訊

積分: 3919

3^#

發表於 10-1-18 12:24 |只看該作者

我個囝都好跟嫲嫲，都係2歲，尤其夜晚瞓覺一定要阿嫲暗。試過阿嫲夜晚出街，佢都喊到嘔，係真係嘔哂個隻。

但我唔會特登call阿嫲返黎，因為小朋友好叻，你比佢用喊得逞，佢就會次次都係咁。我會由佢喊多幾次(我知好心痛，但要忍)，一路同佢解釋同抱著佢安慰。你估佢喊唔攰咩，佢地知道喊冇用，就會接受。

至於唔想bb咁痴工人，反而係要自己比多啲時間同bb玩。尤其2歲仔好鍾意玩，你了解下佢鍾意玩啲咩，佢"留"計時就分散下佢注意力。

我的經驗係唔一定要買好多玩具同佢地玩，反而我成日同阿仔玩role play，佢會好開心。有時我地會扮郵差派信(我會用啲唔要信封寫哂地址同貼假郵票扮寄比佢)；之前報紙有m記快餐coupon，我又會cut出黎一個扮收銀，一個扮客人用coupon買嘢食；有時我又會扮巴士，佢用張八達通(手繪的)嘟完，就會扒上我身坐唔同號碼巴士去唔同地方(例如坐961去屯門探婆婆，694去將軍澳探姑媽......諸如此類。

反而好多家長喺bb好細就教佢地認字，其實我覺得學校都會教呢啲，我希望佢識多啲其他嘢。

以上小小分享，希望其他家長都比啲意見，我都好希望多多學習。

私人傳訊

lil_sis

積分: 5160

4^#

發表於 10-1-18 22:12 |只看該作者

好多謝你既分享, 你提醒左我, 佢依加的確好鍾意玩ROLEPLAY, 我就依佢既喜好同佢玩多D, 但至於喊方面, 我都唔想就範,但我亞MA一聽到佢喊就會心軟, 攪到我好為難, 我都知若唔忍心D, 一定有排受,但始終BB對住我亞MA多過我, (因我工作時間好長)對到BB既時間唔太多,唉總之就激氣啦!

原帖由 豬Bmama 於 10-1-18 12:24 發表
我個囝都好跟嫲嫲，都係2歲，尤其夜晚瞓覺一定要阿嫲暗。試過阿嫲夜晚出街，佢都喊到嘔，係真係嘔哂個隻。

但我唔會特登call阿嫲返黎，因為小朋友好叻，你比佢用喊得逞，佢就會次次都係咁。我會由佢喊多幾次(我知好心痛，但要忍)，一 ...

私人傳訊

heidys

子爵府

積分: 12760

母親節2025勳章 2025勳章蛇年勳章虎到金來勳章 HiPP勳章(1) 好媽媽勳章

5^#

發表於 10-1-19 11:30 |只看該作者

原帖由 豬Bmama 於 10-1-18 12:24 發表
我個囝都好跟嫲嫲，都係2歲，尤其夜晚瞓覺一定要阿嫲暗。試過阿嫲夜晚出街，佢都喊到嘔，係真係嘔哂個隻。

咁大鑊?? 點樣防止呀?? 夜晚會跟返爸媽訓嗎?

我B仔10月4日出世. 3.78KG
18MTH 15KG,84.5CM
13MTH 13KG,82.5CM
10MTH 12.42KG(連衫)
6MTH 10.08KG,72.5CM
5MTH 9.8KG(連衫)
4MTH 8.73KG,68CM
3.5MTH 8.98KG(連衫)
3MTH 8.4KG(連衫)
2MTH 6.9KG,61.5CM
1MTH 5.2KG

私人傳訊

baubaulee

積分: 6632

6^#

發表於 10-1-19 12:30 |只看該作者

Thanks a lot for your sharing. Very useful for me.
Do you have any tips how to train his social skill?
My son is 2yrs and 9months old, his social skill is not so good.

Cheers,

原帖由 豬Bmama 於 10-1-18 12:24 發表
我個囝都好跟嫲嫲，都係2歲，尤其夜晚瞓覺一定要阿嫲暗。試過阿嫲夜晚出街，佢都喊到嘔，係真係嘔哂個隻。

但我唔會特登call阿嫲返黎，因為小朋友好叻，你比佢用喊得逞，佢就會次次都係咁。我會由佢喊多幾次(我知好心痛，但要忍)，一 ...

私人傳訊

積分: 3919

7^#

發表於 10-1-19 14:46 |只看該作者

冇呀，當佢試過幾次之後，發覺喊到嘔阿嫲都係唔喺到，佢就好似認命咁，而家我暗佢瞓都ok，不過阿嫲喺到就一定會拖阿嫲入房瞓。

仲有，之前阿嫲比提子包佢當早餐，佢好鍾意，於是有日下午6點幾應該食晚飯都唔肯食，猛咁喊要食提子包。喊到阿嫲想順佢意，不過比我阻止。

之前99另一個孫又係1日幾餐都係食包，99都識得話自己個女好縱到個仔返唔到轉頭，而家5歲仔可以全日唔食飯，淨係食包，但到佢自己又唔忍心個孫喊。我唔比個仔食提子包時，feel到99"男女男"我，仲發"紋陣"。不過我真係唔想樣樣都比bb用喊扭到，結果喊到佢自己攰咪收聲囉(我一路都抱著同安慰佢)，7點幾再比飯佢食，成大碗都食哂，而跟住bb亦都明白早餐先可以食包，夜晚冇再扭食包。

諸如呢啲例子，其實bb係要train的，佢地扭多幾次唔得，佢地會學精費事哂心機。同時，我亦好明白老人家心軟，但樓主嗰個係自己阿媽，已經比我好，起碼易開聲同佢講道理。你要老人家知道今次就佢令佢收聲唔喊好易，但壞習慣養成要再改就好難，小朋友唔明點解之前比佢咁做，但之後又唔得要佢改。有錯就要由day 1同即刻比小朋友知，事後再教就難。

好在 c6都好明白，有時佢罰阿仔企時，阿仔喊到拆天，99就會話比佢食埋飯或者聽日先罰啦，就黎瞓覺阿仔咁喊會發惡夢，但c6都覺得事後小朋友都唔記得自己錯咩，罰佢都唔會教到佢，佢會同99講道理。好在99雖然未必同意，但都會尊重同配合返我地教仔方法。

原帖由 heidys 於 10-1-19 11:30 發表

咁大鑊?? 點樣防止呀?? 夜晚會跟返爸媽訓嗎?

私人傳訊

積分: 3919

8^#

發表於 10-1-19 15:03 |只看該作者

唉，仲有其實阿仔一路同工人姐姐瞓都相安冇事，每晚8點幾工人帶佢入房仲好乖同我地say goodnight。但自從夏天99入阿仔房瞓痴冷氣嘆後(62唔受得冷氣)，阿仔就一定要99暗瞓，唔再跟姐姐，所以可以話99一手做成的。

原帖由 heidys 於 10-1-19 11:30 發表

咁大鑊?? 點樣防止呀?? 夜晚會跟返爸媽訓嗎?

私人傳訊

積分: 3919

9^#

發表於 10-1-19 15:32 |只看該作者

都係希望借呢到大家分享同學習下，小朋友在學習時，我們何嘗不是在學習點做父母。

不過我個仔social skills 都係soso(比較少同其他同年小朋友相處)，始終佢未返學，我冇比佢讀playgroup & N1呀，流感當到，咁細個成日病驚搞壞咗個底呀，第時有排病。所以希望大啲、身體好啲先返學。你小朋友返學未呀？我又唔太擔心佢social skills，我諗第時返學自然會同人玩同相處。

反而，因為由好細個開始(好似半歲到)，阿嫲每朝都會同佢落樓下公園行下，附近嗰啲街坊個個都識佢，佢由搭lift開始已經不斷同人打招呼講早晨，啲婆婆公公有時仲會叫佢唱歌跳舞佢都肯。我諗比時間小朋友適應下就冇問題。

以我自己為例，我幼稚園時初初都好靜，班主任喺家長日仲同我阿媽講話我太靜，會調我去啲好多嘢講啲小朋友同一組，結果喺後來老師想我收聲都難，我c6話我唔講嘢應該會死嗰隻，所以唔使太擔心。

同埋我仲有個細囝而家4個月大，第時當細佬識行識走，兩兄弟有伴就仲好。

原帖由 baubaulee 於 10-1-19 12:30 發表
Thanks a lot for your sharing. Very useful for me.
Do you have any tips how to train his social skill?
My son is 2yrs and 9months old, his social skill is not so good.

Cheers,

私人傳訊

busiuhk

積分: 1090

10^#

發表於 10-1-25 21:44 |只看該作者

我都遇見類似的問題，ＢＢ８個幾月大，之前係屋企人同工人湊，夜晚同假日自己跟返，同埋係食人奶。ＢＢ六月同始我全職湊佢，但我發覺ＢＢ對工人的反應大過對我，可能工人識同佢玩。其實我都用左好多時間係ＢＢ身上同佢玩，但係有時例如我餵緊佢食野，工人行過，阿囝又會掛住望佢。有時我同阿囝玩緊，工人無端端行過叫佢，佢又唔記得同我玩緊。其實我都幾唔鍾意，但又好似佢錫阿囝先咁姐，所以都唔知點開口叫佢唔好騷擾，但係個心又唔舒服。

同埋唔知點解阿囝學工人的野好快，例如工人成日用口"lok lok"發聲，阿囝又扮佢，我都幾唔鍾意阿囝學佢，我同工人講叫佢唔好咁，佢話都唔係Ｄ唔好既野...無聲出!!

唔知應該點好?

私人傳訊

游泳寶寶